Бывальцев, Михаил Николаевич
| Михаил Николаевич Бывальцев | |
|---|---|
| Вордӥськем нуналыз | 15-тӥ толсуре 1908 |
| Вордӥськем интыез | Атасгурт, Глаз утем, Ватка губерния |
| Кулон нуналыз | 1941 |
| Ужудысэз | композитор |
Михаи́л Никола́евич Быва́льцев — удмурт крезьгурчи, крезьгуро фольклорез бичась.
Вордӥськиз туала Балезино ёросысь Атасгуртын (ӟуч сямен Петухово) 2 толсуре 1908 аре. Пинал дырысеныз ик Михаил туж яратӥз удмрут калык крезьгурез. Солэн атаез баянэн, бубенэн, пу пуньыосын усто шудэ вал, та устолыклы нылпиоссэ но дышетъяз.
Быдӟым отечественной ож кутскем азьын.
Удмурт крезьгуро фольклорез бичанын нырысетӥ вамышъёссэ Бывальцев лэсьтӥз театрально-художественной техникумын дышесткем дыръяз ик, тодмо ӟуч композитор Дмитрий Васильев-Буглай кивалтэм улсын ортчытэм фольклор экспедицын. Со дырысен Бывальцев удмурт калык кырӟанъёсты люкан бордын дугдылытэк ужа, Муское кошкыса ини но та ужез ӧз кушты: со пумиське ӵапак со дыре Мускоысь консерваториын дышетскем Григорий Титовен но солэсь кӧня ке кырӟанъёс гожтыса кельтэ.
Ваньзэ Михаил Бывальцев ог сю удмурт калык крезьгуръёс гожтыса кельтэм.
Аполлон Каторгинэн ӵош гуртъёсы пота, усто куараосын адямиосты хоре люканы юрттэ.
1941 арын, война кутскыку, Михаил Бывальцев калык ополчение пыриз но Мускоез немец ожгарчиослэсь утёнын бырыны шедиз.
Литература
- [Греховодова И. Н.] М. Н. Бывальцев // Путь к удмуртской опере. Ижевск, издательство «Удмуртия», 1969. 50-51 бб.