Скурыгин, Герман Анатольевич

Герман Скурыгин
Герман Скурыгин
Огъя тодэтъёс
Быдэс нимыз	Герман Анатольевич Скурыгин
Вордӥськем дырыз но интыез	15-тӥ куарусёнэ 1963; Вутно, Удмуртия, СССР
Кулэм дырыз но интыез	28-тӥ шуркынмонэ 2008 (45 арес); Ижкар, Россия
Кунмуртлыкез	Россия
Ӝуждалаез	164 см
Секталаез	61 кг
Тренеръёс	Виктор Чёгин; Леонид Вахрушев
IAAF	4979
Пыдын ветлонъя вормонъёсыз
20 км	1:22,12 (1988)
30 000 м	2:08.21,0 (2001) NR
30 км	2:05,37 (1998)
35 км	2:25,58 (1998)
50 000 м	3:59:42,0 (1992)
50 км	3:36,42 (2003)
Юрт пушкын пыдын ветлонъя вормонъёсыз
5000 м	19:43,0 (2002)
Калыккуспо медальёсыз
Дунне чемпионат
Дунне чемпионат

Ге́рман Анато́льевич Скуры́гин (15-тӥ куарусёнэ 1963^[1], Удмурт Элькун — 28-тӥ шуркынмонэ 2008, Иж) — Россиысь капчи атлетикаен вырись, дуннеысь чемпионатлэн азьвесь призёрез, спорт амалэн ветлонъя калыккуспо классъем спортъя мастер, Россиысь куинь полэс чемпион. СССР-лэн но Европалэн Кубокъёссыллэн кузёзы. Россиысь спортъя дано мастер.

Кык час кыстӥськись, 30 сюрс но 35 сюрс мертъёсы пыдын ветлонъя йӧскалык рекордъёсты быдэстӥсь^[2].

Улон сюресэз

Вордӥськиз 1963-тӥ арын 15-тӥ куарусёнэ Дэбес (али — Сьӧлта) ёросысь Вутно гуртын. 12 пинал пӧлысь со дас одӥгетӥез вал. Школаын дышетскыкуз ик, волейболэн, куасъёсын, радиоспортэн, спортъя ориентированиен, туризмен выриз — ваньмыныз, спорт амалэн ветлонэн сяна. ГТО-лэсь нормаоссэ быдэсъяз. Школаез йылпумъяса, Ижысь механикая институтысь приборостроениея факультетэ дышетскыны пыриз. 2-тӥ курсысен физкультураен занятиоссы йылпумъяськем бере, Скурыгин капчи атлетикая секцие гожтӥськиз. Нырысетӥ вормонзэ дуриз 1976-тӥ арын, Удмуртиысь Первенствоын 3-тӥ инты басьтыса. Нош вуоно араз «Буревестник» спорт огазеяськонлэн первенствояз 20 иськем дистанциын 1-тӥ интые потӥз.

1978-тӥ арын Калининградын ортчем Россиысь ӵошатсконъёсын финише 2-тӥ вуиз. Вуоно араз РСФСР-ысь профсоюзъёслэн сборноязы пыриськыса, кужымзэ эскериз Россилэн Кубоказ. Татын быгатонлыкъёссэ возьматэмез бере СССР-лэн сборнояз кутэмын. 1980-тӥ арын Олимпиадае нырысетӥ воштӥсь сямен ветлӥз, но отын нокин интые но ӵошатскыны ӧз кылды. 1981-тӥ арын Румыниын ортчем Универсиадае пыриськиз, Валенсиын радъям дуннеысь Кубокын командаен 1-тӥ инты басьтӥз.

Спорт амалэн ветлонъя СССР-ысь Кубокъёсы но чемпионатъёсы пыриськылӥз но призовой интыосы поталляз. Мукет вормонзэ кырмиз 1987-тӥ арын Нью-Йоркын радъям дуннеысь Кубокын. 1993-тӥ арын Штутгартын дуннеысь первенствоын 50 иськеме ветлонын 22-тӥ инты басьтӥз. 1999-тӥ арын Севильяын ортчем дуннеысь чемпионатын Скурыгин финише нырысь ик вуиз, но допинген нюръяськонъя правилоосты тӥямез понна, 2 ар ортчыса, сое дисквалифицировать каризы но зарни медальзэ Ивано Брунетти итальянецлы сётӥзы. 2003-тӥ арын Парижын спорт амалэн 50 иськеме ветлонъя ӵошатсконын финише 2-тӥ вуиз. Озьы ик азвесь медаль утӥз 2002-тӥ арын дуннеысь Кубокын, нош 2003-тӥ арын та дисциплинаын ик зарни^[3] вормиз.

2001-тӥ арын 9-тӥ куарусёнэ куинь йӧскалык рекорд пуктӥз: Россилэн Кубокез понна кык часъем пыдын ветлонын, 30 сюрс но 35 сюрс метре ветлонын. Берпуметӥзэ Скурыгин стартэ потӥз 2005-тӥ арын Россилэн чемпионатаз, соку спортсмен 4-тӥ инты басьтӥз^[4].

Берло дыре тренер^[5] луыса ужаз.

Кулэмез

Улонысь кошкиз 2008-тӥ арын 46 аресказ, сюлэмыз дугдэмен^[3]^[6].

Буре ваён

Герман Скурыгинэз буре вайыса, Удмуртиын пӧртэм ужрадъёс ортчыло: адӟытонъёс, ӵошатсконъёс^[7].

Озьы ик учке

Валэктонъёс

↑ German Skurygin // World Athletics Database
↑ 100 выдающихся личностей Удмуртии. Скурыгин Герман Анатольевич
↑ ¹ ² Ушел из жизни Герман Скурыгин [ӟуч] Rusathletics. Эскеремын 2014-01-03 арын
↑ | В Ижевске попрощались с рекордсменом мира по спортивной ходьбе [ӟуч] Комсомольская правда - Ижевск.
↑ Их именами славен край Селтинский [рус.] Селтинская районная библиотека.
↑ В Ижевске попрощались с рекордсменом мира по спортивной ходьбе [ӟуч] Комсомольская правда - Ижевск.
↑ Екатерина Угланова. В Ижевске пройдут соревнования памяти Германа Скурыгина, ИА "Удмуртия" (22.04.2011). Эскеремын: 10 пӧсьтолэзе 2024 арын.

Чӧлсконъёс

Скурыгин, Герман Анатольевич — профилез IAAF-лэн сайтаз [англи]

[_498b2f7a7b812271-1] German Skurygin // World Athletics Database

[2] 100 выдающихся личностей Удмуртии. Скурыгин Герман Анатольевич

[:2-3] ¹ ² Ушел из жизни Герман Скурыгин [ӟуч] Rusathletics. Эскеремын 2014-01-03 арын

[4] | В Ижевске попрощались с рекордсменом мира по спортивной ходьбе [ӟуч] Комсомольская правда - Ижевск.

[5] Их именами славен край Селтинский [рус.] Селтинская районная библиотека.

[6] В Ижевске попрощались с рекордсменом мира по спортивной ходьбе [ӟуч] Комсомольская правда - Ижевск.

[7] Екатерина Угланова. В Ижевске пройдут соревнования памяти Германа Скурыгина, ИА "Удмуртия" (22.04.2011). Эскеремын: 10 пӧсьтолэзе 2024 арын.

[1]

[2]

[3]

[4]

[5]

[6]

[7]