Призывниклэн нуналыз
| Россиысь призывниклэн нуналыз | |
|---|---|
 | |
| Типез | Кун праздник |
| Мукет сямен | «Призывниклэн нуналыз» |
| Юнматэмын | 1992-тӥ арын Россилэн азьмуртэзлэн Б. Н. Ельцинлэн косэтэзъя |
| Пусъё | Росси Федерация |
| Пусъён ужрадъёс | 15-тӥ шуркынмонэ |
| Сям-йылолъёс | армие мынӥсь егит пияшъёс понна радъям военно-патриотической ужрадъёс |
| Герӟаськемын | сӥзьыл призывен |
Россиысь призывниклэн нуналыз (ӟуч: Всероссийский день призывника) — россиысь призывникъёслэн нуналзы. 1998-тӥ арын 28-тӥ южтолэзе кутэм «воинской обязанность но военной служба сярысь» № 53-ФЗ номеро Федерал Катын 18 аресысен 27 аресозь воргоронъёс Россилэн Ожгар Кужымъёсаз срочной военной службазэс нуыны кулэ шуыса гожтэмын. Призывниклэн нуналыз Россиын арлы быдэ 15-тӥ шуркынмонэ пусйиське. Шутэтскон нунал уг луы[1][2].
Историез но пусъён ужрадъёс
1992-тӥ арын Росси Федерацилэн Президентэзлэн Борис Николаевич Ельцинлэн косэмезъя кылдытэмын «Россиысь призывниклэн нуналыз»[3][4]. Солэн валтӥсь мугез ― военной службалэсь йӧскалык кулэлыксэ но данзэ будэтон, егитъёс пӧлын военно-патриотической визьнодан ужез вӧлмытон[5]. Та нунал Россиысь Ожгар Кужымъёслэн радазы сӥзьыл призывлы тупа[6].
Призывниклэн нуналыз кемалась ик кылдытымтэ ке но, Россиын сое пусъён йылолъёс пыӵаны кутскизы ни. Та нуналэ куд-ог каръёсын сӥё-дано но военно-патриотической ужрадъёс ортчыло. Армие мыныны дасяськем пияшъёс понна военной частьёсы но музейёсы экскурсиос радъясько[7], призывникъёслэн анай-атайёссы пӧлын валэктон уж нуиське. Ӵем дыръя призывникъёс пумиськыло Быдӟым Атыкай оже пыриськем муртъёсын но контртеррористической операциосы пыриськемъёсын. Кышкасьтэм но сэзь ожгарчиослы пуктэм синпелетъёс доры, музейёсы, ожтӥрлыклы сӥзем адӟытонъёсы, тодмо ож интыосы вуыло[8].
Призывниклэн нуналэз улсын спецназысь военнойёслэн демонстрационной выступлениоссы но войскоослэн парадъёссы ортчо[9].
Москваын, котьку сямен, призывникъёс Поклонной гурезе люкаськыло, отын дано карауллэн показательной выступлениосыз ортчыло, Быдӟым атыкай ожлы сӥзем музейын экскурсиос радъясько.
Праздниклэн инлыкез
Призывниклэн нуналыз огшоры ужан нунал лыдъяське, со Россиысь шутэтскон нуналъёс пӧлы пыртэмын ӧвӧл[10]. Та нунал озьы ик ӧвӧл пыртэмын «Россилэн данлыко но буре ваён нуналъёсыз сярысь» катэ[11].
Росси Федерацилэн распоряжениезъя праздниклы буре ваён нунал инлык сётэмын[12][13]. 1992-тӥ арын 12-тӥ шуркынмонэ поттэм 678-рп распоряжение (кудӥзъя кылдытэмын праздник), кылдытэм дырысеныз ӧз вошъяськылы, озьы ке но, призывез чаклась катрадлыке трос воштэтъёс пыртылэмын[14].
Валэктонъёс
- ↑ Призывной возраст в России в 2024 году: до скольки лет призывают в армию Армихелп.
- ↑ День призывника [ӟуч]
- ↑ Распоряжение Президента РФ от 12.11.1992 N 678-рп «О проведении Всероссийского дня призывника» Гарант.
- ↑ Распоряжение Президента РФ от 12 ноября 1992 г. № 678-рп «О проведении Всероссийского дня призывника» Ельцин-центр.
- ↑ В армию идти готовы Вечерний Челябинск.
- ↑ Указ Президента Российской Федерации от 22.09.1992 г. № 1119 Кодекс.
- ↑ Всероссийский день призывника Позвони маме.
- ↑ Всероссийский день призывника. Справка РИА Новости.
- ↑ Всероссийский день призывника Эскеремын 2009-11-14 арын
- ↑ Статья 112. Нерабочие праздничные дни КонсультантПлюс.
- ↑ Федеральный закон «О днях воинской славы и памятных датах России» КонсультантПлюс.
- ↑ Всероссийский день призывника sovetmo-spb.ru.
- ↑ К Всероссийскому дню призывника Йолдаш.
- ↑ Изменения в призыве в армию в 2025 году Армихелп.