Чувыгин, Николай Александрович
| Николай Александрович Чувыгин | |
|---|---|
 | |
| Вордӥськем нуналыз | 5-тӥ шуркынмонэ 1929 |
| Вордӥськем интыез | Александровка, Грах ёрос, УАО, РСФСР, СССР |
| Кулон нуналыз | 25-тӥ куартолэзе 2019 (89 лет) |
| Кулэм интыез | |
| Кун | |
| Ужудысэз | режиссёр, актёр, драматург |
| Данъетъёсыз |
 |
Никола́й Алекса́ндрович Чувы́гин (5-тӥ шуркынмонэ 1929, Грах ёрос — 25-тӥ куартолэзе 2019, Иж) — совето но росси режиссёр но драматург, артист но публицист, Кизнерысь «Родники» калык театрлэн кылдытӥсез нo режиссёрез. Рoссиысь но УАССР-ысь культура удысын сиё-данo ужась.
Улон сюресэз
Вордӥськиз 1929-тӥ арын 5-тӥ шуркынмонэ Грах ёросысь Александровка гуртын[1]. 6 арес дыръяз семьяез Кизнере улыны кошкиз. Кизнерысь шор ёзо школаез йылпумъямез бере Николай Чувыгин Кузон университетысь филологияя фальтетэ дышетскыны пыриз. Собере, 1957-тӥ-1962-тӥ аръёсы, тодон-валанзэ Ленинградысь театръя институтын муромытӥз[2].
Удмуртие берытскыса, тыршиз Кизнерысь «Новая жизнь» редакциын, собере — «Удмуртская правда» газетын, «Строитель» культурая юртын, Ижысь техникая кун университетын кунсьӧр кылъя дышетӥсь вал[2].
Котькыӵе ужаз бадӟым саклык висъяз лулчеберетлы. ИжГТУ-ын студентъёслэсь театрзэс кылдытӥз. Ӵапак со театр «Студенческая весна» росси фестивальлэн кичӧлтӥсез луиз, уно вожвылъяськонъёсы но фестивальёсы пыриське[1].
Кизнерын Чувыгин 1972-тӥ арын «Родники» театр кылдытӥз но кема аръёс ӵоже солэн режиссёрез вал. Та театрлы «калык театр» ним сётӥзы[3].
Эшшо огзэ театръя коллективез люказ Грахын[1].
Улонысь кошкиз 2019-тӥ арын 25-тӥ куартолэзе Ижын[2].
Творчество
Чувыгин уно пьесаос гожтӥз. Солэн сценарийёсызъя спектакльёс Удмуртиысь пӧртэм театръёсын мыно. Озьы ик соос пыризы «Удмуртия» издательствоын поттэм «Прости меня, мама…» (2011) но «Нас обманул апрель» (2012) пьесаосын бичетъёсы[1].
Огаз презентацияз Россиысь дано артист, режиссёр В. Сафонов но Россиысь калык артистка В. Садаева пусйизы, Удмуртиын али дыре Николай Чувыгинэз гинэ ӟуч кылын гожъясь зэмос драматург ниманы луэ шуыса[4].
Сценарийёс сяна, Н. Чувыгин мукет материалъёс но гожъяз, печатласькиз элькун газетъёсын. Тодэ ваёнъёсыныз «На всю оставшуюся жизнь» (2011) книга поттӥз[1].
Данъетъёсыз но нимъёсыз
- УАССР-ысь лулчеберет удысысь дано ужась
- Россиысь лулчеберет удысысь дано ужась[3]
Библиография
- Чувыгин, Николай Александрович (1929-). Ижевская рапсодия [[Текст] :] : пьесы / Николай Чувыгин. — Ижевск : Удмуртия, 2016. — 118, [2] с.
Валэктонъёс
- ↑ 1 2 3 4 5 5 ноября 1929 г. [ӟуч] Знаменательные и памятные даты. 2014 год.
- ↑ 1 2 3 М. М. Козлов Прощай, наш друг Н.А.Чувыгин [ӟуч] Граховский районный краеведческий музей имени Ашальчи Оки.
- ↑ 1 2 Народный театр «Родники» [ӟуч] Кизнерский МРДК «Зори Кизнера».
- ↑ Презентация книг Н. А. Чувыгина [ӟуч] Кизнерская МЦРБ.
Литература
- Козлов М. М. Граховский звездопад. — Ижевск, 2002. — C. 73-75.