Садаева, Вероника Алексеевна

Рувикиын таӵе фамилиен мукет муртъёс сярысь гожтосъёс вань. Учке: Корепанов.

Вероника Садаева (Корепанова)
Вордскыкуз сётэм нимыз	Вероника Алексеевна Садаева
Вордӥськем дырыз	28-тӥ толшоре 1939({{padleft:1939|4|0}}-{{padleft:1|2|0}}-{{padleft:28|2|0}})
Вордӥськем интыез	Шаркан ёрос, Удмурт Автономной Советской Социалистической Республика, РСФСР, СССР
Кулэм дырыз	23-тӥ коньывуонэ 2021({{padleft:2021|4|0}}-{{padleft:10|2|0}}-{{padleft:23|2|0}}) (82 года)
Кулэм интыез	Иж, Россия
Кунмуртлыкез	СССР СССР →Россия Россия
Ужудысэз	актёр
Театр	Грозныйысь М. Ю. Лермонтов нимо драмая ӟуч театр, Забайкальеысь драмая улосвыл театр, В. Г. Короленко нимо драмая ӟуч театр, Удмурт Элькунысь йӧскалык кун театр
Данъетъёсыз

Сада́ева (Коре́панова) Верони́ка Алексе́евна (28-тӥ толшоре 1939, Шаркан ёрос, Удмурт Автономной Советской Социалистической Республика — 23-тӥ коньывуонэ 2021, Иж) — театрысь совето но росси актриса, РСФСР-ысь дано артистка но РСФСР-ысь калык артистка.

Улон сюресэз

Вордӥськиз 1939-тӥ арын 28-тӥ толшоре Удмурт АССР-ысь Шаркан ёросысь Табань гуртын. Укмыс нылпиос пӧлысь бадӟымез вал. Анаез но сюратаез будэтӥзы. Селычка школаысь покчи классъёсты йылпумъямез бере Якшур-Бӧдья шор ёзо школаын дышетскиз. Пичи дырысеныз гуртазы творчествоен вырисьёсын ӵош концертъёсы пыриськиз.

1961-тӥ арын Ленинградысь театръя, крезьгуръя но кинематографияя кун институтэз отличиен йылпумъяз (дышетӥсез — К. Ф. Степанов-Колосов).

1961-тӥ—1963-тӥ аръёсы Грозныйысь М. Ю. Лермонтов нимо драмая ӟуч театрын шудӥз. 1967-тӥ—1968-тӥ аръёсы Читаысь драмая улосвыл театрлэн сцена вылаз пӧртэм рольёсты быдэстӥз. 1968-тӥ—1969-тӥ аръёсы Ижкарысь В. Г. Короленко нимо драмая ӟуч театрын актриса вал. 1969-тӥ—1970-тӥ аръёсы Сарапулысь драмая кар театрын ужаз.

1961-тӥ—1963-тӥ аръёсы но 1971-тӥ арысен Удмуртиысь драмая йӧскалык театрын шудӥз. Удмурт театрлэн сцена вылаз оглом 50-лэсь трос пӧртэм рольёсын потаз.

Вероника Алексеевна театре репетициосыз ӧвӧлтэм дыръя но вуылӥз. Шудэмъёсамы янгышсэ адӟыкуз, котьку дэмла вал, кызьы умойгес луоз. Текстэн ужаны дышетылӥз. Шуэ вал: котькуд кылын аслаз смыслэз, сое валаны, шараяны но учкись дорозь вуттыны кулэ.

— Удмуртиысь дано артистка Елена Сунцова

2021-тӥ арын 23-тӥ коньывуонэ Вероника Садаева реанимациын улонысь кошкиз.

Семьяез

• Нырысетӥ картэныз, Чечняысь студентэн, театральной институтын тодматскиз. Хасан пизы вордӥськиз. Но ӝоген кузпалъёс люкиськизы. Хасанэз нырысь-валысь бубиныз улӥз, но атаез кыкетӥзэ кышнояськемез бере песянаез вӧзын будӥз.

• Садаевалэн кыкетӥ кузпалыз — актёр Борис Геннадьевич Корепанов, тодмо удмурт гожъяськисьлэн Дмитрий Иванович Корепановлэн (литературая псевдонимез Кедра Митрей; 1982—1949) внукез. Пизы — Алексей Корепанов, Венгриын улэ.

Данъетъёсыз но премиосыз

• Удмурт АССР-ысь дано артистка (1967);
• Удмурт АССР-ысь калык артистка (1977);
• РСФСР-ысь дано артистка (5.11.1980);
• РСФСР-ысь калык артистка (13.01.1988);
• Лыдӟисьёслэн «Моно-лир» вожвылъяськоназы «Со ожысь вир» литературая циклэз быгатыса быдэстэмез понна «Поэзия» номинациын лауреат.

Вероника Садаевалэн нимыз Удмурт АССР-ысь ужысь данлыкъя но героизмъя Данъян книгае пыртэмын.

Театрын ужез

Вероника Садаева 100 пала рольёсты шудӥз.

Удмурт театрын ужатозяз, тумошо учыръёсы сюрылӥз. Кылсярысь, «Бызьыны вуэм песяйёс» спектакльын Авдотьялэсь рользэ быдэстон сямен Вероника Садаева сцена вылын ик умме усиз. Сценарийя угось солэн героиняез быдэс нырысетӥ актаз валес вылын кылле. Валтӥсь герой ужъюлтошезлэсь умме усемзэ валаса, койка пумез учкисьёслы адсконтэм каллен пыдыныз ӵыжиз.

Удмурт театрлэн сцена вылаз — Вероника Садаева, Галина Владыкина но Раиса Нефёдова актрисаос. 2014-тӥ ар

• «Упрямые сердца» — инженер Еланина;
• «Грушенька», Н. С. Лесковлэн «Очарованный странник» веросэзъя И. Шток — Грушенька;
• «Божественная комедия», И. Шток — Ева;
• «Леди Макбет Мценского уезда», Н. С. Лесков — Катерина Измайлова;
• «Остров Афродиталэн шормуӵез» «Остров Афродиты», А. Парнис — Кэт;
• «Как поживаешь, парень?», В. Панова — Оля;
• «Враги», М. Горький — Татьяна;
• «Правда хорошо, а счастье — лучше», А. Н. Островский — Фелициата;
• «Капитанская дочка», А. С. Пушкин — Миронова Василиса Егоровна;
• «Гроза», А. Н. Островский — Кабанова;
• «На бойком месте», А. Н. Островский — Евгения;
• «Прошлым летом в Чулимске», А. Вампилов — Кашкина;
• «Медея», Еврипидлэн, Сенекалэн но Ануялэн произведениосызъя — Медея;
• «Без вины виноватые», А. Н. Островский — Кручинина;
• «Наша единственная», Е. 3агребин — Такъян;
• «Волшебный пестерь», Ю. Власов — дочь Водяного;
• «Соломенная сторожка», Юлиу Эдлис — пожилая женщина;
• А. Толстойлэн «Молодильные яблоки» выжыкылысь мотивъёсызъя — Яг Баба (мӧйыэз);
• «Матронлэн егит картэз, яке Атас Гири — 2», А. Григорьев — Матрон;
• «Художник но Надежда», П. Зорин — Дуня баба;
• «Намер», А. Григорьев — пересьмем Анна;
• «Горе от ума», А. Грибоедов — Хлёстова пересь;
• Г. Медведевлэн «Лозинское поле» романэзъя «Бутырес тулыс» — Кыть Надька;
• «Две зимы и три лета» Ф. Абрамовъя — Анфиса Петровна Минина;
• «Кам вадьсын гудыръя», С. А. Самсонов — Насьта;
• «Смешной день», В. Покровский;
• «Золушка» — сюранай;
• «Мы — эхо…»;
• «Мултан уж» — Судлэн тӧроез;
• «Птичье молоко» — Царица;
• «Бызьыны вуэм песяйёс» — Авдотья;
• «Отцы и дети», И. С. Тургенев — Арина Власьевна.

Валэктонъёс

Чӧлсконъёс

• Садаева (Корепанова) Вероника Алексеевна [ӟуч]