Нефёдова, Раиса Геннадьевна
| Раиса Нефёдова | |
|---|---|
 | |
| Вордӥськем дырыз | 19-тӥ тулыспалэ 1947 (79 лет) |
| Вордӥськем интыез | |
| Кунмуртлыкез | |
| Ужудысэз | актриса |
| Ужан аръёсыз | 1973—али дырозь |
| Театр | Удмурт Элькунысь йӧскалык кун театр |
| Данъетъёсыз |
 |
Раи́са Генна́дьевна Нефёдова (ворд. 19-тӥ тулыспалэ 1947, Ушур[d], Балезино ёрос, Удмурт Автономной Советской Социалистической Республика, СССР) — удмурт актриса. Удмурт Элькунысь калык актриса (1994)[1][2].
Улон сюресэз
Раиса Нефёдова вордӥськиз 1947-тӥ арын 19-тӥ толсуре Удмурт АССР-ысь Балезино ёросысь Ушур гуртысь крестьян семьяын. 1965-тӥ арын Нововолково гуртысь шор ёзо школаез йылпумъяз, отӥяз Ушур школаын воспитатель, «Ушур» колхозысь комсомол огазеяськонлэн секретарез луыса ужаз[3][4]. Со вакытэ ик школаысь коллективен ӵош концертъёс радъялляз, сценкаосы пыриськылӥз, кылбуръёс лыдӟылӥз[4].
Отӥяз Удмурт пединститутлэн заочной люкетаз пыриз, но ар ортчыса, газетысь театральной училищеысь йӧскалык студие кутон сярысь ялон адӟиз. Конкурс пыр потӥз[4].
1968-тӥ—1973-тӥ аръёсы Раиса Нефёдова Мускоысь Б. В. Щукин нимо театр училищеын дышетскиз. Удмуртие драмаысь, киноысь но эстрадаысь актрисалэн дипломеныз берытскемез бере Удмурт драмтеатрын ужаны ӧдъяз[3]. Сцена вылын шудэм сяна, театрысь партийной огазеяськонэн кивалтӥз но директорлэн воштӥсез вал[4].
Актрисалэн ӟуч, озьы ик удмурт спектакльёсын шудэм пӧртэм пумо сюлэсь ятыр рольёсыз. «Мае кизид, сое аралод» (ӟуч: Что посеешь, то и пожнёшь) постановкаын Катериналэн ролез 1992-тӥ арын устоез нылкышно ролен пусъемын вал[5].
Актёр ужзэ быдэстэм сяна, Нефёдова художественной фильмъёсты удмурт кылэ гожтонэ-берыктонэ пыриськиз[2]. Уно аръёс ӵоже «Пурга кизилиос» центрын дышетӥз[4].
Семьяез
Раиса Нефёдова кузпалъяськемын вал. Пётр Романов картэныз (1948—2023) — Удмуртиысь калык артистэн но Россиысь дано артистэн — Ксения нылзэс будэтӥзы[4][6].
Быръем спектакльёсыз но рольёсыз
- «Женитьба», Н. Гоголь — Арина Пантелеймоновна;
- «Машенька», А. Афиногенов — Нина Александровна;
- «Катерина Измайлова», Н. Лесков — Мария;
- «Выходили бабки замуж», Ф. Буляков — Поля;
- «Мае кизид, сое аралод» — Катерина;
- «Вордӥськон» (ӟуч: Рождение), И. Гаврилов но А. Блинов — Варвара;
- «Жингрес сӥзьыл» (ӟуч: Звонкая осень), И. Гаврилов — Балышкен;
- «Пужъятэм дэрем» (ӟуч: Вышитая рубашка), И. Гаврилов — Грациана;
- «Асьмелэн со одӥг» (ӟуч: Наша единственная), Е. Загребин — Дарья;
- «Эмезь кисьмаку» (ӟуч: Малиновая пора), А. Григорьев — Иванова;
- «Атас Гири» (ӟуч: Гришка Петухов), А. Григорьев — Матрон.
Валэктонъёс
- ↑ Туганаев, 2008, с. 504.
- ↑ 1 2 Загребин, 2012, с. 338.
- ↑ 1 2 Христолюбова, 2002, с. 244.
- ↑ 1 2 3 4 5 6 Нефёдова Раиса Геннадьевна [удм.] Воршуд (13-02-2004). Эскеремын 2026-02-22 арын
- ↑ Христолюбова, 2002, с. 245.
- ↑ Нина Михайлова (06-06-2012) Адями паймыны кулэ [удм.] Удмурт дунне. Эскеремын 2026-02-22 арын
Литература
- Нефёдова Раиса Геннадьевна // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 504. — 768 с. — 2200 экз. — ISBN 978-5-7659-0486-2.
- Нефёдова Раиса Геннадьевна // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 338. — 540 с. — 300 экз. — ISBN 978-5-901304-62-4.
- Христолюбова Л. С. Удмуртские женщины. XX век. — Ижевск: Удмуртский институт истории, языка и литературы УрО РАН, 2002. — С. 244—245. — 448 с. — 600 экз. — ISBN 5-7691-1149-6.