Романов, Пётр Михайлович

Пётр Михайлович Романов
Пётр Михайлович Романов
Вордӥськем нуналыз	20-тӥ куарусёнэ 1948 (77 арес)
Вордӥськем интыез	Асангурт, Алнаш ёрос, УАССР, СССР
Кулон нуналыз	27-тӥ тулыспалэ 2023 (74 года)
Кулэм интыез	Иж, Россия;
Кун	СССР; Россия;
Ужудысэз	Актёр
Данъетъёсыз

Рома́нов Пётр Миха́йлович (20-тӥ куарусёнэ 1948, Асангурт — 27-тӥ тулыспалэ 2023, Иж) — совето но росси артист, театрын но киноын шудэм актёр. Росси Федерациысь дано артист, Удмуртиысь калык артист.

Улон сюресэз

Вордӥськиз 1948-тӥ арын 20-тӥ куарусёнэ Алнаш ёросысь Асангуртын колхозникъёслэн семьяязы. Атаез — Быдӟым оже пыриськем но отысь сӧсырмыса бертэм мурт, анаез фронт мышкын тыршемын^[1].

Пётр пичи дырысеныз колхозын ужаз. Дышетскиз нырысь Асан школаын, собере — Алнаш шор ёзо школаын. Ремесленной училищеез йылпумъяса, вордскем гуртаз берытскиз но киномеханик луыса ужаны кутскиз^[2].

1968-тӥ арын Б. В. Щукин нимо вылӥ театральной училищее пыриз, йӧскалык студиын дышетскиз^[1]. Студент аръёсаз «Белорусский вокзал» но «Офицеры» фильмъёслэн трос муртэн сценаосазы шудӥз, озьы ик Вахтангов нимо театрын «Человек с ружьём», «Антоний и Клеопатра», «Золушка» но мукет спектакльёсы пыриськиз^[2].

Дышетсконзэ йылпумъям бере, 1973-тӥ арысен, Удмурт йӧскалык театре интыяськиз. 50 ар ӵоже 150-лэсь уно пӧртэм рольёсты шудӥз. Озьы ик пыриськиз «Пузкар» удмурт фильмлэн съёмкаосаз, отын со колхозлэсь предзэ шудӥз^[3].

Улонысь кошкиз 2023-тӥ арын 27-тӥ тулыспалэ^[4].

Семьяез

Пётр Романов кышнояськемын вал. Кузпалыз — Раиса Геннадьевна Нефёдова, Удмурт йӧскалык театрысь актриса, Удмуртиысь калык артистка^[3].

Данъетъёсыз но нимъёсыз

Росси Федерациысь дано артист
Удмурт Элькунысь калык артист^[4]

Быръем спектакльёсысь рольёсыз

Улэм потэ — Олёшка
Кык тол но куинь гужем — Михаил Пряслин
Ваменэс адями — Терентий Малышев (прототипез — тодмо совето агроном Терентий Мальцев)
Улӥськом-вылӥськом, шу… — Антон
Атас Гири — Майталов
Медея — Ясон
Сюлэм куара — Световидов
Жингрес сӥзьыл — Паримон
Маскара учыръёс — Базильский
Бугырес тулыс — Пылькин
Мултан уж — Петров Никифор
Золушка — король^[5]

Буре ваён

2024-тӥ арын Ижысь Удмуртской ульчаысь юрт борды, кудаз улӥз Пётр Романов, буре ваён пул шуккизы. Сое усьтон ужрадэ вуылӥзы Романовлэн ӵош ужам эшъёсыз, тодмоосыз но ӵыжы-выжыосыз^[6]^[7].

Валэктонъёс

↑ ¹ ² Алёна Ионина. Мон шудо но, шудтэм но [удм.] // Удмурт дунне. — 2008. — 5 толсуре. — С. 5.
↑ ¹ ² Евсеева, А. Я. Егит дырысь синмаськонэз — театр // Кенеш. — 2009. — № 4. — С. 65.
↑ ¹ ² Романов Петр Михайлович [ӟуч] Воршуд.
↑ ¹ ² Скорбная весть [рус.] Государственный национальный театр Удмуртской Республики.
↑ Романов Петр Михайлович [рус.] Государственный Национальный театр Удмуртской Республики.
↑ Дарья Ушакова Мемориальную доску народному артисту Удмуртии Петру Романову открыли на фасаде дома в Ижевске - udmurt.media [ӟуч] ИА "Удмуртия".
↑ Открытие мемориальной доски Петру Романову [рус.] Государственный национальный театр Удмуртской Республики.

[:0-1] ¹ ² Алёна Ионина. Мон шудо но, шудтэм но [удм.] // Удмурт дунне. — 2008. — 5 толсуре. — С. 5.

[:1-2] ¹ ² Евсеева, А. Я. Егит дырысь синмаськонэз — театр // Кенеш. — 2009. — № 4. — С. 65.

[:2-3] ¹ ² Романов Петр Михайлович [ӟуч] Воршуд.

[:3-4] ¹ ² Скорбная весть [рус.] Государственный национальный театр Удмуртской Республики.

[5] Романов Петр Михайлович [рус.] Государственный Национальный театр Удмуртской Республики.

[6] Дарья Ушакова Мемориальную доску народному артисту Удмуртии Петру Романову открыли на фасаде дома в Ижевске - udmurt.media [ӟуч] ИА "Удмуртия".

[:4-7] Открытие мемориальной доски Петру Романову [рус.] Государственный национальный театр Удмуртской Республики.

[1]

[2]

[3]

[4]

[5]

[6]

[7]