Пузкар (фильм)
| Пузкар | |
|---|---|
| Пузкар | |
| Жанрез | Драма, мелодрама |
| Режиссёрез | Сергей Наговицын но Константин Ложкин |
| Сценарийлэн авторез |
Дарали Лели |
| Операторез | Рафал Челек |
| Кинокомпания | Inwis kinopottonni |
| Кыстӥськемез | 80 |
| Кун | |
| Кылыз | Удмурт кыл |
«Пузкар» (ӟуч: Гнездо) — удмурт-поляк «INWIS» киностудилэн фильмез.
Та фильм Пётр Палганлэн Узы-Боры кино бере кыкетӥ ужез луиз.
Пуштросэз
Куинь егит удмурт пияшъёслы Ижысь одӥг коркаын улоно луэ. Куиньназы ик соос туж пӧртэмесь: Гаян (Максим Князев), дуннеез ас синмыныз адӟем егит журналист. Сюлэмызъя солы кельшо визьмо нылъёс. Малпа удмуртлыкез ӝутыны. Солэн нырысетӥ бускелез — Саша (Никита Моисеев), гуртысь пияш. Удалтэм йылпумъяз шор ёзо школаез. Мукетыз — Стёпа (Иван Плотников), гуртын улэмын, нош Ижкарын дышетске агрономлы. Соин со мӧзме гурт улонъя. Стёпалэн зарни киосыз, чылкыт лулыз но бадӟым яратон ас вордскем шаерез борды.
Киноын яратонлы но инты сюре. Геройёс синмасько, ярато, кытӥяз чупасько но. Удмурт нылъёс но пӧртэмесь: рос-прос Даша (Ксения Ворончихина), шаплы Арина (Наталья Алексеева) но востэм Таня (Надежда Наговицына). Ваньзэсты герӟа, огазея огыр-бугыр улон инты.
Радъясьёс
Туспуктон группа
- Режиссёръёс — Сергей Наговицын но Константин Ложкин;
- Сценарист но сопродюсер — Дарали Лели;
- Продюсер — Петр Палган;
- Суред пуктӥз — Рафал Челек;
- Куараоператор — Пшемек Дзенгел;
- Операторлэн ассистентэз — Любовь Киселёва;
Шудӥсь муртъёс
| Актёр | Роль |
|---|---|
| Никита Моисеев | Саша — гуртысь пияш, нош улэмын Ижын |
| Максим Князев | Гаян — егит журналист |
| Ксения Ворончихина | Даша — удмурт кылъя дышетӥсь |
| Наталья Алексеева | Арина — шаплы но мыло-кыдо нылаш |
| Иван Плотников | Стёпа — гуртын вордскем но будэм пияш. Малпа колхозэз ӝутыны |
| Надежда Наговицына | Таня — востэм нылаш |
Телепремьера
«Роликс» киноцентрын 26-тӥ тулыспалэ фильмлэн премьераез луиз[1].