Журналистъёслэн огкылысь луон нуналзы

Википедиысь материал
Журналистъёслэн огкылысь луон калыккуспо нуналзы
Независимые региональные журналисты 13.jpg
Типез Ӧнерлыко нунал
Официально англ. International Day of Journalists' Solidarity
Озьы ик Журналистъёслэн огкылысь луон нуналзы
Валатонэз Журналистъёслэн пумиськись шуг-секытъёссылы саклык висъян, ӧнерлыко долгзэсйӧно быдэсъясмзы понна сӥлы карон.
Юнматэмын 1958-тӥ ар
Кылдытӥсез Журналистъёслэн калыккуспо огазеяськонзы, ООН-лэн Генеральной Ассамблеяез, ООН
Пусъё Earth flag PD.jpg Калыккуспо нунал
Дырыз 8-тӥ куарусёнэ
Герӟаськемын 1943-тӥ арын 8-тӥ куарусёнэ Берлинын нацистъёс кужмысь быдтӥзы Юлиус Фучикез (чехословак журналист, литературной но театральной критик, публицист, чехословак коммунист партилэн азьветлӥсез).

Журналистъёслэн огкылысь луон нуналзы (ӟуч: Международный день солидарности журналистов, англ. International Day of Journalists' Solidarity) — журналистъёслэн, репортёръёслэн, корреспондентъёслэн огъя луон калыккуспо нуналзы, пусйиське быдэс дуннеын, 1959-тӥ арысен кутскыса, арлы быдэ 8-тӥ куарусёнэ. Юнматэмын ООН-лэн Генеральной Ассамблеяезныз, Журналистъёслэн калыккуспо огазеяськонзылэн решениеныз.

Историез

Журналистъёслэн огъя луон калыккуспо нуналзы юнматэмын ООН-лэн Генеральной Ассамблеяеныз1958-тӥ арын, Бухарестын Журналистъёслэн калыккуспо огазеяськонзылэн (МОЖ) IV конгрессазы кутэм решения[1][2]. МОЖ — журналистъёслэн дуннеысь тужгес вашкалаез но тужгес бадӟымез калыккуспо огназеяськонзы[3]. Нуналыз — 8-тӥ куарусёнэ быръемын вал.

Пусъён дырыз юнме быръемын ӧвӧл. Ӵапак та нуналэ, 1943-тӥ арын Берлинын, нацисъёс кужмысь виизы 1942-тӥ арын оштолэзе гестапоен пытсэт улэ кутэм чех журналистэз, литературной но театральной критикез, публицистэз, чех компартилэсь активистсэ Юлиус Фучикез  [ӟуч] (удм.. Пытсэтам улын но Юлиус ӧз куштӥськы ас ужудысэзлэсь, вакчи дыр куспын «Репортаж с петлёй на шее» книга гожтыны вуиз (чеш. Reportáž psaná na oprátce). Та ужез понна 1950-тӥ арын, кулэмез бере, Дуннелэн калыккуспо премиеныз  [ӟуч] (удм. пусъемын.

Нуналлэн валтӥсь ужпумез — Журналистъёслэн пумиськись шуг-секытъёссылы саклык висъян, ӧнерлыко долгзэс йӧно быдэсъясмзы понна сӥлы карон. Та нунал кыллэн эрико луэмез но ивортодэтъёс басьтыны эрикрадъёс сярысь тодэ вайытэ[1].

Германиысь марка, 1962-тӥ ар

Статистика

Журналистъёсты утёнъя комитетлэн  [ӟуч] (удм. 2024-тӥ арын басьтэм тодэтъёсызъя, 43 журналист виемын, 67 мурт чиптэм-чаптэм ышемын, 320 муртлэсь ятырез пытсэт улэ сюремын[4].

Герӟаськем событиос

2013-тӥ арын ООН-лэн Генеральной Ассамблеяез «Журналистъёслы пумит йыруж лэсьтонъёсты дугдытонлы сӥзем калыккуспо нунал» юнматӥз. Пусйиське арлы быдэ 2-тӥ шуркынмонэ[2].

Россиысь бырем журналистъёс[4]:

  • 2014-тӥ арын Россиын, ӧнер ужзэ быдэстыкузы, Украиналэн лымшорен шундыӝужан палаз, бырыны шедизы: «Россия сегодня» программалэн специальной фотокорреспондентэз А. А. Стенин  [ӟуч] (удм., Нырысетӥ каналлэн операторез А. С. Клян  [ӟуч] (удм., «Россия» телеканаллэн корреспондентэз но звукооператорез И. В. Корнелюк  [ӟуч] (удм. но А. Д. Волошин  [ӟуч] (удм. (кулэмзы бере Мужество орденэн пусъемын);
  • 2022-тӥ арын гудырикошконэ Москваын Одинцово ёросысь Можайской шоссеын, машинаез пуштэмен, бырыны шедиз журналист Дарья Дугина  [ӟуч] (удм.;
  • 2023-тӥ арын пӧсьтолэзе, асьме журналистъёсты ыбылыку, бырыны шедиз «РИА Новостиысь» военной корреспондент Р. И. Журавлёв  [ӟуч] (удм. (кулэмез бере Мужество орденэн пусъемын).

Ужрадъёс

Журналистъёслэн огъя луон нуналазы сямлы пӧрмем собраниосы но конференциосы быдэс дуннеысь пӧртэм кунъёсысь журналистъёс люкаськыло. Та ӧнер ужрадъёсы люкаськемъёс ас ужан амалъёссэс шараяло, пӧлысьтызы тужгес устооссэ данъетъёсын пусъё[4].

США-ын арлы быдэ журналистика, литература, театр но музыка удысын тыршисьёсты «Пулитцеровской премиен  [ӟуч] (удм.» данъеталляло[5].

2016-тӥ арын Москваын валтӥсь дунне изданиосын тыршись редакторъёс понна кунсьӧрын ужан амалъёсты вӧлмытонъя калыккуспо конференция ортчиз (Frankfurter Allgemeine Zeitung, The Wall Street Journal, Le Monde и The Associated Press), огдыре англи но француз кылъёсын трансляция радъямын вал[6].

2024-тӥ арын 10-тӥ куарусёнэ Даккаын (Бангладеш) Русский дом  [ӟуч] (удм. (Наукая но культурая росси центр) ивор вӧлмытӥсь ёзэтъёсын ужасьёс понна пресс-конференция ортчытӥз. Озьы ик отын росси кино «Чебурашка  [ӟуч] (удм.» возьматэмын вал[7].

Амели Мейер (Extinction Rebellion) интервью сётэ. Транспортъя министерство, Берлин, 18.11.22

Россиын

2014-тӥ арысен арлы быдэ та нуналэ «Камертон» премия  [ӟуч] (удм. сётӥське. Со премия кылдытэмын 2013-тӥ арын 30-тӥ гудырикошконэ, Россиысь Журналистъёслэн союззылэн секретариатэныз, 2006-тӥ арын вием «Новая газетаын» ужась журналистлэн А. С. Политковскаялэн  [ӟуч] (удм. вордӥськем нуналызлы сӥзьыса[8].

2020-тӥ арысен арлы быдэ Москваысь П. И. Чайковский нимо кун консерваторилэн  [ӟуч] (удм. Бадӟым залаз Россиысь журналистъёслэн союззы «Солидарность» премиен данъета[4]. Со премиен пусъемын вал:

  • 2020 — Е. М. Меркачёва (публицист, эрикрадэз утись, тюрьмаосысь но антикоррупционной расследованиосъя репоржжъёслэн авторзы). Джулиан Ассанж (Австралиысь журналист, WikiLeaks-эз  [ӟуч] (удм. кылдытӥсь);
  • 2021 — А. Д. Стариков (Baltnews-лэн  [ӟуч] (удм. валтӥсь редакторез), Анатолий Жданов («Коммерсант» газетысь фотокорреспондент). Дипломен пусъемын Зинаида Макарова («Углегорские новости» холдинглэн валтӥсь редакторез но генеральной директорез, Сахалин), А. С. Соколов (Москваысь кун консерваторилэн ректорез);
  • 2022 — Виктор Петренко (ДНР-ысь Журналистъёслэн союззылэн тӧроез), Л. В. Свидовсков (ЛНР-ысь Журналистъёслэн союззылэн тӧроез);
  • 2023 — И. Ю. Куксенкова (Нырысетӥ каналысь военной корреспондент), Кристель Нэан (Франциысь журналист, «Донбасс инсайдерлэн» валтӥсь редакторез).

2013-тӥ арын Чувашиын Аликовысь литературая но шаертодонъя музейын  [ӟуч] (удм. вашкала но туала газет-журналъёсын адӟытон усьтэмын вал: «Искра (газет)» (1900), «Правда (газет)» (1912), «Хыпар (газет)» (1906), «Колхоз ялавě» (1934), «Канаш» (1937), «Чăваш коммуни» (1948), «Коммунизм ялавě» (1961), «Красная Чувашия» (1946), ёрос газетъёс: «Колхоз хаçачě» (1949), «Ленин çулěпе» (1995), «Пурнăç çулěпе» (2000) но мукет[9].

2015-тӥ арын Москваысь консерваторилэн Бадӟым залаз «Бырем журналистъёсты буре вайыса», благотворительной программа ортчиз. Россиысь журналистъёслэн союззы «Камертон» премиен данъетаз: Г. Ю. Араповез (СМИ-лэсь эрикрадъёссэ утёнъя центрлэн  [ӟуч] (удм. директорез), Симфонической академи кун оркестрлэсь концерт программазэ[10].

2024-тӥ арын Чечен Элькунын Шарой ёрос библиотекаын периодикалы сӥзем час ортчиз. Отын ик радъямын вал газет-журналъёсын, тематической статьяосын, заметкаосын но книгаосын адӟытон[11].

Ингушетиын Йӧскалык библиотекаын «Их называют четвёртой властью…» нимо книгаосын адӟытон дасямын вал. Отчы кутэмын йӧскалык шаертодонъя отделлэн фондысьтыз материал: книгаос, брошюраос, библиографической указательёс, периодической изданиос (А. А. Мякиев «„Сердало“ 40 лет» (Грозный, 1964), «Золотые перья „Сердало“» бичет (Назрань, 1998), «Айшет Дударова: жизнь и творчество» (2019) но мукет)[12].

Татарстанын Лаишевоысь Кульура юртын чеберетлы сӥзем ужрад ортчиз[13].

2025-тӥ арын Москваысь П. И. Чайковский нимо консерваторилэн Бадӟым залаз «Камертон» премиен данъетан ужрад но «Жизнь бесценна — правда бессмертна» благотворительный концерт ортчиз. Отын чузъяськизы И. С. Бахлэн, В. А. Моцартлэн, Ф. Шубертлэн произведениоссы)[8].

Журналистика удысысь премия, Мальдивы, 2022-тӥ ар

Тунсыко зэмлыкъёс

  • «The Yomiuri Shimbun  [ӟуч] (удм.» — дуннеысь тужгес тодмоез газет, печатлаське Япониын. Сое 10 млн пала адями лыдӟе;
  • «Royal Report» — зарниен но бриллиантъёсын чебермам журнал;
  • Франциын улӥсьёс сиськыкузы но газет лыдӟо. Солы луыса, отын вуын сылмисьтэм кагазлэсь газет потто.
    Спорт журналистъёс

Валэктонъёс

  1. ↑ 1 2 Международный день солидарности журналистов [ӟуч] sfedu.ru (8.09.2023). Эскеремын 7 куарусёнэ 2025 арын
  2. ↑ 1 2 Как появился День солидарности журналистов [ӟуч] Союз журналистов России. Эскеремын 7 куарусёнэ 2025 арын
  3. ↑ 63 года исполняется сегодня Международной организации журналистов [ӟуч] tatar-inform.ru (8.06.2009). Эскеремын 7 куарусёнэ 2025 арын
  4. ↑ 1 2 3 4 Международный день солидарности журналистов, РИА Новости (8 куарусёнэ 2024). Эскеремын: 7 куарусёнэ 2025 арын.
  5. ↑ Международный день солидарности журналистов [ӟуч] whenisholiday.com. Эскеремын 7 куарусёнэ 2025 арын
  6. ↑ Международный день солидарности журналистов [ӟуч] mgimo.ru (14.09.2016). Эскеремын 7 куарусёнэ 2025 арын
  7. ↑ Международный день солидарности журналистов [ӟуч] Официальный сайт Россотрудничества. Эскеремын 7 куарусёнэ 2025 арын
  8. ↑ 1 2 Концерт, посвящённый Дню международной солидарности журналистов [ӟуч] muzobozrenie.ru. Эскеремын 7 куарусёнэ 2025 арын
  9. ↑ К Международному дню солидарности журналистов открыта выставка [ӟуч] alikov.cap.ru (7.09.2013). Эскеремын 7 куарусёнэ 2025 арын
  10. ↑ Концерт в Международный день солидарности журналистов, Рамблер/новости. Эскеремын: 7 куарусёнэ 2025 арын.
  11. ↑ «Международный день солидарности журналистов» 2024, Шаройский район — дата и место проведения, программа мероприятия., Культура.РФ. Эскеремын: 7 куарусёнэ 2025 арын.
  12. ↑ Пресс-служба. «Их называют четвертой властью…»: К Международному дню солидарности журналистов, Национальная библиотека Республики Ингушетия им. Дж. Х. Яндиева (6 куарусёнэ 2024). Эскеремын: 7 куарусёнэ 2025 арын.
  13. ↑ Международный день солидарности журналистов 2024, Лаишевский район — дата и место проведения, программа мероприятия., Культура.РФ. Эскеремын: 7 куарусёнэ 2025 арын.

Чӧлсконъёс

«https://udm.ruwiki.ru/w/index.php?title=Журналистъёслэн_огкылысь_луон_нуналзы&oldid=473689»-ысь басьтэмын