Пыӵал лэсьтӥсьёслэн нуналзы
| Пыӵал лэсьтӥсьёслэн нуналзы | |
|---|---|
 | |
| Юнматэмын | 2011-тӥ арын 3-тӥ толсуре |
| Пусъё | арлы быдэ 19-тӥ куарусёнэ |
Пыӵал лэсьтӥсьёслэн нуналзы (ӟуч: День оружейника) — Россиысь обороная промышленностьын ужасьёслэн ӧнер нуналзы, пусйиське 2012-тӥ арысен арлы быдэ 19 куарусёнэ. Юнматэмын Россилэн азьмуртэзлэн «Пыӵал лэсьтӥсьёслэсь нуналзэс юнматон сярысь» 2011-тӥ арын 3-тӥ толсуре поттэм 1578 номеро Косэтэзъя. Нуналыз, 19-тӥ куарусёнэ, Архангел Михаилэз, ин ожгарчиосты утисез сӥлы карон нуналлы тупатэмын.
Праздник нунал сярысь
Пыӵал лэсьтӥсьлэн нуналыз — Россиысь оружейникъёслэн праздниксы. Та нуналэ кунысь оборонно-промышленной комплексъёслэн ужъюртъёсазы пӧртэм ужрадъёс ортчыло[1]
Кун кивалтӥсьёс пыӵал лэсьтон удысын тыршись конструкторъёсты, инженеръёсты но кивалтӥсьёсты но производствоысь огшоры ужасьёсты ӧнер нуналэнызы ӟечкылало[1][2].
Историез
Пыӵал лэсьтӥсьёслэн нуналзы юнме шорысь быръемын ӧй вал: 19-тӥ куарусёнэ православной христианъёс данъяло Архангел Михаилэз, со пыӵал лэсьтӥсьёслэн утисьсы шуыса лыдъяське. Ӧнер нуналлэсь пусъён дырзэ быръён понна «Москва Кремль» музейной комплекс Москва Кремльысь Оружейной палаталэн кылдэмез сярысь историен герӟаськем тодэтъёс люказ. Солэн кылдон дырыз сярысь рос-прос пусъем тодэтъёс шедьтэмын ӧвӧл. Нырысьсэ «оружничий» нимын пусъем кагазъёс 1508-тӥ арын куарусён толэзе вутто. Озьы нималлям пыӵал лэсьтон, поттон, возён но тупатон понна кылкутӥсь муртэз. Та тодэтъёс вылэ пыкиськыса, пыӵал лэсьтӥсьлэсь нуналзэ куарусёнэ пусйыны чакламын вал[3].
Пыӵал лэсьтӥсьлэн нуналыз 2011-тӥ арын юнматэмын. Нырысьсэ пусъемын 2012-тӥ арын[4].
Ӧнер нуналэз кылдытонлэн кичӧлтӥсьёсыз луизы Ижевскысь, Ковровысь, Тулаысь но Климовскысь пыӵал поттӥсьёс. 2010-тӥ арын куартолэзе премьер-министр В. В. Путин ужан визитэн Ижысь «Ижмаш» обороная предприятие вуылӥз, производственой цехъёслэн ужаменызы тодматскиз, отын ужасьёсын вераськиз но Россиысь машина поттӥсьёслэн огазеяськонзылэн ёзчиеныз — тодмо конструкторен Михаил Тимофеевич Калашниковен пумиськылӥз. М. Калашников ик пыӵал лэсьтӥсь коллективъёслэсь ӧнер нуналзэс юнматон сярысь мылкыд каремзэс вераз[5].
Пусйыны кулэ, таӵе кичӧлтонэн Росси Федерацилэн Кивалтэтаз Россиысь оружейникъёслэн союззы вазиськылӥз ни вал. Оборонно-промышленной комплексъёсын ужасьёслэн, асьме пыӵал поттӥсьёслэн, пыӵал поттон ужез но солэсь историзэ эскерисьёслэн ӧнер нуналзы ― 19-тӥ куарусён — юнматэмын 3-тӥ толсуре 2011-тӥ арын Росси Федерацилэн азьмуртэзлэн Д. А. Медведевлэн «Пыӵал поттӥсьёслэн нуналзы сярысь» косэтэныз[6].
Россиысь пыӵал лэсьтӥсьёслэсь нуналзэс кылдытонлэн валтӥсь мугез сярысь Д. А. Медведев тазьы пусйиз:
Кунмес утёнын пыӵал лэсьтӥсьёслэсь кулэлыксэс пусъён.
Пусъён ужрадъёс
Ӧнер нуналэз пусъёнлэн валтӥсь мугъёсыз пӧлысь одӥгез: егит калыкез пыӵал лэсьтон удысэ кыскон, сое азинтон амалъёс утчан но туала вакытлы тупась выль пыӵалтӥрлык кылдытон.
Арлы быдэ 19-тӥ куарусёнэ ӟырдыт ӟечкыланъёс басьто пыӵал лэсьтӥсьёс, конструкторъёс, пыӵалтӥрлык кылдытӥсь инженеръёс но пыӵал лэсьтон ужлэсь азинскемзэ эскерись историкъёс. Та нуналэ ортчыло митингъёс, концертъёс, праздниклы сӥзем шествиос но мукет пӧртэм ужрадъёс[3]. Озьы ик радъяськыло та удысэн герӟаськем адӟытонъёс но экскурсиос[7]
Котьку сямен, Пыӵал лэсьтӥсьлэн нуналызлы сӥзьыса, Ижкарын Промышленной форум радъяське[8].
Оружейниклэсь нуналзэ Тулаын нырысьсэ пусйыку, 2012-тӥ арын, сӥё-дано усьтэмын Данлыко аллея, отчы Россиысь пыӵалтӥрлык поттонэн герӟаськем тодмо но дано 13 оружейникъёслэн бюстъёссы интыямын . Соос пӧлын: Пётр I, солэн косэтэзъя Тулаын инъямын вал пыӵалтӥрлык поттон завод; Сергей Мосин, винтовкаез кылдытӥсь; Фёдор Токарев, ТТ пистолетэз кылдытӥсь (Тульский Токарева)[4].
Та нуналэ валтӥсь ужрадъёс Ижкарын (АК-47 автоматлэн кылдон интыез) но Тулаын (татын интыяськемын Россиысь одӥгез тужгес бадӟымез пыӵалтӥрлык поттӥсь завод) ортчыло[4][9].
2017-тӥ арын Москваын Оружейниклэн нуналызлы сӥзьыса, Михаил Калашниковлы синпелет усьтэмын.
2024-тӥ арын Ижкарын Пыӵал лэсьтӥсьёслэн нуналзы Михаил Калашниковлэн вордӥськем дырысеныз 105 арес тырмонэзлы сӥзем ужрадъёсын огазеямын вал[8][9].
2025-тӥ арын, Оружейниклэн нуналызлы сӥзьыса, Ижкар котырысь Чекерилын авиафестиваль ортчытыны чакламын, со улсын ик дронъёсты валтонъя ӵошатскон радъяськоз[10][11]. 2025-тӥ арын Ижкарын Пыӵал лэсьтӥсьлэн нуналыз улсын промышленной туризмъя тематической программа кылдытэмын[12].
Тулаын 2025-тӥ арын Оружейниклы сӥзем ужрадъёсты 15-тӥ куарусёнысен 19-тӥ куарусёнозь ортчытыны чакламын. Программае — концертъёс, спортивной ориентирования ӵошатсконъёс, тематической мастер-классъёс пыртэмын[13]. Валтӥсь ужрадъёс та нуналъёсы, котьку сямен, Пыӵалтӥрлыклы сӥзем музейын ортчо (торжественной митинг, дано оружейникъёслы сӥзем Данлыко аллеяын сяська понон ужрад, оборонной предприятиосысь тужгес устооссэ ӧнерчиосты данъетан, но Сергей Мосин нимо премиен пусъён)[14][13].
Валэктонъёс
- ↑ 1 2 Михаил Мишустин поздравил российских оружейников с профессиональным праздником [ӟуч] government.ru. Эскеремын 12 куарусёнэ 2025 арын
- ↑ Путин поздравил работников ОПК с Днем оружейника, TACC. Эскеремын: 12 куарусёнэ 2025 арын.
- ↑ 1 2 День оружейника в России, РИА Новости (20190919T0455). Эскеремын: 12 куарусёнэ 2025 арын.
- ↑ 1 2 3 День оружейника 2025: какого числа, история и традиции праздника. Эскеремын: 12 куарусёнэ 2025 арын.
- ↑ Мастера оружейных дел. Самые известные отечественные конструкторы стрелкового оружия - ТАСС, TACC. Эскеремын: 12 куарусёнэ 2025 арын.
- ↑ Указ Президента Российской Федерации от 03.12.2011 г. № 1578, Президент России. Эскеремын: 12 куарусёнэ 2025 арын.
- ↑ 19 сентября в Туле – оружейной столице России – прошли торжественные мероприятия, посвященные Дню оружейника. [ӟуч] Официальный сайт Министерства промышленности Тульской области. Эскеремын 12 куарусёнэ 2025 арын
- ↑ 1 2 Как отпразднуют День оружейника в Ижевске. Программа праздничных мероприятий в 2024 году для жителей Удмуртии [ӟуч] Советы экспертов. Эскеремын 12 куарусёнэ 2025 арын
- ↑ 1 2 Куда сходить в Ижевске на День оружейника, Коммерсантъ (18 куарусёнэ 2024). Эскеремын: 12 куарусёнэ 2025 арын.
- ↑ На окраине Ижевска в День оружейника будут летать беспилотники. Эскеремын: 12 куарусёнэ 2025 арын.
- ↑ Жители Удмуртии увидят беспилотники в небе над Чекерилом, ИЖ1.ру. Эскеремын: 5 куарусёнэ 2025 арын.
- ↑ Ко Дню Оружейника в Удмуртии открывается программа экскурсий промтуризма [ӟуч] Официальной сайт Министерства туризма Удмуртской Республики (05.09.2025). Эскеремын 12 куарусёнэ 2025 арын
- ↑ 1 2 Игорь Копытов Спортивно и торжественно: в Тульской области отпразднуют День оружейника [ӟуч] tula.kp.ru. Эскеремын 12 куарусёнэ 2025 арын
- ↑ В Тульской области День оружейника будут отмечать с 15 по 18 сентября. Эскеремын: 12 куарусёнэ 2025 арын.
Литература
- Дегтярев М. Дню оружейника — быть! // Журнал «Калашников». — 2012. — № 1. — С. 8—9.
