Санитарно-эпидемиологической службалэн нуналыз
| «Санитарно-эпидемиологической службаын ужасьёслэн нуналзы» | |
|---|---|
| Пусъён ужрадъёс | арлы быдэ 15-тӥ куарусёнэ |
| Сям-йылолъёс | ӟечкыланъёс но данъетъёс |
Внешние изображения
Санитарно-эпидемиологической службаын ужасьёслэн нуналзы ӟуч День работников санитарно-эпидемиологической службы ― Россиысь Госсанэпидслужбаын тыршисьёслэн ӧнер праздниксы. Пусйиське 15 куарусёнэ. Озьы ик та нуналэ пусйиське Россиысь Кунсанэпидслужбалэн нуналыз (азьвыл — Санитарно-эпидемиологической службалэн нуналыз).
Историез
1922-тӥ арын 15-тӥ куарусёнэ кылдӥз Россиысь Санитарно-эпидемиологической служба. Та нуналэ Российской Советской Федеративной Социалистической Республикаысь Калык комиссаръёслэн кенешсы «Элькунысь санитарной ёзэсъёс сярысь» нырысетӥ Декрет кутӥз. Со декретын юнматэмын вал службалэн радлыкез но валтӥсь ужпумъёсыз. Со дыре СЭС служба РСФСР-ысь Тазалыкез утёнъя калык комиссаръёслэн кенешсы но интыосысь тазалыкез утёнъя ёзэсъёс улсын вал. [*][1]
Та декретъя ик юнматэмын вал санитарной врачъёслэн «огъя санитарияя», «эпидеми ужъёсъя», «санитарной статистикая» но «санитарной юрттӥськись» ужоскетъёссы кылдытэмын вал. Озьы ик кылдытэмын «санитарно-эпидемической ёзэсъёс» но «санитарной кенешъёс». Валтӥсь ужпумъёс: «свуэз, омырез но муэз санитари ласянь чаклан», «улон юртъёсты санитари ласянь чаклан», «сиён-ӟюонъёстиы санитари ласянь чаклан», «эпидемиослы пумит нюръяськонъя ужрадъёс ортчытъян», «мерлыко висёнъёсын нюръяськон», «нылпи тазалыкез утён», «санитарной статистика», «санитари ласянь валэктон уж нуон».
2012-тӥ арын приказом Роспотребнадзорлэн 2012-тӥ арын 1-тӥ гудыри кошконэ кутэм 802№ номеро Косэтэзъя юнматэмын «Россиысь Кунсанэпидслужбалы 90 ар» буре ваён медаль. Та данъетэн пусъё ас удысазы тужгес усто ужасьёсты. Та Косэтын медальлэн тусъетэз но кылсуредэз сётэмын. Медальлэн азьпалаз Роспотребнадзорлэн гербез середамын но «Россиысь Госсанэпидслужбалы 90 ар» гожтэмын, мыддорин палаз — тазалыкез утись вашкала грек инмумы Гигиея, кыйен но сюмыкен, но Цицеронлэн латин кылын верамез «Salus populi suprema lex esto» («Да будет благо народа высшим законом»).
Та ӧнер нунал Россиысь юнматэм праздник нуналъёслэн радазы пыртэмын ӧвӧл на. Ужан нунал.
Валэктонъёс
- ↑ Поздравление руководителя с 90-летием со дня образования в России Госсанэпидслужбы Архивная копия от 10 толсуре 2014 на Wayback Machine, Сайт ФБУЗ «Центр гигиены и эпидемиологии в Республике Алтай».
Литература
- «О санитарных органах Республики»/Декрет Совета народных комиссаров РСФСР от 15 сентября 1922 года.
- «Об учреждении памятной медали „90 лет Госсанэпидслужбе России“ Федеральной службы по надзору в сфере защиты прав потребителей и благополучия человека»/Приказ Роспотребнадзора от 1 августа 2012 года № 802.