Пограничникъёслэн нуналзы
Материалъёс басьтэмын Б.Н. Ельцин нимо библиотекаысь
| Пограничникъёслэн нуналзы | |
|---|---|
 | |
| Дырыз | 28-тӥ куартолэзе |
 Медиафайлъёс РувикиМедиа пушкын | |
Пограничниклэн нуналыз, ӟуч День пограни́чника — СССР-ысь КГБ-лэн пограничной войскоосызлэн но Росси ФСБ-лэн пограничной службаезлэн ӧнер нуналыз.
Пусйиське арлы быдэ 28-тӥ куартолэзе. Та сям куд-ог мукет СНГ кунъёсын но возиське.
Пограничниклэн нуналыз шутэтскон нуналэн ялэмын ӧвӧл, озьы ке но, быдэс кунын та нуналэ сӥё-дано ужрадъёс ортчыло [1].
Историез
1918-тӥ арын 28-тӥ куартолэзе Совнаркомлэн кутэм Декретэзъя РСФСР-лэн пограничной охранаез кылдытэмын. Солэсь азьпал — 1918-тӥ арын 30-тӥ южтолэзе РСФСР-лэн коньдэтъя наркоматэз улсын пограничной охраналэн Валтӥсь управлениез кылдытэмын вал. Отчы быдэс составен валче пыртэмын Пограничной стражалэн Отдельной корпусэзлэн азьвыл управлениысьтыз вань офицеръёс, кудъёсыз азьвыл Росси империлэсь висгожъёссэ утизы.
1919-тӥ арын 1-тӥ тулыспалэ, Элькунлэн Реввоенсоветэзлэн (РВСР) распоряжениезъя, Пограничной охрана РСФСР-лэн Пограничной войскоосыз шуыса нимамын.
1920-тӥ арысен 24-тӥ шуркынмонэ выльысь Пограничной охрана кылдытэмын ― ВЧК улсын РСФСР-лэн СНК-езлэн нимаз ёзэтэз.
1922-тӥ арын 27-тӥ куарусёнэ РСФСР-ысь НКВД-лэн ГПУ войскоосыз улсын Отдельной пограничной корпус (ОПК) кылдытэмын (1923-тӥ арын 15-тӥ шуркынмон бере — СССР-ысь СНК-лэн ОГПУ войскоез).
1934-тӥ арысен пӧсьтолэзе Пограничной войсковой формированиосын кивалтӥз СССР-ысь НКВД-лэн Пограничной но пуш охраналэн Валтӥсь управлениез.
1937-тӥ арысен выльысь «пограничной войско» термин кутӥськыны кутскиз. Соин кивалтӥз СССР-ысь НКВД-лэн пограничной но внутренней войскоосызлэн Валтӥсь управлениез.
1957-тӥ арын 28-тӥ южтолэзе Пограничной войскоос СССР-ысь Министръёслэн Кенешсылэн кун кышкыттэмлыкъя комитетлэн (КГБ СМ СССР) пушпӧлаз пыртэмын. Кылдытэмын СССР-ысь КГБ-лэн Пограничной войскоосызлэн Валтӥсь управлениез.
1978-тӥ арын 5-тӥ пӧсьтолэзе СССР-ысь КГБ СМ асэрико кун комитетлы пӧрмытэмын — СССР-лэн кун кышкыттэмлыкъя комитетэз (КГБ СССР).
1992-тӥ арын 12-тӥ инвожое Росси Федерацилэн кышкыттэмлыкъя министерствоезлэн пушпӧлаз пограничной войско кылдытэмын. Та структураослэн правопреемниксы луэ Россилэн Федеральной пограничной службаез (Россиысь ФПС ), кудӥз кылдытэмын вал Росси Президентлэн косэтэзъя 1993-тӥ арын 30-тӥ толсуре.
2003-тӥ арысен 1-тӥ пӧсьтолэзе Россиысь ФПС РФ ФСБ киулэ выжтэмын но «Росси Федерацилэн кышкыттэмлыкъя Федеральной службаезлэн пограничной службаез» шуыса нимамын.
СССР-ысь Министръёслэн Кенешсылэн пуктэтсыя, «Пограничниклэн нуналыз» 1958-тӥ арысен арлы быдэ 28-тӥ куартолэзе пусйиське. Туала дыре та нуналэз пусъён, нырысь ик, пограничной ёззэслэсь ожгар кужымзэ но огъя кариськыса ужаны быгатэмез возьматэ. Озьы ик Росси Федерацилэсь висгожъёссэ му но ву вылын утись офицеръёслэсь, прапорщикъёслэсь, мичманъёслэсь, сержантъёслэсь, старшинаослэсь, рядовой солдатъёслэсь но матросъёслэсь, мылкыдзэс ӝутэ.
Али Пограничниклэсь нуналзэ пусъён Россилэн Президентэзлэн 1994-тӥ арын 23-тӥ куартолэзе кутэм Косэтэзъя юнматэмын[2], «Россилэсь но пограничной войсколэсь исторической традициоссэ утён вылысь ».
Улонэ пыӵам сямъёсъя, Пограничниклэн нуналаз, 28-тӥ куартолэзе, али дыре служить карись пограничникъёслэн выступлениоссы ортчыло, озьы ик соос асьсэлэсь быгатолыксэс, Шаерлэсь висгожъёссэ котькуд минутэ утьыны дась луэмзэс возьмато. Пограничной войскоосысь но пограничной ёзэсъёсысь запасэ яке отставкае потэм военнослужащейёс улон интыосазы торжественной ммаршъёсын сӥё-дано ужрадъёсы пыриськыло.
Пограничниклэн нуналыз совето вакыт бере
Азьвыл Совето Союзэ пырись куд-ог кунъёс, асэриклык басьтэмзы бере но Пограничниклэсь нуналзэ пусъён сямез утизы. Озьы, Белоруссиын, Киргизиын, Таджикистанын та нуналэз, Росси Федерациын сямен ик, 28-тӥ куартолэзе пусъё.
Туркменистанын «Пограничниклэсь нуналзэ» 11 гудырикошконэ пусъё, малы ке шуоно, та нуналэ 1992-тӥ арын Туркменистанлэн Кун пограничной службаез[3]кылдытэмын вал .
Казахстанын «Пограничниклэсь нуналзэ» пусъё 18-тӥ гудырикошконэ, малы ке шуоно, та нуналэ 1992-тӥ арын Казахстан Элькунлэн пограничной войскосыз кылдытэмын вал.
Узбекистанын Пограничниклэсь нуналзэ пусъё 24 южтолэзе, 24-тӥ южтолэзе 1992-тӥ арын Узбекистан Элькунлэн пограничной войсоосызлэн подразделениосыз кылдытэмын вал. Латвиын «Пограничниклэсь нуналзэ» пусъё 7-тӥ шуркынмонэ, 2015-тӥ арысен кутскыса[4].
Молдавиын «Пограничниклэсь нуналзэ» пусъё 10-тӥ инвожое, 1995-тӥ арысен.
Азербайджанын «Пограничниклэн нуналыз» 18-тӥ гудырикошконэ пусйиське, та нуналэ 1919-тӥ арын Азербайджан Демократической Республикалэн парламентэз «Азербайджан Элькунлэсь кун висгожъёссэ утён сярысь» но Азербайджан Элькунысь пограничной таможенной охрана кылдытон сярысь Кат кутон сярысь Косэт гожтӥз. 8 люкетлэсь кылдытэм Катлэн I люкетаз тазьы гожтэмын: «Катрадлыкез тӥяса вузкаронэн но контрабандаен нюръяськон понна, Азербайджанлэн быдэс висгож кузяз кыстӥськись 99 пограничной постъёс кылдытоно, солэн составаз 992 пограничник дасяно». 2000-тӥ арын Азербайджанлэн азьмуртэз Гейдар Алиев 18-тӥ гудырикошконэз Пограничникъёслэн ӧнер нуналэнызы ялӥз[5].
Валэктонъёс
- ↑ День пограничника в России, РИА Новости (14 оштолэзе 2025). Дата обращения: 15 куартолэзе 2025.
- ↑ Указ Президента РФ от 23.05.1994 № 1011 «Об установлении Дня пограничника»
- ↑ День пограничника в Туркменистане
- ↑ Инара Мурниеце Grozījumi likumā "Par svētku, atceres un atzīmējamām dienām"(латыш.) Сейм Латвии. Эскеремын 2016-02-16 аре
- ↑ Пограничным войскам Азербайджана исполняется 91 год