Росси Федерациысь ичи лыдъем выжы калыкъёслэн нуналзы
| Росси Федерациысь ичи лыдъем выжы калыкъёслэн нуналзы | |
|---|---|
 Ичи лыдъем выжы калыкъёслэн «Бадӟым чорыг» фестивалязы пыриськисьёс, 2025-тӥ ар | |
| Типез | Сӥлы карон нунал |
| Официально | Росси Федерациысь ичи лыдъем выжы калыкъёслэн нуналзы |
| Мукет сямен | Россиысь ичи лыдъем выжы калыкъёслэн нуналзы |
| Валатонэз | Россиысь ичи лыдъем выжы калыкъёслэсь йылолъёссэс, хозяйственной ужзэс, пӧйшуран но кибашлы сямзэс но аспӧртэм лулчеберетсэс утён |
| Юнматэмын | Росси Федерациысь Президентлэн 2025-тӥ арын 4-тӥ шуркынмонэ юнматэм 799 номеро указэныз |
| Пусъё | Россия |
| Дырыз | 30-тӥ оштолэзе |
| Пусъён ужрадъёс | Дышетон но лулчеберет ужъюртъёсын темая ужрадъёс, фестивальёс, кырӟанъя конкурсъёс, концертъёс, мастер-классъёс |
Росси Федерациысь ичи лыдъем выжы калыкъёслэн нуналзы (ӟуч: День коренных малочисленных народов Российской Федерации) — Росси Федерациысь Президентлэн указэныз 2025-тӥ арын 4-тӥ шуркынмонэ юнматэм сӥлы карон нунал. Праздник Россиысь ӧжыт лыдъем выжы калыкъёслэсь йылолъёссэс, хозяйственной ужзэс, пӧйшуран но киуж сямъёссэс но аспӧртэм лулчеберетсэс утён вылысь кылдытэмын.
Пусъён нунал — 30-тӥ оштолэзь.
Историез
2025-тӥ арын 4-тӥ шуркынмонэ Росси Федерацилэн Президентэз В. В. Путин Россиысь ичи лыдъем выжы калыкъёслэсь нуналзэс кылдытыны но сое 30-тӥ оштолэзе пусйыны пуктэтэн потӥз. Та пумысен указ интыямын вал официальной луись правовой актъёсты поттонъя сайтын[1].
Озьы ик та нуналэ эшшо одӥг сӥлы карон нуналэз кылдытон сярысь указ гожтэмын вал — Россиысь калыкъёслэн кылъёссылы сӥзем нунал. Сое пусъён нунал 8-тӥ куарусёнэн юнматэмын — Расул Гамзатов кылбурчилэн вордӥськем нуналыз[2].
Праздниклэн инлыкез но ужпумъёсыз
Росси Федерациысь ичи лыдъем выжы калыкъёслэн нуналзылэн сӥлы карон инлыкез. Ужантэм праздник нуналъёс пӧлы уг пыры.
2025-тӥ арын 4-тӥ шуркынмонэ кутэм 799 номеро указъя, праздникез юнматонлэн валтӥсь ужпумез луэ Россиысь ичи лыдъем выжы калыкъёслэсь йылолъёссэс, хозяйственной ужзэс, пӧйшуран но кибашлы сямзэс но аспӧртэм лулчеберетсэс утён[3].
Россиысь ичи лыдъем выжы калыкъёс
2000-тӥ арын Россиысь Правительство Росси Федерациысь ӧжыт кузя кылем выжы калыкъёслэсь огъя лыдметсэс кутӥз[4], 2006-тӥ арын — Уйпалась, Сибирьысь но Дальний Востокысь ичи йӧскалыкъёслэсь лыдметсэс[5].
2020-тӥ арысен Россиын ӧжыт кузя кылем выжы калыкъёсты лыдъяса возё. Соослы льготаос, пӧйшураны но чорыганы нимысьтыз квотаос кылдытэмын. Улосъёсын нимысьтыз юрттэт чакламын.
2025-тӥ арын ивортонъёсъя, ӧжыт кузя кылем йӧскалыкъёслэсь огъя переченязы пыре 47 этнос[6].
Россиын ичи лыдъем выжы калыкъёс ог 315 сюрс кузя пусъемын[7]. Статистикая ивортонъёсъя, соос пӧлысь тужгес трос лыдъем луо ненецъёс (49 787 адями), абазинъёс (41 874 адями) но эвенкъёс (39 420 адями). Воксё ӧжыт кузя кылем этносъёс пӧлын: керекъёс, алюторецъёс но водь[6].
Бадӟым люкетэз выжы калыкъёс Крайний Севере, Дальний Востоке но Сибире пуксемын. Мукетъёсыз Кавказын но Россилэн европейской люкетаз уло[6].
Темая фестивальёс но ужрадъёс
Россиын ичи лыдъем выжы калыкъёслэн лулчеберетсылы сӥзем фестивальёс радъяськыло, озьы ик соослэсь узырлыксэс утён но вӧлмытон вылысь ужрадъёс ортчыло. Соос пӧлын «Этноскоп», «Гочатӥсь дуннеос. Этнической Россия», «Бадӟым чорыг» но мукет фестивальёс.
2025-тӥ арын куарусёнысен шуркынмонозь РФ-ысь Лулчеберетъя министерство юрттэмъя радъяськиз Россиысь ичи лыдъем выжы калыкъёслэн нырысетӥез огъяросси лулчеберетъя форумзы. Программае фольклор коллективъёслэн, эктонъя ансамбльёслэн выступлениоссы, театрализованной представлениос, чеберлыко киужъя но кибашлы мастер-классъёс пыртэмын вал. Ужрад Анадырьын, Красноярскын, Петрозаводскын но Тюменьын ортчиз[8].
Катрадлык
Росси Федерациын ӧжыт лыдъем выжы калыкъёслэсь эрикрадъёссэс утён-радъян федерал законэн, Росси Федерациысь улосъёсысь законъёсын, калыккуспо огкылъёссын но кун программаосын чакламын. Та калыкъёслэн эрикрадъёссылы гарантиос Росси Федерацилэн Конституциезлэн 69-тӥ статьяяз юнматэмын.
Федерал законъёс
- 1999-тӥ арын 30-тӥ оштолэзе кутэм «Росси Федерациысь ичи лыдъем йӧскалыкъёслэн эрикрадъёссылэн гарантиоссы сярысь» 82-ФЗ номеро федерал закон;
- 2000-тӥ арын 20-тӥ пӧсьтолэзе кутэм «Росси Федерациысь Уйпалась, Сибирьысь но Дальний Востокысь ӧжыт лыдъем выжы калыкъёслэсь общинаоссэс кылдытонъя огъя принципъёсыз сярысь» 104-ФЗ номеро федерал закон.
Росси Федерациысь улосъёсысь законъёс
- 2007-тӥ арын 21-тӥ куартолэзе кутэм «Ненец автоном округын Уйпалась ӧжыт лыдъем выжы калыкъёслэн компактной улон интызы сярысь» 65-ОЗ номеро Ненец автоном округлэн законэз.
Калыккуспо огкылъёс
- Ужъя калыккуспо огазеяськонлэн «Выжы калыкъёс но эрико кунъёсын племяосын улӥсь калыкъёс сярысь» 169 номеро конвенциез.
Кун программаос
Россиын ичи кузя кылем выжы калыкъёслы юрттон вылысь кун программаос кутэмын, соос пӧлын:
- Росси Федерациын ӧжыт лыдъем выжы калыкъёслэсь хозяйственной ужан йылолъёссэс утьыны юрттонъя кун программа, юнматэмын 2021-тӥ арын 15-тӥ оштолэзе РФ-ысь Правительстволэн 978-р номеро распоряжениеныз[9];
- Росси Федерациысь «Кун йӧскалык политикаез быдэстон» кун программа[10];
- Ханты-Мансийск автоном округлэн — Югралэн «Уйпалась ичи лыдъем выжы калыкъёсты юн азинтон» кун программаез[11];
- Ненец автоном округлэн «Ненец автоном округын Уйпалась ичи лыдъем выжы калыкъёсты утён но азинтон» кун программаез;
- Свердловск улослэн «Свердловск улосвылысь мерлыко но экономикая политикаез умоятон» кун программаез.
Концепциос
- 2036-тӥ арозь Росси Федерациысь Уйпалась, Сибирьысь но Дальний Востокысь ӧжыт лыдъем выжы калыкъёсты огсыр азинтонъя концепция, юнматэмын 2025-тӥ арын 8-тӥ куартолэзе 1161-р номеро распоряжениен[12].
Герӟаськем учыръёс
- 21-тӥ инвожое — Выжы калыкъёслэн йӧскалык нуналзы. Канадалэн генерал-губернатореныз Ромео Лебланэн 1996-тӥ арын юнматэмын. 2001-тӥ арысен США-ысь Уйпал но Шундыпуксён палъёсаз официально пусйиське, 2017-тӥ арысен — Юконын;
- 9-тӥ гудырикошконэ — Дуннеысь йӧскалыкъёслэн калыккуспо нуналзы. 1994-тӥ арын ООН-лэн генеральной ассамблеяеныз юнматэын.
Валэктонъёс
- ↑ В России появился новый праздник [ӟуч] РИА Новости. Эскеремын 2026-03-03 арын
- ↑ Путин утвердил два новых праздника в России [ӟуч] Коммерсантъ (04-11-2025). Эскеремын 2026-03-03 арын
- ↑ Путин установил новые праздники в России [ӟуч] Российская газета (04-11-2025). Эскеремын 2026-03-03 арын
- ↑ Постановление Правительства Российской Федерации от 24.03.2000 г. № 255 [ӟуч] government.ru. Эскеремын 2026-03-03 арын
- ↑ Распоряжение Правительства РФ от 17.04.2006 N 536-р (ред. от 26.12.2011) Об утверждении перечня коренных малочисленных народов Севера, Сибири и Дальнего Востока Российской Федерации [ӟуч] legalacts.ru. Эскеремын 2026-03-03 арын
- ↑ 1 2 3 Коренные малочисленные народы России [ӟуч] РБК Life. Эскеремын 2026-03-03 арын
- ↑ Мы в цифрах [ӟуч] МОО «КМНСОЮЗ». Эскеремын 2026-03-03 арын
- ↑ Первый Всероссийский культурный форум коренных малочисленных народов России пройдет в четырех федеральных округах [ӟуч] culture.gov.ru. Эскеремын 2026-03-03 арын
- ↑ Правительство утвердило программу господдержки традиционной хозяйственной деятельности коренных малочисленных народов в Арктике [ӟуч] government.ru. Эскеремын 2026-03-03 арын
- ↑ Государственная программа «Реализация государственной национальной политики» [ӟуч] Федеральное агентство по делам национальностей. Эскеремын 2026-03-03 арын
- ↑ Государственная программа Ханты-Мансийского автономного округа – Югры «Устойчивое развитие коренных малочисленных народов Севера» [ӟуч] depos.admhmao.ru. Эскеремын 2026-03-03 арын
- ↑ Распоряжение Правительства РФ N 1161-р «О Концепции устойчивого развития коренных малочисленных народов Севера, Сибири и Дальнего Востока РФ на период до 2036 года» [ӟуч] zakonrf.info (08-05-2025). Эскеремын 2026-03-03 арын
Ватсам литература
- Андриченко Л. В. Большая Российская энциклопедия. Конго - Крещение / гл. ред. Ю. С. Осипов. — Большая российская энциклопедия, 2010. — С. 260. — 766 с. — ISBN 978-5-85270-346-0.
- Чемчиева А. П. Социальные практики возрождения традиционных праздников (на примере коренных малочисленных народов Республики Алтай) // Манускрипт. — 2016. — № 12—3 (74). — С. 195—198.
Чӧлсконъёс