Сивков, Вадим Александрович
| Вадим Александрович Сивков | |||
|---|---|---|---|
 | |||
| Вордӥськем дырыз | 21-тӥ тулыспалэ 1925 | ||
| Вордӥськем интыез | Пермь шаер | ||
| Кулэм дырыз | 15-тӥ южтолэзе 1944 (19 арес) | ||
| Кулэм интыез | Николаев улос | ||
| Кунмуртлыкез |
 СССР |
||
| Служить карон аръёсыз | 1942—1944 | ||
| Званиез |
 |
||
| Частез | 3-тӥ Украин фронтысь 212-тӥ нимаз танковой полк | ||
| Ожмаськонъёс/ожъёс | Быдӟым Атыкай ож | ||
| Данъетъёсыз |
|
||
Вади́м Алекса́ндрович Сивко́в (1925—1944[1]) — младшой лейтенант, Быдӟым Атыкай оже пыриськем мурт, Совето Союзлэн Героез, 3-тӥ Украин фронтысь 212-тӥ нимаз танковой полкысь танклэн командирез.
Улон сюресэз
Вордскиз 1925-тӥ арын 21-тӥ тулыспалэ Усолье карын (али Пермь шаер) ожгарчилэн семьяяз. Куинь нылпиос пӧлысь кыкетӥез вал. Тунсыкъяськиз спортэн, чорыганэн но пӧйшуранэн, покчи дырысеныз ожгарчи луэмез потэ вал. Пичи дырыз ортчиз Сарапулын, Каракулиноын но Ижын, отын 22 номеро школаын 9 классэз йылпумъяз[2].
ВЛКСМ-лэн ёзчиез.
Быдӟым Атыкай ож кутскем бере 16 аресъем Сивков военкоматэ мынӥз но фронтэ куриськиз, но сое ӧз басьтэ. Соин со пыриз Казаньысь танковой училищее[2]. Сое йылпумъяса, 1943-тӥ ар пумын покчи лейтенант званиен 212-тӥ нимаз танк полке службае келямын вал. 1944-тӥ арын тулыспалысен нимаз танк полк пушкын 3-тӥ Украин фронтын ожмаськиз. 017 номеро ожгар машинаен кивалтӥз[3].
Подвигез
1944-тӥ арын 14-тӥ-15-тӥ южтолэзе Явкино гуртын ожмаськон дыръя Сивковлэн танкез танкъёслы пумит гудэм гуэ сюриз, азьлань мынэмез ӧз луы ни. Механик-водительзы пегӟиз. Вань ож тӥрлыкъёссэс быдтэмзы бере зенитной пулемётсы гинэ кылиз, соку Сивков покчи лейтенант но Крестьянинов рядовой танк пушкы ворсаськизы, но, пленэ сётсконтэм вылысь, гранатаосын пуштытӥзы соос доры матэктэм фашистъёсыз[4], танксэс но асьсэды. Кулон интыязы берпум гожтэтъёссы шедьтэмын вал.
В плен сдаваться не думаем, оставляя по 2-3 патрона для себя. Виновным в аварии прошу считать механика-водителя, который не выполнил моего приказа: повернуть влево. Когда он выскакивал, я не пристрелил его, чтобы не забить люки.
Немцы два раза подходили к танку, но открыть не смогли. В последнюю минуту жизни взорвем гранатами танк, чтобы он не попал врагу. Просим сообщить домой, что мы выполнили свой долг перед Родиной — заняв одним танком Явкино и там погибнув.
— В. А. Cивковлэн но П. К. Крестьяниновлэн ожгар эшъёссылы гожтэтсы, 15-тӥ южтолэзь 1944-тӥ ар, 6 час 10 минут.
Егит ожгарчиос Явкино черкогуртысь вынлыко шайгуэ ватэмын.
Данъетъёсыз
СССР-ысь Вылӥ Кенешлэн президиумезлэн 1944-тӥ арын 3-тӥ инвожое поттэм косэтэзъя покчи лейтенант Вадим Сивков но Пётр Крестьянинов кулэмзы бере Совето Союзысь Геройёс нимын пусъемын[2][3].
Озьы ик В. А. Сивковлы Ленин орден сётэмын[3].
Буре ваён
- Вадим Александрович Сивков пыраклы гвардейской танк полклэн списокъёсаз пыртэмын вал.
- Геройлы синпелетъёс Сарапул городын но Явкино черкогуртын сыло.
- Геройлэсь нимзэ Ижысь но Сарапулысь урамъёс нулло[5][2][3][6].
- В. Сивковлэн бюстэз пуктэмын вал Сарапулысь 17 номеро школа азьын XXI даурлэн кутсконаз[6].
Валэктонъёс
- ↑ Кулёмин И. Г. , Сентемова Л. Ф. , Ислентьева Р. А. Герои Советского Союза, Герои Российской Федерации, полные кавалеры Ордена Славы — наши земляки. — Ижевск: Удмуртия, 1995. — С. 152. — 272 с. — ISBN 5-7659-0639-7.
- ↑ 1 2 3 4 Не сдался в плен: подвиг танкиста Вадима Сивкова udmurt.media.
- ↑ 1 2 3 4 Сивков Вадим Александрович Герои страны.
- ↑ Исса Александрович Плиев, «Дорогами войны.»
- ↑ Улицы Ижевска: им. Сивкова Вадима Архивная копия от 6 южтолэзе 2016 на Wayback Machine.
- ↑ 1 2 Александр Кирилин Земляки в Удмуртии помнят героя-танкиста Удмуртская правда.
Литература
- Говорят погибшие герои. — М.., 1986.
- Герои Советского Союза: краткий биогр. слов. Т.2. — Москва, 1988
- История одного подвига. Танк № 17 : Документальная повесть. Пьеса. Рылова — Соколовская М. А. Изд.: Ижевск. Удмуртия. ISBN 5-7659-0658-3
- Герои Прикамья. Пермь. «Пушка». 2006
Ссылки
- Вадим Александрович Сивков [ӟуч] «Герои страны» сайт.
- Предсмертные письма борцов с фашизмом. Говорят погибшие Герои.
- Исса Александрович Плиев, «Дорогами войны.»
- Рылова — Соколовская М. А. «История одного подвига. Танк № 17. Документальная повесть. Пьеса.»
 |
|---|
- 21-тӥ тулыспалэ вордӥськемъёс
- 1925-тӥ арын вордӥськемъёс
- Тодмо муртъёс алфавитъя
- Пермь шаерын вордӥськемъёс
- 15-тӥ южтолэзе кулэмъёс
- 1944-тӥ арын кулэмъёс
- Николаев улосын кулэмъёс
- Младшой лейтенантъёс (СССР)
- Совето Союзлэн Героез
- Ленин орденлэн кавалеръёсыз
- Быдӟым Атыкай ожысь танкистъёс
- Быдӟым Атыкай ожын быремъёс
- Совето Союзлэн Геройёсыз (Удмуртия)