Каракулино

Черкогурт
Каракулино
56°01′00″ с. ш. 53°42′00″ в. д.
Кун	Россия
Цифровой идентификаторъёс
Телефон кодэз	34132
Почта индекс	427920
Каракулино
Медиафайлъёс РувикиМедиа пушкын

Каракулино — Удмуртиысь черкогурт, Каракулино ёрослэн центрез. Улӥсьёсыз — 5 сюрс 134 адями.

Интыяськемез

Черкогурт интыяськемын Удмуртилэн лымшор но шундыӝужан палаз, Кам шурлэн ярдураз. Каракулиноысен Сарапулозь 53 иськем, Удмуртилэн шоркарозяз — Ижозь — 114 иськем.

Историез

Каракулино черкогурт сярысь нырысетӥ ивортонъёс кылемын 1682-тӥ арысен. Соку черкогурт пыриз Уфа провинцие. 1782-тӥ арын Каракулиноез юнматӥзы Ватка губерние. 1926-тӥ арын 4-тӥ шуркынмонэ кылдӥз Каракулино ёрос. Ёрослэн шорсюлмыз луиз Каракулино черкогурт.

Файл:Деревянный дом купца Ведерникова 01.jpg

Ведерниковлэн коркаез

18-тӥ дауре Каракулиноын улӥсьёс ваньмыз сямен ӟуч крестьянъёс вал. Со вакытэ черкогуртын интыяськиз 3 черк, 45 лавка, 25 кенос, 3 вуко. 1890-тӥ арын татын усьтӥськиз коньдон возён касса. 1909-тӥ арын усьтӥськиз нырысетӥез банк.

Каракулиноын со вакытъёсы асьсэлэн купецъёссы вал: Ведерников, Кузьминых, Трегубовъёс, Казанцевъёс, Верхотин. Илларион Фотиевич Ведерников купечлэн юртъерез Росси Федерациысь лулчеберетысь утёно синпелетъёс пӧлы пыртэмын.

Со сяна, ёрос туж узыр луэ археологияя синпелетъёсын. Татын соос 100-лэсь трос лыдъясько. Соос пӧлын Зуевы Ключи но Чеганда городищеос, Ныргында могильник.

Лулчеберетысь синпелетъёс пӧлын 1841-тӥ арын ӝутэм Кык классъем реальной пиосмурт училищелэн юртэз — черкогуртысь нырысетӥез школа, Илларион Ведерников купеч кивалтэм улсын попечительской кенешлэн коньдонэныз пуктэмын.

Файл:Каракулинская среднеобразовательная школа.jpg

Каракулиноысь школа

Социал удыс

Туннэ черкогуртын интыяськемын шор ёзо школа, Чеберлыкъя нылпи школа, ёрос библиотека, Калык киужъёсъя юрт, ёрослэн историезлы сӥзем музей.

19-тӥ даурлэн шораз Каракулиноын усьтӥськиз эмъяськонни. Ӵапак со вакытэ 60-тӥ аръёсы ёросын вӧлмиз холера висён. 20-тӥ даурлэн кутсконаз татын выль эмъюрт пуктыны кутскизы. 1912-тӥ арын 25 муртэ возьымон юрт усьтӥськиз. Туннэ ёросын тырше 25 врач, 117 фельдшер но медсестраос.

Калык киужъёсты утё но азинто Каракулиноысь устолыкъя центрын. Со кылдытэмын 1993-тӥ арын. Киужъёсъя юртын ужало куроен, кызьпу туен, куисько но пужъятско, сюй мунёоос лэсьто. Татын поттэм арбериос вуыло пӧртэм адӟытонъёсы но «Гербер», «Семык» выллем кун шулдыръяськонъёсы но мукет кунъёсысь адӟытонъёсы.

Галерея

Файл:Администрация Каракулинского района.jpg
Ёрос администраци		Мемориал комплекс		Пантелеймон черк