Зуевы Ключи

Гурт
Зуевы Ключи
55°52′49″ с. ш. 53°17′08″ в. д.
Кун	Россия
Федерацилэн асмосэз	Удмуртия
Муниципал ёрос	Каракулино
Гурт поселение	Ныргында
Историез но географиез
Часовой пояс	UTC+4:00
Улӥсез
Улӥсез	▼16 чел. (2020)
Официальной кылъёс	удмурт, ӟуч
Лыдпус тодметъёс
427927
Код ОКАТО	94222866005
Код ОКТМО	94622466111
Зуевы Ключи Москва Ижевск Каракулино Зуевы Ключи

Зу́евы Ключи́ — Удмуртиысь Каракулино ёросысь гурт. Ныргында гурт поселение пыре.

Интыяськемез

Зуевы Ключи гурт элькунлэн лымшор но шундыӝужан висказ, Татарстанэн кунгож бордын интыяськемын. Удмуртилэн тужгес лымшор вадесыз луэ. Каракулино ёрос центрлэсь 29 иськемлы палэнын, Сарапул карлэсь — 100 иськемын, Ижкарлэсь — 150 иськемын.

Часовой пояс

Зуевы Ключи гурт, быдэс Удмуртия сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ.

Улӥсез

Улӥсь калыклэн лыдыз

2002	2010	2012	2020
32	↗44	↗50	↘16

10

20

30

40

50

60

2002

2010

2012

2020

Йӧскалык пӧлэсэз

2002-тӥ арын ортчытэм лыдъян-чотанъя, 32 улӥсь пӧлысь 87 %-эз ӟучъёс вылӥллям.

Историез

Туристъёсты но паломникъёсты Зуевы Ключи гурт котырысь ошмесъёс бордазы кыско. Татын соос ог сизьым пала лыдъясько. Тужгес тодмоосыз соос пӧлысь Святой но Гремячий нимо ошмесъёс. Гуртын улӥсьёслэн мадемъёссыя, вашкала дыръёсы татын кык монахъёс улӥллям. Соос кулэм бере, шайгу вылазы эмъясь вуо ошмес синъёс кылдӥллям.

Мукет дауркылъя, одӥг монахлы адӟон кылдэм: Богородица солы из вылын сылӥсь мудорез возьматэм но тазьы верам: «Мон тыныд сюрес возьмато, нош интыяз вуид ке, тон со мудорез кияд кутод». Быдэс ар ӵоже монах со мудор дорозь вуыны вырем. Сое шедьтэмез бере, кияз кутэм но со интые ошмес син кылдэм (Святой ключ шуыса нималлям со ошмесэз). Со дыре ик артысь Вир гурезе (мукет нимыз Вегин гурезь) гудыри шуккем но отысь эшшо одӥг ошмес син усьтӥськем (Гремячий ключ). Та гурезь йылын, пе, вашкала дыръя курбон сётъяллям, нош гудыри, язычестволы пум поныса, сое "чылкытатэм" но христианстволы кутскон сётэм.

Святой источникез Сарапулысь духовенство вӧсьлыко Флор но Лаврлы сӥзьыса, православи чинэн вӧсяз. Берлогес татын пыласьконни тупатэмын вал. Святой ошмесысь вуэз «луло» шуо. Со пушласянь эмъя, пе, соин сое юыны косо. Солэн пӧлаз азвесь ионъёсыз вань. Святой ошмесысь басьтэм ву толэзьёсын сылыса уг уродмы. Та ошмес котырынгес ик куасьмыны кутскем бадьпу сылэ. Ымысь ыме, пельысь пеле вӧлмись дауркылъя, та интыез, пе, вашкала дыръя пырак ву басьтэмын вылэм. Шудтэм яратонэзлы луыса, егит нылаш отчы тэтчыса ассэ быдтэм. Солэн вужерез, пе, со бадь котырын улэ но куд-ог дыръя адямиослы адскылэ.

Гремячий ошмесысь ву, солы пумит, "лултэм" лыдъяське. Ортчытэм эскеронъёс со вуын укыр трос минералъёсыз вань шуыса возьматӥзы. Солы луыса, ошмес вулэн бызён интыетӥз горд сюй измем. Тайысьтыз ошмесысь вуэз юыны уг лэзё, пыласькыны гинэ дэмлало. Со, пе, вылтырысь яраосты йӧнатэ, пӧськыосты куасьтэ, кисыриосты волятэ. Та ошмеслэн эшшо одӥг аспӧртэмлыкез вань на, солэн жильырамысьтыз котькуд адями мае ке но кылэ,шуо, кин нылпи бӧрдэмез, кин сюан гурез но мукет.

Гурт котырысен Кам шурлэн тусыз

Валэктонъёс

Чӧлсконъёс

• Зуевы ключи с высоты птичьего полета