Ведерников, Илларион Фотиевич
| Илларион Фотиевич Ведерников | |
|---|---|
 | |
| Вордӥськем дырыз | 1858 |
| Вордӥськем интыез | |
| Кулэм дырыз | 1915 |
| Кулэм интыез | |
| Кун | |
| Ужез | мерлыко ужась, меценат, ужбергатӥсь |
Илларио́н Фо́тиевич Веде́рников (1858, Сарапул утем, Ватка губерния — 1915, Котово (Удмуртия)) — 1-тӥ гильдиысь росси купеч, черкысь староста, попечительской кенешен кивалтӥсь, меценат[1].
Улон сюресэз
1858-тӥ арын 20-тӥ коньывуонэ удельной крестьянъёслэн семьяязы вордӥськиз. Солэн дышетскемез сярысь номыр тодмо ӧвӧл[2].
Илларион Ведерников сиён-юонэн, нянен но чорыген вузкарыса ваньбурзэ лэсьтӥз. Озьы со Сарапул утемысь Каракулино черкогуртын тужгес узырез адями вал. Солэн аслаз вукоез, складъёсыз, магазинъёсыз но кык улоно коркаез вал[2].
1915-тӥ арын Ведерников улонысь кошкиз. Солэн вылысьтыз плитаен шайгуэз Каракулино ёросысь Котово гуртын 1994-тӥ арын шараямын вал[2].
Меценат
Илларион Ведерников, тужгес узырез адями сяна, Каракулиноын тужгес гажамонэз купеч вал. Со интыысь попечительской кенешен кивалтӥз но черкогуртэз азинтон понна трос коньдон висъялляз. Солэн юрттэменыз валче Никольской часовня (1907), ёрос шор больницаысь терапияя ёз (1912—1914), кык классъем училище но шор площадьын Александр II императорлы синпелет (1912), вузкарон палатка, складъёс, Кам дорозь сюрес но мукетыз лэсьтэмын вал[2].
Семьяез
Илларион Ведерников кузпалъяськемын вал. Капиталина Александровна кышноеныз (1856-тӥ арын вордскемын) Пётр но Михаил пиоссэс но Елена, Евдокия, Мария но Александра нылъёссэс будэтӥзы. Куд-ог ивортонъёсъя, Пётр Ведерников 1918-тӥ арын ыбылэмын вал. Мария Сарапулысь Курбатов купечлы кышно луиз, соин ӵош Каракулиноысь Сарапулэ улыны кошкиз, отӥяз Пермь пала выжиз[3].
2015-тӥ арын Каракулино ёрослэн историезлы сӥзем музей Илларион Ведерниковлэсь ӵыжы-выжыоссэс утчанъя акция ортчытӥз, соин валче дано купечлэн выжыысьтыз куд-ог потэмъёсты шедьтыны но матысь родняосыз сярысь тросгес тодыны луиз[3].
Каракулиноысь музее Пётр Николаевич Орининский — Илларион Ведерниковлэн правнукез, Елена (бызем фамилиез — Чесноков[4]) нылызлэн нуныкаез вуылӥз. Со музейлы туспуктэмъёсын семья альбомзэс но Россиысь Суредасьёслэн огазеяськонысьтызы но ЮНЕСКО-лэн Суредан искусствоосъя калыккуспо ассоциациысьтыз ёзчиен, каракулино купечлэн внукеныз Юрий Ведерниковен быдэстэм картинаосты сётӥз[5].
Валэктонъёс
- ↑ Полина Игнатьева (27 февраля 2018) Купец, благотворитель, попечитель [ӟуч] Уроки истории. Эскеремын 21.08.2025 арын
- ↑ 1 2 3 4 Дмитрий Стрелков (07 апреля 2022) Старинную усадьбу в Каракулино внесли в реестр объектов культурного наследия [ӟуч] susanin.news. Эскеремын 21.08.2025 арын
- ↑ 1 2 Виктор Сергеевич Ерастов (14 августа 2015) Поиск потомков купца 1 гильдии Иллариона Фотиевича Ведерникова [ӟуч] sarapulmissia.pravorg.ru. Эскеремын 21.08.2025 арын
- ↑ Чесноков Александр Николаевич [ӟуч] rodinoved.ru. Эскеремын 21.08.2025 арын
- ↑ Галина Татаркина (22 августа 2024) В копилку загадочных музейных историй [ӟуч] Прикамская правда. Эскеремын 21.08.2025 арын
Чӧлсконъёс
- Усадьба купца Ведерникова [ӟуч], tehne.com.
- В копилку загадочных музейных историй [ӟуч], prikampravda.ru.
- Ведерников Илларион Фотиев [ӟуч], rodnaya-vyatka.ru.