8-тӥ куартолэзь — Григориан дырпусъя — арлэн 128-тӥ нуналыз (касьян аре — 129-тӥез). Ар пумозь 237 нунал кылемын.
☀️ Ижкарын Шунды 4 час 28 минутэ ӝужа, пуксе 20 час 26 минутэ. Югыт нуналлэн кыстӥськемез 🕒 15 час 58 минут.
🌖 Синӥсь Толэзь (будэмез 20.96 нунал).
Нунал тодметъёс
- Марк Ключник. Вашкалаослэн осконъёссыя, Марк, пе, аслаз усьтонэныз инмез усьтыса, зорез виятыны быгатэ.
- Туннэ куазь шундыё ке ― гужем пӧсь луоз.
- Кикы куаразэ сётӥз ке ― уз ни кынтылы,шуо.
- Та нуналысен зоръёс шунытэсь луо ини.
Нимнуналзэс пусъё
- Василий, Иоанна, Иосиф, Магдалена, Македоний, Мария, Марк, Марфа, Ника, Никодим, Саломия, Сергей, Сильвестр, Тамара.
Миссисипи шурлэн кутсконэз
Праздникъёс но буре ваён нуналъёс
- Россия
Россия ― Федерал службалэн вoeннo-тexничecкoй кусыпъёсъя ёзэтаз ужасьёслэн нуналзы.
- Кыкетӥ дунне ожын быремъёсты буре ваён нунал.
- Эшаклэн дунневыл нуналыз.
- Горд Кирослэн но Горд Палэс толэзьлэн дунневыл нуналзы.
- Объектъёсын кивалтонъя дунневыл нунал.
- Республика Корея
Республика Корея ― анай-атайлэн нуналыз.
- Туркменистан
Туркменистан ― йӧскалык геройёсты буре ваён нунал.
- Англия
Англия — День Фэрри — Корнуолл графстволэн тулыс праздникез, пусйиське друидъёслэн вакытысыенызы.
- Норвегия
Норвегия — Мозмытон нунал яке ветеранъёслэн нуналзы.
- Чехия
Чехия — Вормон нунал.
- Украина
Украина — Буре ваён но кусыпез тупатон нунал.
- ФРГ
ФРГ — Нацистской диктатуралэсь мозмытон нунал.
Луэм учыръёс
Удмуртиын
Н.Гогольлы синпелет, Никитской бульвар
Европаын вормон нунал, 8-тӥ куартолэзь, 1945-тӥ ар
Россиын но дуннеын
- 1541 — Испан конкистадор но путешественник Эрнандо де Сото Миссисипи шурез шедьтӥз.
- 1713 — Россилэн шоркарез Москваысь Санкт-Петербурге выжтэмын.
- 1791 — Нырысьсэ чузъяськиз Г. Державинлэн кылъёсыызъя гожтэм О. Козловский крезьгурчилэн «Гром победы, раздавайся!» гимнэз.
- 1801 — Росси император Александр I Мальтийской орденлэн быдӟым магистрез титуллэсь палэнтӥськиз. Кун гербысь мальтийской киросэз но Росси империлэн орденъёсыз пӧлысь Вӧсьлыко Иоанн Иерусалимский нимо орденэз утялтыны косӥз.
- 1808 — русско-шведской война (1808—1809) мыныку, ӟуч ожгарчиоси Свеаборг швед крепостез киултӥзы.
- 1886 — Нырысьсэ поттыны кутскемын Coca-cola. Солэн кылдытӥсез луэ доктор Джон Пембертон.
- 1895 — Китай Тайванез Японилы сётӥз.
- 1902 — Мартиникаысь Мон-Пеле вулкан кисьтӥськемлэсь 20 000 пала адями быриз.
- 1905 — Москваын Владимиром Андреевичем Грингмут «Русская Монархическая Партия» нимо национал-патриотической, черносотенной дэменлык кылдытӥз.
- 1909 — Москваысь Пречистенской бульварын Н. В. Гогольлы синпелет усьтэмын. Сое кылдытон бордын тыршизы скульптор Николай Андреев но архитектор Фёдор Шехтель.
- 1921 — Ӟуч эмигрантъёс Константинопольын таракан бызьылонъёс усьтӥзы.
- 1918 — П. Н. Краснов кивалтэм улсын ӝутӥськем казакъёс Ростов-на-Дону карезез киултӥзы.
- 1929 — Нырысьсэ СССР-ысь бусыосты но тэльёсты ядохимикатъёсын пазязы.
- 1945 — Берлин котырысь Карлсхорстын Германилэн быдэсак капитуляциез сярысь акт гожтэмын. США-ын но Шундыпуксёнпал Европаысь тросаз кунъёсын Вормон нуналэз пусъё.
- 1949
- Боннысь парламент совет "Валтӥсь катэз" («Основной закон») (ФРГ-лэн Конституциез) кутэмын.
- Берлинысь Трептов-паркын "Воин-освободитель" нимо монумент усьтэмын.
- 1960 — Куба но СССР вискын дипломати кусыпъёс тупатэмын.
- 1962 — Великобританилэн шоркараз берпуметӥ троллейбусъёс ветлэмысь дугдӥзы.
- 1965 — СССР-ысь Вылӥ Президиумлэн Косэтэзъя «Город-Герой» дано ним сярысь Положение юнматэмын. Озьы ик Брест крепостьлы «Крепость-Герой» дано ним сётон; Москва, Волгоград, Севастополь но Одесса город-геройёслы Ленин орден но "Зарни Кизили" медальёс сётон сярысь; Ленинград но Киев город-геройёслы "Зарни Кизили" медаль сётон сярысь Положениос.
- 1967 ― Усьтэмын «Тодмотэм Солдатлэн Шайгуэз» мемориальной архитектурной ансамбль.
- 1984 — СССР Лос-Анджелесысь гужем Олимпи шудонъёслы бойкот ялӥз.
- 1988 — СССР-ын Демократический Союз ― нырысетӥез оппозиционной политической парти кылдытэмын.
- 1990 — Эстония СССР-лэн пушпӧлысьтыз потӥз.
- 2004 — Герман полиция Sasser компьютер вирусэз кылдытӥсь 18 аресъем пияшез пытсэтаз.
- 2020 — Марианской впадина пыдсы (10028 м) лэземын автономной необитаемой «Витязь-Д» росси вуул аппарат.
Вордскизы
Удмуртиысь тодмо муртъёс
Россиысь но дуннеысь тодмо муртъёс
- 1770 — Василий Пушкин (кулӥз 1830), ӟуч кылбурчи, А. С. Пушкинлэн агаез («Опасный сосед», «Капитан Храбров» но мукет).
- 1753 — Мигель Идальго, Мексикаысь вӧсьчи, Мексикаысь революцилэн азьветлӥсез.
- 1884 — Гарри Трумэн, США-лэн 33-тӥ президентэз.
- 1926 — Дэвид Аттенборо, Великобританиысь зоолог но натуралист, гожъяськись.
- 1962 — Валерий Тодоровский, кинорежиссёр («Подмосковные вечера»).
- 1975 — Энрике Иглесиас, испан кырӟась.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1794 — Антуан Лавуазье, Франциысь тодосчи, туала химиез инъясь.
- 1873 — Джон Стюарт Милль, Англиысь философ-позитивист, экономист.
- 1903 — Поль Гоген, Франциысь суредась-постимпрессионист.
- 1918 — Шимон Холлоши, венгер суредась-реалист.
- 1936 — Освальд Шпенглер, немец философ но культуролог.
- 1976 — Ульрика Майнхоф, немец журналист, социолог, мерлыко ужась но террорист.
- 1988 — Роберт Хайнлайн, Америкаысь фантаст.
- 1992 — Сергей Образцов, режиссёр, актёр, Центральной мунё театрлэн кылдытӥсез но кивалтӥсез, СССР-ысь калык артист.
