23-тӥ гудырикошкон — Григориан дырпусъя — арлэн 235-тӥ нуналыз (касьян аре — 236-тӥез). Ар пумозь 130 нунал кылемын.
☀️ Ижкарын Шунды 5 час 7 минутэ ӝужа, пуксе 19 час 46 минутэ. Югыт нуналлэн кыстӥськемез 🕒 14 час 38 минут.
🌓 Нырысетӥ ньыльмосэз (будэмез 9.84 нунал).
Нунал тодметъёс
- Левоньлэн нуналыз (ӟуч: Лаврентьев день). Туннэ, пе, азьтэмъяськыса тэк улӥд ке ― быдэс арзэ ёрмыса улод[1].
- Туннэ зориз ке ― толалтэ куазь гань-гань луоз.
- Беризь куар ӵужектӥз ке ― ӝоген сӥзьылскоз.
Нимнуналзэс пусъё
- Лaвpeнтий, Ρoмaн, Aфaнacий, Вячecлaв.
Тохтамыш Зарни Ордалэн трон вылаз
Праздникъёс но буре ваён нуналъёс
Йӧскалык праздникъёс
- Россия
Россия — Ожгар данлыклэн нуналыз ― Курск ожмаськонын вормонлэн ар нуналыз.
- Армения
Армения — Арменилэн асэриклыкез сярысь деклараци кутон нунал[3].
- Белоруссия
Белоруссия — Кун статистикаын ужасьёслэн нуналзы.
Тумошо праздникъёс
- Зоркибыослэн лобан нуналзы.
- Синтэм пуныослэн калыккуспо нуналзы.
Луэм учыръёс
Удмуртиын
Россиын но дуннеын
Кремльлэн башняысьтыз вить сэрего кизили
- 1382 — Москваез Тохтамыш ханлэн таркамезлэсь утён вылысь, Россиын нырысьсэ кутэмын артиллерия.
- 1614 — Гронингенысь университет кылдытэмын.
- 1770 — англи капитан Джеймс Кук Австралиез Англилэн шуыса ялӥз.
- 1839 — англичанъёс Гонконгез киултӥзы.
- 1866 — Прагаын тупанкыл гожтэмын, солы луыса, йылпумъяськиз Австрия но Пруссия куспын ожмаськон. Прагаысь тупанкылъя Венеция Италилы сётэмын.
- 1882 — Канадалэн Уйпал но Шундыпуксёнпал интывылызлы шоркарлы Реджина кар быръемын.
- 1913 — Копенгагенын Андерсенлэн выжыкылысьтыз Вуныллы сӥзем синпелет усьтэмын.
- 1914 — Япон империя Герман империлы ож ялӥз но, Антанта пала кариськыса, Нырысетӥ дунневыл оже пыриськиз.
- 1927 — США-ын кужмысь виемын Никола Сакко но Бартоломео Ванцетти ужасьёс.
- 1935 — СССР-ысь Калык Комиссаръёслэн Советсы Кремльлэн башняосыз йылын Росси империлэсь гербзэ вить сэрего кизилиосын воштон сярысь Пуктэт кутӥз.
- 1943 — Харьков кар куинетӥзэ но берпуметӥзэ немец войскоослэсь мозмытэмын.
- 1968 — Ринго Старр огдырлы The Beatles группаысь потӥз.
- 1975 — усьтӥськиз Харьков метрополитен.
- 1991 — Ельцинецъёс КПСС-лэсь ужамзэ но «Правда» газет поттонэз дугдытӥзы.
Вордӥськизы
Удмуртиысь тодмо муртъёс
- 1920 — Александр Решетов, совето журналист, шаерчи, Сарапул сярысь книгаослэн авторзы.
- 1923 — Василий Михайлов, удмурт кылбурчи, публицист, журналист, кун ужась, УАССР-ысь культурая министр (1960-1965).
- 1928
- Вениамин Чикваров, Удмурт АССР-ысь физической культурая отличник, греко-римской нюръяськонъя тренер.
- Александр Пермяков, Удмуртиысь судебной медициная эксперт, ИГМА-лэн сӥё-дано академикез, кылбурчи.
Россиысь но дуннеысь тодмо муртъёс
- 1740 — Иван VI, Россиысь император (1740-1741).
- 1880 — Александр Грин, ӟуч гожъясьчи.
- 1934 — Рем Вяхирев, 1992—2001 аръёсын «Газпромлэн» тӧроез.
- 1935 — Иштван Батори, венгер но немец кылчи.
- 1951 — Ахмат Кадыров, чечен политик, Чечен Элькунлэн нырысетӥ президентэз (2003—2004).
- 1964 — Алёна Апина, Россиысь эстрадной кырӟась.
- 1971 — Александр Валентинович Новак, Россиысь кун но политика удысъёсын ужась. Росси Федерациысь кивалтэтлэн тӧроезлэн воштӥсез.
- 1977 — Игорь Петренко, Россиысь актёр.
- 1979 — Семён Слепаков, тодмо ӟуч аспӧртэмлыко кырӟась, актёр, шоумен.
- 1986 — Вик Уайлд, Америкаысь но Россиысь сноубордист, кык полэс олимпи чемпион.
Кулӥзы
Удмуртиысь тодмо муртъёс
- 2016 — Евгений Потапов, ӟуч актёр, Удмуртиысь калык артист.
Россиысь но дуннеысь тодмо муртъёс
- 1806 — Шарль Кулон, Франциысь физик но ожгар инженер.
- 1846 — Вильгельм Кюхельбекер, ӟуч кылбурчи, декабрист.
- 1927 — Никола Сакко, Уйпал Америкаысь итальян выжыё ужась-анархист.
- 1994 — Золтан Фабри, венгер кинорежиссёр.
Валэктонъёс
— Рабъёсын вузкарон улсын кужмысь каремъёсты буре ваён нунал.
— Сталинизм но нацизм улэ шедемъёсты буре ваён нунал.
