Новак, Александр Валентинович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Новак.
Александр Новак
Alexander Novak (2019-11-06).jpg
Флаг
Росси Федерациысь кивалтэтлэн тӧроезлэн воштӥсез
Флаг
10-тӥ шуркынмонысен 2020
(ужез быдэсъясь 7—13-тӥ куартолэзе 2024)
Кивалтэтлэн тӧроез Михаил Мишустин
Элькунлэн тӧроез Владимир Путин
Флаг
Росси Федерациысь энергетикая министр
Флаг
21-тӥ куартолэзьысен 2012 —
10-тӥ шуркынмонозь 2020
(ужез быдэсъясь 8—18-тӥ куартолэзе 2018,
15—21-тӥ толшоре 2020)
Кивалтэтлэн тӧроез Дмитрий Медведев
Михаил Мишустин
Андрей Белоусов (ужез быдэсъясь)
Михаил Мишустин
Элькунлэн тӧроез Владимир Путин
Азьпалчиез Сергей Шматко
Бӧрысьчиез Николай Шульгинов
Флаг
Росси Федерациысь коньдон ужпумъёсъя министрлэн воштӥсез
Флаг
2-тӥ коньывуонысен 2008 —
21-тӥ куартолэзёзь 2012
Флаг
Красноярск шаерысь кивалтэтлэн тӧроез
Флаг
15-тӥ пӧсьтолэзьысен — 1-тӥ коньывуонозь 2008
Губернатор Александр Хлопонин
Азьпалчиез интыуж юнматэмын
Бӧрысьчиез Эдхам Акбулатов
Вордӥськемын 23-тӥ гудырикошконэ 1971(1971-08-23) (55 арес)
Авдеевка, Донецк улос, Украин ССР, СССР
Атаез Валентин Яковлевич Новак
Анаез Зоя Николаевна Новак
Кузпалыз Лариса Новак
Партия беспартийной
Дышетскемез Норильскысь индустриальной институт
Москваысь кун университет
Данъетъёсыз
Нимысьтыз званиез яке классной чинэз
Званиез Действительный государственный советник Российской Федерации 3 класса.png
3 классъем действительной кун советник
Логотип РУВИКИ.Медиа Медиафайлъёс РувикиМедиа пушкын

Алекса́ндр Валенти́нович Но́вак (ворд. 1971-тӥ арын 23-тӥ гудырикошконэ, СССР-ын, Украин ССР-ын, Донецк улосысь Авдеевкаын) — Россиысь кун но политика удысъёсын ужась.

Росси Федерациысь кивалтэтлэн тӧроезлэн воштӥсез (2020-тӥ арын 10-тӥ шуркынмонысен), (ужез быдэсъясь 7—13-тӥ куартолэзе 2024)[1]. Уйпал Кавказ федерал округлэн кураторез (2021-тӥ арын 19-тӥ пӧсьтолэзьысен)[2].

Росси Федерациысь энергетикая министр (2012-тӥ арын 21-тӥ куартолэзьысен 2020-тӥ арын 10-тӥ шуркынмонозь. Одноужез быдэсъясь 2018-тӥ арын 8 — 18 -тӥ куартолэзе но 2020-тӥ арын 15— 21-тӥ толшоре)[3].

Улон сюресэз

Александр Новак вордӥськиз 1971-тӥ арын 23-тӥ гудырикошконэ Донецк улосысь Авдеевка карын.

1979-тӥ арын семьяез Норильске улыны выжиз. Атаез Надеждинской металлургической завод пуктонын ужаз[4]. Дышетскиз Норильскысь 23-тӥ номеро школаын[5]. Ӝужыт мугоро луэменыз (189 см), школаын баскетболъя сборной командаын шудылӥз[6].

1993-тӥ арын Норильскысь индустриальной институтэз йылпумъяз, "экономика и управление в металлургии"удысъя. Со сяна, 2009-тӥ арын Москваысь М. В. Ломоносов нимо МГУ- ысь кун администрирования Вылӥ школаез «менеджмент» ӧнеръя йылпумъяз.

1988-тӥ арын куарусёнысен Норильскысь А. П. Завенягин нимо горно-металлургическойм комбинатын  [ӟуч] (удм. ужаны кутскиз. Нырысь 1-тӥ разрядэн аппаратчик-гидрометаллург, собере стажёр чотын — техник-технолог, ужъя техник, берло экономист луыса тыршиз. 1993-тӥ арысен бухгалтериысь финансовой бюроен кивалтӥз. 1997-тӥ арын куартолэзьысен 1999-тӥ арын шуркынмон толэзёзь отделэн кивалтӥз, собере — налоговой планирования управлениен.

1999-тӥ арын толсуре экономикая директорлы воштӥсе юнматӥзы — управленилэн кивалтӥсез, собере —персоналэн ужанъя директорлэн воштӥсез луиз — «Норильская горная компания» ОАО-лэн управлениеныз кивалтӥсь (Заполярной филиал).

Собере Норильск кар администрацие ужаны выжиз, 2000-тӥ арын куартолэзьысен кар главалэн Олег Бударгинлэн  [ӟуч] (удм. финансово-экономической ужпумъёсъя воштӥсез вал, собере, 2002-тӥ арын коньывуон толэзёзь — нырысетӥ воштӥсез.

Александр Хлопонин  [ӟуч] (удм. Красноярск шаерлэн губернаторез луэм бере, Новак солэн администрацияз пыриз, 2002-тӥ арын коньывуонысен 2007-тӥ арын пӧсьтолэзёзь губернаторлэсь воштӥсезлэсь ужзэ быдэсъяз но огдыре ик Красноярск шаерлэн администрациезлэн Валтӥсь финансовой управлениезлэн кивалтӥсез вал. 2007-тӥ арын пӧсьтолэзе Красноярск шаерысь губернаторлэн нырысетӥ воштӥсез луиз, та интыужын ӝоген улосвыл кивалтэтэз йыръяз.

2008-тӥ арын 29-тӥ куарусёнысен 2012-тӥ арын 22-тӥ куартолэзёзь — Росси Федерациысь коньдон ужпумъёсъя министрлэн воштӥсез. 2008-тӥ арын 2-тӥ коньывуонэ Россиысь Коньдон ужпумъёсъя министерстволэн Коллегиезлэн ёзчиез луиз.

2012-тӥ арын 21-тӥ куартолэзе Дмитрий Медведевлэн нырысетӥ кивалтэтаз Росси Федерациысь энергетикая министр луиз[7][8][9]. Медведевлэн 2018-тӥ арын куартолэзе кыкетсэ кылдытэм кивалтэтаз, озьы ик Михаил Мишустинлэн кивалтэтаз (2020-тӥ арын 21-тӥ толшорысен) ас интыяз кылиз. Министерствое вуэмез бере СНГ-ысь Электроэнергетикая кенешлэн президентэз (2012-тӥ арын 25-тӥ куартолэзьысен) но Россилэн Президентэз улсын ужась топливно-энергетической комплексэз азинтонъя но экологи кышкыттэмлыкъя комиссилэн ёзчиез луиз (2012-тӥ арын инвожоысен).

2015-тӥ арын пӧсьтолэзе «Россети» ПАО-лэн, нош со аре ик куарусён толэзе «Транснефть» ПАО-лэн директоръёсызлэн кенешсылы тӧрое бырйизы[10].

Со сяна, 2012-тӥ арысен «Росатом» кун корпорацилэн (2012-тӥ арысен), «Газпром» ПАО-лэн но «Роснефть» ПАО-лэн (2015-тӥ арысен) Директоръёслэн кенешсылэн ёзчиез луэ.

2015-тӥ-2018-тӥ аръёсы Арктикаез азинтонъя кун комиссилэн тӧроезлэн воштӥсез вал. Со Россилэн Президентэз улсын Россиез выль сямен азинтонъя но солэсь экономиказэ выльдонъя (2012—2018), жилищной политикая но улон интыез басьтымон каронъя (2013—2016) кенешъёслэн ёзчиез вал[4].

2020-тӥ арын 9-тӥ шуркынмонэ Россилэн кивалтэтэзлэн тӧроез Михаил Мишустин Новакез топливо но энергетика ужпумъёсъя вице-премьере дэмлаз[11][12]. Мукет нуналаз со дэмлам уже юнматэмын вал.

2024-тӥ арын 13-тӥ куартолэзе Кун Дума выльысь юнматӥз Александр Новакез Росси Федерациысь Кивалтэтлэн Тӧроезлэн воштӥсез интые[13]. 14-тӥ куартолэзе Россилэн Президентэз юнматон сярысь косэт гожтӥз[14]. Новаклэн ужудысаз: шаерысьтымы топливо но энергетикая комплекслэсь, экономической блоклэсь, азинсконъя институтъёслэсь ужзэс радъян:

  • «Россиысь меӵак инвестициосъя фондлэн управляющей компаниез» акционер огазеяськон,
  • «Пичи но шоро-куспо ужбергатонэз азинтонъя федерал корпорация» акционер огазеяськон,
  • «Россиысь венчурной компания» акционер огазеяськон[15].

2025-тӥ арын 10-тӥ южтолэзе Росси Федерацилэн Президентэзлэн косэтэзъя Россиысь меӵак инвестициосъя фондлэн чаклась кенешаз пыртэмын (РФПИ)[16].

Вице-премьерлэн интыужаз политика ужудысын

2021-тӥ арын 29-тӥ толсуре Александр Новак, «Северный поток-2  [ӟуч] (удм.» газопроводлы сертификациез 2022-тӥ арлэн нырысетӥ паларез пумын быдэстыны чакламын шуыса ивортӥз, РБК-лы интервью сётыкуз. Новак, европаысь юлтошъёслэн мылкыдъяськеменызы газопроводлы сертификациез ӝоггес йылпумъяны луоз но топливо сётонэз трослы вазьгес кутскыны луоз, шуыса пусйиз[17].

Украина «Северный поток-2» проектэз улонэ пыӵатонлы люкетыны уз быгаты, та проектэз тӥяны уз луы, шуыса оскытӥз Новак. Солэн верамезъя, «пумитъяськонъёс трос вал ке но, уж азьланьтӥське[18].

Семьяез

  • Атаез — Валентин Яковлевич Новак,
  • Анаез — Зоя Николаевна Новак.
  • Кышнояськемын, кузпалыз — Лариса Новак.
    • Кык ныл будэто[5].

Классной чинэз

  • Росси Федерациысь 3 классъем действительной кун советник (2009-тӥ арын 26-тӥ толсуре)[19].

Данъетъёсыз

  • Росси Федерациысь Кивалтэтлэн Данъян грамотаез (2009-тӥ ар);
  • Данлыко Орден (2010-тӥ арын 27-тӥ толсуре) — ужын вормонъёс басьтэмез но трос аръёс ӵоже тыршыса ужамез понна[20];
  • Росси Федерацилэн Президентэзлэн Таукаронэз (2013-тӥ ар);
  • «2014-тӥ арын Сочиын ортчем XXII Олимпи тол шудонъёс но XI Паралимпитол шудонъёс» памятной медаль (2014-тӥ ар);
  • Росси Федерацилэн Президентэзлэн Данъян грамотаез (2014-тӥ ар);
  • Эшъяськонъя орден (2014-тӥ ар);
  • «За заслуги перед Отечеством» IV степенё орден (2016-тӥ ар);
  • «За верность долгу» орден ( Крым Республика, 2017-тӥ арын 17-тӥ толшоре) — «Краснодарский край – Крым» энергетической выж объектъёсты уже кутонэз кутскон улсын, Крым Республикаын улӥсьёслы электроснабжениен вис карылытэк сётонын юрттӥськемез но вылӥ ӧнерлыко луэмез понна[21];
  • П. А. Столыпинлэн I степенё медалез (2018-тӥ ар);
  • Александр Невскийлэн орденэз (2019-тӥ ар);
  • Норильск карлэн дано муртэз (2013-тӥ ар);
  • Мукет ведомствоослэн данъетъёссы. 

Табышез

2011-тӥ ар понна декларировать карем табышез 11 млн 800 сюрс манет тыр луиз, кузпалызлэн табышез — 2 млн 800 сюрс манет[5].

2019-тӥ ар понна декларациын пусъем табышез 27 млн 48 сюрс манет. Кузпалызлэн — 1 млн 7 сюрс манет[4].

Валэктонъёс

  1. ↑ Правительство России переходит в статус и.о. до назначения нового состава [ӟуч]
  2. ↑ Михаил Мишустин назначил вице-премьеров кураторами федеральных округов
  3. ↑ Правительство РФ подало в отставку
  4. ↑ 1 2 3 Алексей Дружинин Биография Александра Новака ТАСС.
  5. ↑ 1 2 3 Новак, Александр [ӟуч] (HTML) Лентапедия. Эскеремын 2013-06-10 арын
  6. ↑ Александр Борисов. Энергетический руководитель // Санкт-Петербургские ведомости : газета. — 2020. — 20 шуркынмонэ (№ 212).
  7. ↑ Указ Президента Российской Федерации от 21.05.2012 г. № 664 «О Министре энергетики Российской Федерации»
  8. ↑ Указ Президента Российской Федерации от 18.05.2018 г. № 250 «О Министре энергетики Российской Федерации»
  9. ↑ Указ Президента Российской Федерации от 21.01.2020 г. № 51 «О Министре энергетики Российской Федерации»
  10. ↑ Новак вновь возглавил совет директоров «Транснефти»
  11. ↑ Мишустин предложил Госдуме назначить Новака вице-премьером [ӟуч] Эскеремын 2020-11-09 арын
  12. ↑ Указ Президента РФ «О внесении изменения в Указ Президента Российской Федерации от 21 января 2020 г. № 21 „О структуре федеральных органов исполнительной власти“»
  13. ↑ Госдума утвердила Новака заместителем председателя правительства
  14. ↑ Президент подписал указы о назначении членов Правительства Российской Федерации и директоров служб
  15. ↑ Михаил Мишустин утвердил распределение обязанностей между вице-премьерами
  16. ↑ Новак включен в набсовет РФПИ, Белоусов и экс-глава ВЭБа Дмитриев вышли из него, Interfax.ru (10 южтолэзе 2025). Эскеремын: 10 южтолэзе 2025 арын.
  17. ↑ Новак: сертификацию «Северного потока — 2» завершат до конца первого полугодия 2022 года [ӟуч]
  18. ↑ Новак: проект «Северный поток — 2» невозможно сорвать [ӟуч]
  19. ↑ Указ Президента Российской Федерации от 26.12.2009 г. № 1479 «О присвоении классных чинов государственной гражданской службы Российской Федерации федеральным государственным гражданским служащим»
  20. ↑ Указ Президента Российской Федерации от 27.12.2010 г. № 1615 «О награждении государственными наградами Российской Федерации»
  21. ↑ Постановление Президиума ГС РК от 17 января 2017 года № п357-1/17

Чӧлсконъёс

  • Профайл на сайте Министерства энергетики РФ.
«https://udm.ruwiki.ru/w/index.php?title=Новак,_Александр_Валентинович&oldid=489689»-ысь басьтэмын