Мантуров, Денис Валентинович

Википедиысь материал
Денис Валентинович Мантуров
Denis Manturov (2020-06-10).jpg
Флаг
Россия Федерациысь кивалтэтлэн тӧроезлэн нырысетӥ воштӥсез
Флаг
14 куартолэзь, 2024
Кивалтэтлэн тӧроез Михаил Мишустин
Президент Владимир Путин
Азьпалчиез Андрей Белоусов
Флаг
Россия Федерациысь кивалтэтлэн тӧроезлэн нырысетӥ воштӥсез
Флаг
15 пӧсьтолэзе, 2022 — 7 куартолэзь, 2024
(ужзэ быдэсъяз 7—14 куартолэзе, 2024)
Кивалтэтлэн тӧроез Михаил Мишустин
Президент Владимир Путин
Флаг
Россия Федерациысь промышленностья но вузкаронъя министр
Флаг
21 куартолэзе, 2012 — 7 куартолэзь, 2024
(ужзэ быдэсъяз 2 тулыспалэ — 21 куартолэзе, 2012; 8—18 куартолэзе, 2018;
15—21 толшоре, 2020; 7—14 куартолэзе, 2024)
Кивалтэтлэн тӧроез Владимир Путин
Виктор Зубков (и. о.)
Дмитрий Медведев
Михаил Мишустин
Андрей Белоусов (и. о.)
Михаил Мишустин
Президент Владимир Путин
Азьпалчиез Виктор Христенко
Бӧрысьчиез Антон Алиханов
Флаг
Россия Федерациысь промышленностья но вузкаронъя министрлэн воштӥсез
Флаг
19 куартолэзе, 2008 — 2 тулыспалэ, 2012
Флаг
Россия Федерациысь промышленностья но энергетикая министрлэн воштӥсез
Флаг
11 куарусёнэ, 2007 — 19 куартолэзе, 2008
Вордӥськемын 23-тӥ тулыспалэ 1969(1969-02-23) (56 арес)
Мурманск, РСФСР, СССР
Дышетскемез 1. МГУ
2. РАНХиГС
Учёной степенез экономика тодосъя кандидат (1997)
экономика тодосъя доктор (2022)
Данъетъёсыз
орден святого благоверного князя Даниила Московского III степени
орден «За заслуги перед Отечеством» IV степени Орден Почёта Орден Дружбы медаль ордена «За заслуги перед Отечеством» II степени
Почётная грамота Правительства Российской Федерации
Военной службаез
Званиез Россия Федерациысь 1-тӥ классъем кун советник
Ужан интыез
Логотип Викисклада Медиафайлъёс РувикиМедиа пушкын

Дени́с Валенти́нович Ма́нтуров (вордӥськемын 1969-тӥ арын) — ӟуч кун ужась, Россия Федерациысь кивалтэтлэн тӧроезлэн нырысетӥ воштӥсез (2024-тӥ арын 14-тӥ куартолэзьысен)[1][2]. Россия Федерациысь промышленностья но вузкаронъя министр (2012-2024).

МГУ-ысь социологияя факультетысь социальной технологиосъя кафедралэн кивалтӥсез. Экономика тодосъя доктор (2022). Россия Федерациысь 1-тӥ классъем кун советник.

Улон сюресэз

[Тупатыны | вики-текстэз тупатыны]

Вордскиз 1969-тӥ арын 23-тӥ тулыспалэ Мурманскын. Атаез Комсомоллэн Мурманскысь горкомезлэн нырысетӥ секретарез вал.

1994-тӥ арын йылпумъяз Москваысь кун университетэз социолог ӧнеръя.

1997-тӥ арын МГУ-ысь аспирантураез быдтӥз. Со арын ик «Россиысь улосъёсын инвестициосъя ужъёсты мерлыко но экономикая анализ» темая кандидат диссертацизэ утиз.

2006-тӥ арын Россилэн азьмуртэз бордысь калык хозяйствоя но кун службая академиез (РАНХиГС) юриспруденцияя ӧнеръя йылпумъяз.

1990-тӥ аръёслэн кутсконазы ужаз ӟуч-инди огазеяськонын.

1993-тӥ арысен Улан-Удэ авиазаводысь Ми-8 вертолётъёсты кунгож сьӧры келянэн выриз. 1998-тӥ арысен 2000-тӥ арозь авиазаводын генеральной директорлэн воштӥсезлэсь ужзэ быдэсъяз.

2000-тӥ-2001-тӥ аръёсы Москваысь М. ​​Л. Миль нимо вертолёт поттон заводлэн коммерцияя директорез вал.

2001-тӥ арысен 2003-тӥ арозь Инвестициосъя кун корпорацилэн тӧроезлэн воштӥсез луыса тыршиз.

2002-тӥ арын Москваысь авиацияя институтысь докторантураез йылпумъяз.

2003-тӥ арысен 2007-тӥ арозь «Оборонпром» огазеяськем промышленной корпорацилэн валтӥсь директорез вал.

2007-тӥ арын 11-тӥ куарусёнысен 2008-тӥ арын 19-тӥ куартолэзёзь – Росси Федерациысь промышленностья но энергетикая министрлэн воштӥсез[3].

2008-тӥ арын 19-тӥ куартолэзе Росси Федерациысь промышленностья но вузкаронъя министрлы воштӥсе юнматэмын[4].

2011-тӥ арын 1-тӥ толсурысен Москваысь авиацияя институтысь «Экономикая объектъёсын кивалтон системаос» кафедралэн профессорез луэ. Росси азьмуртлэн кивалтон удысын кадръёсъя резерваз «нырысетӥ сюосыз» пӧлы пыре.

2012-тӥ арын 2-тӥ тулыспалэ Путин премьер-министр Мантуровез Росси Федерациысь промышленностья но вузкаронъя министрлэсь ужзэ быдэсъясе пуктӥз[5], 2012-тӥ арын 21-тӥ куартолэзе должностяз юнматэмын[6]. 2018-тӥ арын 18-тӥ куартолэзе но 2020-тӥ арын 21-тӥ толшоре выльысь аслаз постаз юнматэмын вал[7].

Владимир Путинэн кенешон (2021-тӥ арын 10-тӥ инвожое)

2012-тӥ арын шуркынмонысен «Ростех» кун корпорациысь чаклась кенешлэн ёзчиез луэ[8].

2022-тӥ арын 27-тӥ куартолэзе Россилэн азьмуртэз бордысь калык хозяйствоя но кун службая академиын «Промышленной политикалэсь выль модельзэ кылдытонъя но улонэ пыӵатонъя теория но практика» темая доктор диссертацизэ утиз[9].

2022-тӥ арын 12-тӥ пӧсьтолэзе Росси президентлэн косэтэзъя промышленностья но вузкаронъя министр Росси Федерациысь кивалтэтлэн тӧроезлэн воштӥсез луиз. Со нуналэ ик Михаил Мишустин Мантуровлэсь кандидатуразэ Кун Думае эскерыны келяз, отын сое юнматӥзы[10]. 2022-тӥ арын 25-тӥ пӧсьтолэзьысен — Росси Федерациысь ожгар промышленностья комиссилэн коллегиезлэн тӧроез[11].

2024-тӥ арын 11-тӥ куартолэзе Михаил Мишустин Кун Думае выль кивалтэтлэсь составзэ эскерыны сётӥз, Денис Мантуровлэсь кандидатуразэ кивалтэтлэн тӧроезлэн нырысетӥ воштӥсезлэн интыяз ӵектыса[12]. 13-тӥ куартолэзе Кун Дума Мантуровез та интые юнматӥз[13]. 14-тӥ куартолэзе Россилэн президентэз та пумысен косэт гожтӥз[14].

Мантуровлэн валтӥсь ужоскетъёсыз:

  • Технологиез азинтон удысын ужъёсты радъян, йӧскалык технологиосъя кичӧлтонэз улонэ пыӵатон, ядерной, ракетной, космос, корабль лэсьтон, авиация но радиоэлектронной промышленностьын, кун обороная заказын выль технологиосты пыӵатон;
  • Урал федерал округе пырись субъектъёслэсь мерлыко но экономикая азинсконзэс чаклан;
  • Промышленность, техникая регулирование, азинскон программаосты быдэсъян удысъёсын кун политикаысь ужпумъёсты чаклан;
  • Федерал быдэсъясь ёзэсъёслэсь ужзэс радъян:
    • Россиысь промышленностья но вузкаронъя министерство;
    • Кун резервъёсъя федерал агентство;
    • Техникая регулирования но метрологияя федерал агентство;
    • Интеллектуальной ваньбуръя федерал служба;
    • Россиысь экспортъя центр;
    • Роскосмос;
    • «Росатом» (корпорацилэн обороная кун заказъёсы, обороная но ракетно-космической удысэз азинтонъя программаосы пыриськемез);
    • Выль технологиосты кылдытонъя но коммерциализацияя центрез азинтонъя фонд[15].

Семьяез

[Тупатыны | вики-текстэз тупатыны]

Кышноез[Тупатыны | вики-текстэз тупатыны]

Наталья Евгеньевна Мантурова (нылдыр фамилиез Кисель; вордскемын 1969-тӥ арын) — пластической хирург. Россиысь Тазалыкез утёнъя министерствоысь валтӥсь внештатной ӧнерчи-пластической хирург, Россиысь Н. И. Пирогов нимо йӧскалык эм университетысь кафедраен кивалтӥсь, медицина наукаосъя доктор, вылӥ категориен врач, «Россиысь пластической, реконструктивной но эстетической хирургъёслэн обществозы»-лэн тӧроез, Эстетической медициная огазеяськонлэн ёзчиез, ISAPS-лэн ёзчиез, «Пластическая хирургия и эстетическая медицина» журналлэн валтӥсь редакторез, Росси Федерациысь дано эмъясь. Пластической хирургияя «Ланцетъ» клиникалэн но «Русская красота» эстетической медициная центрлэн кылдытӥсез но кузёез[16][17][18][19][20].

Нылпиосыз[Тупатыны | вики-текстэз тупатыны]

Кык нылпиосыз. Пиез — Евгений (вордӥськемын 1998-тӥ арын 19-тӥ куартолэзе) МГИМО-ысь калыккуспо экономика кусыпъёсъя факультетын дышетске[21]. Леонела нылыз (вордӥськемын 1995-тӥ арын 6-тӥ южтолэзе) МГУ-ысь социологияя факультетэз йылпумъяз[22][23].

Анай-атаез[Тупатыны | вики-текстэз тупатыны]

Отец — Валентин Иванович Мантуров (1938-2019). Мореходной училищеез йылпумъяз. Горисполкомлэн тӧроезлэн воштӥсез но Мурманскысь комсомоллэн горкомезлэн нырысетӥ секретарез луыса ужаз. Собере Индиын, США-ын но Шри-Ланкаын вузкарон миссиын но дипломатия службаын тыршиз. Кунгожсьӧр вузкаронъя академиез йылпумъяз. 1980-тӥ аръёсы ООН-ысь СССР-лэн представительствоеныз кивалтӥз. Анаез — Тамара Фёдоровна Мантурова (вордскемын 1936-тӥ арын).

Данъетъёсыз

[Тупатыны | вики-текстэз тупатыны]
  • «За заслуги перед Отечеством» орденлэн II степенё медалез (2007)[24].
  • Эшъяськон орден (2008)[25].
  • Данъян орден (2009)[26].
  • Росси Федерациысь кивалтэтлэн Данъян грамотаез (2010)[27].
  • «За заслуги перед Отечеством» IV степенё орден (2013-тӥ арын, 2-тӥ тулыспал) — кунлэсь обороная быгатонлыкъёссэ юнматонын, выль спецтехника кылдытонын трос кужымзэ сётэмез но уно аръёс ӵоже тыршыса ужамез понна[28].
  • Дунчылкыт Даниил Московской князьлэн III степенё орденэз (2017)[29]
  • Росси Федерациысь кивалтэтлэн таукаронэз (2019-тӥ ар, 28-тӥ тулыспал) — промышленность но вузкарон удысын кун политикаез улонэ пыӵатонын вормонъёсыз но трос аръёс ӵоже тыршыса ужамез понна[30].
  • «За заслуги перед Республикой Карелия» медаль (2020-тӥ ар, 8-тӥ инвожо) – Карелия Элькун но отын улӥсьёс понна тыршемезлы, элькунлэн мер но экономика удысын азинсконэз понна сюлмаськемезлы но Карелилэн кылдэм дырысеныз 100 ар тырмонзэ пусъёнлы дасяськонъя кун комиссиын мыло-кыдо ужамез понна[31].
  • Италилэн Кизилиез орденлэн бадӟым киросэзлэн кавалерез (2020-тӥ арын 28-тӥ куартолэзе, Италия; 2022-тӥ арын 9-тӥ куартолэзе та данъетэз Италилэн президентэзлэн Серхио Маттареллалэн косэтэзъя таламын)[32].
  • Заслуга орденлэн кизилиеныз командор кирос (2021-тӥ ар, 7-тӥ пӧсьтолэзь, Венгрия)[33].
  • «Дустлик» орден (2022-тӥ ар, 29-тӥ гудырикошкон, Узбекистан)[34]

Валэктонъёс

[Тупатыны | вики-текстэз тупатыны]
  1. ↑ Денис Валентинович Мантуров - Правительство России(ӟуч)
  2. ↑ Госдума утвердила Мантурова первым вице-премьером
  3. ↑ Распоряжение Правительства Российской Федерации от 11.09.2007 г. № 1217-р «О заместителе Министра промышленности и энергетики Российской Федерации»
  4. ↑ Распоряжение Правительства Российской Федерации от 19.05.2008 г. № 700-р «О заместителе Министра промышленности и торговли Российской Федерации»
  5. ↑ Исполнять обязанности главы Минпромторга РФ будет замминистра Мантуров
  6. ↑ Указ Президента Российской Федерации от 21.05.2012 г. № 654 «О Министре промышленности и торговли Российской Федерации»
  7. ↑ Указ Президента Российской Федерации от 18.05.2018 г. № 239 «О Министре промышленности и торговли Российской Федерации»
  8. ↑ Денис Мантуров возглавил наблюдательный совет «Ростехнологий» — Татьяна Зыкова — Российская газета
  9. ↑ Telegram: Contact @Svoidanash
  10. ↑ Путин ввел новую должность в правительстве
  11. ↑ Путин назначил Мантурова председателем коллегии ВПК
  12. ↑ О чем говорит новая конфигурация российского правительства
  13. ↑ Госдума утвердила Мантурова первым вице-премьером
  14. ↑ Президент подписал указы о назначении членов Правительства Российской Федерации и директоров служб
  15. ↑ Михаил Мишустин утвердил распределение обязанностей между вице-премьерами
  16. ↑ Жена нового министра промышленности открыла клинику за $1,5 миллиона / Sobesednik.ru, 14 июня 2012
  17. ↑ Мантурова Наталья Евгеньевна / pscommission.ru
  18. ↑ Институт пластической хирургии и косметологии. Мантурова Наталья Евгеньевна / iphk.ru
  19. ↑ Клиника аппаратной, инъекционной косметологии и космецевтики «Ланцетъ-Центр». Мантурова Наталья Евгеньевна / delight-lancette.ru
  20. ↑ ЭНЦИКЛОПЕДИЯ. Мантуров, Денис Валентинович / ТАСС
  21. ↑ Студент Евгений Мантуров — чемпион Европы по практической стрельбе / mgimo.ru
  22. ↑ Справка: Мантуров Денис Валентинович
  23. ↑ ЭНЦИКЛОПЕДИЯ. Мантуров, Денис Валентинович / ТАСС
  24. ↑ Указ Президента Российской Федерации № 108 (?) от 31.07.2007
  25. ↑ Указ Президента Российской Федерации № 570 от 24.04.2008
  26. ↑ Указ Президента Российской Федерации № 1428 от 11.12.2009
  27. ↑ Распоряжение Правительства Российской Федерации № 388-р от 23.03.2010 Эскеремын 2012-01-31 аре
  28. ↑ Указ Президента Российской Федерации от 02.02.2013 г. № 50 «О награждении государственными наградами Российской Федерации»
  29. ↑ В Крестопоклонную Неделю Предстоятель Русской Церкви освятил храм в честь святителя Иова, Патриарха Московского, в российской столице
  30. ↑ Распоряжение Правительства Российской Федерации от 28.02.2019 г. № 345-р «Об объявлении благодарности Правительства Российской Федерации Мантурову Д. В.»
  31. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»
  32. ↑ DECRETO DEL PRESIDENTE DELLA REPUBBLICA 9 maggio 2022
  33. ↑ Мантуров получил высшую госнаграду Венгрии за поставки "Спутника V"
  34. ↑ Указ Президента Республики Узбекистан от 29 августа 2022 года "О награждении группы иностранных граждан в связи с 31-й годовщиной государственной независимости Республики Узбекистан "
«https://udm.ruwiki.ru/w/index.php?title=Мантуров,_Денис_Валентинович&oldid=286445»-ысь басьтэмын