Кравцов, Сергей Сергеевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Кравцов.
Сергей Сергеевич Кравцов
Sergey Kravtsov 12.03.2020.jpg
Флаг
Росси Федерациысь калыкез дышетонъя министр
Флаг
21-тӥ толшорысен 2020
(одноужез быдэсъясь 7-тӥ—13-тӥ куартолэзе 2024)
Кивалтэтлэн тӧроез Михаил Мишустин
Андрей Белоусов (одноужез быдэсъясь)[1]
Президент Владимир Путин
Азьпалчиез Ольга Васильева
Флаг
Рособрнадзорлэн кивалтӥсез
Флаг
8-тӥ гудырикошконысен 2013 — 21-тӥ толшорозь 2020
Кивалтэтлэн тӧроез Дмитрий Медведев
Президент Владимир Путин
Азьпалчиез Иван Муравьев
Бӧрысьчиез Анзор Музаев
Вордӥськемын 17-тӥ южтолэзе 1974(1974-03-17) (51 арес)
Москва, РСФСР, СССР
Дышетскемез Мускоысь педагогикая усьтэм кун университет,
МГИМО
Учёной степенез педагогика тодосъёсъя доктор
Учёной званиез доцент
Данъетъёсыз
RUS Honorary Worker of Higher Professional Education 2004 ribbon.svg «За честь и мужество» медаль (Кемерово улос)
Логотип Викисклада Медиафайлъёс РувикиМедиа пушкын

Серге́й Серге́евич Кравцо́в (ворд. 17-тӥ южтолэзе 1974, Муско) — Россиысь кун уж быдэсъясь. 2020-тӥ арын 21-тӥ толшорысен Росси Федерациысь калыкез дышетонъя министр (2024-тӥ арын 7-тӥ куартолэзьысен 13-тӥ куартолэзёзь одноужез быдэсъясь).

Педагогика наукаосъя доктор (2007), доцент. Росси Федерациысь 3 классъем действительной кун советник (2013). 2013-тӥ арын 8-тӥ гудырикошконысен 2020-тӥ арын 21-тӥ толшорозь Дышетон но наука удысын эскеронъя федерал службаен кивалтӥсь (Рособрнадзор). 2021-тӥ арын 4-тӥ толсурысен «Единая Россия» партилэн генеральной советэзлэн ёзчиез[2].

Улон сюресэз

[Тупатыны | вики-текстэз тупатыны]

Сергей Кравцов вордӥськиз 1974-тӥ арын 17-тӥ южтолэзе Мускоын[3]. Атаез — инженер, «Энергия — Буран»[ru] инсьӧр корабльлэн проектэз бордын ужаз. Анаез — дышетӥсь, «Информатика в школе» журналлэн валтӥсь редакторез[4].

1996-тӥ арын отличиен йылпумъяз Мускоысь педагогикая усьтэм кун университетэз (2006-тӥ арысен — Мускоысь М. А. Шолохов нимо гуманитарной кун университет[ru], 2015-тӥ арын вуз Мускоысь педагогикая кун университетэн[ru] огазеямын), «математикая но информатикая дышетӥсь» ӧнеръя[3]. 1994-тӥ—1996-тӥ аръёсы —Мускоысь 176-тӥ номеро школаын математикалы дышетӥз[5].

1997-тӥ арысен 2002-тӥ арозь Кравцов Россиысь тодон-валан басьтонъя академилэн[ru] Дышетонэн кивалтонъя институтаз младшой научной сотрудник луыса ужаз. Собере научной сотрудник но старшой научной сотрудник луыса тыршиз но лабораториен кивалтӥз. 2000-тӥ арын Россиысь Кунсьӧр ужъёсъя министерстволэн Мускоысь калык кусыпъёсъя кун институтаз «кунсьӧр кылэз тодонэн кун но муниципал кивалтон» ӧнеръя дышетскиз[3].

2002-тӥ арын Россиысь калыкез дышетонъя министерствое ужаны выжиз. 2004-тӥ арысен 2008-тӥ арозь Дышетон но наука удысын эскеронъя Федерал службалэн кивалтӥсезлэн Виктор Болотовлэн[ru] юрттӥсез вал[3].

2008-тӥ арысен ЕГЭ ортчытон радлыкез кылдытӥсь «Тестерирования федерал центр» нимо федерал кун ужъюртэн кивалтӥз. 2009-тӥ арысен Россиысь дышетонъя академилэсь Дышетонэн кивалтон Институтэз йыръяз[3].

2011-тӥ арын оштолэзе Кравцовез Росси Федерациысь дышетонъя но наукая Министерстволэн Улосвыл департаментаз кивалтӥсе юнматӥзы; 2011-тӥ арын ик Дышетон удысын ужасьёслэсь тодон-валанзэс будэтонъя академилэн ректорезлэсь ужзэ быдэсъяз[3]. 2012-тӥ арын пӧсьтолэзе Дышетонъя но наукая министерстволэн программаосын кивалтонъя но ӵошатсконъёсты радъянъя департаментэн кивалтыны юнматэмын[3].

2013-тӥ арын 8-тӥ гудырикошконэ кивалтэтлэн косэмезъя, Иван Муравьёв[ru] интые, Дышетон но тодос удысын эскеронъя федерал службаен кивалтыны юнматӥзы. 2017- тӥ арын 28-тӥ коньывуонысен 2018-тӥ арын 24-тӥ куартолэзёзь Кравцов Росси Федерациысь дышетонъя но наукая министрлэн воштӥсез —Рособрнадзорлэн кивалтӥсез луиз, малы ке шуоно, ведомство Дышетонъя но наукая министерстволы улсатэмын вал. 2018-тӥ арын Дышетон но наука удысын эскеронъя федерал служба Кивалтэтлы улсатэмын; 2018-тӥ арын 24-тӥ куартолэзе соин кивалтыны выльысь Кравцовез юнматӥзы[3].

2020-тӥ арын 21-тӥ толшорысен Кравцов Росси Федерациысь Калыкез дышетонъя министерствоез йыръяз[6].

2021-тӥ арын 4-тӥ толсуре «Единая Россия» партилэн съездаз Кравцов солэн генеральной советаз пыртэмын[7]. Соку ик «Единая Россия» партилэсь билетсэ басьтӥз[8].

2024-тӥ арын 14-тӥ куартолэзе Кун дума Кравцовез выльысь калыкез дышетонъя министре юнматӥз[9], Росси Федерацилэн президентэз со нуналэ ик интыуже юнматон сярысь косэт гожтӥз[10].

Тодос ужен выремез

[Тупатыны | вики-текстэз тупатыны]

1999-тӥ арын Кравцов «Методика проведения занятий с отстающими учащимися по математике с использованием технологии мультимедиа» темая кандидат диссертацизэ утиз[3].

2007-тӥ арын педагогика наукаосъя доктор учёной степень басьтон вылысь, «Теория и практика организации профильного обучения в школах Российской Федерации» темая диссертацизэ утиз[3] (официальной оппонентъёсыз А. В. Баранников, В. И. Блинов но В. С. Данюшенков). 2013-тӥ арын гудырикошконэ Кун думаысь депутат В. В. Бурматов Кравцовез докторской диссертацияз плагиат шедьтэмен янгыш кариз[11].

Семьяез

[Тупатыны | вики-текстэз тупатыны]

Сергей Кравцов кышнояськемын, кык нылпиез вань[3].

Санкциос

[Тупатыны | вики-текстэз тупатыны]

Украинаын военной действиос кутскем бере, Кравцов Евросоюзлэн[12], Канадалэн, США-лэн, Великобританилэн, Швейцарилэн, Австралилэн, Новой Зеландилэн санкциосыз улэ шедемын.

Данъетъёсыз

[Тупатыны | вики-текстэз тупатыны]
  • Росси Федерацилэн Кивалтэтэзлэн Таукаронэз (2016-тӥ арын 6-тӥ оштолэзе) — «асьме дышетонлэсь ӟечлыксэ ӝутонэз азинтонын но огъя кун экзаменэз ортчытон радлыкез умоятонын шӧдскымон тыршемез понна»[3][13];
  • «РФ Вылӥ тодо-валан басьтон удысын дано ужась» званиез[14];
  • РФ Дышетонъя но наукая министерстволэн Данъян грамотаез[14];
  • «За честь и мужество» медаль (Кемерово улос; 2015)[15];
  • Россиысь Еврей дэменлыкъёслэн федерацизылэн «государственный деятель» номинациын премиез (2021) — «огъя дышетон сӧзнэтын Россиысь калыкъёслэсь йӧскалык сямъёссэс утьыны юрттэмез понна»[16].

Валэктонъёс

[Тупатыны | вики-текстэз тупатыны]
  1. ↑ 2020-тӥ арын 30-тӥ оштолэзьысен 19-тӥ куартолэзёзь Росси Федерациысь Кивалтэтлэн тӧроезлэсь ужзэ быдэсъяз.
  2. ↑ Энциклопедия ТАСС, 2024. Кравцов, Сергей Сергеевич. Министр просвещения РФ
  3. ↑ 1 2 3 4 5 6 7 8 9 10 11 12 Кравцов, Сергей Сергеевич Энциклопедия. ТАСС. Эскеремын 2018-06-26 аре
  4. ↑ Борисов А. От учителя до министра // Санкт-Петербургские ведомости. — 2020. — 7 февр.
  5. ↑ Сергей Сергеевич Кравцов - Правительство России government.ru. Эскеремын 2020-03-02 аре
  6. ↑ Что известно о новом министре просвещения ТАСС. Эскеремын 2021-02-15 аре
  7. ↑ Сергей Кравцов вошёл в состав Генсовета «Единой России» Официальный сайт Министерства просвещения РФ.
  8. ↑ Медведев вручил партбилеты "Единой России" руководству ДНР и ЛНР ТАСС.
  9. ↑ Госдума утвердила Кравцова на пост министра просвещения России
  10. ↑ Президент подписал указы о назначении членов Правительства Российской Федерации и директоров служб
  11. ↑ Депутат обвинил нового главу Рособрнадзора в плагиате РБК.
  12. ↑ Official Journal of the European Union // COUNCIL REGULATION (EU) 2022/2474. — 16 толсуре (т. Volume 65). — С. 499. Архивировано 24 толсуре 2022 года.
  13. ↑ Распоряжение Правительства Российской Федерации от 06.04.2016 № 599-р "О поощрении Правительством Российской Федерации" Официальный интернет-портал правовой информации. Эскеремын 2018-06-26 аре
  14. ↑ 1 2 Кравцов Сергей Сергеевич Официальный сайт Министерства просвещения РФ. Эскеремын 2020-01-22 аре
  15. ↑ Глава Рособрнадзора награжден медалью Кемеровской области «За честь и мужество» Эскеремын 2020-09-21 аре
  16. ↑ Академик Гинцбург и министр Кравцов стали лауреатами премии Федерации еврейских общин Интерфакс.

Чӧлсконъёс

[Тупатыны | вики-текстэз тупатыны]

«https://udm.ruwiki.ru/w/index.php?title=Кравцов,_Сергей_Сергеевич&oldid=308596»-ысь басьтэмын