Савельев, Виталий Геннадьевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Савельев.
Виталий Геннадьевич Савельев
2021-04-23 Виталий Савельев Минтранс 1 (cropped).jpg
Флаг
Росси Федерациысь кивалтэтлэн тӧроезлэн воштӥсез
Флаг
13-тӥ куартолэзьысен 2024
Кивалтэтлэн тӧроез Михаил Мишустин
Элькунлэн тӧроез Владимир Путин
Флаг
Росси Федерациысь транспортъя министр
Флаг
10-тӥ шуркынмонысен 2020 — 7-тӥ куартолэзёзь 2024
(ужез быдэсъясь 7—13-тӥ куартолэзе 2024)
Кивалтэтлэн тӧроез Михаил Мишустин
Элькунлэн тӧроез Владимир Путин
Азьпалчиез Евгений Дитрих
Александр Нерадько (ужез быдэсъясь)
Бӧрысьчиез Роман Старовойт
Вордӥськемын 18-тӥ толшоре 1954({{padleft:1954|4|0}}-{{padleft:1|2|0}}-{{padleft:18|2|0}}) (72 года)
Дышетскемез
Ужез кун уж быдэсъясь
Данъетъёсыз
Логотип РУВИКИ.Медиа Медиафайлъёс РувикиМедиа пушкын

Вита́лий Генна́дьевич Саве́льев (ворд. 18-тӥ толшоре 1954, Ташкент) — Россиысь кун уж быдэсъясь, 2024-тӥ арын куартолэзьысен Росси кивалтэтлэн тӧроезлэн воштӥсез. 2024-тӥ арын 25-тӥ шуркынмонысен — «Север — Юг» калыккуспо транспорт коридорез азинтонъя Росси Федерациысь президентлэн нимысьтыз представителез[1].

Солэсь азьпал, 2020-тӥ арын 10-тӥ шуркынмонысен 2024-тӥ арын 14-тӥ куартолэзёзь Росси Федерациысь транспортъя министр вал[2].

2009-тӥ арын 10-тӥ оштолэзьысен 2020-тӥ арын 9-тӥ шуркынмонозь «Аэрофлот» ПАО-лэн генеральной директорез но Правлениезлэн тӧроез[3].

Улон сюресэз

Виталий Савельев вордӥськиз 1954-тӥ арын 18-тӥ толшоре Ташкентын.

1977-тӥ арын Ленинградысь М. И. Калинин нимо политехникая институтысь механико-машиностроительной ёзэтсэ йылпумъяз «строительной но дорожной машинаос но оборудование, лэсьтӥськон» ӧнеръя (али дыре — Санкт-Петербургысь политехникая кун университет  [ӟуч] (удм.)[4].

1986-тӥ арын Ленинградысь Пальмиро Тольятти нимо инженерно-экономической институтысь промышленной производствоез но лэсьтӥськон ужъёсты радъянъя ёзэтэз йылпумъяз (али — Санкт-Петербургысь инженерно-экономической кун университет  [ӟуч] (удм.). Стажировказэ кунгож сьӧрын ортчиз.

Ужудысэз

  • 1977—1980 — СССР-ысь Энергетикая министерстволэн «Оргэнергострой» Огъясоюз институтэзлэн Ленинградысь филиалаз пусконаладочной ёзэтаз инженер, Ленинград;
  • 1980—1984 — «Красноярскэнергострой» УС-лэн подсобной предприятиосын управленияз валтӥсь конструктор, техникая ёзэтэн кивалтӥсь, СССР-ысь Минэнерго, Красноярск шаерысь Саяногорск;
  • 1984 — СССР-ысь Энергетикая министерстволэн «Оргэнергострой» Огъясоюз институтэзлэн Ленинградысь филиалаз КР-3 ёзэтысь группалэн кивалтӥсез, Ленинград;
  • 1984—1987 — СССР-ысь Минмонтажспецстройлэн «Севзапметаллургмонтаж» трестын валтӥсь технологлэсь ужзэ быдэсъясь, валтӥсь технолог, кивалтӥсьлэсь ужзэ быдэсъясь, кивалтӥсьлэн воштӥсез, Ленинград;
  • 1987—1988 — инженерной сооружениосты пуктонъя «Главленинградинжстрой» Валтӥсь управленилэн кивалтӥсезлэн воштӥсез, Ленинград;
  • 1988—1991 — «Диалог» совето-американ ужъюртлэн Ленинградысь филиалэзлэн директорез, Ленинград;
  • 1991—1993 — «Диалог-инвест» совето-американ АО-лэн генеральной директорез, Санкт-Петербург;
  • 1993—1995 — «Россия» акционер банклэн правлениезлэн тӧроез, Санкт-Петербург;
  • 2001—2002 — «Газпром» ОАО-лэн правлениезлэн тӧроезлэн воштӥсез, Москва;
  • 2002—2004 — «ГРОС Огазеям компания» ООО-лэн коньдон ужпумъёсъя вице-президентэз, Москва улосысь Красногорск;
  • 2004—2007 — Росси Федерациысь экономикаез азинтонъя но вузкаронъя министрлэн воштӥсез;
  • 2007—2009 — нырысетӥ вице-президент — телекоммуникационной активъёсты азинтонъя комплекслэн кивалтӥсез (Телеком система), нырысетӥ вице-президент— «Система» акционерной финансовой корпарация (АФК) ОАО-лэн «Телекоммуникационные активы» бизнес-единицаезлэн кивалтӥсез, Москва;
  • 2009—2020 — «Аэрофлот—российские авиалинии» ПАО-лэн генеральной директорез, Москва.

Савельев ужан вакытэ «Аэрофлот» авиакомпания калыкез нуон-ваёнъя дуннеысь топ-20 тужгес бадӟымъёсыз авиакомпаниос пӧлы пыриз[5], Америкаысь Bain & Company консалтинговой компанилэн тодэтъёсызъя цифровизацияя дуннеысь вань авиакомпаниос пӧлысь ньылетӥ интые потӥз[6].

Россиысь но кунсьӧр авиакомпаниослы одӥг выллем конкурентной условиос кылдытон вылысь, озьы ик Россиын авиабилетъёслэсь дунъёссэс кулэстон вылысь, Савельев трос пол каткылдытон кичӧлтонъёсын вазиськылӥз. Соос вылэ пыкиськыса, берло Росси Федерациысь Воздушной кодексэ  [ӟуч] (удм. воштонъёс пыртэмын вал. 2014-тӥ арын со «берыктонтэм тарифъёс» пыртыны дэмлаз, кылсярысь, пассажир дисконтной тарифъя мынон-ветлонлэсь куштӥське ке, солы басьтэм билетэз понна дуныз уг берыктӥськы [7][8].

2014-тӥ арын ик Савельев кунсьӧр муртъёсты воздушной судноолэн капитанэз луыны лэзён сярысь кичӧлтӥз — Росси кивалтэтлэн куронъёсызъя но юнматэм квотаосъя[9][10].

2017-тӥ арын Савельев «багажтэк ветлон тарифъёс» пыртыны дэмлаз. Со тарифъя регистрировать карем багажез дунтэк нуон-ваён но киын нуллон котомкалэсь секталазэ 10 килограммысен 5 киолограммозь кулэстыны кулэ. Та выль дэмланэз мынӥсь-ветлӥсьёс но СМИ-ос шонертэмен лыдъязы[11].

2017-тӥ арын Савельев кичӧлтэмъя, Росси Федерациысь Воздушной кодексэ выль воштонъёс пыртэмын, кудӥзъя шуг-секытъёс кылдытӥсь пассажиръёсты «чёрной списоке» пыртылыны луонлык кылдӥз. Со лыдметэ пыртӥсько самолётын лобыкузы эрикрадэз тӥям муртъёс. Эрикрадэз тӥямзы понна судлэн пумкылъёсызъя авиакомпания сыӵе муртъёслы отказтыны быгатэ[12].

2011-тӥ арын Савельев Россилэн историяз нырысьсэ кылдытӥз «Аэрофлот» холдинговой группа. Озьы Аэрофлотлы улсатэмын вал куд-ог улосъёсысь авиакомпаниос. 2014-тӥ арын Савельев кивалтэм улсын «Аэрофлот» группалэн пушпӧлаз «Победа» авиакомпания кылдытэмын. Сорлы луыса, «Аэрофлот» авиакомпания ас рейсъёсаз мынӥсь-ветлӥсьёслэсь лыдзэс будэтыны быгатӥз[13].

2019-тӥ арын «Аэрофлот» 37,2 млн пассажиръёсты нуиз-вайиз, быдэсыз Аэрофлот группа — 60,7 млн[14].

2016-тӥ арын 6-тӥ тулыспалэ Савельев «Единая Россия» партилэн кивалтон ёзэтаз — вылӥ кенешаз быръемын вал[15].

2016-тӥ арын Росси Федерациысь Кун Думалэн VII ӧтчамаз депутат быръёнъёс азьын "Единая Россия" партилэн Программной документ дасянъя комиссиезлэн ёзчиез вал[16].

2020-тӥ арын 10-тӥ шуркынмонэ Михаил Мишустинлэн кивалтэтаз Росси Федерациысь транспортъя министре юнматэмын, соин валче, «Аэрофлотлэн» гендиректорез интыужысь мозмытэмын[17].

2024-тӥ арын 11-тӥ куартолэзе Михаил Мишустин Кун Думае кивалтэтлэсь выль составзэ эскерыны сётӥз, отын Савельев вице-премьере дэмламын вал[18]. 13-тӥ куартолэзе Кун дума сое та интыуже юнматӥз[19]. 14-тӥ куартолэзе президент юнматон сярысь Косэт гожтӥз[20]. Вице-премьер интыужын Савельев «Беспилотной авиационной системаос» йӧскалык ӵектослэн быдэсмемез понна кылкутэ, транспортной блокез чакла, Россилэн кунгожез пыр потон пунктъёслэсь ужзэс эскере. Таӵе ведомствоослэн кураторзы луэ:

  • Росси Федерациысь Транспортъя министерство;
  • Росавиация;
  • Транспорт удысын чакланъя федерал служба;
  • Дорожной транспортъя федерал агентство;
  • Зарезь но шур транспортъя федерал агентство[21].

2024-тӥ арын куарусёнэ «Россиысь чугун сюресъёс» холдинглэн директоръёсызлэн кенешазы выльысь тӧрое быръемын[22].

2024-тӥ арын 25-тӥ шуркынмонэ Владимир Путин Виталий Савельевез «Север — Юг» калыккуспо транспорт коридорез азинтонъя спецпредставителе юнматӥз[23].

Семьяез

Виталий Савельев кузпалъяськемын; куинь нылпиез[24].

Данъетъёсыз

  • «Росси Флотлы 300 ар» медаль (1996);
  • «Специальной назначениен «Тайфун» отрядлы 10 ар» юбилейной знак (2001);
  • «Санкт-Петербурглы 300 ар тырмонэз буре вайыса» медаль (2003)[25];
  • «ИТАР-ТАСС Агентстволэн 100 ар тырмонэзлы сӥзем» памятной медаль (2004);
  • «Казаньлы 1000 ар тырмонэз буре вайыса» медаль (2005)[26];
  • «Уголовно-исполнительной системаез юнматон понна» ФСИН-лэн азвесь медалез (2005);
  • Росси Федерацилэн Кивалтэтэзлэн Данъян грамотаез (2005);
  • Данлыко орден (2006)[27];
  • «Кун резервлы 75 ар» медаль (2006);
  • «За взаимодействие с МВД России» знак (2006);
  • «За взаимодействие с ФСБ Росси» медаль (2007);
  • «Федерации Совет. 15 ар» медаль (2010);
  • «ИНО — ПГУ — СВР-лы 90 ар» Россиысь СВР-лэн медалез (2010);
  • Союзной кунлэн "За безупречную службу" медалез (2010);
  • «Персона года-2011» XI церемониын «Руководитель года» номинациын вормись , РБК-лэн версиезъя (2012);
  • «За заслуги перед Отечеством» IV степенё орден (2013);
  • «Росси менеджеръёс»/«Транспорт» номинациын вылӥ кивалтӥсьёслэн рейтингазы (2013)[28];
  • Эшъяськон Орден (2014);
  • Александр Невскийлэн орденэз (2018)[29];
  • «За взаимодействие» медаль (СВР);
  • «Отличник Аэрофлота» Данъян знак (2013);
  • «За заслуги перед Отечеством» III степенё орден (2023)[30];

Валэктонъёс

  1. ↑ Путин назначил Савельева спецпредставителем по развитию коридора Север - Юг, TACC (25 шуркынмонэ 2024). Эскеремын: 25 шуркынмонэ 2024 арын.
  2. ↑ Правительство России переходит в статус и.о. до назначения нового состава [ӟуч]
  3. ↑ Савельев, Виталий Геннадьевич. Заместитель председателя правительства РФ [ӟуч]
  4. ↑ Савельев, Виталий [ӟуч]
  5. ↑ Аэрофлот вошел в ТОП-20 мирового рейтинга авиаперевозчиков [ӟуч]
  6. ↑ "Аэрофлот" вошел в пятерку мировых лидеров по цифровизации [ӟуч]
  7. ↑ Введение нормы о "невозвратных" билетах позволит "Аэрофлоту" снизить цены на билеты экономкласса на 10% [ӟуч]
  8. ↑ Госдума отменила бесплатный провоз багажа при невозвратных авиабилетах [ӟуч]
  9. ↑ Иностранцы сядут за штурвалы российских самолетов [ӟуч]
  10. ↑ Российским авиакомпаниям разрешили брать на работу иностранных пилотов [ӟуч]
  11. ↑ Цифровые технологии: безбагажные тарифы "Аэрофлота" [ӟуч]
  12. ↑ Путин поддержал введение «черных списков» для авиапассажиров [ӟуч]
  13. ↑ Биография генерального директора "Аэрофлота" Виталия Савельева [ӟуч]
  14. ↑ Группа "Аэрофлот" в 2019 году перевезла 60,7 млн пассажиров [ӟуч]
  15. ↑ Тимур Кизяков и Пётр Толстой вошли в Высший совет «Единой России» Архивная копия от 7 тулыспалэ 2016 на Wayback Machine «Йод», 06.02.2016
  16. ↑ Комиссия по подготовке программного документа [ӟуч]
  17. ↑ «Аэрофлот» всех видов транспорта, Коммерсантъ (9 шуркынмонэ 2020). Эскеремын: 19 тулыспалэ 2024 арын.
  18. ↑ О чем говорит новая конфигурация российского правительства [ӟуч]
  19. ↑ Госдума утвердила Савельева заместителем председателя правительства [ӟуч]
  20. ↑ Президент подписал указы о назначении членов Правительства Российской Федерации и директоров служб [ӟуч]
  21. ↑ Михаил Мишустин утвердил распределение обязанностей между вице-премьерами [ӟуч]
  22. ↑ Вице-премьера Савельева переизбрали председателем совета директоров РЖД, РИА Новости (4 куарусёнэ 2024). Эскеремын: 4 куарусёнэ 2024 арын.
  23. ↑ Савельев назначен спецпредом по развитию транспортного коридора Север [ӟуч]
  24. ↑ Московский бизнес-портал. Савельев Виталий Геннадьевич [ӟуч]
  25. ↑ Указ Президента Российской Федерации от 19 февраля 2003 года № 210 О медали «В память 300-летия Санкт-Петербурга» [ӟуч]
  26. ↑ Указ Президента Российской Федерации от 17 октября 2011 года № 1355 «О награждении государственными наградами Российской Федерации» [ӟуч]
  27. ↑ Указ Президента Российской Федерации от 21 октября 2006 года № 1182 «О награждении государственными наградами Российской Федерации» [ӟуч]
  28. ↑ Савельев Виталий Геннадьевич Образование, Карьера, Личная жизнь, Награды и звания [ӟуч]
  29. ↑ Генеральный директор Аэрофлота Виталий Савельев награжден четвертым орденом Российской Федерации [ӟуч] Аэрофлот.
  30. ↑ Торжественный вечер по случаю 100-летия гражданской авиации России. Орденом «За заслуги перед Отечеством» III степени награждён Министр транспорта Виталий Савельев

Чӧлсконъёс

«https://udm.ruwiki.ru/w/index.php?title=Савельев,_Виталий_Геннадьевич&oldid=498709»-ысь басьтэмын