Силуанов, Антон Германович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Силуанов.
Антон Германович Силуанов
Anton Siluanov (2019-09-25).jpg
Флаг
Росси Федерациысь коньдон ужпумъёсъя министр
Флаг
16-тӥ толсурысен 2011
Кивалтэтлэн тӧроез Владимир Путин
Виктор Зубков (одноужез быдэсъясь)
Дмитрий Медведев
Михаил Мишустин
Андрей Белоусов (одноужез быдэсъясь)
Михаил Мишустин
Президент Дмитрий Медведев
Владимир Путин
Азьпалчиез Алексей Кудрин
одноужез быдэсъясь 27-тӥ куарусёнысен 16-тӥ толсурозь 2011, 7-тӥ куартолэзьысен 21-тӥ куартолэзёзь 2012, 8-тӥ куартолэзьысен 18-тӥ куартолэзёзь 2018, 15-тӥ толшорысен 21-тӥ толшорозь 2020, 7-тӥ куартолэзьысен 13-тӥ куартолэзёзь 2024
Флаг
Росси Федерациысь кивалтэтлэн тӧроезлэн нырысетӥ воштӥсез — Росси Федерациысь коньдон ужпумъёсъя министр
Флаг
18-тӥ куартолэзьысен 2018 — 15-тӥ толшорозь 2020
Кивалтэтлэн тӧроез Дмитрий Медведев
Михаил Мишустин
Президент Владимир Путин
Азьпалчиез интыуж юнматэмын,
Игорь Шувалов Росси Федерациысь кивалтэтлэн тӧроезлэн нырысетӥ воштӥсез чотын
Бӧрысьчиез интыуж быдтэмын,
Андрей Белоусов Росси Федерациысь кивалтэтлэн тӧроезлэн нырысетӥ воштӥсез чотын
одноужез быдэсъясь 15-тӥ толшорысен 21-тӥ толшорозь 2020
Вордӥськемын 12-тӥ оштолэзе 1963(1963-04-12) (62 арес)
Москва, СССР
Атаез Герман Михайлович Силуанов[d]
Дышетскемез Москваысь финансовой институт
Учёной степенез экономика тодосъёсъя доктор (2012)
Ужудысэз финансист
Ужез Коньдон ужпумъёс[d] и политика[d]
Данъетъёсыз
Военной службаез
Званиез Действительный государственный советник РФ 1 класса (Минобороны)г.png
Росси Федерациысь 1-тӥ классъем действительной кун советник
Ужан интыез
Логотип Викисклада Медиафайлъёс РувикиМедиа пушкын

Анто́н Ге́рманович Силуа́нов (вордӥськиз 1963-тӥ арын 12-тӥ оштолэзе Москваын, СССР) — Россиысь кун уж быдэсъясь, экономист. 2011-тӥ арысен Росси Федерациысь коньдон ужпумъёсъя министр[lower-alpha 1], Росси Федерациысь Кышкыттэмлыкъя кенешлэн ёзчиез (2011-тӥ арысен). Росси Федерациысь кивалтэтлэн тӧроезлэн воштӥсез, 2018-тӥ арысен 2020-тӥ арозь Росси Федерациысь коньдон ужпумъёсъя министр[lower-alpha 2]. Росси Федерациысь 1-тӥ классъем действительной кун советник (2008). Экономика тодосъёсъя доктор (2012).

Улон сюресэз

[Тупатыны | вики-текстэз тупатыны]
G20 огазеяськонэ пырись кунъёслэн но кивалтэтъёслэн тӧроосынызы кенешон азьын, 2011-тӥ ар 3-тӥ шуркынмон. Медведев, Силуанов, Сторчак, Дворкович

Антон Силуанов вордӥськиз 1963-тӥ арын 12-тӥ оштолэзе Москваын. Анай-атаез, Герман Михайлович но Янина Николаевна Силуановъёс —ӧнерлыко финансистъёс.

1985-тӥ арын Силуанов Москваысь финансовой институтэз йылпумъяз, «финансы и кредит» удысъя.

1985-тӥ арын гудырикошконысен 1987-тӥ арын южтолэзёзь — «Гипрорыбын» экономист, РСФСР-ысь Коньдон ужпумъёсъя министерствоын старшой экономист.

1987-тӥ арын южтолэзьысен 1989-тӥ арын куартолэзёзь Совето Армиын служить кариз.

1989-тӥ арын куартолэзьысен 1992-тӥ арын толшорозь — валтӥсь экономист, 1-тӥ категорием экономист, подотделэн кивалтӥсьлэн воштӥсез, РСФСР-ысь Коньдон ужпумъёсъя министерствоысь консультант.

1992-тӥ арын тулыспалэ — Росси Федерациысь Экономикая но коньдон ужпумъёсъя министерствоысь ёзэтэныз кивалтӥсьлэн воштӥсез.

1992-тӥ арын тулыспалысен 1997-тӥ арын коньывуонозь Силуанов — коньдэтэн кивалтонъя ёзэтлэн кивалтӥсезлэн воштӥсез, коньдэтъя департаментлэн кивалтӥсезлэн воштӥсез — ёзэтэн кивалтӥсь, Росси Федерациысь Коньдон ужпумъёсъя министерстволэн коньдэтъя департаментэныз кивалтӥсь[1].

1994-тӥ арын Силуанов, экономика тодосъёсъя учёеной степень басьтон вылысь, «Бюджетная политика государства в условиях перехода к рыночным отношениям: На примере Российской Федерации» темая диссертацизэ утиз (ӧнерез — 08.00.10 «Финансы, денежное обращение и кредит»)[2].

1997-тӥ арын коньывуонысен 2003-тӥ арын пӧсьтолэзёзь — Росси Федерациысь Коньдон ужпумъёсъя министерстволэн макроэкономической политикая но банк ужпумъёсъя департаментэныз кивалтӥсь.

2001-тӥ арын 22-тӥ южтолэзьысен — Росси Федерациысь Коньдон ужпумъёсъя министерстволэн коллегиезлэн ёзчиез.

2003-тӥ арын пӧсьтолэзьысен 2004-тӥ арын куартолэзёзь — Росси Федерациысь коньдон ужпумъёсъя министрлэн воштӥсез.

2004-тӥ арын куартолэзьысен 2005-тӥ арын 12-тӥ толсурозь — Росси Федерациысь Коньдон ужпумъёсъя министерстволэн межбюджетной отношениосъя департаментлэн директорез .

2005-тӥ арын 12-тӥ толсурысен — Росси Федерациысь коньдон ужпумъёсъя министрлэн воштӥсез.

2011-тӥ арын 27-тӥ куарусёнысен — Росси Федерациысь коньдон ужпумъёсъя министрлэсь одноужзэ быдэсъясь.

2011-тӥ арын 16-тӥ толсурысен Силуанов Росси Федерациысь коньдон ужпумъёсъя министре юнматэмын[3] но Росси Федерацилэн Кышкыттэмлыкъя кенешаз кутэмын[4].

2012-тӥ арын Силуанов, экономика тодосъёсъя доктор учёной степень басьтон вылысь, «Межбюджетные отношения в условиях развития федерализма в России» темая диссертацизэ утиз (ӧнерез — 08.00.10 «Финансы, денежное обращение и кредит»). Официальной оппонентъёсыз — экономика тодосъёсъя доктор, профессор А. А. Аганбегян, экономика тодосъёсъя доктор С. Г. Синельников-Мурылёв но экономика тодосъёсъя доктор, профессор Л. Н. Лыкова. Валтӥсь организация — Экономикая вылӥ школа[5].

2013-тӥ арын толшорысен — РФ кивалтэт улсын Финансовой университетысь коньдон ужпумъёсъя но экономикая факультетлэн деканэз.

2015-тӥ арын толшоре РФ кивалтэт Силуановез Россиысь Сбербанклэн чакланъя кенешаз ёзчие ӵектӥз[6].

2016-тӥ арын тулыспалэ «Единая Россия» партилэн вылӥ кенешысьтыз потӥз (2012-тӥ арысен солэн ёзчиез луэ вал).

2017-тӥ арын оштолэзе Силуанов ВТБ банклэн чаклан кенешаз тӧрое быръемын.

2018-тӥ арын 18-тӥ куартолэзе Росси Федерацилэн президентэзлэн Владимир Путинлэн Косэтэзъя Росси Федерациысь кивалтэтлэн тӧроезлы нырысетӥ воштӥсе юнматэмын — Росси Федерациысь коньдон ужпумъёсъя министре[7].

Дмитрий Медведевлэн кыкетӥ кивалтэтэз отставкае кошкем бере, 2020-тӥ арын толшоре нырысетӥ вице-премьер интыужлэсь палэнтэмын вал[8], коньдон ужпумъёсъя министре ачиз ик кельтэмын.

2024-тӥ арын 14-тӥ южтолэзе Росси Федерациысь коньдон ужпумъёсъя министр интыуже Кун дума выльысь Силуановез юнматӥз[9], со нуналэ ик РФ президентэз юнматон сярысь Косэт гожтӥз[10].

Шаралыко малпанъёсыз

[Тупатыны | вики-текстэз тупатыны]

2018-тӥ арын Силуанов Россиын пенси арлыдэз ӝутон сярысь кат кутон понна дурбасьтӥсьёс пӧлын валтӥсез вал. Кат кутон ужрадлэн туж сэрыт ортчемез калыклы туж ӧз яра, соин валче, огъя валамтэос кылдӥзы. Но сое берло футболэн шудонъя дунне чемпионатэн герӟазы[11].

Силуанов, РФ коньдон ужпумъёсъя министр чотын, ВСМ Москва — Казань ӝоглыко чугун сюрес магистраль пуктонлэн валтӥсь критикез но пумитъяськисез луэ[12][13].

2019-тӥ арын оштолэзе Силуанов школа образование ас ужбергатонэз кылдытонъя предмет ватсаны дэмлаз[14].

2019-тӥ арын ик ВТБ-лэн тӧроезлэн Костинлэн пичи уждун басьтӥсь калык но пичи но шоро-куспо ужбергатон понна юнматэм вытлэсь лыдзэ кулэстыны дэмланэзлы Силуанов чутрак пумит луиз[15].

2020-тӥ арын Силуанов Россиын уж понна выт тыронэз дурыстэм шуыса нимаз. Катъя Россиын уж сётӥсь аслаз ужасез понна уждунлэсь 30 %-сэ страховой взнос тырыны кулэ. 22 %-эз РФ Пенси фондэ, 5,1 % -эз — обязательной эм страхованилы, 2,9 %-эз — социальной страхованилы. Эшшо 13 %-эз ужасьлэн уждунысьтыз налоглы кельтӥське на. Сыӵе бадӟым налог Россиысь лушкем уждун тыронэз ( «конвертын» уждун) быдэсак ВВП-лэсь 13 %-тозь. Быдэс дуннеен ӵошатыса, Россиын ужлы оглом налог тужгес вылысез лыдъяське, солэн лыдыз шоро-куспо предприятилэн коммерческой табышезлэсь 36,6 %-эз луэ. Ӵошатон эскеронъёсъя, Казахстанын — 10,1 %, США-ын — 9,8 %, Канадаын — 12,7 %, Германиын — 21,5 %, Великобританиын — 12 %. Выт тыронэз кулэстонлы Россиысь кивалтэтлэсь пумит луэмзэ Силуанов фдерал коньдэт равновессизэ ыштоз но Пенси фондын «пасьёс» кылдозы шуыса валэктэ[16].

Семьяез

[Тупатыны | вики-текстэз тупатыны]

Атаез — Герман Михайлович Силуанов (ворд. 25.02.1937), 1961-тӥ арын Москваысь Экономикая кун университетысь «Финансы» ёзэтсэ йылпумъяз. Отын дышетскыкуз ёзэтлэн комсомол огазеяськонэзлэн секретарезлэн воштӥсез вал. Институт бере рапределения Москвае ужаны кельтӥзы, СССР-ысь КГБ-е. Отын кӧня ке ужамез бере, СССР-ысь Коньдон ужпумъёсъя министерствое выжтӥзы, промышленностез финансировать каронъя управление. Минфинын ужакуз комсомоллэн азьветлӥсез но борддор газетлэн редколлегиезлэн ёзчиез вал. 1991-тӥ арозь РСФСР-ысь Минфинлэн ёзэтэныз кивалтӥз[1], 1996-тӥ арын РФ Коньдон ужпумъёсъя министерствоысь кредитъя но коньдон бергатонъя департаментэн кивалтӥсезлэн воштӥсез. 1996-тӥ арын пенсие потӥз.

Анаез — Янина Николаевна Силуанова (ворд. 20.01.1936), «Финансы и статистика» издательствоын ужаз. Собере РФ Коньдон ужпумъёсъя министерстволэн Кун университетэзлэн редакционно-издательской ёзэтаз тыршиз.

Антон сяна Всеволод пизы ваньна (ворд. 18.02.1976), озьы ик РФ Коньдон ужпумъёсъя министерствоын ужа[17][18].

Антон Силуанов кышнояськемын, но 2016-тӥ арын табышезъя декларациысьтыз кузпалыз сярысь ивортодэтъёс ышемын вал[19].

Глеб пиез (ворд. 1999), РФ Кивалтэтэз улсын Финансовой университетын дышетске, Егит политикъёслэсь школазэс йылпумъяз, байкер[17][18][20].

Алексей пиез 2023-тӥ арысен — «Аэрофлотлэн» Улос азинсконъя департаментлэн кивалтӥсез [21].

Тунсыкъёсыз

[Тупатыны | вики-текстэз тупатыны]

Мотоциклъёсын но вуул пӧйшуранэн тунсыкъяське, грампластинкаосты люка. Немец кылэз тодэ[18].

Данъетъёсыз

[Тупатыны | вики-текстэз тупатыны]
  • «За заслуги перед Отечеством» III степенё орден (2013-тӥ арын 15-тӥ оштолэзе) — коньдон ужпумъёсъя кун политикаын трос аръёс ӵоже ӟеч тыршемез понна.
  • «За заслуги перед Отечеством» IV степенё орден (2011-тӥ арын 2-тӥ тулыспалэ) — ужын азинсконъёсыз но трос аръёс ӵоже ӟеч тышемез понна.
  • «За заслуги перед Отечеством» I степенё орденлэн медалез (2007-тӥ арын 13-тӥ оштолэзе) —экономика но коньдон ужпумъёсын герӟаськем удысын азинсконъёсыз понна.
  • Росси Федерациысь Президентлэн Данъян грамотаез (2010-тӥ арын 18-тӥ шуркынмонэ) — электрон ивортодэт возись кунсьӧр паспортъёсты ас дыраз улонэ пыӵатэмез понна[22].
  • Росси Федерацилэн Президентэзлэн Таукаронэз (2012-тӥ арын 1-тӥ куарусёнэ) —экономика но коньдон ужпумъёсын герӟаськем удысын кема аръёс ӵоже ӟеч тыршемез понна[23].
  • Росси Федерацилэн Президентэзлэн Таукаронэз (2002-тӥ арын 6-тӥ куарусёнэ) — экономика но коньдон ужпумъёсын герӟаськем удысын басьтэм азинсконъёсыз понна.
  • Росси Федерациысь Коньдон ужпумъёсъя министерстволэн Данъян грамотаез (2001-тӥ ар).
  • Росси Федерациысь Коньдон ужпумъёсъя министрлэн таукаронэз (2002-тӥ ар).
  • «Полярная Звезда» орден (Якутия).
  • «Дуслык» орден (Татарстан, 2015-тӥ ар)[24].
  • «За заслуги перед Чеченской Республикой» медаль (200ӵ-тӥ арын 24-тӥ шуркынмонэ) — Чечен Элькунын коньдон ужпумъёсъя политикаез радъянэ шӧдскымо ваёс кельтэмез понна[25].
  • «За заслуги перед Республикой Карелия» медаль (2020-тӥ ар 8-тӥ инвожое) — Карел Элькунлэн экономика но мер удысъёсаз шӧдскымон ваёс кельтэмез но Карел Элькунлэн кылдэмез дырысен 100 ар тырмонэз пусъён ужрадъёс радъянъя Кун ӧриын мыло-кыдо тыршемез понна[26].

Публикациосыз

[Тупатыны | вики-текстэз тупатыны]
  • Межбюджетные отношения в условиях развития федерализма в России. — М.: Дело, 2011. — 295 с. : ил., табл.; ISBN 978-5-7749-0660-4

Валэктонъёс

[Тупатыны | вики-текстэз тупатыны]
  1. ↑ С 16 декабря 2011 года; исполняющий обязанности с 27 сентября по 16 декабря 2011 года, с 8 по 12 мая 2012 года, с 8 по 18 мая 2018 года и с 15 по 21 января 2020 года.
  2. ↑ С 18 мая 2018 по 15 января 2020, исполняющий обязанности с 15 по 21 января 2020.
  1. ↑ 1 2 Постановление Совета Министров РСФСР от 08.11.1991 № 594
  2. ↑ Силуанов, Алексей Германович. Бюджетная политика государства в условиях перехода крыночным отношениям: На примере Российской Федерации: диссертация … кандидата экономических наук : 08.00.10. — Москва, 1994. — 139 с.
  3. ↑ Медведев назначил Антона Силуанова министром финансов / РИА Новости
  4. ↑ Указ Президента Российской Федерации от 16 декабря 2011 года № 1630
  5. ↑ Силуанов, Антон Германович. Межбюджетные отношения в условиях развития федерализма в России: автореферат дис. … доктора экономических наук: 08.00.10 / Силуанов Антон Германович; [Место защиты: Рос. акад. нар. хоз-ва и гос. службы при Президенте РФ]. — Москва, 2012. — 42 с.
  6. ↑ «Ведомости»: Силуанов и Улюкаев войдут в набсоветы Сбербанка и ВТБ
  7. ↑ Kremlin.ru. Рабочая встреча с Председателем Правительства Дмитрием Медведевым(ӟуч). Архивировано 30 коньывуонэ 2020 года.
  8. ↑ Правительство РФ подало в отставку
  9. ↑ Госдума утвердила Силуанова на должность главы Минфина
  10. ↑ Президент подписал указы о назначении членов Правительства Российской Федерации и директоров служб
  11. ↑ Коммерсантъ, 30 июля 2018. Протесты ушли на пенсию. Москва отозвалась на непопулярную реформу двумя митингами
  12. ↑ Силуанов скептически относится к проекту высокоскоростной магистрали Москва - Казань ТАСС. Эскеремын 2018-12-25 аре
  13. ↑ Коммерсантъ, 28 января 2019. Минфин тормозит высокоскоростные магистрали
  14. ↑ Силуанов предложил ввести в школах курс по пропаганде создания бизнеса РИА Новости. Эскеремын 2019-04-22 аре
  15. ↑ Матиас Брюггманн Ведущий банкир России Андрей Костин: «Все боятся санкций» Handelsblatt. Эскеремын 2020-02-21 аре
  16. ↑ Силуанов назвал «запредельной» налоговую нагрузку на труд. Когда будет возможно снижение страховых взносов и за чей счёт Росбизнесконсалтинг. Эскеремын 2020-02-21 аре
  17. ↑ 1 2 Силуанов, Антон Германович. Министр финансов РФ ТАСС.
  18. ↑ 1 2 3 Силуанов, Антон. Министр финансов РФ Lenta.ru.
  19. ↑ Из декларации Силуанова исчезла информация о супруге РБК.
  20. ↑ 18-летний сын министра финансов Силуанова попал в ДТП на мотоцикле КП.
  21. ↑ Песков прокомментировал назначение сына Силуанова в департамент «Аэрофлота»
  22. ↑ Распоряжение Президента Российской Федерации от 18 ноября 2010 года № 784-рп «О награждении Почетной грамотой Президента Российской Федерации»
  23. ↑ Распоряжение Президента Российской Федерации от 1 сентября 2012 года № 401-рп «О поощрении работников Министерства финансов Российской Федерации»
  24. ↑ Антон Силуанов награждён орденом «Дуслык»
  25. ↑ Указ Главы Чеченской Республики от 24.11.2008 № 379
  26. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»

Чӧлсконъёс

[Тупатыны | вики-текстэз тупатыны]
«https://udm.ruwiki.ru/w/index.php?title=Силуанов,_Антон_Германович&oldid=290170»-ысь басьтэмын