Файзуллин, Ирек Энварович

Ирек Энварович Файзуллин
Ирек Энварович Файзуллин
Росси Федерациысь лэсьтӥськонъя но юртъёсты возён хозяйствоя министр; (ужзэ быдэсъяз 9-тӥ—10-тӥ шуркынмонэ 2020-тӥ арын, 7-тӥ—13-тӥ куартолэзе 2024-тӥ арын)
	10-тӥ шуркынмон, 2020
Кивалтэтлэн тӧроез	Михаил Мишустин
Элькунлэн тӧроез	Владимир Путин
Азьпалчиез	Владимир Якушев
Росси Федерациысь лэсьтӥськонъя но юртъёсты возён хозяйствоя министрлэн нырысетӥ воштӥсез
	22-тӥ толшоре — 9-тӥ шуркынмонэ, 2020
Кивалтэтлэн тӧроез	Михаил Мишустин
Элькунлэн тӧроез	Владимир Путин
Вордӥськемын	8-тӥ толсуре 1962 (63 арес); Казань, Бигер АССР, РСФСР, СССР
Дышетскемез	Казаньысь архитектурая но лэсьтӥськонъя кун университет (1985)
Учёной степенез	экономика тодосъёсъя кандидат (1999)
Ужудысэз	лэсьтӥськись, экономист
	Медиафайлъёс РувикиМедиа пушкын

И́рек Энва́рович Файзу́ллин (вордӥськемын 1962-тӥ арын) — Россиысь кун ужась, Росси Федерациысь лэсьтӥськонъя но юртъёсты возён хозяйствоя министр (2020-тӥ арын 10-тӥ шуркынмонысен)^[1].

Солэсь азьвыл, 2020-тӥ арын 22-тӥ толшорысен 10-тӥ шуркынмонозь, Росси Федерациысь лэсьтӥськонъя но юртъёсты возён хозяйствоя министрлэн нырысетӥ воштӥсез вал^[2]^[3]^[4]. Файзуллинлэн министерствоен 4 ар ӵоже кивалтэмез ӟечен пусъемын вал, 2024-тӥ арын куартолэзе, Росси кивалтэтлэсь выль составзэ кылдытыку, со выльысь федерал министре юнматэмын.

Улон сюресэз

Ирек Файзуллин вордскиз Казаньын. 1985-тӥ арын йылпумъяз Казаньысь лэсьтӥськонъя институтэз «Промышленное и гражданское строительство» ӧнеръя; экономика тодосъёсъя кандидат; доцент. Собере ог 35 ар ӵоже ужаз Татарстанын.

1985-тӥ-1989-тӥ аръёсы — Казаньысь лэсьтӥськонъя институтысь металлоконструкциосъя но конструкциосты эскеронъя кафедраын инженер, собере старшой инженер.

1989-тӥ арысен 1993-тӥ арозь проектъёсъя но лэсьтӥськонъя «Татстройпроект» огазеяськонлэн валтӥсь инженерез но директорез вал.

1993-тӥ-1995-тӥ аръёсы — «Татстройпроект» акционер огазеяськонлэн правлениезлэн тӧроез.

1995-тӥ арысен 1997-тӥ арозь — «Казстройдекор» ЗАО-лэн правлениезлэн тӧроез.

1997-тӥ арысен 2002-тӥ арозь «Татавтодор» службалэн кивалтӥсезлэн нырысетӥ воштӥсез вал.

2002-тӥ арысен 2005-тӥ арозь Файзуллин «Татинвестгражданпроект» фирмаын валтӥсь директорез луыса ужаз.

2005-тӥ арысен 2010-тӥ арозь Татарстанысь лэсьтӥськонъя, архитектурая но юртъёсты возён хозяйствоя министрлэн воштӥсез, элькунысь валтӥсь архитектор вал.

2020-тӥ арын Росси Федерациысь лэсьтӥськонъя но ЖКХ-я министрлэн нырысетӥ воштӥсез — Росси Федерациысь кивалтэтлэн улосъёсты азинтонъя комиссиезлэн президиумезлэн (штабезлэн) тӧроезлэн воштӥсез вал^[5].

2020-тӥ арын 10-тӥ шуркынмонэ Россилэн президентэзлэн косэтэзъя Файзуллин Росси Федерациысь лэсьтӥськонъя но юртъёсты возён хозяйствоя министре юнматэмын. 2024-тӥ арын 14-тӥ куартолэзе Кун Дума солэсь кандидатуразэ Росси Федерациысь лэсьтӥськонъя но ЖКХ-я министре выльысь юнматӥз^[6], со нуналэ ик Путин та пумысен косэт гожтӥз^[7]^[8].

2020-тӥ арысен Файзуллин «РЖД» огазеяськонлэн правлениезлэн ёзчиез луэ^[8]^[9].

Россиысь мотоциклетной спортъя федерацилэн попечительской кенешезлэн тӧроезлэн воштӥсез^[8].

Семьяез

Ирек Файзуллин кышнояськемын, пиез но нылыз вань.

Данъетъёсыз

«За вклад в социально-экономическое развитие Республики Дагестан» медаль (13-тӥ куарусён, 2024-тӥ ар) — Дагестан Элькунэз экономика удысын азинтонэ пыриськемез но кун ужын вормонъёсыз понна
Росси Федерациысь Правительстволэн Данъян грамотаез (2-тӥ коньывуон, 2024-тӥ ар) — 2023-тӥ арын Санкт-Петербургын ортчем Лэсьтӥськонъя III калыккуспо чемпионатэз дасянэ но ортчытонэ пыриськемез понна

Валэктонъёс

↑ ТАСС. Файзуллин назначен врио главы Минстроя (9 шуркынмонэ 2020). Архивировано 9 шуркынмонэ 2020 года. Эскеремын: 9 шуркынмонэ 2020 арын.
↑ Энциклопедия ТАСС, 2024. Файзуллин, Ирек Энварович. Министр строительства и жилищно-коммунального хозяйства РФ
↑ РБК. Изменения в правительстве. Что известно про новых кандидатов в министры (9 шуркынмонэ 2020). Архивировано 10 шуркынмонэ 2020 года. Эскеремын: 9 шуркынмонэ 2020 арын.
↑ Комсомольская правда. Экс-министр Татарстана Ирек Файзуллин выдвинут на пост главы Минстроя РФ (9 шуркынмонэ 2020). Архивировано 9 шуркынмонэ 2020 года. Эскеремын: 9 шуркынмонэ 2020 арын.
↑ Энциклопедия ТАСС, 2024. Файзуллин, Ирек Энварович. Министр строительства и жилищно-коммунального хозяйства РФ
↑ Госдума утвердила Файзуллина на пост министра строительства и ЖКХ
↑ Президент подписал указы о назначении членов Правительства Российской Федерации и директоров служб
↑ ¹ ² ³ Энциклопедия ТАСС, 2024. Файзуллин, Ирек Энварович. Министр строительства и жилищно-коммунального хозяйства РФ
↑ Совет директоров ОАО «РЖД»

Чӧлсконъёс

[1] ТАСС. Файзуллин назначен врио главы Минстроя (9 шуркынмонэ 2020). Архивировано 9 шуркынмонэ 2020 года. Эскеремын: 9 шуркынмонэ 2020 арын.

[ЭнцТАСС-2] Энциклопедия ТАСС, 2024. Файзуллин, Ирек Энварович. Министр строительства и жилищно-коммунального хозяйства РФ

[3] РБК. Изменения в правительстве. Что известно про новых кандидатов в министры (9 шуркынмонэ 2020). Архивировано 10 шуркынмонэ 2020 года. Эскеремын: 9 шуркынмонэ 2020 арын.

[4] Комсомольская правда. Экс-министр Татарстана Ирек Файзуллин выдвинут на пост главы Минстроя РФ (9 шуркынмонэ 2020). Архивировано 9 шуркынмонэ 2020 года. Эскеремын: 9 шуркынмонэ 2020 арын.

[ЭнцТАСС2-5] Энциклопедия ТАСС, 2024. Файзуллин, Ирек Энварович. Министр строительства и жилищно-коммунального хозяйства РФ

[6] Госдума утвердила Файзуллина на пост министра строительства и ЖКХ

[7] Президент подписал указы о назначении членов Правительства Российской Федерации и директоров служб

[ЭнцТАСС3-8] ¹ ² ³ Энциклопедия ТАСС, 2024. Файзуллин, Ирек Энварович. Министр строительства и жилищно-коммунального хозяйства РФ

[9] Совет директоров ОАО «РЖД»

[1]

[2]

[3]

[4]

[5]

[6]

[7]

[8]

[9]