Чернышенко, Дмитрий Николаевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Чернышенко.
Дмитрий Николаевич Чернышенко
Dmitry Chernyshenko official portrait (government.ru).jpg
Флаг
Росси Федерациысь кивалтэтлэн тӧроезлэн воштӥсез
Флаг
21-тӥ толшорысен 2020
(одноужез быдэсъясь 7-тӥ—13-тӥ куартолэзе 2024)
Кивалтэтлэн тӧроез Михаил Мишустин
Андрей Белоусов (одноужез быдэсъясь)
Михаил Мишустин
Президент Владимир Путин
Вордӥськемын 20-тӥ куарусёнэ 1968({{padleft:1968|4|0}}-{{padleft:9|2|0}}-{{padleft:20|2|0}}) (56 лет)
Дышетскемез
Данъетъёсыз
Сайтэз government.ru
Логотип Викисклада Медиафайлъёс РувикиМедиа пушкын

Дми́трий Никола́евич Черныше́нко (вордӥськиз 1968-тӥ арын 20-тӥ куарусёнэ Саратовын, РСФСР, СССР) — Россиысь кун уж быдэсъясь, 2020-тӥ арын 21-тӥ толшорысен цифровой экономика но инновациос, герӟетъёс, СМИ, лулчеберет, туризм но спорт ужпумъёсъя Росси Федерациысь Кивалтэтлэн тӧроезлэн воштӥсез[1][2]. 2021-тӥ арын 19-тӥ пӧсьтолэзьысен Приволжск федерал округлэн кураторез луэ[3].

2007-тӥ—2014-тӥ аръёсы — Сочиын 2014-тӥ арын ортчем XXII тол Олимпи но XI тол Паралимпи шудонъёслэн Организационной комитетсылэн проезидентэз. 2014-тӥ арын 28-тӥ шуркынмонысен — Континентальной хоккейной лигалэн президентэз но правлениезлэн тӧроез. «Газпром-медиа Холдинглэн» генеральной директорез но правлениезлэн тӧроез. 2018-тӥ арын 20-тӥ коньывуонысен «ГПМ Развлекательное ТВ» субхолдинген кивалтэ[4][5].

2019-тӥ арын Чернышенко бӧрсьысь кыкетӥзэ Variety500 — дуннеысь 500 тужгес влиятельной медиаперсонаос пӧлы шедиз[6].

Улон сюресэз

[Тупатыны | вики-текстэз тупатыны]
МОК-лэсь 119-тӥ сессизэ усьтон ужрадын. Росси президентлэн паллян палаз  — В. А. Фетисов, бур палаз — И. К. Роднина но Д. Н. Чернышенко.
Гватемала, 2007-тӥ ар 3-тӥ пӧсьтолэзь
Дмитрий Чернышенко ужан ужпумъёсъя Дальней Востоке вуылыкуз, 2021-тӥ ар

Дмитрий Чернышенко вордӥськиз 1968-тӥ арын 20-тӥ куарусёнэ Саратовын. Пинал дырыз Майкопын но Сочиын ортчиз[5][7].

Москваысь технологиосъя "Станкин" кун университетын «системы автоматизированного проектирования» удысъя дышетскиз (САПР) но инженер-системомеханик ӧнер басьтӥз. «Станкинын» дышетскыкуз, МММ-лэн рекламной роликезлы графика суредамез понна, 1500 доллар тыр нырысетӥ гонорарзэ басьтӥз[8][5].

1989-тӥ—1991-тӥ аръёсы Чернышенко Copris&M Co («Коприс-энд-м ко») телекоммуникационной компаниын программист луыса ужаз.

1989-тӥ арын «Станкин» МГТУ-ын ӵош дышетскись эшъёсыныз «Информатика Маркетинг Сервис» (ИМС) компания кылдытӥз. Со СССР-ын нырысетӥез компьютер графикая студия вал. 1991-тӥ—1992-тӥ аръёсы ИМС компанилэн генеральной директорезлэн воштӥсез луиз.

1992-тӥ арысен 1994-тӥ арозь — рекламая СФТ агентстволэн директорез (ИМС пичи ужбергатонни рекламая СФТ агентствоозь паськытаз («СФТ-Реклама»).

1993-тӥ арын Чернышенко Media Arts агентстволэн соучредителез луиз. Со ИМС-лэн инъетэз вылын кылдытэмын вал но ӝоген рекламая Media Arts Group холдинглы пӧрмиз. 1994-тӥ арын солэн творческой директорез луиз, 1996-тӥ арын — Media Arts Group компанилэн вице-президентэз [8].

1998-тӥ—2002-тӥ аръёсы Чернышенко «ДТВ-МА» телевизионной производственной студилэн генеральной директорез луиз. Media Arts Group холдинг D’Arсy TV («Д’Арси ТелеВижн») компаниез басьтэмез бере кылдӥз реклама роликъёсын вырись студия. «ДТВ-МА» компани ужаз валтӥсь калыккуспо брендъёсын но рекламая агентствоосын. Студилэн куамынлэсь трос вормонъёсыз пӧртэм калыккуспо но росси фестивальёсын[9].

2002-тӥ арын Чернышенко Media Arts Group холдинглэн старшой вице-президентэз луиз но спорт маркетинг удысъя ужан понна, со холдинг пушкын ик кылдытэм Sportima компаниез йыръяз.[8].

2005-тӥ арын шуркынмонэ Чернышенко Олимпи но Паралимпи шудонъёсъя Сочиын ортчытонъя компаниез йыръяз но «Сочи-2014» заявочной комитетлэн генеральной директорез луиз[10].

2007-тӥ арысен 2014-тӥ арозь Чернышенко Сочиын ортчись XXII тол Олимпи но XI тол Паралимпи шудонъёслэн Организационной комитетсылэн президентэз вал[11][5].

2007-тӥ арын 26-тӥ куарусёнысен Чернышенко — Росси Федерацилэн президентэз улсын физической культураез но спортэз азинтонъя, спортын вылӥ азинсконъёс басьтонъя, 2014-тӥ арын Сочиын XXII тол Олимпи но XI тол Паралимпи шудонъёсты дасянъя но ортчытонъя Кенешлэн президиумезлэн ёзчиез луиз[12]. Нырысетӥ араз (2007-тӥ арын 26-тӥ куарусёнысен 2008-тӥ арын 5-тӥ куарусёнозь) кенешлэн секретарез луыса тыршиз[5].

2007-тӥ арын 12-тӥ шуркынмонысен — «Олимпстрой» ГК-лэн чаклан кенешезлэн тӧроезлэн воштӥсез[13].

2014-тӥ арын коньывуонысен толсурозь Чернышенко Геннадий Тимченколэн активъёсыныз кивалтӥсь Volga Group инвестици компаниез йыръяз[14].

28-тӥ шуркынмонысен— Континентальной хоккейной лигалэн президентэз но правлениезлэн тӧроез[15]

23-тӥ толсурысен — Россиысь Хоккей федерацилэн кенешезлэн ёзчиез.

2015-тӥ арын 13-тӥ толшорысен — «Газпром-Медиа Холдинглэн» генеральной директорез но правлениезлэн тӧроез[16][5].

2016-тӥ арысен — Рекламая йӧскалык альянслэн директоръёсызлэн кенешсылэн тӧроез[17]. «Россиысь чугун сюресъёс» ОАО-лэн директоръёсызлэн кенешсылэн ёзчиез[18].

2020-тӥ арын 21-тӥ толшорысен Чернышенко цифровой экономика но инновациос, герӟет но СМИ, лулчеберет, туризм но спорт ужпумъёсъя Росси Федерациысь кивалтэтлэн тӧроезлы воштӥсе юнматэмын[19]. «Цифровая экономика» но «Культура» йӧскалык программаослэсь, озьы ик «Спорт — норма жизни» федерал проектлэсь но «Демография» йӧскалык проектлэсь улонэ пыӵамзэс чакла. Эскере СМИ удысысь кун политикаен но инновационной ужудысэн герӟаськем ужпумъёсты, герӟет удысын дун пуктонэз (тарифъёсты) но IT удысысь кун программаослэсь быдэстӥськемзэс. Со сяна, Чернышенко тужгес кулэлыко спорт ужрадъёс но вӧсьбуро огазеяськонъёсын кусып возён понна кыл кутэ[1].

2024-тӥ арын 11-тӥ куартолэзе Михаил Мишустин Чернышенкоез вице-премьере дэмлаз[20]. 13-тӥ куартолэзе Кун дума Мишустинлэсь дэмланзэ умоен лыдъяз[21]. 14-тӥ куартолэзе РФ президентэз та интыуже Чернышенкоез юнматон сярысь Косэт гожтӥз[22][5].

Чернышенко огъя но шор ӧнер образование басьтон но егитъёсын ужан политика удысъёс понна кыл кутэ. Инновационной технологиосты азинтонъя но искусственной интелект удысын тодос исследованиослы юрттэт сётонъя чаклан ужзэ азьланьтэ. «Наука и университеты», «Образование», «Туризм и индустрия гостеприимства» йӧскалык проектъёсты дасян бордын тырше но соослэсь улонэ пыӵамзэс чакла. Таӵе министерствоослэсь но ведомствоослэсь ужзэс эскере:

  • Наукая но вылӥ образования министерство;
  • Дышетонэз азинтонъя министерство;
  • Спортэз азинтонъя министерство;
  • Лэсьтӥськонъя но жилищной хозяйствоя министерство («Туризм и индустрия гостеприимства» йӧскалык проектлэн ужрадъёсыз);
  • Экономикаез азинтонъя министерство (туризм удысын кун политикалэн быдэстӥськемез);
  • Лыдпусо азинсконъя, герӟетъя но массовой коммуникациосъя министерство (массовой коммуникациос но ивор вӧлмытон ёзэсъёс удысын кун политикалэн быдэстӥськемез);
  • Егитъёсын ужанъя федерал агентство;
  • Йӧскалыкъёсын ужанъя федерал агентство (озьы ик вӧсьбуро огазеяськонъёсын ваче ужанъя ужпумъёс);
  • Дышетон но тодос удысын чакланъя федерал служба[23].

2024-тӥ арын 23-тӥ куарусёнэ Чернышенко Росси Федерацилэн «Интернетэз азинтон институт» АНО-лэн чаклан кенешезлэн огмуртэз луиз[24].

2025-тӥ арын 11-тӥ тулыспалэ РФ кивалтэт «Физической культураез но спортэз азинтон» кун программаез быдэстонъя комиссилы тӧрое Чернышенкоез юнматӥз[25].

Семьяез

[Тупатыны | вики-текстэз тупатыны]

Дмитрий Чернышенко кышнояськемын, кык нылыз. Гурезь куасэн нискыланэн но боевой искусствоосын тунсыкъяське[5]. Чернышенко ӟеч тодэ англи кылэз[26].

Санкциос

[Тупатыны | вики-текстэз тупатыны]

Украинаын военной действиос кутскем бере, Чернышенко Евросоюзлэн, Великобританилэн, США-лэн, Швейцарилэн но Новой Зеландилэн санкциосыз улэ пыртэмын.

Данъетъёсыз

[Тупатыны | вики-текстэз тупатыны]
«За заслуги перед Отечеством» II степенё орденэн данъетан. 2014-тӥ ар 24-тӥ южтолэзь
  • «За заслуги перед Отечеством» II степенё орден (2014-тӥ арын 24-тӥ южтолэзе ) — 2014-тӥ арын Сочиын XXII тол Олимпи но XI тол Паралимпи шудонъёсты радъянэ азинлыко пыриськемез но азинлыко ортчытэмез понна но Россиысь сборной командалэн азинлыко пыриськемез понна[27].
  • Данлыко орден (2007-тӥ арын 6-тӥ гудырикошконэ) — XXII тол Олимпи но XI тол Паралимпи шудонъёсты 2014-тӥ арын Сочиын ортчытон понна мыло-кыдо заявка дасямез но заявкалэн вормонэз понна[28].
  • Эшъяськон орден (2019-тӥ арын 23-тӥ куартолэзе)[29].
  • Росси Федерацилэн Президентэзлэн Таукаронэз (2018-тӥ арын 30-тӥ куартолэзе ) — росси мерлыклэн мер но политика ужъёсаз мыло-кыдо пыриськемез понна[30].
  • «Спортивные звёзды России» йӧскалык премилэн лауреатэз (2008-тӥ арын)[31].
конфессиональной
  • Вӧсьлыко благоверной князьлэн Александр Невскийлэн II степенё орденэз (2021-тӥ арын 6-тӥ толсуре) — благоверной князьлэн Александр Невскийлэн вордӥськемез дырысен 800 ар тырмонлы сӥзем ужрадъёсты дасянэ но ортчытонэ мыло-кыдо пыриськемез понна [32].
  • Преподобной Сергий Радонежскийлэн II степенё орденэз (2014-тӥ арын 28-тӥ гудырикошконэ) — Ӟуч Православи черклы юрттӥськемез понна[33].
  • Преподобной Сергий Радонежскийлэн III степенё орденэз (2006-тӥ арын 30-тӥ толшоре)[34].
спортивной
  • Зарни Олимпи орден (2014-тӥ арын)[35].

Валэктонъёс

[Тупатыны | вики-текстэз тупатыны]
  1. ↑ 1 2 Мишустин распределил обязанности между своими заместителями(ӟуч) РИА Новости. Эскеремын 2020-01-29 аре
  2. ↑ Правительство России переходит в статус и.о. до назначения нового состава(ӟуч)
  3. ↑ Михаил Мишустин назначил кураторов федеральных округов
  4. ↑ «Газпром-медиа» сменил руководство развлекательного субхолдинга // Коммерсантъ. Архивировано 11 коньывуонэ 2018 года.
  5. ↑ 1 2 3 4 5 6 7 8 Энциклопедия ТАСС, 2024. Чернышенко, Дмитрий Николаевич. Заместитель председателя правительства РФ
  6. ↑ viapiuser Dmitry Chernyshenko(англи) Variety. Эскеремын 2019-09-09 аре
  7. ↑ Дмитрий Соколов. Как сбывались мечты главы «Газпром-Медиа» Дмитрия Чернышенко Собеседник № 37, 2015 год.
  8. ↑ 1 2 3 Ведомости «Все знали, что я из Сочи», - Дмитрий Чернышенко, гендиректор оргкомитета зимних Олимпийских игр Сочи-2014 www.vedomosti.ru. Эскеремын 2019-09-09 аре
  9. ↑ Визитка компании DTV-MA - Sostav.ru www.sostav.ru. Эскеремын 2019-05-27 аре
  10. ↑ Ярослав КОРОБАТОВ | Сайт «Комсомольской правды» Дмитрий Чернышенко, глава Заявочного комитета «Сочи-2014»: $12 миллиардов инвестиций окупятся через 5 лет(ӟуч) KP.RU - сайт «Комсомольской правды». Эскеремын 2019-05-28 аре
  11. ↑ В России: Москва: Организационный комитет XXII Олимпийских зимних игр и XI Паралимпийских зимних игр 2014 года в г. Сочи (Москва) // ИА Спортком sportcom.ru. Эскеремын 2019-09-09 аре
  12. ↑ Указ Президента Российской Федерации от 05.09.2008 г. № 1311(ӟуч) Президент России. Эскеремын 2019-09-09 аре
  13. ↑ Распоряжение Правительства Российской Федерации от 12 ноября 2007 года № 1604-р // tgost.ru Эскеремын 2009-06-07 аре
  14. ↑ Кирилл Мельников, Анна Афанасьева Геннадий Тимченко подтянул олимпийский резерв. Volga Group возглавил Дмитрий Чернышенко Коммерсантъ.
  15. ↑ Совет Директоров КХЛ избрал Дмитрия Чернышенко новым Президентом лиги
  16. ↑ Дмитрий Чернышенко назначен на должность Председателя Правления ОАО «Газпром-Медиа Холдинг»
  17. ↑ Эксперты ТПП РФ: одна из основных задач рекламного рынка – продвижение положительного образа предпринимателя в информационном пространстве tpprf.ru. Эскеремын 2019-05-28 аре
  18. ↑ Совет директоров ОАО «РЖД»
  19. ↑ Дмитрий Николаевич Чернышенко - Правительство России government.ru. Эскеремын 2020-01-29 аре
  20. ↑ О чем говорит новая конфигурация российского правительства
  21. ↑ Госдума утвердила Чернышенко заместителем председателя правительства
  22. ↑ Президент подписал указы о назначении членов Правительства Российской Федерации и директоров служб
  23. ↑ Михаил Мишустин утвердил распределение обязанностей между вице-премьерами
  24. ↑ Чернышенко назначили представителем РФ в набсовете Института развития интернета, TACC (23 куарусёнэ 2024). Дата обращения: 23 куарусёнэ 2024.
  25. ↑ Распоряжение Правительства Российской Федерации от 11.02.2025 № 292-р ∙ Официальное опубликование правовых актов(ӟуч)
  26. ↑ PwC Russia Video from Sochi 2014 President Dmitry Chernyshenko Эскеремын 2019-05-27 аре
  27. ↑ Награждённые государственными наградами Российской Федерации
  28. ↑ Фонд поддержки олимпийцев России www.olympians.ru. Эскеремын 2019-09-09 аре
  29. ↑ Алексей Прокин Владимир Путин вручил государственные награды в Кремле(ӟуч) НТВ. Эскеремын 2019-09-09 аре
  30. ↑ Распоряжение Президента Российской Федерации от 30 мая 2018 года № 131-рп «О поощрении»
  31. ↑ В Сочи прошло вручение премии «Спортивные звезды России»(ӟуч) Газета.Ru. Эскеремын 2019-09-09 аре
  32. ↑ В день памяти благоверного князя Александра Невского Предстоятель Русской Церкви совершил Литургию в Храме Христа Спасителя в Москве Эскеремын 2022-02-01 аре
  33. ↑ В праздник Успения Божией Матери Предстоятель Русской церкви совершил Литургию в Успенском соборе Московского Кремля Эскеремын 2022-02-01 аре
  34. ↑ Биография Дмитрия Чернышенко, РИА Новости (20.09.2023). Дата обращения: 6 куартолэзе 2024.
  35. ↑ IOC President says Thank You to Sochi, olympic.org (24 тулыспалэ 2014). Дата обращения: 3 южтолэзе 2014.

Чӧлсконъёс

[Тупатыны | вики-текстэз тупатыны]
«https://udm.ruwiki.ru/w/index.php?title=Чернышенко,_Дмитрий_Николаевич&oldid=291675»-ысь басьтэмын