Шадаев, Максут Игоревич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Шадаев.
Максут Игоревич Шадаев
Максут Шадаев.png
Флаг
Росси Федерациысь лыдпусо азинсконъя, связья но массовой коммуникациосъя министр
Флаг
21-тӥ толшорысен 2020-тӥ арын
(одноужез быдэсъясь 7-тӥ—13-тӥ куартолэзе 2024)
Кивалтэтлэн тӧроез Михаил Мишустин
Андрей Белоусов (одноужез быдэсъясь)
Михаил Мишустин
Президент Владимир Путин
Азьпалчиез Константин Носков
Вордӥськемын 11-тӥ шуркынмонэ 1979(1979-11-11) (45 арес)
Москва, РСФСР, СССР
Нылпиосыз кык нылпиез
Дышетскемез Россиысь мерлыко кун университет
Данъетъёсыз
Данлыко орден RUS Medal of the Order For Merit to the Fatherland 2nd class ribbon.svg
Логотип Викисклада Медиафайлъёс РувикиМедиа пушкын

Максут Игоревич Шадаев (вордӥськемын 1979-тӥ арын 11-тӥ шуркынмонэ Москваын, мукет тодэтъёсъя Нижний Новгородын[1]) — Россиысь кун уж быдэсъясь, 2020-тӥ арын 21-тӥ толшорысен Росси Федерациысь лыдпусо азинсконъя, связья но массовой коммуникациосъя министр[2][3][4]. Росси Федерациысь II классъем действительной кун советник (2014). Россиысь Журналистъёслэн огазеяськонзылэн ёзчиез.

Улон сюресэз

[Тупатыны | вики-текстэз тупатыны]

Максут Шадаев вордӥськиз 1979-тӥ арын 11-тӥ шуркынмонэ Москваын, мукет тодэтъёсъя Нижний Новгородын. Выжыезъя — бигер[1]. 1999-тӥ арысен ивор вӧлмытон технологиосын герӟаськем компаниосын ужаз.

2004-тӥ арын Ужъя но мер азинсконъя министерстволэсь Москваысь мерлыко кун университетсэ йылпумъяз[ru] (али дыре Россиысь мерлыко кун университет шуыса нимаське) «мерлык» удысъя. Со арын ик Росси Федерациысь иворлыко технологиосъя но связья министрлы Леонид Рейманлы советнике юнматӥзы. 2006-тӥ арын 6-тӥ тулыспалэ Шадаев со ведомствоысь ик Кун программаосъя, инфраструктура азинсконъя но сюбегатэм ресурсъёсты уже кутонъя департаментлэн директорез луиз.

2000-тӥ—2001-тӥ аръёсы Шадаев «Arrava Internet Management» компанилэн «Эйдвайзерс» проектэныз кивалтӥз. Сое кылдытӥзы ЮКОС[ru]-ысь потэмъёс, эрикрадъямын Сан-Матеоын (США)[5][6]. 2000-тӥ арын инвожо толэзе компания росси рыноке выжемез сярысь ивортӥз[7][8]. Коньывуонэ Шадаевез «Arrava Internet Advisors» компание интернет-стратегия директоре юнматӥзы[9].

2002-тӥ—2004-тӥ аръёсы Шадаев Анатолий Карачинскийлэн IBS Group холдингаз ужаз. Отын со бизнесэз азинтонъя ёзэтын интернет-решениосъя люкетэныз кивалтӥз. 2003-тӥ арын пӧсьтолэзе бизнесэз азинтонъя директоре юнматӥзы[5].

2004-тӥ арын пӧсьтолэзе Шадаев «Восход» ФГУП НИИ[ru]-ын директорезлэн воштӥсез луиз[10].

2007-тӥ арын 9-тӥ коньывуонэ, Рейманэн ӵош, Федерал ваньбурен кивалтонъя агентстволэн «Росинфокоминвест» (РИФИКТ) венчурной фондлэн директоръёсызлэн кенешаз пыртэмын. Сое кылдытонлэн кичӧлтӥсез Росси Федерациысь Иворлыко технологиосъя но связья министерство[11].

2008-тӥ арын куартолэзе, Иворлыко технологиосъя но связья министерство интые Связья но массовой коммуникациосъя министерство кылдэм бере (министрез Игорь Щёголев), Шадаев информатизация но иворлыко технологиосъя удысын Кун политикая департаментлэн директорез луиз.

2008-тӥ арын сӥзьыл Шадаев Росси Федерациысь Президентлэн администрациеныз кивалтӥсьлэн Сергей Нарышкинлэн юрттӥсез луиз, Президент улсын ужась кенешын иворлыко дэменлыклэн азинскемез понна но биометрической паспортъёс[ru] кылдытонъя проект понна кыл кутӥз. 2009-тӥ арын тулыспалэ Шадаев Росси Федерацилэн Президентэзлэн управленческой кадръёсъя резерваз «нырысетӥ сотняе» пыртэмын. Конструкторъёслэн кенешсылэн тӧроез — Выль поколениысь паспортно-визовой ужкагаз дасянъя, вылтусъянъя но чакланъя (ГС ПВДНП) кун сӧзнэтлэн валтӥсь конструкторез[12].

2012-тӥ арын Шадаев Росси Федерациысь Кун думалэн тӧроезлэн Сергей Нарышкинлэн советникез луиз. «Электронный парламент» проектлэн быдэсмемез понна кыл кутӥз.

2014-тӥ арын 11-тӥ тулыспалэ Шадаев Муско улосын кун управления, иворлыко технологиосъя но связья министре юнматэмын но Муско улослэн кивалтэтэзлэн пушпӧлаз пыртэмын. 2016-тӥ арын 29-тӥ куарусёнэ Муско улос кивалтэтлэн тӧроезлэн воштӥсез луиз. Шадаев кивалтэм улсын Муско улосъя ӵектон-дэмланъёсын но ӝожтӥськонъёсын огъя книга — «Добродел» портал[ru] лэземын. 2018-тӥ арын 14-тӥ куарусёнэ, Муско улослэн кивалтэтэз отставкае кошкем бере, Шадаев солэн выль пӧлэсаз ӧз пыры, губернаторлы Андрей Воробьёвлы советнике кариськиз.

2017-тӥ арын куартолэзьысен Шадаев Росси Федерацилэн президентэзлэн Администрациеныз кивалтӥсьлэн нырысетӥ воштӥсезлэн Сергей Кириенколэн советникез луиз. Улосъёсысь тӧрлыкъёслэсь мер вотэсъёсын иворлыко политиказэс чакласа возиз[13].

2018-тӥ арын 26-тӥ куарусёнэ Шадаев «Ростелеком» ПАО-лэн лыдпусо платформаосъя вице-президентэз луиз, 2019-тӥ арын тулыспалысен со ужудысэн огвакыт «РТ Лабс» АО-лэн генеральной директорез вал, солэн 100 %-эз акциосыз кун киулын возиськизы.

2020-тӥ арын 21-тӥ толшоре Россилэн президентэзлэн Владимир Путинлэн Косэтэзъя Росси Федерациысь лыдпусо азинсконъя но коммуникациосъя министре пуктэмын[14]. Шадаевлэн выль интыужын нырысетӥ кичӧлтонэз, кудзэ со Кун Кенешлэн заседанияз шаряаз, со силовой структураосысь оперативникъёслэн[15] судлэн лэзетэзтэк гражданъёслэсь аслыко тодэтъёссэз уже кутыны луонлыксы[16]. Песковлэн со шоры кырыжак учкемысьтыз, Шадаев, солэсь дэмланзэ ӧзгес валалэ шуиз[17].

2024-тӥ арын 14-тӥ куартолэзе Кун дума Шадаевез лыдпусо азинсконъя, связья но коммуникациосъя министре кельтонэз умоен лыдъяз[18], со нуналэ ик Росси Федерацилэн президентэз ӵектэм муртэ юнматон сярысь Косэт гожтӥз[19][20].

Семьяез

[Тупатыны | вики-текстэз тупатыны]

Кык нылъёсыз вань[21][1].

Данъетъёсыз

[Тупатыны | вики-текстэз тупатыны]
  • Данлыко орден (2010-тӥ арын 18-тӥ шуркынмонэ) — электрон тодэтъёсын кунсьӧр паспортъёсты ас дыраз улонэ пыӵатыны быгатэмез понна[22]
  • «За заслуги перед Отечеством» II степенё орденлэн медалез (2019-тӥ арын 29-тӥ куартолэзе) — ужудысаз басьтэм азинсконъёсыз но трос аръёс ӵоже ӟеч тыршемез понна[23]

Валэктонъёс

[Тупатыны | вики-текстэз тупатыны]
  1. ↑ 1 2 3 Шадаев Максут Игоревич. Биография
  2. ↑ Энциклопедия ТАСС, 2024. Шадаев, Максут Игоревич. Министр цифрового развития, связи и массовых коммуникаций РФ
  3. ↑ Путин назначил нового министра по цифровому развитию и связи // Cnews
  4. ↑ Новым главой Минкомсвязи назначили Максута Шадаева // РИА Новости
  5. ↑ 1 2 Максут Шадаев возглавил «РТ лабс» Cnews.ru
  6. ↑ Фирмы Пономарёва: правда или вымысел?. Ридус
  7. ↑ PressRoom.Ru — ARRAVA: первый строитель реального бизнеса в Интернете (ARRAVA)
  8. ↑ Илью Пономарёва обвинили в предпринимательской деятельности
  9. ↑ В Рунет за советами «Консалтинг» Приложение № 201 от 26.10.2000
  10. ↑ Кто такой Максут Шадаев? «АиФ» 21.01.2020
  11. ↑ Венчурных денег прибыло — Газета Коммерсантъ № 189 (3765) от 16.10.2007
  12. ↑ Новости компании
  13. ↑ Региональным чиновникам подобрали интернет-штурмана // Коммерсантъ, 31 мая 2017
  14. ↑ Подписаны указы о назначении министров Правительства Российской Федерации // Президент России
  15. ↑ «Министр связи предложил открыть силовикам доступ к данным россиян» [ommersant.ru от 29.01.2020.
  16. ↑ «Министр Шадаев предлагает открыть персональные данные граждан силовикам» vedomosti.ru от 29.01.2020.
  17. ↑ «В Кремле назвали новой инициативу дать силовикам доступ к данным россиян» «РБК» 29 января 2020.
  18. ↑ Госдума утвердила Шадаева на должность главы Минцифры
  19. ↑ Президент подписал указы о назначении членов Правительства Российской Федерации и директоров служб
  20. ↑ Указ Президента Российской Федерации от 14.05.2024 № 403 «О Министре цифрового развития, связи и массовых коммуникаций Российской Федерации»
  21. ↑ Биография нового главы Минкомсвязи Максута Шадаева - ТАСС
  22. ↑ Указ Президента Российской Федерации от 18.11.2010 г. № 1443 «О награждении государственными наградами Российской Федерации» // Президент России
  23. ↑ Указ Президента Российской Федерации от 29.05.2019 г. № 240 «О награждении государственными наградами Российской Федерации» // Президент России

Чӧлсконъёс

[Тупатыны | вики-текстэз тупатыны]
«https://udm.ruwiki.ru/w/index.php?title=Шадаев,_Максут_Игоревич&oldid=293300»-ысь басьтэмын