Голикова, Татьяна Алексеевна

Википедиысь материал
Татьяна Алексеевна Голикова
Tatyana Golikova official portrait.png
Флаг
Росси Федерацилэн тӧроезлэн воштӥсез
Флаг
18-тӥ куартолэзьысен 2018
(одноужез быдэсъясь 15-тӥ—21-тӥ толшоре 2020, 7-тӥ—13-тӥ куартолэзе 2024)
Кивалтэтлэн тӧроез Дмитрий Медведев
Михаил Мишустин
Андрей Белоусов (одноужез быдэсъясь)
Михаил Мишустин
Президент Владимир Путин
Флаг
Росси Федерациысь Счётной палаталэн тӧроез
Флаг
20 сентября 2013 — 18 мая 2018
Кивалтэтлэн тӧроез Дмитрий Медведев
Президент Владимир Путин
Азьпалчиез Сергей Степашин
Бӧрысьчиез Алексей Кудрин
Флаг
Росси Федерацилэн президентэзлэн юрттӥсез
Флаг
22 мая 2012 — 20 сентября 2013
Президент Владимир Путин
Дмитрий Медведев
Владимир Путин
Флаг
Росси Федерациысь Тазалыкез утёнъя но мерлыко азинсконъя министр
Флаг
24-тӥ куарусёнэ 2007 — 8-тӥ куартолэзе 2012
(одноужез быдэсъясь 15-тӥ—21-тӥ толшоре 2020, 7-тӥ куартолэзьысен 2024)
Кивалтэтлэн тӧроез Виктор Зубков
Владимир Путин
Виктор Зубков (одноужез быдэсъясь)
Дмитрий Медведев
Президент Дмитрий Медведев
Владимир Путин
Азьпалчиез Михаил Зурабов
Бӧрысьчиез интыуж быдтэмын,
Вероника Скворцова РФ тазалыкез утёнъя министр чотын
Максим Топилин Ужъя но калыклы улон-вылонын юрттэт сётонъя министр чотын
Флаг
Росси Федерациысь коньдон ужпумъёсъя министрлэн воштӥсез
Флаг
9-тӥ оштолэзе 2004 — 24-тӥ куарусёнэ 2007
Кивалтэтлэн тӧроез Михаил Фрадков
Виктор Зубков
Флаг
Росси Федерациысь коньдон ужпумъёсъя министрлэн нырысетӥ воштӥсез
Флаг
26-тӥ гудырикошконэ 2002 — 9-тӥ оштолэзе 2004
Кивалтэтлэн тӧроез Михаил Касьянов
Михаил Фрадков
Азьпалчиез Виктор Зубков
Бӧрысьчиез Сергей Вязалов
Вордӥськемын 9-тӥ тулыспалэ 1966(1966-02-09) (59 арес)
Мытищи, Моосква улос, РСФСР, СССР
Атаез Алексей Голиков
Анаез Любовь Голикова
Кузпалыз Виктор Христенко
Дышетскемез Москваысь Г. В. Плеханов нимо калык хозяйствоя институт
Санкт-Петербургысь инженерно-экономической кун университет (аспирантура, докторантура)
Учёной степенез экономика тодосъёсъя доктор (2008)
Учёной званиез профессор (2017)
Ужудысэз экономист
Ужез кун ужчи, политик, финансист
Кинюртэмез Изображение автографа
Данъетъёсыз
Военной службаез
Званиез Классный чин
Действительный государственный советник РФ 1 класса (Минобороны)г.png
Росси Федерациысь 1-тӥ классъем действительной кун советник
Ужан интыез
Логотип Викисклада Медиафайлъёс РувикиМедиа пушкын

Татья́на Алексе́евна Го́ликова (ворд. 9-тӥ тулыспалэ 1966, Мытищи[d], Муско улос) — росси кун ужчи, экономист.

2018-тӥ арын 18-тӥ куартолэзьысен мерлыко ужпумъёсъя Росси Федерацилэн кивалтэтэзлэн тӧроезлэн воштӥсез (ужоскетэз быдэсъясь 2020-тӥ арын 15-тӥ толшорысен 21-тӥ толшорозь, 2024-тӥ арын 7-тӥ куартолэзьысен 13-тӥ куартолэзёзь)[1]. 2021-тӥ арын19-тӥ пӧсьтолэзьысен Уйпал-Шундыпуксёнпал федерал округлэн кураторез[2]. Росси Федерацилэн Кивалтэтэз улсын ужась Финансовой университетысь кун кивалтонъя но коньдон ужпумъёсъсты чакланъя ёзэтлэн деканэз.

2020-тӥ арын 21-тӥ толшоре Михаил Мишустинлэн кивалтэтаз ас ужоскетаз кылиз. Чакласа возе мерлыко удысэз (тазалыкез утён, дышетон, тодос, лулчеберет но егитъёсын ужанъя удысъёсын кун политикаез)[3].

Росси Федерациысь Счётной палаталэн тӧроез (2013—2018). СНГ кунъёсын, Абхазиен но Лымшор Осетиен валче ужанъя мерлык но экономика ласянь Росси Федерацилэн президентэзлэн юрттӥсез [4][5] (2012—2013), Росси Федерациысь тазалыкез утёнъя но мерлыко азинсконъя министр (2007—2012), нырысетӥ воштӥсь, Росси Федерациысь коньдон ужпумъёсъя министрлэн воштӥсез (2002—2007).

Росси Федерациысь сӥё-дано экономист (2004). Экономика тодосъёсъя доктор (2008), профессор (2017). «За заслуги перед Отечеством» II, III но IV степенё орденъёслэн кавалерзы (2008, 2012, 2016). Росси Федерациысь 1-тӥ классъем действительной кун советник (2003).

Улон сюресэз

[Тупатыны | вики-текстэз тупатыны]

Вордӥськиз 1966-тӥ арын 9-тӥ тулыспалэ Мытищиын. Атаез Алексей Геннадьевич Голиков заводын ужаз, анаез Любовь Михайловна  — товаровед.

Дышетскиз Одинцово ёросысь Лесной Городок каргуртысь шоръёзо школаын. Дышетскон аръёсаз школалэн комсоргез вал [6][7][8].

Дышетскемез[Тупатыны | вики-текстэз тупатыны]

1987-тӥ арын Москваысь Г. В. Плеханов нимо калык хозяйствоя институтысь огъяэкономикая ёзэтсэ йылпумъяз, «Экономика труда» удысъя, квалификациез «Экономист»[6][9].

2005-тӥ арын «Формирование организационно-экономического механизма управления экономикой Российской Федерации на основе эффективного регулирования межбюджетных отношений» темая кандидат диссертацизэ утиз. Ужез дасямын Санкт-Петербургысь инженерно-экономической кун университетлэн инъет вылаз, научной руководителез экономика тодосъёсъя доктор, профессор Михайлушкин А. И.[10]

2008-тӥ арын экономика тодосъёсъя доктор учёной степень басьтон понна, «Теория и методология управления межбюджетными отношениями в Российской Федерации» темая докторской диссертацизэ утиз, азьвылэз сямен ик дасямын Санкт-Петербургысь инженерно-экономическокун университетлэн докторантураяз.

Ӧнер карьераез

[Тупатыны | вики-текстэз тупатыны]

Ужъя кун комитетлэн научно-исследовательской институтаз[Тупатыны | вики-текстэз тупатыны]

1987-тӥ арысен, институтэз йылпумъямез бере, распределения СССР-ысь Ужъя кун комитетлэн научно-исследовательской институтаз уждун тырон ёзэтаз младшой научной сотрудник луыса ужаз[8][11], Максим Топилинэн ӵош (2012-тӥ—2020-тӥ аръёсы Росси Федерациысь ужъя но мер юрттэт сётонъя министр )[12].

Росси Федерациысь Коньдон ужпумъёсъя министерствоын[Тупатыны | вики-текстэз тупатыны]

1990-тӥ арын РСФСР-ысь Коньдон ужпумъёсъя министерствое ужаны выжиз. Отын огшоры сотрудникысен министрлэн нырысетӥ воштӥсёзяз будӥз:

  • 1990 — 1-тӥ категориен экономист, РСФСР-ысь Коньдон ужпумъёсъя министерствоысь кун коньдэтъя сводной ёзэтысь валтӥсь экономист[13];
  • 1992 — валтӥсь экономист, главной экономист, Россиысь Коньдон ужпумъёсъя министерствоысь коньдэт политикая ёзэтэн но Коньдэтъя департаментысь анализъя ёзэтэн кивалтӥсь;
  • 1995 — Россиысь Коньдон ужпумъёсъя министерствоысь Коньдэтъя департаментлэн кивалтӥсезлэн воштӥсез;
  • 1996 — Россиысь Коньдон ужпумъёсъя министерствоысь Коньдэтъя департаментлэн кивалтӥсезлэн воштӥсез;
  • 1998 — Россиысь Коньдон ужпумъёсъя министерствоысь Коньдэтъя департаментлэн кивалтӥсез, Коньдон ужпумъёсъя министерстволэн коллегиезлэн ёзчиез;
  • 1998 — Россиысь Коньдон ужпумъёсъя министерствоысь Коньдэт политикая департаментлэн кивалтӥсез[4][14];
  • 1999 — Россиысь Коньдон ужпумъёсъя министрлэн воштӥсез;
  • 2002 — Россиысь Коньдон ужпумъёсъя министрлэн нырысетӥ воштӥсез;
  • 2004 — Россиысь Коньдон ужпумъёсъя министрлэн воштӥсез (федерал министръёслэсь нырысетӥ воштӥсьёссылэсь лыдзэс кулэсмытон вылысь, административной реформая та интыуже выжтэмын)[15].

Коньдон ужпумъёсъя министерствоын ужан вакытаз Голикова федерал коньдэтлы проектъёс дасян бордын тыршиз[8]. Коньдэтэз кылдытэм сяна, чакласа возиз коньдэт кусыпъёсын герӟаськем ужпумъёсты, тодосэз азинтонлы, кун аппаратлы, мер удыслы но кышкыттэмлыклы коньдон висъян ужпумъёсты[16].

Росси Федерациысь тазалыкез утёнъя но мерлыко азинсконъя министрен Михаил Зурабовен ӵош льготаосты монетизировать карон сярысь федерал катэз кутонэз шонерен лыдъяз[16][17]. Катэз кутэм бере калык пӧлын трос юанъёс но пумит луонъёс кылдӥзы[6][18][19][20].

Росси Федерациысь тазалыкез утёнъя но мерлыко азинсконъя министр[Тупатыны | вики-текстэз тупатыны]

2007-тӥ арын куарусён толэзе Голиковаез Михаил Зурабов интые Виктор Зубковлэн кивалтэтаз тазалыкез утёнъя но мерлыко азинсконъя министре юнматӥзы.

2008-тӥ арын куартолэзе Россилэн президентэзлэн Дмитрий Медведевлэн косэтэзъя Голикова Владимир Путинлэн кивалтэтаз Росси Федерациысь тазалыкез утёнъя но мерлыко азинсконъя министре кыкетсэ юнматэмын[21]. 2009-тӥ арысен огдыре Эм страхования федерал фондлэн правлениезлэн тӧроез вал[9][22] . 2010-тӥ арын толшоре Экономика азинсконъя но интеграцияя кивалтэт ӧрилэн пушпӧлаз пыртэмын[11].

Голиковалэн Россиысь Минздравсоцразвитиын ужан куспаз пенсионной реформа ортчытэмын. Солы луыса огазеямын пенсилэн базовой но страховой люкетъёсыз, единой социальной налог (ЕСН) страховой взносъёсын воштэмын, взносъёслэн быдӟалазы 26%-ысен 34 %-тозь будэтэмын, пенсиосты софинансировать каронъя программа лэземын. Выль воштонъёс эмъюм оборотэз умоятӥзы: кутэмын юмъюм дунъёсты выль сямен радъян сярысь кат, со катъя подова поттон удыс азе выль куронъёс пуктэмын. Озьы ик Голикова кивалтэм улсын мукет программаос но кылдытэмын вал, кылсярысь, вир сётонъя но секыт висёнъёсты алонъя (онкологической, сердечно-сосудистой, репродуктивной тазалыкез чакланъя) йӧскалык службаос, валтӥсь трассаос кузя травмоцентръёс усьтон[23]. Голиковалэн куд-ог реформаосыз, кылсярысь, пенсионной реформа но единой социальной налогез страховой взносъёсын воштон пумысен Минэкономразвитиын но Минфинын пӧртэм мылкыдъёс кылдӥзы. Озьы ке но, Голикова ас позициссэ утьыны быгатӥз[8][24].

Голиковалэн кивалтэмез улсын эм юрттэт сётонлэсь ӟечлыксэ будэтонъя «Здоровье» йӧскалык проект быдэстэмын . 2010-тӥ арын Голикова Кун думаын ӧлексыослы но шуген ветлӥсьёслы пӧртэм объектъёсы пырыны луонлык кылдытонъя но соослэсь улон ӟечлыксэс будэтонъя «Доступная среда» кун программаен тодматӥз. ООН-лэн «Ӧлексыослэн эрикрадъёссы сярысь» Конвенциезлэн Россиын быдэсмоназ со нырысетӥ вамыш луиз[25].

Россилэн президентэзлэн юрттӥсез[Тупатыны | вики-текстэз тупатыны]

2012-тӥ арын куартолэзе Голиковаез Росси Федерацилэн президентэзлы юрттӥсе юнматӥзы[26][27]. Азьвыл кивалтэм Тазалыкез утёнъя но мерлыко азинсконъя министерствоез кык нимаз ведомстволы люкизы: Росси Федерациысь Ужъя но калыклы улон-вылонын юрттэт сётонъя министерство но Тазалыкез утёнъя министерство, соосты йыръязы Голиковалэн азьвыл воштӥсьёсыз  — Максим Топилин (Россиысь Ужъя министерство) но Вероника Скворцова (Россиысь Тазалыкез утёнъя министерство)[11].

Кунлэн тӧроез Росси Федерацилэн президентэзлэн Администрацияз Голиковалы Абхазилэн но Лымшор Осетилэн мерлыкен но экономикаен герӟаськем ужпумъёсынызы вырыны дэмлаз[28][29]. 2012-тӥ арын гудырикошкон толэзе Голикова Росси Федерацилэн президентэз улсын кылдытэм кык ӧриосты йыръяз: ветеранъёсын но ӧлексыосын кылдэм ужпумъёсъя[9][30]. 2012-тӥ арын толсуре Голикова, Лымшор Осетилэн но Абхазилэн азьвыл кивалтӥсьёссы республикаослэсь выльдӥськонзэс «коррупци пыр» ортчытъяло вал шуыса ивортӥз[31]. 2013-тӥ арын инвожое президентлэн Администрацияз СНГ кунъёсын, Абхазиен но Лымшор Осетиен Мерлык но экономика ласянь валче ужанъя управление кылдытэмын вал. Солы кивалтӥсе юнматэмынТазалыкез утёнъя но мерлыко азинсконъя министерствоысь Голиковалэн азьвыл воштӥсез Юрий Воронин. Выль Управленилэсь ужъёссэ чакланэз Голикова ас вылаз басьтӥз[5].

2013-тӥ арын Голикова Росси Федерацилэн Счётной палатаяз потенциальной кандидатъёсын лыдметэ пыртэмын вал. Куарусён толэзе Владимир Путин куинь ӵектэм мурт пӧлысь Голиковаез бырйиз но солэсь кандидатуразэ Кун думае эскерыны сётӥз[11].

Росси Федерациысь Счётной палаталэн тӧроез[Тупатыны | вики-текстэз тупатыны]

2013-тӥ арын 20-тӥ куарусёнэ Счётной палаталэн тӧроез интыуже Татьяна Голиковалэсь кандидатуразэ Кун дума умоен лыдъяз («за» — 415, «пумит» — 5)[32][33]. Со нуналэ ик Росси Федерацилэн президентэз сое, мукет интыуже выжеменвыз валче, президентлэн юрттӥсез интыужысь мозмытон сярысь косэт гожтӥз[34].

Голиковалэн Счётной палатаын ужан куспаз 11 709 объектъёсын 1 480 контрольной но экспертно-аналитической ужрадъёс ортчытэмын. Коньдэт сӧзнэтэ вуэм уксёез кутон радъёсты тӥян учыръёс но тырмымтэос 3, 9 триллион манет тыр лыдъямын ( 18 481 катэз тӥян учыръёс). Счётной палаталэн ортчытэм эскеронъёсызъя 1209 административной но 128 уголовной ужъёс ӝутэмын[35].

Голикова ужан вакытэ Счётной палаталэн яланлыко эскеронъёсыз пӧлысь одӥгез тужгес яркытэз — «Восточный» космодромез эскерон. Контрольной ведомстволэн эскеронъёсызъя, космодромысь музъемвыл пуктӥськонлэн дуныз 13 млрд манетлэсь ятыр мултэс будэтэмын вал. Аудиторъёс коньдэтысь уксёлэсь палэнэ кошкон схемаоссэ шараязы но лэсьтӥськонлэсь азьланяз дун йылэтонзэ дугдытӥзы[36][37][38].

2018-тӥ арын 17-тӥ куартолэзе Росси Федерацилэн президентэз Владимир Путин Голиковаез Счётной палаталэн тӧроез интыужысь дырызлэсь вазь палэнтон сярысь Кун думае представление сётӥз[39]. Солэсь азьпалгес Росси Федерацилэн премьер-министрез Голиковалэсь кандидатуразэ дышетонъя, тазалыкез утёнъя но мерлыко политикая вице-премьер интыуже ӵектӥз вал[40].

Вице-премьер[Тупатыны | вики-текстэз тупатыны]

2018-тӥ арын 18-тӥ куартолэзе Росси Федерацилэн президентэз кивалтэтлэсь выль составзэ юнматӥз. Сое йыръяз Дмитрий Медведев. Голикова Росси Федерацилэн кивалтэтэзлэн тӧроезлэн воштӥсез но мерлыко политика понна кылкутӥсь луиз[41].

Россиын пенсионной реформаез ортчытон вакытэ, 2018-тӥ арын 6-тӥ куарусёнэ Голикова пенсиосты тыронэн герӟаськем катӵектосъёсты эскеронъёсы парламентэ нимысьтыз президентлэн огмуртэз чотын юнматэмын вал[42].

2020-тӥ арын 29-тӥ толшоре Голикова Росси Федерациын COVID-19 коронавирусной инфекци вӧлмонэз алонъя оперативной штабез йыръяз[43].

Росси Федерацилэн президентэзлэн Косэтэзъя 2020-тӥ арын 29-тӥ куартолэзьысен Голикова вить ар ӵожелы "Национальный исследовательский центр «Курчатовский институт» ФГБУ-лэн чаклась кенешаз ёзчие кутэмын [44].

2024-тӥ арын Семьялы сӥзем арез ортчытонъя оргкомитетэз йыръяз[45].

2024-т ӥ арын 11-тӥ куартолэзе Михаил Мишустин кивалтэтлэн выль составеныз лыдметэз Кун думае эскерыны сётӥз. Отын Голикова вице-премьер интыуже ӵектэмын[46]. 13-тӥ куартолэзе Кун дума сое ӵектэм интыуже юнматӥз[47]. 14-тӥ куартолэзе Росси Федерацилэн президентэз Голиковаез вице-премьере юнматон сярысь Косэт гожтӥз[48]. Голиковалэн ужоскетаз Йӧскалык ужъёсъя федерал агентство пыртэмын. Озьы ик со чакла: тазалыкез утён удысэз, генетика но эмтодос удысысь тодослыко эскеронъёсты; «Демография», «Тазалыкез утён» но «Лулчеберет» йӧскалык проектъёсты кылдытон но быдэстон бордын ужа [49].

2024-тӥ арын 13-тӥ инвожое Росси Федерацилэн кивалтэтэзлэн распоряжениезъя Голикова Росси кинематографилы мер но экономика ласянь юрттэт сётонъя федерал фондлэн кенешезлы тӧрое юнматэмын (Фонд кино)[50].

2024-тӥ арын 8-тӥ пӧсьтолэзе Росси Федерацилэн президентэзлэн Косэтэзъя Голикова президент улсын ужась Йӧскалык кусыпъёсъя кенешлэн пушпӧлаз пыртэмын[51].

Ас улонэз

[Тупатыны | вики-текстэз тупатыны]

Семьяез[Тупатыны | вики-текстэз тупатыны]

Татьяна Голикова кыкетсэ быземын.

  • Нырысетӥез кузпалыз: Дровосеков Андрей Владимирович (ворд. 15.10.1964)[52][53], «Северсталь» компанилэн топ-менеджерез, ялан улэ но ужа Венаын, Австриын. Ӵошен вить ар улӥзы; Голиковалэн верамезъя, «улон шоры пӧртэм сямен учкеменызы сэрен» люкиськоно луизы [54].
  • Кыкетӥез кузпалыз: Христенко Виктор Борисович (со понна но таиз брак кыкетӥез луэ, кузпалъяськизы 2003-тӥ арын) —соку со Россилэн Кивалтэтэзлэн тӧроезлэн воштӥсез вал.) Голиковалэн аслаз нылпиосыз ӧвӧл. Сюрпиеныз Владимир Христенкоен ӵош «Нанолек» фармацевтической компанилэн кузёосыз луо [55].

Осконэзъя — православной; 22 арескын черке пыртэмын[56]. 2001-тӥ арын Христенко но Голикова Старицкой Свято-Успенской монастырез выльдонъя благотворительной фонд кылдытӥзы. Солэн соучредительёсыз пӧлын куд-ог бадӟым ужбергатӥсьёс но вань. Монастырез выльдонэ пыриськемзы понна Голикова но Христенко черк данъетъёсын пусъемын[57].

Мерлыко ужез но ӟечен юрттӥськемез[Тупатыны | вики-текстэз тупатыны]

Голикова Ляб адӟисьёслы но ляб кылӥсьёслы юрттонъя «Со-единение» фондлэн Попечительской кенешезлэн ёзчиез луэ[58].

Данъетъёсыз

[Тупатыны | вики-текстэз тупатыны]
  • «За заслуги перед Отечеством» II степенё орден (2016-тӥ арын 29-тӥ толшоре) —кун азьын лэсьтэм ӟеч ужъёсыз но трос аръёс ӵоже сюлмысь тыршемез понна[59].
  • «За заслуги перед Отечеством» III степенё орден (2012-тӥ ар)[60].
  • «За заслуги перед Отечеством» IV степенё орден (2008-тӥ арын 23-тӥ толсуре) — Лымшор Осетия Элькунысь шуг-секытэ шедем калыклы юрттонъя ужрадъёс радъямез но ортчытэмез понна.
  • Данлыко орден (2006-тӥ арын 9-тӥ тулыспалэ) —1941-тӥ— 1945-тӥ аръёсы Быдӟым Атыкай ожын Быдӟым Вормонлы 60 ар тырмонлы сӥзем ужрадъёсты радъямез но ортчытэмез понна [61].
  • Эшъяськон орден (2006-тӥ арын 16-тӥ шуркынмонэ) —«Группа восьми» огазеяськонлэн ёзчиосыныз — кунъёслэн но кивалтэтъёслэн тӧроосынызы Санкт-Петербургын ортчем пумиськонэз радъямез но ортчытэмез понна[62].
  • «За заслуги перед Отечеством» I степенё орденлэн медалез (2004-тӥ арын 25-тӥ коньывуонэ) — каткылдытон удысын ӟеч тыршемез понна[63].
  • «За заслуги перед Отечеством» II степенё орденлэн медалез (2001-тӥ арын 12-тӥ оштолэзе) — финансово-экономической удысын ӟеч тыршемез понна[64].
  • Столыпинлэн П. А. I степенё медалез (2016-тӥ арын 9-тӥ тулыспалэ) — кунлэн мерлык но экономика ласянь азинскеменыз герӟаськем стратегической ужпумъёсты быдэстэмез но трос аръёс ӵоже ӟеч тыршемез понна[65].
  • Росси Федерациысь дано экономист (2004-тӥ арын 22-тӥ тулыспалэ) — экономика но коньдон ужпумъёсын герӟаськем удысын ӟеч тыршемез понна [66].
  • Росси Федерацилэн Президентэзлэн Данъян грамотаез (2011-тӥ арын 10-тӥ тулыспалэ) — кун азьын лэсьтэм ӟеч ужъёсыз но трос аръёс ӵоже сюлмысь тыршемез понна[67].
  • Росси Федерацилэн Кивалтэтэзлэн Данъян грамотаез (2002-тӥ арын 7-тӥ куарусёнэ) — коньдон но экономика удысъёсын ӟеч тыршемез понна но Россиысь Коньдон ужпумъёсъя министерстволы 200 ар тырмонэн валче[68].
  • «За заслуги перед Республикой Дагестан» орден (2011-тӥ арын 27-тӥ инвожое).
  • «За заслуги перед Чеченской Республикой» медаль (2009-тӥ арын 5-тӥ тулыспалэ) — Чечен Элькунысь тазалыкез утён но калыклы юрттэт сётон удысъёсты азинтонын ӟеч тыршемез понна[69]
  • Вӧсьлыко равноапостольной княгиня Ольгалэн I степенё орденэз (Ӟуч православи черк, 2010-тӥ ар) — Старицкой Свято-Успенской монастырез выльдонэ пыриськемез понна[70].
  • Преподобной Евфросиниялэн, Мускоысь быдӟым княгинялэн I степенё орденэз (Ӟуч православи черк, 2017-тӥ ар)[71], III степенё (2021-тӥ ар)[72].
  • Россиысь бизнесъя но предрпринимательствоя академилэн Нылкышноослэн азинлыкъёссылы сӥзем «Олимпия» йӧскалык премилэн лауреатэз [73] ( 2003-тӥ ар).
  • «Персона года 2008» калыккуспо премилэн «Персона в государственном управлении» номинациын лауреатэз[74].
  • «Огонёк» журналлэн 2014-тӥ арын печатлам «Россиысь 100 тужгес влиятельной кышномуртъёс» рейтингын 3-тӥ интые потӥз[75].
  • Кун думалэн «За заслуги в развитии парламентаризма» Данлыко пусэз (2016)[76].

Классной чинэз

[Тупатыны | вики-текстэз тупатыны]

Валэктонъёс

[Тупатыны | вики-текстэз тупатыны]
  1. ↑ Правительство РФ подало в отставку
  2. ↑ Михаил Мишустин назначил кураторов федеральных округов
  3. ↑ Голикова, Татьяна Алексеевна, ТАСС. Дата обращения: 1 оштолэзе 2024.
  4. ↑ 1 2 Голикова Татьяна Алексеевна(ӟуч) Коммерсантъ. Эскеремын 2013-09-16 аре
  5. ↑ 1 2 Виктор Хамраев, Дарья Николаева Минздрав переезжает(ӟуч) Газета «Коммерсантъ», №105 (4890). Эскеремын 2013-09-19 аре
  6. ↑ 1 2 3 Голикова Татьяна Алексеевна(ӟуч) РБК. Эскеремын 2013-09-13 аре
  7. ↑ Никита Красников Математику у Эльвиры Набиуллиной списывал весь класс, а у Татьяны Голиковой отняли золотую медаль(ӟуч) Комсомольская правда. Эскеремын 2013-09-13 аре
  8. ↑ 1 2 3 4 Всеволод Бельченко Она бюджету отдана(ӟуч) «Огонёк», №6 (5115). Эскеремын 2013-09-13 аре
  9. ↑ 1 2 3 Биография: Татьяна Голикова(ӟуч) ИТАР-ТАСС. Эскеремын 2013-09-13 аре
  10. ↑ Диссертация на тему «Формирование организационно-экономического механизма управления экономикой Российской Федерации на основе эффективного регулирования межбюджетных отношений»
  11. ↑ 1 2 3 4 Ольга Звонова Татьяна Голикова. Досье(ӟуч) Аргументы и факты. Эскеремын 2013-09-13 аре
  12. ↑ Топилин Максим Анатольевич(ӟуч) ФедералПресс. Эскеремын 2013-09-15 аре
  13. ↑ Структура
  14. ↑ Голикова Татьяна Алексеевна(ӟуч) Официальный сайт Президента России. Эскеремын 2013-09-16 аре
  15. ↑ Голикова Татьяна Алексеевна. Личное дело(ӟуч) Газета «Коммерсантъ», №20 (4320). Эскеремын 2013-09-16 аре
  16. ↑ 1 2 Голикова Татьяна Алексеевна(ӟуч) Газета «Коммерсантъ», №20 (4320). Эскеремын 2013-09-14 аре
  17. ↑ Монетизация: Лужков сохранил привилегии для своих льготников(ӟуч) Newsru.com. Эскеремын 2013-09-14 аре
  18. ↑ Михаил Ростовский Пожиратель льгот(ӟуч) Московский Комсомолец № 1461. Эскеремын 2013-09-14 аре
  19. ↑ Путин предложил Голикову на пост главы Счетной палаты(ӟуч) Сноб. Эскеремын 2013-09-14 аре
  20. ↑ Евгения Письменная, Максим Товкайло, Ольга Кувшинова, Мария Дранишникова Министерство здравоохранения и социального развития будет разделено(ӟуч) Ведомости. Эскеремын 2013-09-14 аре
  21. ↑ Указ Президента Российской Федерации от 12 мая 2008 года № 737(ӟуч) Российская газета. Эскеремын 2013-09-16 аре
  22. ↑ Нина Кострецова Медстрах возглавил финансист(ӟуч) Российская газета. Эскеремын 2013-09-16 аре
  23. ↑ Пять реформ Татьяны Голиковой(ӟуч) Журнал «Огонёк», № 6 (5115). Эскеремын 2013-09-16 аре
  24. ↑ Вероника Сычёва Девушка с характером(ӟуч) Итоги, № 13. Эскеремын 2013-09-15 аре
  25. ↑ Правительству представили проект федеральной программы «Доступная среда» для инвалидов - Газета.Ru
  26. ↑ Указ Президента РФ от 21.05.2012 № 673(ӟуч) Официальный сайт Президента России. Эскеремын 2013-09-16 аре
  27. ↑ Владимир Путин огласил состав правительства(ӟуч), Lenta.ru (21 мая 2012). Архивировано 17 пӧсьтолэзе 2018 года. Дата обращения: 21 куартолэзе 2012.
  28. ↑ Голикова займётся вопросами развития Южной Осетии и Абхазии(ӟуч) РИА Новости. Эскеремын 2013-09-16 аре
  29. ↑ Голикова будет заниматься развитием Абхазии и Южной Осетии(ӟуч) Российская газета. Эскеремын 2013-09-16 аре
  30. ↑ Максим Иванов И целых управлений мало(ӟуч) Коммерсантъ-Online. Эскеремын 2013-09-13 аре
  31. ↑ Голикова: В восстановлении Южной Осетии и Абхазии была коррупция(ӟуч) Ведомости. Эскеремын 2013-09-16 аре
  32. ↑ Утреннее пленарное заседание Госдумы 20 сентября 2013 года(ӟуч) Государственная дума Федерального собрания Российской Федерации. Эскеремын 2013-09-20 аре
  33. ↑ Постановление Государственной Думы Федерального Собрания Российской Федерации от 20 сентября 2013 года № 2859-6 ГД «О Председателе Счетной палаты Российской Федерации» Архивная копия от 27 куарусёнэ 2013 на Wayback Machine
  34. ↑ Указ Президента Российской Федерации от 20 сентября 2013 года № 723 «О Голиковой Т. А.»(ӟуч) Официальный интернет-портал правовой информации. Эскеремын 2013-09-20 аре
  35. ↑ Путин утвердил представленных Медведевым членов правительства — Российская газета
  36. ↑ Счетная палата выявила нарушения при строительстве космодрома Восточный на 13 млрд рублей – Страна – Коммерсантъ
  37. ↑ Счетная палата обнаружила завышение стоимости госстроек на 20–45% :: Экономика :: РБК
  38. ↑ Глава Счётной палаты раскрыла каналы утечки российского бюджета :: Новости :: ТВ Центр - Официальный сайт телекомпании
  39. ↑ Голикова расплакалась во время выступления в Госдуме(ӟуч), РИА Новости (20180517T1121+0300Z). Архивировано 5 пӧсьтолэзе 2018 года. Дата обращения: 18 куартолэзе 2018.
  40. ↑ Татьяна Голикова со слезами покинула пост председателя Счетной палаты — SPEAKERCOM / СПИКЕРКОМ(ӟуч) speakercom.ru. Эскеремын 2018-05-18 аре
  41. ↑ Kremlin.ru. Рабочая встреча с Председателем Правительства Дмитрием Медведевым(ӟуч). Архивировано 30 коньывуонэ 2020 года.
  42. ↑ Татьяна Голикова назначена спецпредставителем Президента в парламенте при рассмотрении законопроектов по вопросам назначения и выплаты пенсий / kremlin.ru, 6 сентября 2018 года
  43. ↑ Голикова возглавила штаб по контролю за новой коронавирусной инфекцией в РФ ТАСС. Эскеремын 2020-05-05 аре
  44. ↑ Указ Президента Российской Федерации от 29.05.2020 № 341 ∙ Официальное опубликование правовых актов ∙ Официальный интернет-портал правовой информации publication.pravo.gov.ru. Эскеремын 2020-05-29 аре
  45. ↑ Правительство утвердило план основных мероприятий по проведению Года семьи
  46. ↑ О чем говорит новая конфигурация российского правительства
  47. ↑ Госдума утвердила Голикову заместителем председателя правительства
  48. ↑ Президент подписал указы о назначении членов Правительства Российской Федерации и директоров служб
  49. ↑ Михаил Мишустин утвердил распределение обязанностей между вице-премьерами
  50. ↑ Распоряжение Правительства Российской Федерации от 13.06.2024 № 1494-р
  51. ↑ Указ Президента Российской Федерации от 08.07.2024 № 579
  52. ↑ Дровосеков Андрей Владимирович
  53. ↑ Информационное агентство Банки.ру. Татьяна Голикова
  54. ↑ Ева Меркачева Татьяна Голикова: «Секрет красоты — любить и быть любимой»(ӟуч) www.womanhit.ru. Эскеремын 2013-09-15 аре
  55. ↑ Компания пасынка Татьяны Голиковой занялась разработкой вакцины от COVID-19 Архивная копия от 9 толшоре 2022 на Wayback Machine // 29.05.2020 г. Forbes.
  56. ↑ Супруги Христенко и Голикова соблюдают пост(ӟуч) Интерфакс-религия. Эскеремын 2013-09-13 аре
  57. ↑ Два российских министра получили церковные награды(ӟуч) Фонд возрождения Старицкого Свято-Успенского монастыря. Эскеремын 2013-09-13 аре
  58. ↑ Фонд поддержки слепоглухих "Со-единение"(англи) so-edinenie.org. Эскеремын 2017-08-25 аре
  59. ↑ Указ Президента Российской Федерации от 29 января 2016 года № 31 «О награждении государственными наградами Российской Федерации»
  60. ↑ Пьер Сидибе Татьяна Голикова получила орден(ӟуч) Известия. Эскеремын 2013-09-20 аре
  61. ↑ Указ Президента Российской Федерации от 9 февраля 2006 года № 86 «О награждении орденом Почета Голиковой Т. А.»
  62. ↑ Указ Президента Российской Федерации от 16 ноября 2006 года № 1294 «О награждении государственными наградами Российской Федерации»
  63. ↑ Указ Президента Российской Федерации от 25 декабря 2004 года № 1598 «О награждении медалью ордена „За заслуги перед Отечеством“ I степени Голиковой Т. А.»
  64. ↑ Указ Президента Российской Федерации от 12 апреля 2001 года № 417 «О награждении медалью ордена „За заслуги перед Отечеством“ II степени работников Министерства финансов Российской Федерации»
  65. ↑ Распоряжение Правительства Российской Федерации от 9 февраля 2016 года № 181-р «О награждении медалью Столыпина П. А. I степени Голиковой Т. А.»
  66. ↑ Указ Президента Российской Федерации от 22 февраля 2004 года № 256 «О награждении государственными наградами Российской Федерации»(ӟуч) Официальный сайт Президента России. Эскеремын 2013-09-22 аре
  67. ↑ Распоряжение Президента Российской Федерации от 10 февраля 2011 года № 76-рп «О награждении Почётной грамотой Президента Российской Федерации Голиковой Т. А.»(ӟуч) Официальный сайт Президента России. Эскеремын 2013-09-20 аре
  68. ↑ Распоряжение Правительства Российской Федерации от 7 сентября 2002 года № 1248-р «О награждении Почётной грамотой Правительства Российской Федерации работников Министерства финансов Российской Федерации»
  69. ↑ Указ от 05.02.2009 г № 41
  70. ↑ В понедельник Светлой седмицы Святейший Патриарх Кирилл совершил Божественную литургию в Успенском соборе Московского Кремля(ӟуч) Официальный сайт Московского патриархата. Эскеремын 2013-09-22 аре
  71. ↑ В Крестопоклонную Неделю Предстоятель Русской Церкви освятил храм в честь святителя Иова, Патриарха Московского, в российской столице
  72. ↑ Святейший Патриарх Кирилл наградил заместителя председателя Правительства РФ Т. А. Голикову орденом преподобной Евфросинии Московской Эскеремын 2021-09-25 аре
  73. ↑ Официальный сайт Российской академии бизнеса и предпринимательства
  74. ↑ Названы лауреаты премии Персона года 2008
  75. ↑ Рейтинг «100 самых влиятельных женщин России» журнала «Огонёк»
  76. ↑ Татьяна Голикова получила награду за развитие парламентаризма
  77. ↑ Указ Президента РФ от 28.08.2003 № 992 «О присвоении квалификационных разрядов федеральным государственным служащим федеральных органов исполнительной власти»(ӟуч) Официальный сайт Президента России. Эскеремын 2013-09-22 аре

Чӧлсконъёс

[Тупатыны | вики-текстэз тупатыны]

«https://udm.ruwiki.ru/w/index.php?title=Голикова,_Татьяна_Алексеевна&oldid=290425»-ысь басьтэмын