Фальков, Валерий Николаевич
| Валерий Николаевич Фальков | |
|---|---|
 | |
|
| |
.png){kind=small} Росси Федерациысь наукая но вылӥ тодон-валан басьтонъя министр
 |
|
| 21-тӥ толшорысен 2020 (ужез быдэсъясь 7—13-тӥ куартолэзе 2024) |
|
| Кивалтэтлэн тӧроез |
Михаил Мишустин Андрей Белоусов (ужез быдэсъясь) Михаил Мишустин |
| Элькунлэн тӧроез | Владимир Путин |
| Азьпалчиез | Михаил Котюков |
 Тюменьысь кун университетлэн ректорез
(ужез быдэсъясь коньывуонысен 2012 — 21-тӥ южтолэзёзь 2013) |
|
| 21-тӥ южтолэзьысен 2013 — 21-тӥ толшорозь 2020 | |
| Азьпалчиез | Геннадий Чеботарёв |
| Бӧрысьчиез | Иван Романчук |
 Тюменьысь улос думалэн депутатэз
 |
|
| 18-тӥ куарусёнысен 2016 — 21-тӥ толшорозь 2020 | |
 Тюменьысь кар думалэн депутатэз
.png){kind=small} |
|
| 2013-тӥ арысен — 2016-тӥ арозь | |
|
|
|
| Вордӥськемын |
18-тӥ коньывуонэ 1978 (47 арес) Тюмень, Тюмень улос, РСФСР, СССР |
| Дышетскемез | Тюменьысь кун университет |
| Учёной степенез | юридик тодосъёсъя кандидат, доцент |
| Ужудысэз | юрист |
| Ужез | политик |
| Тодослыко уж | |
| Тодос удыс | юриспруденция |
| Ужан интыез | Росси Федерациысь Наукая но вылӥ тодон-валан басьтонъя министерство |
 Медиафайлъёс РувикиМедиа пушкын | |
Вале́рий Никола́евич Фалько́в (вордӥськиз 1978-тӥ арын 18-тӥ коньывуонэ Тюмень улосын Тюмень карын, РСФСР, СССР) — Россиысь кун уж быдэсъясь, 2020-тӥ арын 21-тӥ толшорысен Роси Федерациысь наукая но вылӥ тодон-валан басьтонъя министр (и. о. 7—13-тӥ куартолэзе 2024). Тодосчи-юрист.
Азьвыл Тюменьысь кун университетлэн ректорез (2013—2020).
Улон сюресэз
Дышетскемез
Тюмень улосвылысь Казанское черкогуртысь Новоселезнёвской шоръёзо школаез йылпумъяз.
1995-тӥ арын Тюмень кун университетысь юридической факультетэ дышетскыны пыриз. 2000-тӥ арын отысь Государствоя но правоя институтэз юриспруденция ӧнеръя быдтӥз. Собере аспирантурае пыриз но 2003-тӥ арын куартолэзе сое дырызлэсь вазь йылпумъяз. «Совершенствование правового регулирования предвыборной агитации в Российской Федерации» темая кандидатской диссертацизэ утиз (научной руководителез Г. Н. Чеботарев)[1].
Научно-административной ужен выремез
2003-тӥ арысен 2007-тӥ арозь Тюменьысь кун университетын конституцияя но муниципал правоя кафедралэн кивалтӥсезлэн воштӥсез вал. 2007-тӥ арын доцент учёной звание басьтӥз.
2007-тӥ арын южтолэзьысен шуркынмонозь – Тюмень кун университетысь Государствоя но правоя институтын учебной ужъя директорлэн воштӥсез луыса тыршиз.
2007-тӥ арысен 2011-тӥ арозь Тюмень кун университетын ватсаса дышетонъя но университетлэн филиалъёсызъя проректор вал. 2011-тӥ арысен 2012-тӥ арын южтолэзёзь — Тюмень кун университетысь Правоя, экономикая но управления институтлэн директорез.
2009-тӥ арысен 2011-тӥ арозь Тюмень улосысь Егит тодосчиослэн но ӧнерчиослэн кенешсылы тӧрое быръемын (2011-тӥ арын со Кенеш Россиын одӥгез тужгес пайдаёез шуыса лыдъямын).
2012-тӥ арын коньывуонысен 2013-тӥ арын оштолэзёзь Фальков Тюменьысь кун университетлэн ректорезлэсь ужзэ быдэсъяз. 2013-тӥ арын 21-тӥ южтолэзе ужан коллективлэн конференцияз сое Тюмень кун университетэ ректоре бырйизы. 2018-тӥ арын 17-тӥ оштолэзе Росси Федерациысь Наукая но вылӥ тодон-валан сётонъя министерстволэн аттестационной комиссиезлэн пуктэмезъя Тюменьысь кун университетэ ректоре юнматэмын[2]. Та интыын со 2020-тӥ арозь ужаз.
2015-тӥ арын 30-тӥ оштолэзе Фальков Тюмень улосысь Вузъёслэн ректоръёссылэн кенешсылы тӧрое быръемын. Росси Федерациысь юридик удысъя вузъёслэн учебно-методической объединенизылэн президиумезлэн ёзчиез.
«Перспективы Тюменского региона: новые индустрии и кадровый потенциал» дышетон программалэсь быдэсмемзэ чакласа возиз. Со программа Тюмень улосвыллэн губернаторезлэн куремезъя, Москваысь кивалтонъя «Сколково» школаен но Тюмень кун университетэн ӵош улонэ пыӵатыны кутскемын.
2020-тӥ арын 21-тӥ толшоре Фальков Михаил Мишустинлэн кивалтэтаз Росси Федерациысь наукая но вылӥ тодон-валан басьтонъя министре юнматэмын.
2024-тӥ арын 14-тӥ куартолэзе Кун Дума Росси Федерациысь наукая но вылӥ тодон-валан басьтонъя министре Валерий Фальковез ик кельтӥз[3], со нуналэ ик Росси Федерацилэн Президентэз сое юнматон сярысь косэт гожтӥз[4].
Мерлыко ужен выремез
Тюмень улосын быгатӥсь пиналъёсты азинтонъя система кылдытон вылысь, Фальков школаын дышетскисьёс понна пӧртэм удысъёсъя «Менделеев» улоскуспо олимпиадалэн кичӧлтӥсез но радъясез вал (2011-тӥ ар).
2012-тӥ арын южтолэзьысен «Россиысь юристъёслэн Ассоциацизы» огъяросси мерлыко огазеяськонлэн улосвыл ёзэтэзлэн тӧроезлэн воштӥсез, огазеяськонлэн Тюмень карысь ёзэтэзлэн тӧроез луэ.
2006-тӥ арысен 2013-тӥ арозь валтӥсь куара сётон правоен Тюмень улосысь Быръёнъёсъя комиссилэн ёзчиез вал.
2013-тӥ арысен 2016-тӥ арозь — Тюмень кар думаысь 6-тӥ ӧтчамысь депутат, «Единая Россия» партилэн улосвыл политсоветэзлэн ёзчиез, Тюмень кар Думаысь градостроительствоя но музъем кусыпъёсъя ялан ужась комиссилэн тӧроез. 2016-тӥ арын 18-тӥ куарусёнысен 2020-тӥ арын 21-тӥ толшорозь — Тюмень улосвыл Думаысь 17-тӥ номеро одӥг мандатъем округъя депутат.
2020-тӥ арын Росси Федерацилэн Конституцияз воштонъёс пыртон пумысен ӵектонъёс бордын ужась группалэн ёзчиез вал[5].
«Тобольск и вся Сибирь» альманахлэн редколлегиезлэн тӧроез.
Тюмень улосын кунмуртъёслы юридик тодон-валан сётонъя «Открытая школа права» проектлэн кичӧлтӥсез.
2014-тӥ арысен Росси Федерацилэн Президентэз улсын кивалтӥсь кадръёслэн резервазы пыре.
2015-тӥ арын инвожо толэзьысен Тюмень улосысь кадръёслы кулэяськонъёсты чакланъя но мониторингъя экспертной кенешлэн ёзчиез луэ.
2018-тӥ арын 25-тӥ толсурысен Росси Федерацилэн Президентэз улсын ужась Наукая но дышетонъя кенешлэн ёзчиез[6].
2024-тӥ арын 27-тӥ толсуре Росси Федерацилэн Президентэзлэн 2024-тӥ арын 27-тӥ толсуре поттэм 1120-тӥ номеро «Истори дышетонъя межведомственной комиссилэн ужпумъёсыз» косэтэзъя истори дышетонъя межведомственной комиссилэн президиумаз пыртэмын[7].
2025-тӥ арын 15-тӥ куартолэзе Росси Федерацилэн Президентэзлэн косэтэзъя Россиысь наукаосъя академилэн попечительской кенешаз пыртэмын[8].
Данъетъёсыз
- Росси Федерациысь Калыкез дышетонъя министерстволэн (2003) но Тюмень улос губернаторлэн Данъян грамотаез (2008).
- Тюмень улос губернаторлэн Таукаронэз (2008).
- Тюмень улос Думалэн Данъян гадь пусэз (2009).
- Тюмень улосысь «Юрист года — 2014» вылӥ юридик премилэн лауреатэз.
- РФ Президентлэн Урал федерал округъя Полномочной представителезлэн Таукаронэз (2015).
- Тюмень улосысь Дышетонъя но наукая департаментлэн Таукаронэз (2015).
- Росси Федерациысь Федерал Собранилэн Кенешезлэн Тӧроезлэн Таукаронэз (2017).
Валэктонъёс
- ↑ Просмотр документа — dlib.rsl.ru
- ↑ Приказ от 10 апреля 2018 г. № 12-07-03/50
- ↑ Госдума утвердила Фалькова министром науки и высшего образования
- ↑ Президент подписал указы о назначении членов Правительства Российской Федерации и директоров служб
- ↑ Источник
- ↑ См. Указ Президента Российской Федерации от 25.12.2018 № 748 «О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550» Архивная копия от 12 толшоре 2021 на Wayback Machine
- ↑ Указ Президента Российской Федерации от 27.12.2024 № 1120 ∙ Официальное опубликование правовых актов [ӟуч]
- ↑ Указ Президента Российской Федерации от 15.05.2025 № 318 "О попечительском совете Российской академии наук"
Чӧлсконъёс
- Страница на сайте Минобрнауки России
 | |
|---|---|
| Библиографической каталогъёсын |
|
Росси Федерацилэн али ужась кивалтэтэз | |
|---|---|
| Тӧроез | |
| Нырысетӥ воштӥсез | |
| Воштӥсьёсыз |
|
| Министръёс |
|
- 18-тӥ коньывуонэ вордӥськемъёс
- 1978-тӥ арын вордӥськемъёс
- Тодмо муртъёс алфавитъя
- Тюменьын вордӥськемъёс
- Тодосчиос алфавитъя
- Россиысь тодосчиос
- СССР-ысь тодосчиос
- Росси Федерациысь наукая но вылӥ тодон-валан басьтонъя министръёс
- Юридик тодосъёсъя кандидатъёс
- Тюменьысь кун университетлэн ректоръёсыз
- Тюменьысь кун университетын дышетскемъёс
- Тюмень улос Думаысь депутатъёс
- «Единая Россия» партилэн ёзчиосыз
- Мишустинлэн кивалтэтэз