Мурашко, Михаил Альбертович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Мурашко.
Михаил Альбертович Мурашко
Mikhail Murashko (2020-01-29).jpg
Флаг
Росси Федерациысь тазалыккез утёнъя министр
Флаг
21-тӥ толшорысен 2020
(одноужез быдэсъясь 7-тӥ—13-тӥ куартолэзе 2024)
Кивалтэтлэн тӧроез Михаил Мишустин
Андрей Белоусов (одноужез быдэсъясь)
Михаил Мишустин
Президент Владимир Путин
Азьпалчиез Вероника Скворцова
Флаг
Росздравнадзорлэн кивалтӥсез
Флаг
7-тӥ южтолэзьысен 2013 — 21-тӥ толшорозь 2020
Азьпалчиез Николай Юргель
Елена Тельнова (врио)
Бӧрысьчиез Дмитрий Пархоменко (врио)
Алла Самойлова
Флаг
Коми Элькунысь тазалыкез утёнъя министр
Флаг
12-тӥ южтолэзьысен 2006 — 14-тӥ тулыспалозь 2011
Губернатор Владимир Торлопов
Вячеслав Гайзер
Бӧрысьчиез Ярослав Бордюг
Вордӥськемын 9-тӥ толшоре 1967(1967-01-09) (58 арес)
Свердловск, РСФСР, СССР
Дышетскемез Медициная Урал кун институт
Учёной степенез эм тодосъёсъя доктор
Ужудысэз врач-гинеколог
Ужез кун уж быдэсъясь
Данъетъёсыз

Командор со звездой ордена Заслуг (Венгрия),

Отличник здравоохранения (Россия)
Ужан интыез

РФ кивалтэт,
Сеченов нимо 1-тӥ МГМУ,

Бауман нимо МГТУ
Логотип Викисклада Медиафайлъёс РувикиМедиа пушкын

Михаи́л Альбе́ртович Мура́шко (вордӥськиз 1967-тӥ арын 9-тӥ толшоре Свердловскын) — Россиысь кун уж быдэсъясь, 2020-тӥ арын 21-тӥ толшорысен Росси Федерациысь тазалыкез утёнъя министр[1][2].

Эм тодосъёсъя доктор. Москваысь И. М. Сеченов нимо медициная нырысетӥ кун университетысь профессор. «Акушерство но гинекология»но «тазалыкез утёнэз радъян» удысъёсъя вылӥ категориен ӧнерчи[2].

Росси Федерациысь 2 классъем действительной кун советник[2].

«Национальное здравоохранение» —медициная рецензировать карем выль журналлэн валтӥсь редакторез[3].

Улон сюресэз

[Тупатыны | вики-текстэз тупатыны]

Михаил Мурашко вордӥськиз Свердловскын 1967-тӥ арын. 1984-тӥ арын физикаез, математикаез но химиез мур дышетонъя кар школаез йылпумъяз[4]. Ссобере Медициная Урал кун институтэ (УГМИ) дышетскыны пыриз. Кыкетӥ курс бере армие басьтӥзы (со вакытэ военной кафедратэм вузъёсын дышетскисьёслы отсрочка ӧз сётъяллялэ), 1986-тӥ арысен 1988-тӥ арозь СССР-ысь МВД-лэн Кунпуш войскоосаз службазэ ортчиз[5][6]. Арми бере выльысь институтэ берытскиз.

1992-тӥ арын, УГМИ-ез йылпумъямез бере, 1996-тӥ арозь Коми Элькунысь Сыктывкарын Кун эмъюртын врач-интерн но врач-акушер-гинеколог луыса ужаз. 1996-тӥ арын консультативно-диагностической ужен кивалтӥсьлы воштӥсе юнматӥзы, собере «Коми Элькун перинатальной центрен» кивалтыны пуктӥзы. «Особенности течения и исходы родов у женщин с некоторыми видами урогенитальной инфекции» темая кандидат диссертацизэ утиз. 1996-тӥ арысен 1999-тӥ арозь Элькун эм огазеяськонэн кивалтӥз. 2000-тӥ арысен 2006-тӥ арозь Элькун перинатальной центрлэн валтӥсь врачез вал[2].

2005-тӥ арын Москваысь акушерствоя но гинекологияя улос НИИ-ын «Современные аспекты оказания акушерской помощи в регионе с низкой плотностью населения» темая докторской диссертацизэ утиз[2].

2006-тӥ арын Мурашко Коми Элькунысь тазалыкез утёнъя министрлэн интыужаз кун службае выжиз. Соин огвакыт, 2011-тӥ но 2012-тӥ аръёсы Россилэн Минздравсоцразвитиезлэн медициная Киров кун академилэн Сыктывкарысь ёзэныз кивалтӥз[2].

2012-тӥ арын Мурашкоез Тазалыкез утёнъя удысысь чакланъя федерал службалэн кивалтӥсезлы воштӥсе юнматӥзы. 2013-тӥ арысен ведомствоен кивалтӥсьлэсь одноужзэ быдэсъяз, 2015-тӥ арын 14-тӥ пӧсьтолэзьысен Росздравнадзорез йыръяз.

2020-тӥ арын 21-тӥ толшорысен Росси президентлэн Владимир Путинлэн Косэтэзъя Мурашко Михаил Мишустинлэн кивалтэтаз Росси Федерациысь тазалыкез утёнъя министре юнматэмын.

2024-тӥ арын 14-тӥ куартолэзе тазалыкез утёнъя министре Кун дума выльысь Мурашкоез кельтӥз[7], Росси Федерацилэн президентэз со нуналэ ик сое юнматон сярысь Косэт гожтӥз[8].

Семьяез

[Тупатыны | вики-текстэз тупатыны]

Михаил Мурашко кышнояськемын, кык нылпиез[9].

Данъетъёсыз

[Тупатыны | вики-текстэз тупатыны]
  • «За заслуги перед Отечеством» II степенё орденлэн медалез (2018)
  • Заслугаосыз понна кизилиен орденлэн командорез (2021, Венгрия)
  • Росси Федерацилэн Кивалтэтэзлэн Таукаронэз (2018)
  • «Отличник здравоохранения» гадьпус (2014)
  • Росси Федерациысь Тазалыкез утёнъя министерстволэн кык данъян грамотаосыз (2001, 2006)
  • «Наркоконтролья ёзъёслы юрттэмез понна» медаль (2016)
  • «За боевое содружество» медаль (2016)
  • «За заслуги перед отечественным здравоохранением» медаль (2016)
  • «За заслуги перед Чеченской Республикой» медаль (2017)
  • «45 лет 3 отдел управления „П“ СЭБ ФСБ России» юбилейной медаль (2018)
  • «2014-тӥ арын Сочиын ортчем XXII тол Олимпи шудонъёслы но XI Паралимпи тол шудонъёслы сӥзем» буре ваён медаль (2014)
  • «Полицилэн калыккуспо вачеужанэзлы 100 ар» Россиысь МВД-лэн буре ваён юбилейной медалез (2015)
  • «Уголовно-исполнительной сӧзнэтлэн эм службаез» памятной знак (2019)
  • Россиысь Машина лэсьтӥсьёслэн огазеяськонзылэн грамотаез (2019)
  • Росси Федерациысь Тазалыкез утёнъя министерстволэн Таукаронэз
  • Россиысь ФСБ-лэн Таукаронэз (2019)
  • Ингуш Элькунлэн Данъян грамотаез (2016)
  • Коми Элькунлэн Данъян грамотаез (2004)

Валэктонъёс

[Тупатыны | вики-текстэз тупатыны]
  1. ↑ Путин назначил Михаила Мурашко министром здравоохранения // РИА Новости
  2. ↑ 1 2 3 4 5 6 Энциклопедия ТАСС, 2024. Мурашко, Михаил Альбертович. Министр здравоохранения РФ
  3. ↑ Журнал «Национальное здравоохранение»
  4. ↑ Биография Михаила Мурашко: что известно о новом министре здравоохранения России Комсомольская правда. Эскеремын 2020-01-22 аре
  5. ↑ Биография Михаила Мурашко(ӟуч) РИА Новости. Эскеремын 2020-01-22 аре
  6. ↑ А. Ванденко Михаил Мурашко: хватит испытывать систему на прочность! ТАСС. Эскеремын 2023-04-07 аре
  7. ↑ Госдума утвердила Мурашко министром здравоохранения
  8. ↑ Президент подписал указы о назначении членов Правительства Российской Федерации и директоров служб
  9. ↑ Михаил Мурашко стал новым министром здравоохранения России вместо Вероники Скворцовой.

Чӧлсконъёс

[Тупатыны | вики-текстэз тупатыны]

Архивная копия от 18 толсуре 2019 на Wayback Machine

«https://udm.ruwiki.ru/w/index.php?title=Мурашко,_Михаил_Альбертович&oldid=289075»-ысь басьтэмын