Хуснуллин, Марат Шакирзянович
| Марат Шакирзянович Хуснуллин | ||||
|---|---|---|---|---|
 | ||||
|
| ||||
 Россия Федерациысь кивалтэтлэн тӧроезлэн воштӥсез
 |
||||
| 21 толшор, 2020 | ||||
| Кивалтэтлэн тӧроез | Мишустин, Михаил Владимирович | |||
| Президент | Владимир Путин | |||
 Городэз азинтон политикая но лэсьтӥськонъя Мусколэн йырызлэн воштӥсез
 |
||||
| 2 толсур, 2010 — 21 толшор, 2020 | ||||
| Губернатор | Сергей Собянин | |||
| Азьпалчиез | Владимир Ресин | |||
| Бӧрысьчиез | Андрей Бочкарёв | |||
|
|
||||
| Вордӥськемын |
9-тӥ гудырикошконэ 1966 (58 арес) Казань, Татарстан, РСФСР, СССР |
|||
| Дышетскемез |
Казаньысь финансово-экономической кун институт Великобританиысь усьтэм университет |
|||
| Учёной степенез | Экономикая тодосъя кандидат | |||
| Ужудысэз | экономист | |||
| Данъетъёсыз |
|
|||
 Медиафайлъёс РувикиМедиа пушкын | ||||
Мара́т Шакирзя́нович Хусну́ллин (бигер Марат Шакирҗан улы Хөснуллин; вордӥськемын 1966-тӥ арын 9-тӥ гудырикошконэ) — Россиысь кун ужчи. 2020-тӥ арын 21-тӥ толшорысен Россия Федерациысь кивалтэтлэн тӧроезлэн воштӥсез луэ. Лымшор федерал округлэн кураторез. Экономика тодосъя кандидат.
Дышетскемез
1983-тӥ арын Казаньысь финансово-экономической кун институтэ (КГФЭИ) дышетскыны пыриз, но ар ортчыса армие басьтэмын вал. 1990-тӥ арын институтэз экономика ӧнеръя йылпумъяз. 2000-тӥ арын Великобританиысь усьтэм университетын «Профессиональной менеджмент» ӧнеръя дышетскон ортчиз. 2006-тӥ арысен – экономика тодосъя кандидат. Вераське бигер но англи кылъёсын.
Ужан сюресэз
Татарстанын
1983-тӥ–1984-тӥ аръёсы — КГФЭИ-ын опытной установкаосты эскерись лаборант (дышетсконэныз огвакытэ).
1984-тӥ–1986-тӥ аръёсы — Совето армиын служба[1].
1986-тӥ–1987-тӥ аръёсы — КГФЭИ-ын лаборант.
1987-тӥ–1995-тӥ аръёсы — Кузонысь лэсьтӥськонъя «Темп» кооперативын валтӥсь бухгалтер но тӧро[1].
1995-тӥ–1997-тӥ аръёсы — «Интерпластсервис» компанилэн валтӥсь директорез[1].
1997-тӥ–2000-тӥ аръёсы — Казаньысь Лэсьтӥськонъя вузкарись-промышленной «Ак Барс» фирмалэн валтӥсь директорез[1].
1999-тӥ–2001-тӥ аръёсы — Татарстанысь Кун Кенешын Прикамье округлэсь депутат. Элькунысь Лэсьтӥськонъя, архитектурая но жилищно-коммунальной хозяйствоя министерствое выжемез бере депутат мандатэзлэсь куштӥськиз.
2000-тӥ–2001-тӥ аръёсы — «Татэнерго» кун унитарной предприятилэн валтӥсь директорезлэн воштӥсез — ваньбур понна кылкутӥсь, инвестициосъя но лэсьтӥськонъя директорез[1].
11.05.2001–18.11.2010 – Татарстанысь лэсьтӥськонъя, архитектурая но ЖКХ-я министр[1]. Министерствоен кивалтон вакытаз элькунэ трос федерал инвестициос кыскемын вал, нырысь ик Татарстанын улон инты пуктонъя комплексной программа улсын. Программа чакламын вал улосысь бадӟым каръёсысь — Казаньысь, Набережные Челныысь, Нижнекамскысь, Елабугаысь, Альметьевскысь — агломерациосыз, лэсьтӥськонъя огъя решениосыз кутыса, азинтыны, со понна отысь инфраструктураез азинтон трослы дунтэмгес усиз[2].
Хуснуллин кичӧлтэмъя коньдэтысь уксёез шыръян вылысь улон инты, сюресъёс, мерлыко объектъёс пуктонъя огъя ӵектосъёс быръемын вал. Со сяна, «Электрон Россия» программа улсын Татарстанын кылдытэмын вал электрон закупкаосъя, лэсьтӥськыны разрешениос сётонъя но кун экспертиза ортчонъя сӧзнэт, со шӧдскымон кулэстӥз лэсьтӥськон дунъёсты[2].
Хуснуллин пыриськемен Казаньын 2013-тӥ арын ортчем Универсиадалы спортъя объектъёс пуктӥськыны кутскизы. 2010-тӥ арын куартолэзьлы Татарстанлэн шоркараз 26 спорт объектъёс ужаны кутскизы: Единоборствоосъя «Ак Барс» дворец, Казаньысь олимпи резервъя «Олимпиец» училище, Казаньысь лулчеберетъя кун институт бордысь «Тезуче», «Форвард», «Мирас» но «Итиль» спорткомплексъёс, Педагогикая бигер кун университет бордын «Москва» спорткомплекс, озьы ик «Ак буре», «Ватан», «Татнефть Арена» йӧ дворец, «Тулпар», «Бустан», «Зилант», йӧ аренаен «Триумф», бассейнъёсын но баскетбол площадкаосын, озьы ик ыбылӥськон комплексэн «Триумф», «Акчарлак» ворсам бассейн, Теннис академия, «КАИ Олимп» лулчеберетъя но спортъя комплекс, «Санкт-Петербург» волейболъя центр, Боксъя но ӝӧквыл теннисъя центр, «Буревестник» ворсам бассейн, Турын вылын хоккеен шудонъя центр, баскетболъя Баскет-холл объект но Универсиадалэн гуртэз[3].
Эшшо 4 объектъёс 2010-тӥ ар бере йылаз-пумаз вуттэмын вал, соосты Хуснуллин министрысь кошкем бере мукет кивалтӥсьёс чаклазы ни[3].
Со вакытэ ик Хуснуллин Казаньысь архитектурая но лэсьтӥськонъя кун университетысь экономикая но лэсьтӥськон удысын ужбергатонъя кафедраын доцент вал[4].
Мускоын
2010-тӥ арын 18-тӥ шуркынмонэ Хуснуллинэз Мускоысь карез лэсьтонъя департаментэ кивалтӥсе юнматӥзы[5].
2010-тӥ арын 2-тӥ толсуре карлэн йырызлэн городэз азинтон политикая но лэсьтӥськонъя воштӥсез луиз[5].
2011-тӥ арын южтолэзе Москваысь городэз азинтон политикая но лэсьтӥськонъя коллегие тӧрое юнматэмын[6]. Со арын ик кивалтыны кутскиз комиссиен, кудӥз лэзьымтэ лэсьтӥськонэн нюръяськиз[7].
2012-тӥ арын толшорысен пӧсьтолэзёзь со кивалтӥз кар заказъя ӵектосъёслэсь документацизэс эскеронэн, солы луыса коньдэтэз кӧня ке удысъёсъя шыръяны луиз, лэсьтӥськонлэн дуныз 20 процентлы яке 18,8 миллиард манетлы кулэсмиз. Кар объектъёслы подрядчикъёс быръёнъя тендер ортчытэм бере озьы ик чаклам дунэз 9 процентлы яке 8,4 миллиард манетлы кулэстыны луиз[8].
Хуснуллин пыриськемен ик юнматэмын вал Бульвар кульчо пушкын лэсьтӥськонын ӝуждалая куронъёс но музъемез уже кутонъя режимъёс.
2012-тӥ арысен Хуснуллин, мэрилэн аппаратэныз ӵош, лэсьтӥськон удысын документациез басьтон амалъёсты капчиятон понна электрон документъёсы потон сӧзнэтэз пыӵатонъя ӵектосэз чакланы кутскиз, вань услугаосыз электрон амалэн басьтыны мед луоз шуыса[9].
2012-тӥ арын южтолэзьысен Хуснуллин «Москва-Сити» калыккуспо бизнес-центрез пуктонъя штабен кивалтэ[6] (2008-тӥ арын, кризислы луыса, «Федерация» но «Россия» башняосты но «Сити Пэлас» комплексэз лэсьтон дугдытэмын вал: уксё тырмымтэен инвесторъёс яке ужъёссэс дугдытӥзы, яке проектлэсь палэнскизы. Объектъёсты вуттонъя план выльдэмын вал[10]. Соос интые башняос котырысь куд-ог урамъёсты выльдон но развязкаос лэсьтон сярысь решение кутӥзы (2012-тӥ арын сӥзьыл 2,5 пала иськем кузьдалаё развязкаосты лэсьтон йылпумъяськиз)[11].
2012-тӥ арын оштолэзьысен Хуснуллин Москваысь чугун сюресэз азинтонъя, чугун сюрес инфраструктураен но вӧзысьтыз музъем участокъёсын герӟаськем ужпумъёсты сэрттонъя кенешлэн сопредседателез луэ[12].
2012-тӥ арын 1-тӥ пӧсьтолэзьысен, куке Москва улослэн куд-ог музъемъёсыз Москвае пыризы, Хуснуллин «Выль Москваын» лэсьтӥськон политикаез но чакланы ӧдъяз[13].
2013-тӥ арын толшоре выль кылдытэм Архитектурая кенешлэн тӧроез луиз, ӧри городэз огъя азинтонъя но архитектурая политикаез быдэстонэз чаклан вылысь усьтэмын вал. Хуснуллинэн огкылэ вуыса, со кенеше пыртэмын вал Россиысь но кунгож сьӧрысь экспертъёс.
Россия Федерациысь кивалтэтлэн тӧроезлэн воштӥсез
2020-тӥ арын 21-тӥ толшоре Росси Федерациысь кивалтэтлэн тӧроезлэн воштӥсез луиз[14].
2020-тӥ арын 29-тӥ толшорысен Хуснуллин — Крым элькунлэн но Севастопольлэн кураторез. Нош 2022-тӥ арын оштолэзьысен озьы ик Херсон улосэз, Запорожьеез но Донбассэз выльдон понна кылкутэ[15].
2024-тӥ арын 11-тӥ куартолэзе Михаил Мишустин Кун Думае выль кивалтэтлэсь составзэ эскерыны сётӥз, Хуснуллинлэсь кандидатуразэ правительствоысь тӧролэн воштӥсезлы ӵектыса[16]. 13-тӥ куартолэзе Кун Дума сое та интые юнматӥз[17]. 14-тӥ куартолэзе Росси Федерацилэн президентэз та пумысен косэт гожтӥз[18].
Марат Хуснуллин кылкутэ таӵе ужпумъёс понна: улон инты политика, автомагистральёсты лэсьтон, чаклан, выльдон но тупатъян, сюрес вылын кышкытлыклэсь утиськон, мер транспортэз азинтон. Озьы ик со борды юнматэмын «Улон инты но кар инкуазь», «Кышкыттэм но ӟечлыко сюресъёс», «Экология» йӧскалык ӵектосъёс.
Хуснуллин чакла Крым Республикалэсь, Севастопольлэсь, Донецк но Луганск Калык Республикаослэсь, Запорожье но Херсон улосъёслэсь мерлыко но экономикая азинскемзэс. Куратор чотын со кылкутэ Лымшор федерал округлэн мерлыко но экономикая азинскемез понна но чакла таӵе ведомствоослэсь ужзэс:
- Лэсьтӥськонъя министерство;
- Кун регистрацияя, кадастръя но картографияя федерал служба;
- Экология, технологиосъя но атомной надзоръя федерал служба;
- Кун ваньбурен кивалтонъя федерал агентство;
- Сюресъёсъя федерал агентство[19].
Городэз азинтонъя политикаын тужгес пусйымон ӵектосъёс
Метроез азинтон
2011-тӥ арысен Хуснуллин пыриськемен 101 иськем метро линиос лэсьтэмын, со пӧлын Мускоысь шор кульчоысь 54 иськемзэ выльдон (азьвыл со сюрес груз нуллон понна гинэ кутӥськиз). Со дыре ик метрополитен лэсьтонлэн дуныз ӧжытсэ 25 процентлы кулэсмиз[20]. Метроез лэсьтон дыр шорлыдын 30 процентлы вакчияз.
Городэз азинтонъя политика
2011-тӥ арысен Хуснуллин кивалтӥз лэзьымтэ лэсьтӥськонэн нюръяськись кар комиссиен. Хуснуллинлэн 9 ар ӵоже Москваысь лэсьтӥськон комплексэн кивалтэмез улсын шоркарын улонэ пыӵатыны кутскизы выльдонъя ӵектосэз (ӟуч реновация) — куашкан калэ вуэм трос квартираем юртъёсты сэрттонэз но отын улӥсьёсты выль коркаосы выжтонэз[21].
2012-тӥ арысен Хуснуллин пыриськиз «Метрлы быдэ манет» программаез улонэ пыӵатонэ. Со улсын Мусколэн кивалтэтэз утиськись лулчеберет синпелетъёсты нимаз инвесторъёслы 49 арлы льготной арендае сётӥз, соос объектъёсты 5 ар ӵоже вылӥ ӟечлыкен выльдыны басьтӥськизы ке. 2012-тӥ арын гудырикошкон пумозь со программа улсын Москваысь вить усадьбаос выльдӥськизы: 18-тӥ даурлэн пумаз–19-тӥ даурлэн кутсконаз пуктэм Морозовъёслэн кар усадьбазы но Николоямской ульчаысь Н. П. Баулинлэн улон юртэз (18-тӥ даурысь палатаос вылэ пыкиськыса пуктэмын); Подсосенской ульчаысь Константин Буссе архитекторлэн 18-тӥ–19-тӥ дауръёсы пуктэм усадьбаез; Таганской площадьысь Колесников-Шаргинъёс-Сапатиналэн усадьбазы; Печатников проулкаысь Сысоев крестьянлэн юртэз («кариатидъёсын корка» шуыса тодмо). 2013-тӥ ар пумозь льготаен арендае эшшо 50 лулчеберетъя синпелетъёс сётэмын на вал соосты выльдон вылысь[22].
2013-тӥ арысен Хуснуллин кивалтэм улсын Москваез 2035-тӥ арозь азинтонъя, выль музъемъёсты лыдэ басьтыса, огъя план кылдытон бордын уж нуиськиз[23].
2017-тӥ арын инвожое спортъя бадӟым «Лужники» аренаез выльдон ялэм дырызлэсь одӥг арлы вазьгес йылпумъяськиз. 2018-тӥ арын отын Футболъя дунневыл чемпионат ортчиз[24].
2018-тӥ арын Хуснуллинлэн кивалтэмез улсын Москва шорын интыяськем Зарядье паркез лэсьтонъя ӵектос улонэ пыӵатэмын вал, азьвыл со интыын «Россия» кунокуа интыяськиз. «Россия» гостиницаез сэрттыны-пертчыны кутскизы 2006-тӥ арын тулыспалэ но йылпумъязы 2010-тӥ арлэн кутсконэзлы. 2012-тӥ арын Зарядьеез азинтон концепци кылдытонъя калыккуспо вожвылъяськон ортчиз, отчы котькуд мылкыд карись пыриськыны быгатӥз. Асьсэ ӵектосъёсынызы тодматӥзы быдэс дуннеысь 240 командаос. Конкурс пумын соослы сётэмын вал «калыклэсь задание»: куремын вал музъем вылын лэсьтӥськонэз кулэстыны но музъем пушкысь интыез уже кутыны, озьы ик городлэсь исторической центрзэ сӧрись планированиея решениослэсь палэнтӥськыны. Паркын 4 ландшафт зонаос, павильонъёс, парковкаос, музейёс, адӟытон залъёс, Москва шур вамен ӝутэм выж, аспӧртэмлыко концерт зал – филармония кылдӥзы[25].
Транспортъя политика
2011-тӥ арын, проект дуно усемен, Хуснуллин дурбасьтӥз 60 иськем кузьдалаё Ньылетӥ транспортъя кульчоез лэсьтонлэсь куштӥськон понна. Ӵектос воштэмын вал, соя Уйпал-Шундыпуксён, Уйпал-Шундыӝужан хордаос но Лымшор кульчо сюрес кылдытон бордын уж кутскиз[26].
Россилэн кивалтэтаз
2020-тӥ арын 21-тӥ толшоре Хуснуллин Росси Федерациысь кивалтэтлэн тӧроезлэн, Михаил Мишустинлэн, воштӥсез луиз. Со кылкутӥз улон инты политика, ипотека сётон, лэсьтӥськон но архитектура удысын кун политика, улон инты но коммунальной возёс, сюресъёсты выльдон но чаклан, сюрес вылын кышкыттэмлык, кун ваньбурез утён понна.
Со радъя кивалтэтлэсь ужзэ улосвылъёсты азинтон удысын (Дальней Восток федерал округез лыдъятэк), Крым элькунлэсь, Севастопольлэсь, Калининград улослэсь мерлыко но экономикая азинсконзэс радъя, Абхазия но Лымшор Осетия республикаосын валче ужан понна кылкутэ. 2021-тӥ арын пӧсьтолэзьысен Хуснуллин чакла на Лымшор федерал округез.
2022-тӥ-2023-тӥ аръёсы Украиналэн кык терактъёсыз бере Хуснуллин кивалтӥз Крым выжез тупатон ужен[27].
Данъетъёсыз
- «Россиысь калыкез лыдъян-чотан ортчытонын азинсконъёсыз понна» медаль (2002)
- «Казаньлы 1000 ар тырмонлы сӥзем медаль» (2005)
- «Россиысь профсоюзъёслы 100 ар» медаль (2005)
- Татарстанысь Министръёслэн кабинетсылэн таукаронэз (2007)
- Татарстанысь азьмуртлэн таукаронэз (2008, 2010)
- «За заслуги перед Отечеством» орденлэн II степенё медалез (2008)[28]
- «За заслуги перед Республикой Татарстан» орден (2010)
- Россиысь ЖКХ удысысь дано ужась (2010)
- Россия Федерациысь дано лэсьтӥськись (2013-тӥ ар, 21-тӥ толсур) — лэсьтӥськон удысын вормонъёсыз но трос аръёс ӵоже сюлмысь тыршемез понна[29]
- Россия Федерациысь Лэсьтӥськонъя но жилищно-коммунальной возёсъя министерстволэн данъян пусэз (2016)
- «За заслуги в развитии ОАО „Российские железные дороги“» II степенё пус (2016)[30]
- Инкуазез утён понна данъян пус (2016)
- Данъян орден (2018)[31]
Ваньбурез
2011-тӥ арын Хуснуллин Кремльлэсь кыдёкын ӧвӧл 186,7 квадрат метръем квартира басьтӥз. 2016-тӥ арын сое Малика нылызлы кузьмаз.
2020-тӥ арын газет-журналъёс ивортӥзы, Хуснуллин Москваысь Серебряный Бор интыын 1 миллиард манет пала сылӥсь дворецын улэ шуыса.
Валэктонъёс
- ↑ 1 2 3 4 5 6 Хуснуллин Марат Шакирзянович — Биография Эскеремын 2013-09-04 аре
- ↑ 1 2 Портал строителей города — про жильё
- ↑ 1 2 Спортивные объекты Универсиады в Казани
- ↑ Казанский государственный архитектурно-строительный университет
- ↑ 1 2 Хуснуллин Марат Шакирзянович — Биография Эскеремын 2013-09-04 аре
- ↑ 1 2 Ъ-Справочник Эскеремын 2013-09-04 аре
- ↑ Хуснуллин возглавил комиссию по пресечению незаконного строительства вместо Ресина
- ↑ М.Хуснуллин подвел итоги деятельности Стройкомплекса Москвы за семь месяцев 2012 года
- ↑ Заседание Правительства Москвы
- ↑ «Лужники», «Москва-Сити» и другие перестройки Москвы
- ↑ «Москва-Сити» ищет выезд
- ↑ Градостроительным развитием территорий железной дороги в Москве займется специальный совет
- ↑ Недвижимость-2013: обращение заместителя Мэра Москвы Марата Хуснуллина
- ↑ Новый состав правительства. Полный список РБК. Эскеремын 2020-01-21 аре
- ↑ Как Марат Хуснуллин будет восстанавливать Херсон, Запорожье и Донбасс | Республика Крым(рус.)
- ↑ О чем говорит новая конфигурация российского правительства
- ↑ Госдума утвердила Хуснуллина вице-премьером
- ↑ Президент подписал указы о назначении членов Правительства Российской Федерации и директоров служб
- ↑ Михаил Мишустин утвердил распределение обязанностей между вице-премьерами
- ↑ Стоимость строительства метро в Москве снизили на 25 % Эскеремын 2013-09-04 аре
- ↑ Энциклопедия ТАСС. Хуснуллин Марат Шакирзянович
- ↑ До конца года в льготную аренду может быть сдано около 50 объектов культурного наследия
- ↑ Марат Хуснуллин: «В Москве будет построено 300 гостиниц» Эскеремын 2013-09-04 аре
- ↑ Марат Хуснуллин: Реконструкцию «Лужников» можно начать лишь в мае 2014 года
- ↑ Первая очередь парка «Зарядье» была завершена в 2017 году, торжественное открытие парка состоялось 9 сентября 2017 года, в день празднования 870-летия Москвы. 4 ландшафтные зоны, павильоны, парковка, музеи, выставочные залы, парящий мост через Москву-реку — все это открыто для посетителей. Уникальный концертный зал — филармонию — планируют завершить и открыть в 2018 году.
- ↑ Более 230 км дорог реконструируют в Москве за три года — Хуснуллин
- ↑ Энциклопедия ТАСС. Хуснуллин Марат Шакирзянович
- ↑ Deputy Mayor for Urban Development and Construction / Marat Khusnullin / The official website of the Mayor and the Government of Moscow
- ↑ Указ Президента Российской Федерации от 21 декабря 2013 г. № 929 «О награждении государственными наградами Российской Федерации»
- ↑ Фотофакт www.gudok.ru. Эскеремын 2016-12-20 аре
- ↑ Указ Президента Российской Федерации от 27 декабря 2018 года № 756 «О награждении государственными наградами Российской Федерации»
- 9-тӥ гудырикошконэ вордӥськемъёс
- 1966-тӥ арын вордӥськемъёс
- Тодмо муртъёс алфавитъя
- Казаньын вордӥськемъёс
- «За заслуги перед Отечеством» 4-тӥ степенё орденлэн кавалеръёсыз
- Данлыко орденлэн кавалеръёсыз
- «За заслуги перед Отечеством» II степенё орденлэн медаленыз пусъемъёс
- Экономистъёс алфавитъя
- Россиысь экономистъёс
- Татарстанысь министръёс
- Кузонысь вузъёсыз йылпумъямъёс
- Мишустинлэн кивалтэтэз
- Мусколэн тӧроезлэн воштӥсьёсыз
- Татарстанысь дано лэсьтӥськисьёс