Трокай Борисовлы синпелет
| Синпелет | |
| Трокай Борисовлы синпелет | |
|---|---|
.jpg) | |
| 56°50′54″ с. ш. 53°13′05″ в. д.GЯO | |
| Кун |
 Россия |
| Интыяськемез | Ижкар, Коммунаръёслэн ульчазы |
| Скульпторез | В. М. Овчинников, Г. А. Кутлыбаев |
| Лэсьтӥськон материалъёс | гранит |
 |
|
Трокай Борисовлы синпелет (ӟуч: Памятник Трокаю Борисову) — удмурт кунлыкез кылдытӥсьлы сӥзем синпелет, Ижкарысь Коммунаръёслэн ульчаязы Радио юртлы вожвыл интыяськемын.
Историез
Синпелетэз лэсьтон пумысен кичӧлтонэн потӥз удмуртъёслэн «Удмурт Кенеш» йӧскалык огазеяськонзы[1], та ӵектонлы дурбасьтӥз Удмурт Республикалэн Президентэз Александр Волков, удмурт эмчилы, филологлы, этнографлы но публицистлы Трофим (Трокай) Борисовлы 120 ар тырмонэн валче ужрадъёсты дасян но ортчытон сярысь указ поттӥз[2].
Трокай Борисовлы синпелетэз Виктор Овчинников но Геннадий Кутлыбаев скульпторъёслэн проектсыя Ижысь 8 номеро УПТК ГУССТ-ын лэсьтӥзы. Синпелет гранитлэсь вӧлэмын, ӝуждалаез — 3 м, постаментлэн ӝуждалаез — 0,7 м[3]. Быдэс синпелетлэн секталаез — 5,5 т. Скульпторъёс синпелет лэсьтон борды 2012-тӥ арын куартолэзе басьтӥськизы, сое быдэстонлэн дуныз 3 млн манет тыр усиз[4].
2012-тӥ арын 5-тӥ коньывуонэ синпелетэз сӥё-дано усьтӥзы[1]. Ужрадэ пыриськизы Трокай Борисовлэн ӵыжы-выжыосыз, калык огазеяськонъёслэн оскем муртъёссы, кивалтӥсьёссы, озьы ик искусство но лулчеберет удысын тыршисьёс. Сӥё-дано усьтон дыръя калык азьын вераськизы Удмуртиысь Правительстволэн Тӧроезлэн воштӥсез, «Удмурт Кенеш» огазеяськонлэн соку тӧроез Николай Мусалимов но Удмурт Элькунысь Кун Кенешлэн Тӧроез Александр Соловьёв[4][5].
Валэктонъёс
- ↑ 1 2 Памятник Трокаю (Трофиму) Борисову [ӟуч] izh.ru (05 октября 2012). Эскеремын 25.09.2025 арын
- ↑ Татьяна Ермошкина (05 октября 2012) В Ижевске открылся памятник удмуртскому просветителю [ӟуч] rg.ru. Эскеремын 25.09.2025 арын
- ↑ Загребин, 2012, с. 354.
- ↑ 1 2 Елена Ворончихина (05 октября 2012) В Ижевске открыли памятник основателю удмуртской государственности [ӟуч] izhlife.ru. Эскеремын 25.09.2025 арын
- ↑ В Ижевске открыли памятник Трокаю Борисову [ӟуч] myudm.ru (05 октября 2012). Эскеремын 25.09.2025 арын
Литература
- Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — 540 с. — 300 экз. — ISBN 978-5-901304-62-4.
Чӧлсконъёс