Татарстан

Татарстан
биг. Татарстан
Флаг[d] Герб[d]
Гимн Татарстана[d]
55°33′00″ с. ш. 50°56′00″ в. д.
Кун	Россия
Шоркар	Кузон
Тӧро	Алексей Валерьевич Песошин[d]
Историез но географиез
Кылдытэмын	30-тӥ гудырикошконэ 1990
Быдӟалаез	67 847
Часовой пояс	MSD но Европа/Москва[d]
Улӥсез
Улӥсез	▲4 003 016 мурт (2024)
Лыдпусо тодметъёс
Код ISO 3166-2	RU-TA
Автом. номеръёсын кодэз	16 но 116
Официальный сайт​ [ӟуч]
Медиафайлъёс РувикиМедиа пушкын

Марка «50 лет Татарской АССР». Почта СССР 1970 г.

СССР-лэн почта маркаез, 1980 г.

Реверс памятной монеты Банка России

Татарста́н Элькун (биг. Татарстан Республикасы) — Росси Федерациысь асмос. Пыре Приволжск федерал округе. Кылдытэмын 27 куартолэзе 1920-тӥ арын Автономной Татарской Социалистической Советской Республика нимын.

Шоркарез — Кузон. Бускельёсыз — Башкортостан, Удмуртия, Марий Эл, Чувашия, Киров, Ульяновск, Самара но Оренбург улосъёс.

1992-тӥ арын Татарстан Элькунын кутэм Конституция «Татарстан» но «Татарстан Республика» нимъёслэн юридик кужымзы одӥг луэ.

Историез

• Волжской Булгария (VII даур — 1240),
• Кашанской княжество (1240—1438),
• Кузон ханлык (1438—1552),
• Кузон эксейлык (1552—1708),
• Кузон губерния (1708—1917),
• Татарской Автономной Советской Социалистической Республика (1920—1990).

22-тӥ оштолэзе 1918-тӥ арын Татаро-Башкирской Автономной Республика кылдытэмын вал. Граждан ож вакытэ Башкортостан ас понназ кариськемез бере, 1920-тӥ арын, нимаз Татарстан автономи кылдытэмын.

30-тӥ толсуре 1922-тӥ арын СССР-ысь Татарской Автономной Республика нимез юнмато.

Быдӟым Атыкай ож бере ТАССР-ысь нырысетӥ секретарьёс: Зинат Муратов, 1957-тӥ арын сое воштӥз Семён Игнатьев. 1960-тӥ арысен 1979-тӥ арозь та ужез быдэсъяз Фикрят Табеев, собере Рашид Мусин (1979—1982). Мусин бере со ужудысын тыршизы Гумер Усманов (1982—1989) но Минтимер Шаймиев (1989—1991).

1970-тӥ арын Татарстанын 100 миллион тонна мувӧй кыскемын выл. Быдэс СССР-лэн историяз нырысьсэ одӥг улос сомында «сьӧд зарни» поттыны быгатэм. Нош берлогес, 1971-тӥ арын, элькунын 1 миллиард мувӧй кыскизы, 1981-тӥ арын – кык миллиард.

1990-тӥ арын Татарстанын Конституци кутэмын. Отысь тросэз ёзэтъёсыз Россиысь Конституцилы пумит луо вал.

30-тӥ гудырикошконэ 1991-тӥ арын Татарстан суверенитет сярысь деклараци кутэ. Со декларациын элькун ас понназ луись калыккуспо правоя асмос шуыса ялэмын (Россиен но мукет кунъёсын тупанкылъёс гожъяны быгатэ).

18-тӥ коньывуонэ 1991-тӥ арын Вылӥ Кенеш Татарстанлэн кун асэриклыкез сярысь акт кутэмын, нош 22-тӥ куартолэзе 1992-тӥ арын - асэриклыкез сярысь постановление.

6-тӥ шуркынмонэ 1992-тӥ арын Татарстан Элькунлэн Конституциез юнматэмын.

2000-тӥ арын элькунлэн Конституцияз воштонъёс пыртэм бере, Татарстан Россилэн асмосэз лыдъяськыны кутскиз.

Интыяськемез

Татарстан Россилэн шораз интыяськемын, Шундыӝужанпал Европалэн ӵошалаз, Волга-Урал регионын, Камлэн Волга шуре итӥськон интыяз. Шоркарез Мусколэсь 797 иськемлы палэнын. Татарстан уйпаласен лымшор пала 290 искемлы кыстӥське, шундыпуксён паласен шундыӝужанозь - 460 иськем.

Музъемезлэн быдӟалаез 67836,2 км². Улӥсьёслэн лыдзы 3768,5 сюрс адями (2005), соос пӧлысь каръёсын уло 74,5% (2005). Улӥсьёслэн ӵемлыксы: 55,4 адями/км² (2005). Йӧскалыкъёс: ваньмызлэсь трос бигеръёс (58,5 %) но ӟучъёс (39,0 %).

Инкуазь узырлыкез

16% музъемез нюлэсэн шобыртэмын. Озьы ик байлыко луэ мувӧен, эгырен, торфен, гипсэн, известнякен, горд сюен.

Татарстан пыр бызё Кам, Волга, Ватка, Тӧдьы Кам шуръёс. Кык бадӟымесь тыметъёсыз вань — Куйбышевской но Нижнекамской. Ужа Нижнекамской ГЭС. 8 сюрс пала пичи тыос лыдъясько.

Кивалтон удыс

Татарстан Элькун 43 ёрослы люкемын, со сяна 14 кар лыдъяське. Кунэн кивалто Президент, Кивалтэт, Кун Кенеш. Валтӥсь катэз — Татарстан Элькунлэн Конституциез

Кун кылъёс

Татарстан Элькунлэн Конституциезъя бигер но ӟуч кылъёс кун кылъёсын лыдъясько.

Вӧсьбур

Эльлькунын сюрс пала пӧртэм вӧсяськон огазеяськонъёс ужало. Валтӥсь вӧсьбуръёс – ислам но православие.

Каръёсыз но ёросъёсыз

Татарстанын — 43 ёрос, 20 кар (соос пӧлын 14 — элькунлэн киултэмез улсын), 21 каргурт, 897 гурт кенеш.

Каръёсыз

1. Элькунлэн киултэмаз:

Азнакай, Алабго, Альметьевск, Бугульма, Заинск,  Зеленодольск, Кузон, Лениногорск, Нижнекамск, Тупал Чалды, Чистополь.

2. Ёрослэн киултэмаз:

Бавлы, Болгар, Буинск, Лаишево, Мамадыш, Менделеевск, Мензелинск, Нурлат, Огырчи, Тетюши

Ёросъёсыз

• Азнакай ёрос, центрез — Азнакай
• Аксубай ёрос, центрез — Аксубай
• Актаныш ёрос, центрез — Актаныш
• Алабго ёрос, центрез — Алабго
• Алексеевской ёрос, центрез — Алексеевской
• Алькеево ёрос, центрез — Базар Матаки
• Альметьевск ёрос, центрез — Альметьевск
• Апастово ёрос, центрез — Апастово
• Арча ёрос, центрез — Арча
• Атня ёрос, центрез — Бадӟым Атня
• Бавлы ёрос, центрез — Бавлы
• Балтась ёрос, центрез — Балтась
• Бугульма ёрос, центрез — Бугульма
• Буинск ёрос, центрез — Буинск
• Верхний Услон ёрос, центрез — Верхний Услон
• Высокогорской ёрос, центрез — Высокая Гора
• Дрожжаной ёрос, центрез — Вуж Дрожжаной
• Заинск ёрос, центрез — Заинск
• Зеленодольск ёрос, центрез — Зеленодольск
• Кайбицы ёрос, центрез — Бадӟым Кайбицы
• Камско Устье ёрос, центрез — Камское Устье
• Кукмор ёрос, центрез — Кукмор
• Лаишево ёрос, центрез — Лаишево
• Лениногорск ёрос, центрез — Лениногорск
• Мамадыш ёрос, центрез — Мамадыш
• Менделеевск ёрос, центрез — Менделеевск
• Мензелинск ёрос, центрез — Мензелинск
• Муслюмово ёрос, центрез — Муслюмово
• Нижнекамск ёрос, центрез — Нижнекамск
• Новошешминск ёрос, центрез — Новошешминск
• Нурлат ёрос, центрез — Нурлат
• Огырчи ёрос, центрез — Огырчи
• Пестрецы ёрос, центрез — Пестрецы
• Рыбная Слобода ёрос, центрез — Рыбная Слобода
• Саба ёрос, центрез — Саба
• Сарманово ёрос, центрез — Сарманово
• Спасск ёрос, центрез — Булгар
• Тетюши ёрос, центрез — Тетюши
• Тукай ёрос, центрез — Тупал Чалды
• Тюлячи ёрос, центрез — Тюлячи
• Черемшан ёрос, центрез — Черемшан
• Чистополь ёрос, центрез — Чистополь
• Ютазы ёрос, центрез — Уруссу

Дышетон удыс но тодос

Дышетон удысын ог 170 сюрс адями тырше. Элькунын 2434 школа ужа. Кузон 200 ар пала Шундыӝужанпал Европаысь одӥгез кужмоез тодос центрен лыдъяське. Татын аслэсьтыз тодос школаоссэ радъязы Н. И. Лобачевский, Н. Н. Зинин, А. М. Бутлеров, А. Е. Арбузов, Е. К. Завойский, В. В. Радлов, К. Фукс, Ш. Марджани, К. Насыри но мукетъёсыз. Быдӟым ож дырья трос пӧртэм дышетсконниос отчы эвакуацие ыстэмын вал.

Татарстан — Россилэн валтӥсь тодос центрез луэ. Отын Россиысь Наукая Академилэн пӧртэм институтъёсыз ужало.

Валэктонъёс