17-тӥ толшор — Григориан дырпусъя — арлэн 17-тӥ нуналыз. Выль арозь 348 нунал кылемын (касьян аре — 349 нунал).
☀️ Ижкарын Шунды 8 час 41 минутэ ӝужа, пуксе 16 час 13 минутэ. Югыт нуналлэн кыстӥськемез 🕒 7 час 31 минут.
🌘 Вуж Толэзь (будэмез 28.08 нунал).
Нунал тодметъёс
Калык дырпусъя туннэ Зосим Пчельниклэн яке Феоктистлэн нуналыз. Вазенгес та нуналэ, черъёслэсь утиськон вылысь, тылскем вамен тэтчало вылэм. Туннэ кузь сюрес вылэ потонлэсь но аракы юэмлэсь ало.
- Туннэ гур ляб ке кыске — куазь кот луоз, зол ке — кезьыт.
- Та уй чылкыт инбамын тыр толэзь адскиз ке — тулыс трос тудву луоз.
- Шунды льӧльмыт ӝужаз ке — куазь тӧло луоз.
Нимнуналзэс пусъё
- Агав, Акила, Александр, Аллма, Алфей, Амплий, Анания, Андроник, Апеллий, Аполлос, Аристарх, Аристовул, Артема, Архипп, Асинкрит, Асон, Афанасий, Ахаик, Ахила, Варнава, Варсава, Гаий, Дионисий, Евод, Евстафий, Евфимий, Епафрас, Епафродит, Епенет, Ераст, Ерма, Ермий, Зина, Зосима, Иасон, Иосиф, Иосия, Иродион, Иуст, Карп, Кесарий, Кифа, Клеопа, Климент, Кодрат, Крискент, Крисп, Куарт, Лин, Лука, Лукий, Марк, Наркисс, Никанор, Николай, Олимпасий, Онисим, Онисифор, Павел, Пармен, Патров, Пётр, Прохор, Пуд, Родион, Руф, Сила, Силуан, Симеон, Сосипатр, Сосфен, Стахий, Степан, Тертий, Тимон, Тимофей, Тит, Тихик, Трофим, Увеликий, Урван, Фаддей, Феоктист, Филимон, Филипп, Филолог, Флегонт, Фортунат, Хрисанф, Яков, Ясон но Ефимия.
Праздникъёс но буре ваён нуналъёс
Луэм учыръёс
Удмуртиын
Россиын но дуннеын
- 1462 — Португалиысь зарезьуясь Диогу Афонсу Атлантической океанысь Санту-Антан (Кабо-Верде) шормуӵез усьтӥз.
- 1773 — Джеймс Кук кивалтэм улсын «Резолюшн» шлюп историын нырысьсэ Лымшор полярной котрет вамен выжиз.
- 1893 — США-лэн Кивалтэтэз гавай королеваез Лилиуокаланиез кивалтонлэсь палэнтӥз.
- 1904 — Мускоысь Художественной театр Антон Чеховлэсь «Вишнёвый сад» пьесазэ пуктӥз.
- 1912 — Великобританиысь мынӥсь-ветлӥсь Роберт Ф. Скотт Лымшор полюсэ вуиз.
- 1917 — Великобританиысь разведка «Циммерманлэсь телеграммазэ» киултӥз но США-ез оже пыриськытӥз.
- 1920 — Совето Россиын палэнтэмын виыса быдтон.
- 1966 — Испаниын луэм авиакатастрофаын ньыль термоядерной бомба ышем.
- 1991 — трос кунъёслэн Персид сюм котырын интыям ожгар кужымъёссы «Бушкыр сильтӧл» операциез кутскизы.
- 1995 — Кобеын луэм музъем зурканэн сэрен 6434 япон калык быриз.
- 2002 — Ньирагонго тыло гурезьлэн кисьтӥськемез Гома карысь 4500 юртэз ӧвӧлтэм быдтӥз.
Вордӥськизы
- Удмуртиысь тодмо муртъёс
- Россиысь но дуннеысь тодмо муртъёс
- 1706 — Бенджамин Франклин, Америкаысь тодосчи, журналист, политик.
- 1847 — Николай Жуковский, ӟуч тодосчи-механик, аэродинамика тодослэн инъясез.
- 1863 — Константин Станиславский, ӟуч театральной ужась, актёр, режиссёр, дышетӥсь, СССР-ысь нырысетӥ Калык артист.
- 1899 — Альфонс Габриэль Капоне, Америкаысь мафиози.
- 1942 — Мохаммед Али (зэмос нимыз Кассиус Клей), Америкаысь боксёр, олимпи чемпион (1960), дуннелэн куинь пол чемпионэз.
- 1945 — Семён Альтов, СССР-ысь но Россиысь гожъясьчи-сатирик.
- 1960 — Игорь Николаев, СССР-ысь но Россиысь композитор но кырӟась.
- 1962 — Джим Керри, Америкаысь киноактёр.
- 1964 — Мишель Обама, США-ысь нырысетӥ леди 2009—2017 аръёсын, Барак Обамалэн кузпалыз.
- 1974 — Митя Фомин, Россиысь кырӟась.
Кулӥзы
- Удмуртиысь тодмо муртъёс
- Россиысь но дуннеысь тодмо муртъёс
