Урал область (РСФСР)

Улос
Урал область
Кун	СССР СССР
Пыре	РСФСР
Пыре	116 ёросъёс 3 йӧскалык округ
Адм. центрез	Свердловск
Историез но географиез
Кылдытэмын	1923-тӥ арын 3-тӥ шуркынмонэ
Быдтэмын	17-тӥ толшоре 1934
Быдӟалаез	1 804 100
Тужгес бадӟымез кар	Свердловск
Улӥсез
Улӥсез	7 785 500 мурт (1931)
Ӵемлыкез	4,3 мурт/км²
Йӧскалыкъёс	ӟучъёс — 91,1 %, бигеръёс — 2,8 %, коми-пермякъёс — 1,9 %, башкиръёс — 0,9 %, украинъёс — 0,7 %, белорусъёс — 0,4 %
Вераськон кылыз	ӟуч
Преемственность ← Екатеринбург губерния ← Пермь губерния ← Тюмень губерния ← Челябинск губерния Обь-Иртыш область → Свердловск область → Челябинск область →
Медиафайлъёс РувикиМедиа пушкын

Ура́л область (ӟуч: Уральская область (РСФСР) — РСФСР-ысь (СССР) 1923-тӥ—1934-тӥ аръёсысь административно-территориальной единица.

Областьлэн шоркарез — Свердловск кар.

Историез

1923-тӥ арын СССР-ын административно-территориальной единицаосты бадӟыматонъя реформа кутскиз. Губерниос, уездъёс, волостьёс быдтэмын, соос интые областьёс (улосвылъёс), округъёс но ёросъёс кылдытэмын вал.

ВЦИК-лэн 1923-тӥ арын 3-тӥ шуркынмонэ кутэм постановлениеныз кылдытэмын вал Урал область, отчы Пермь, Екатеринбург, Челябинск но Тюмень губерниос пыризы. Областьлэн шоркарез Екатеринбург луиз (1924-тӥ арысен Свердловск). Кылдон вакытаз областьлэн быдӟалаез 1659 сюрс км² лыдъяськиз, улӥсез 6380 сюрс адями вал.

1923-тӥ арын 12-тӥ шуркынмонэ ВЦИК областьлэсь радлыксэ юнматонъя постановление кутӥз.

1923-тӥ арын 3-тӥ шуркынмонэ Тюмень губерниез ВЦИК-лэн постановлениеныз быдтэмзы бере интывылаз кылдытэмын вал Ишим, Тобольск но Тюмень округъёс, соос Урал областе пыризы. Со дыре ик уездъёс но волостьёс быдтэмын, нош округъёс ёросъёслы люкемын вал. 1926-тӥ арлы пусъем округъёсын 37 ёросъёс но 787 сельсоветъёс лыдъяськизы.

СССР-ысь ЦИК-лэн 1925-тӥ арын 26-тӥ тулыспалэ юнматэм постановлениеныз кылдытэмын Коми-Пермяк йӧскалык округ, отчы Вылӥ Кам округысь 6 ёрос шедиз.

1926-тӥ арын 4-тӥ шуркынмонэ ВЦИК Урал областез округъёслы но ёросъёслы люконэз юнматӥз.

1925-тӥ—1929-тӥ аръёсы Урал областьын 4 йӧскалык ёрос но 128 йӧскалык сельсовет кылдытэмын вал, 88 ёросэз быдтыса, 13 выльзэ кылдытэмын. Озьы ик кылдытэмын 9 кар, 4 каргурт но 171 ёрос. Златоуст, Кизел, Магнитогорск, Надеждинск, Нижний Тагил, Пермь, Свердловск, Тюмень, Челябинск каръёс но Чусовской каргурт облисполкомлэсь кылзӥськылӥзы.

1934-тӥ арын 17-тӥ толшоре ВЦИК-лэн постановлениеныз Урал область куинь областьлы люкемын: Свердловск областьлэн шоркарез Свердловск луиз, Челябинск областьлэн — Челябинск но Обь-Иртыш областьлэн — Тюмень.

Администрациослы люкиськон

1927-тӥ арын областе 16 округъёс пыризы: Вылӥ Кам, Златоуст, Ирбит, Ишим, Коми-Пермяк, Кунгур, Курган, Пермь, Сарапул, Свердловск, Тагил, Тобольск, Троицк, Тюмень, Челябинск, Шадринск но 210 ёросъёс. Областьлэсь структуразэ но составзэ кӧня ке пол тупатъязы, округъёслэн лыдзы вошъяськылӥз.

Урал область 1926-тӥ арын 1-тӥ толшоре (Тобольск округлэн уйпал люкетэзтэк)

Округлэн нимыз	Шоркарез	Аръёс
Екатеринбург округ	Екатеринбург	1923—1924
Златоуст округ	Златоуст	1923—1930
Ирбит округ	Ирбит	1923—1930
Ишим округ	Ишим	1923—1930
Кунгур округ	Кунгур	1923—1930
Курган округ	Курган	1923—1930
Пермь округ	Пермь	1923—1930
Сарапул округ	Сарапул	1923—1930
Свердловск округ	Свердловск	1923—1930
Тагил округ	Нижний Тагил	1923—1930
Тобольск округ	Тобольск	1923—1932
Троицк округ	Троицк	1923—1930
Тюмень округ	Тюмень	1923—1930
Челябинск округ	Челябинск	1923—1930
Шадринск округ	Шадринск	1923—1930

1930-тӥ арын 8-тӥ гудырикошконэ округъёс быдтэмын вал (Тобольск округ сянаез), валтӥсь административной единица луиз ёрос. ВЦИК-лэн Президиумезлэн 1930-тӥ арын 10-тӥ толсуре кутэм постановлениезъя Тобольск округлэн уйпалаз Остяк-Вогул но Ямал (Ненецк) йӧскалык округъёс кылдытэмын вал. Со дыре ик кутскиз Уйпалась выжы калык (туземной) советъёсты быдтон но соосты интыосысь кенешъёсын воштон.

1931-тӥ арын 1-тӥ коньывуонэ областьын вал:

• йӧскалык округъёс — 3:
  • Коми-Пермяк йӧскалык округ (Кудымкар черкогурт);
  • Остяк-Вогул йӧскалык округ (Самарово черкогурт);
  • Ямал-Ненец автономной округ (Обдорск черкогурт).
• ёросъёс — 163;
• сельсоветъёс — 3185;
• каръёс — 33, таос пӧлын нимысьтыз административно-хозяйственной единицаос — 10:
  • Свердловск кар — 223 335 улӥсь, юнматэм сельсоветъёсын — 260 760 улӥсь;
  • Пермь кар — 122 712 улӥсь, юнматэм сельсоветъёсын — 186 349 улӥсь;
  • Челябинск кар — 116 889 улӥсь, юнматэм сельсоветъёсын — 190 989 улӥсь;
  • Златоуст кар — 75 029 улӥсь, юнматэм сельсоветъёсын — 82 329 улӥсь;
  • Магнитогорск кар — 64 098 улӥсь, юнматэм сельсоветъёсын — 78 498 улӥсь;
  • Нижний Тагил кар — 59 483 улӥсь, юнматэм сельсоветъёсын — 89 717 улӥсь;
  • Тюмень кар — 57 970 улӥсь;
  • Молотово кар — 53 194 улӥсь;
  • Лысьва кар — 50 663 улӥсь, юнматэм сельсоветъёсын — 56 163 улӥсь;
  • Кизел кар — 23 350 улӥсь, юнматэм сельсоветъёсын — 39 079 улӥсь.
• ужасьёслы каргурт — 80, таос пӧлын нимысьтыз административно-хозяйственной единицаос — 5:
  • Асбест кар — 29 660 улӥсь;
  • Кыштым ужасьёслы каргурт — 26 669 улӥсь, юнматэм сельсоветъёсын — 28 069 улӥсь;
  • Красноуральск ужасьёслы каргурт — 17 308 улӥсь, юнматэм сельсоветъёсын — 18 208 улӥсь;
  • Калата ужасьёслы каргурт — 10 122 улӥсь, юнматэм сельсоветъёсын — 10 922 улӥсь;
  • Карабаш ужасьёслы каргурт— 8348 улӥсь, юнматэм сельсоветъёсын — 16 700 улӥсь.
• гуртъёс — 29 774 улӥсь.

1931-тӥ арын 1-тӥ толшоре 7 785 000 улӥсь пусъемын, карысь калык — 2 060 300 адями. (26,5 %), ӵемлыкез — 4,3 адями/км², быдӟалаез — 1 804 100 км². Озьы ик бадӟымесь улон интыос вал:

• Надеждинск кар — 45 883 улӥсь;
• Троицк кар — 38 930 улӥсь;
• Курган кар — 35 655 улӥсь;
• Чусовской ужасьёслы каргурт — 32 040 улӥсь;
• Сарапул кар — 29 624 улӥсь;
• Вотка ужасьёслы каргурт — 28 179 улӥсь;
• Кунгур кар — 24 602 улӥсь;
• Тобольск кар — 23 544 улӥсь;
• Алапаевск кар — 22 421 улӥсь;
• Шадринск кар — 21 464 улӥсь;
• Миасс кар — 20 141 улӥсь.

1933-тӥ арын 20-тӥ инвожое ВЦИК-лэн постановлениеныз быдтэмын Урал областьысь Надеждинск но Тюмень ёросъёс, Александровской ёрос Шундыпуксён Сибирь улосвылэ берыктэмын, Улӥ Тура ёросысь шоркарез Улӥ Тура ужасьёслы каргуртысь Ис каргуртэ выжтэмын, ёросэз Ис ёрос нимазы.

1933-тӥ ар пумын Урал областьлэн быдӟалаез 1896 сюрс км² вал, областе пыризы область инлыкен 3 йӧскалык округ, 116 ёрос, 15 кар но ужасьёслы 1 каргурт, 3129 сельсовет, ёрос инлыкен 41 кар но ужасьёслы 100 каргурт.

1934-тӥ арын 17-тӥ толшоре ВЦИК-лэн постановлениеныз Урал область куинь областьлы люкемын вал: Свердловск областьлэн шоркарез луиз Свердловск, Челябинск областьлэн — Челябинск но Обь-Иртыш областьлэн — Тюмень, угось сокем бадӟым интывылэн кивалтыны секыт луиз.

Урал областьысь ёросъёс, 1933-тӥ арын 1-тӥ южтолэзе

Урал областьлэн аспӧртэм тодметъёсыз вал:

• область пуштросэзъя огъя ӧй вал: лымшор палаз интыяськылӥз Башкир АССР-лэн анклавез — Аргаяш кантон;
• область лымшорысен уйпала кыстӥськылӥз, аспӧртэмлыкезъя кык пӧртэм люкетъёслы висъяськылӥз — уйпал Тобольск но промышленностья лымшор;
• кунгожъёсыз азьвыл ик чакламын но рос-прос пусъемын ӧй вал, соос вандэм кадь лэсьтэмын вал, куддыр областьлэн интывылаз пыраллязы, лымшор палан радлыксы умой ӧй вал, нош уйпалан шонересь вал, пушкысьтыз гожъёсыз (округъёсысь) ялан вошъяськылӥзы, та хозяйство вылын умойтэм шӧдскылӥз.

Областен кивалтӥсьёс

• Гольдич Лев Ефимович — Урал облисполкомлэн кенешезлэн аппаратэзлэн ёзчиез, Уралоблпланлэн директорез, Уралоблсовнархозлэн тӧроез, Урал облисполкомлэн кенешезлэн тӧроезлэн нырысетӥ воштӥсез.

Л. Е. Гольдич. Урал облисполкомлэн кенешезлэн аппаратэзлэн ёзчиез. Уралоблпланлэн директорез. Уралоблсовнархозлэн тӧроез. Урал облисполкомлэн кенешезлэн тӧроезлэн нырысетӥ воштӥсез

РКП(б)-ВКП(б)-лэн Урал обкомезлэн нырысетӥ секретарьёсыз

• Харитонов Моисей Маркович (декабрь 1923-тӥ арын толсурысен—1925-тӥ арын пӧсьтолэзёзь);
• Антипов Николай Кириллович (1925-тӥ арын пӧсьтолэзьысен—1926-тӥ арын южтолэзёзь);
• Сулимов Даниил Егорович (1926-тӥ арын южтолэзьысен—1927-тӥ арын южтолэзёзь);
• Шверник Николай Михайлович (1927-тӥ арын южтолэзьысен—1929-тӥ арын толшорозь);
• Кабаков Иван Дмитриевич (1929-тӥ арын толшорысен—1934-тӥ арын толшорозь).

Урал облисполкомлэн тӧроосыз

• Сулимов Даниил Егорович (1923-тӥ арын толсурысен—1926-тӥ арын южтолэзёзь);
• Локацков Филипп Иванович (1926-тӥ арын южтолэзьысен—1928-тӥ арын тулыспалозь);
• Кабаков Иван Дмитриевич (1928-тӥ арын тулыспалысен—1929-тӥ оштолэзёзь);
• Ошвинцев Михаил Константинович (1929-тӥ оштолэзьысен—1933-тӥ шуркынмонозь);
• Головин Василий Фёдорович (1933-тӥ шуркынмонысен—1934-тӥ арын толшорозь).

Валэктонъёс

Литература

• Сборник статистических сведений по округам Уральской области, образовавшимся на территории Екатеринбургской губернии / Комиссия по районированию Екатеринбург. губ. исполн. ком. Советов. — Екатеринбург, 1923. — 51 с.
• Округ и район в Уральской области / А. И. Вайнштейн. — М.: Финансовое издательство, 1925. — 206 с.
• Список населенных пунктов Уральской области. Тома I—XVI / Орготд. Уралоблисполкома, Уралстатупр. и окр. исполкомов. — Свердловск , 1928.
• Районы Уральской области: схематические характеристики районов и округов, основные статистические показатели, карты районов и округов / Д. М. Бобылев. — Свердловск: Издание Орготдела Уралоблисполкома и Уралстатуправления, 1928. — 396 с.
• О. А. Константинов. Уральская область. — Москва, Ленинград: Гос. изд-во, 1929. — 207 с.
• История Урала. 2-е изд. / под ред. И. С. Капцуговича. — Пермь: Кн. изд-во, 1977. — 542 с.
• А. В. Бакунин, Ю. А. Буранов, Р. Г. Пихоя и др. История народного хозяйства Урала. Ч. 1. — Свердловск, 1988. — 251 с.
• Советы и другие общественные организации / Э. М. Щагин. — М.: Прометей, 1989. — 189 с.
• Административно-территориальное деление Тюменской области (XVII—XX вв.) / под ред. В. П. Петрова. — Тюмень, 2003. — 304 с. — ISBN 5-87591-025-9.