Иж заводъёсын кивалтӥсьлэн юртэз
| Калык юрт | |
| Генерал юрт, Иж заводъёсын кивалтӥсьлэн юртэз | |
|---|---|
 | |
| 56°50′48″ с. ш. 53°11′52″ в. д.GЯO | |
| Кар | Ижысь Милиционной ульчаысь 4-тӥ юрт |
| Архитектурной стиль | Классицизм |
| Архитекторез | И. Т. Коковихин[1] |
| Юртэз пуктэмын | 1854—1857 аръёс |
Генерал юрт (озьы ик «Заводъёсын кивалтӥсьлэн юртэз»)[2] Ижысь Милиционной ульчаысь 4-тӥ юртын интыяськемын, Удмурт Элькунысь историяя но архитектурая синпелетъёс пӧлы пыре[3][4]. Шундыӝужан паласен юрт Ижысь М. Горький нимо гужем садэ учке, сое азьвыл «Генерал сад» нималлязы.
Историез
Та юртъерез Иж заводлэн кивалтӥсезлы но семьяезлы улон вылысь 1854-тӥ—1857-тӥ аръёсы И. Т. Коковихинлэн проектэзъя Иж тыметлэн ӝужыт ярдураз вуж пу корка бервылэ пуктӥзы[4][5]. Излэсь юрт ӝутыны заводлэн арендаторез Г. И. Стандершельд коньдон висъяз. Комплексэ пырись сооружениос кык этажъем вӧл-вӧл особняклы укшаллязы, отын вал кык флигельёсыз, улоно коркаез, мунчоез, вал гидэз, курег вордон карез, оранжереяез[6]. 1808-тӥ арын 28-тӥ коньывуонэ Иж завод Военной министерствое сётэмын вал бере, заводлэн вань кивалтӥсьёсыз генералъёс луизы. Таин валче ик юртэз «Генерал юрт» нимазы[7].
Юртъерлы фундамент плита кадь паськыт, вылаз бут кылдэм излэсь ӝутэмын. Корт липетыз но флигельёсыз пурысь буямын вал, нош юртъерлэн педлось из борддоръёсыз нап-ӵуж буямын, чеберъям архитектурной люкетъёсыз тӧдьыамын вал. Юртъерысь ваньмаз сямен висъетъёсаз пужым пуос вӧлдэмын, нош кыкетӥ этажысь пыронэз, кабинетэз, залэз но кунокуаез паркетлэсь лэсьтэмын вал[7][4].
1887-тӥ арын Иже вуэм Великий князьёс Михаил Николаевич но Сергей Михайлович Романовъёс асьсэ свитаен Генерал юртын шутэтскизы[7].
1895-тӥ арын 25-тӥ коньывуонысен юртын химияя лаборатория усьтӥзы, отын заводлэн соку кивалтӥсезлэн Яков Козьмич Поповлэн Попова, Вера Евстафьевна кузпалыз ужалляз, дибензилкетон веществоез эскерылӥз, опытъёс лэсьтылӥз. 1896-тӥ арын 25-тӥ оштолэзе со Генерал юртын реактивъёс пуштэмен но отравлениен сэрен улонысь кошкиз[7][8].
XIX даурлэн пумаз Береговой ульча ласянь юртлэн пулэсь чеберъям балюстрадаез, пужыятыса вӧлэм колоннаосыз но бадӟымесь укноосыз вал. Веранда пыр лымшор палась флигеле сюрыны луэ вал, отысен мерттэм аспӧртэм будосъёсын тол садэ сюрыны луылӥз[7].
1918-тӥ арын гудырикошконысен шуркынмонозь Генерал юртын Ижысь большевикъёслы пумит ӝутӥськемъёслэн штабзы интыяськылӥз, подвалъёсаз адямиосты курадӟытон камераос вал[9][10][11]. Бугыръяськисьёсты вормемзы бере, юртын Учредительной собранилэн комитетэзлэн ёзчиосыз но Ижысь Чрезвычайной комиссия ужаны ӧдъязы[12][13].
1919-тӥ арын Генерал юртэ Ижысь Ревком интыяськиз, 1920-тӥ арысен 1925-тӥ арозь юртын коммунистъёслэн клубзы ужаз, татын партсобраниос ортчытъязы[4][9]. 1921-тӥ арын Генерал юртын Артём революционер улӥз[6].
1931-тӥ арын 10-тӥ оштолэзе Генерал юртын Ижысь педагогикая институт усьтӥськиз, отын историяя но литературая ёз гинэ кылдытэмын вал. Со аре ик юртын Историяя, кылъя но литературая НИИ ужаны кутскиз[6].
Быдӟым Атыкай ож вакытэ Генерал юртын госпиталь (1941-тӥ—1943-тӥ аръёсы) но 22 номеро школалэн кӧня классъёсыз (1943-тӥ—1945-тӥ аръёсы) ужаллязы[9][6]. Тылож йылпумъяськем бере пӧртэм вакытъёсы юртын гараж, сберкасса, суредаськисьёслэн мастерскойёссы, прокуратура интыяськылӥзы[6].
1957-тӥ арысен юртын ӝог эмъюрттэт сётонъя огез пунктэз ужаз[14][6].
Туала югдур
2013-тӥ арысен Генерал юртын Ижкарлэн историезъя музей интыяськемын[7][6].
Галерея
Юрт борды шундыпуксён палаз историзэ тодэ вайытӥсь пул шуккемын
Юрт борды шундыпуксён палаз историзэ тодэ вайытӥсь пул шуккемын
Милиционной ульчаысен тусыз
Чугунлэсь балкон
Кыкетӥ этажысь интерьер
Валэктонъёс
- ↑ Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 237. — 540 с. — 300 экз. — ISBN 978-5-901304-62-4.
- ↑ Полное наименование объекта культурного наследия: «Дом начальника заводов, где с 1917 г. по 1921 г. находился клуб коммунистов и где перед партийно-профсоюзным активом выступали видный деятель партии Ф. А. Сергеев (Артём) и председатель ВЦИК М. И. Калинин»
- ↑ Объекты культурного наследия (памятники истории и культуры) регионального (Удмуртской Республики) значения
- ↑ 1 2 3 4 Постановление Совета Министров Удмуртской АССР № 115 от 25.03.1968
- ↑ Селивановский, 2015, с. 38.
- ↑ 1 2 3 4 5 6 7 Кобзев И. И. «Дворянское гнездо» // Картинки старого Ижевска: Фотокнига. — Ижевск: Удмуртия, 2020. — С. без номеров страниц. — 176 с. — 500 экз. — ISBN 978-5-7659-1132-7.
- ↑ 1 2 3 4 5 6 Елена Кардопольцева Прошлое Генеральского дома: гости из династии Романовых и оранжерея с пальмами [ӟуч] Сетевое издание IZHLIFE. ООО «Радио - Инвест». Эскеремын 2020-10-11 арын
- ↑ Шумилов, 1998, с. 88—89.
- ↑ 1 2 3 Селивановский, 2017, с. 332.
- ↑ Шумилов, 2007, с. 107.
- ↑ Шумилов, 1998, с. 245.
- ↑ Шумилов, 2007, с. 55.
- ↑ Шумилов, 1998, с. 209.
- ↑ Селивановский, 2017, с. 332—333.
Литература
- Шумилов Е. Ф. Город на Иже, 1760—2000 : Историческая хроника с прологом и эпилогом в двух томах, повествующая о славных традициях и драматической истории столицы Удмуртии. — 2-е изд., дополненное и переработанное. — Ижевск : Издательство «Свиток», 1998. — 400 с., 26 с. ил. — 10 000 экз. — ISBN 5-89296-006-4.
- Шумилов Е. Ф. Два века «Ижмаша». Т. 2: Завод заводов, 1917—2007. — Ижевск: Ижмашпринт, 2007. — 707 с. — 2000 экз. — ISBN 5-8980-091-X.
- Селивановский С. Н. Старый Ижевск. События и люди в объективе фотографов / рецензент И. И. Кобзев. — 3-е издание, исправленное. — Ижевск: КнигоГрад, 2015. — 292 с. — 100 экз. — ISBN 978-5-9631-0309-8.
- Селивановский С. Н. Старый Ижевск. События и люди в объективе фотографов. Часть 2 / науч. ред. А. В. Коробейников. — Ижевск: КнигоГрад, 2017. — 379 с. — 100 экз. — ISBN 978-5-9631-0615-0.
.svg)