Ижкар (промышленность)
Ижкар — Удмурт Республикалэн шоркарыз, Россиысь городъёс пӧлысь тужгес кужмоез. Татын нуналысь нуналэ ужало промышленностья 50-лэсь ятыр бадӟым предприятиос. Котькудӥз выре ас удысэзъя: машина поттон, пӧртэм тӥрлыкъёс-арбериос дасян, корт ӵыжатон но мукет.
1929-тӥ арын Ижын нырысьсэ пуктӥзы мартен, нош 1934-тӥ арын — ТЭЦ-1. 1930-тӥ арын кутскиз токарно-винторезной станокъёсты дасян. Быдӟым ож кутскытозь, татын ог 36 пумо станок кылдытэмын вал. 1932-тӥ арын городын мотоцикл бичаны кутскизы.
Машина спортлы но пӧйшуранлы чаклам ыбылӥськон тӥрлык поттӥз:
- АО «Ижмаш»
- ГП «Механический завод»
- «Ижсталь» ― (90 сюрслэсь трос пӧртэм корт арбериос поттылӥзы)
- Буммаш ― Бумага поттон завод. Та заводлэсь оборудованизэ ас ужазы кутылӥзы пӧртэм кунъёс: Болгария, Франция, Чехия, Словакия, Польша, Китай но мукет.
- «Аксион» огазеяськон ― нырысь мотоцикл бичалляз, Быдӟым ож вакытэ басьтӥськиз «Максим» пулемётъёсты дасян борды. 1950-тӥ аръёсы удыссэ нош воштӥз — йӧнатӥськонлы, космослы чаклам аппаратъёс, магнитофонлы кассетаос лэсьтылӥз.
- «Радиозавод» ― кутскиз ожгар тӥрлык, инэз эскеронъя приборъёс поттыны. 1966-тӥ арын завод Америкаысь «Моторола» огазеяськонэн огкыл тупатӥз. Озьы Радиозавод телефонъёс дасян борды кырмиськиз.
- «Редуктор» ― 1908-тӥ арын усьтӥськем ужан ӧрзэ герӟаз редукторъёс, мотоблокъёс бичанэн.
- «Нефтемаш» ― мувӧй кысконъя тӥрлык поттӥз.
- Ижысь пластмасс завод ― хими промышленностез валтӥз завод.
Дӥсь вуронъя фабрикаос:
Сиён-юон поттон удысын