Ижысь пластмасс завод
| Ижысь пластмасс завод | |
|---|---|
 | |
 | |
| Типез | Акционер огазеяськон |
| Кылдэм арез | 1972 |
| Интыяськемез |
 Россия  Ижкар |
| Валтӥсь адямиос | Барашенков Игорь Васильевич (валтӥсь директор) |
| Удысэз | Химияя промышленность |
| Поттэм вузэз (бизнес) | Пластмасса |
| Ужасьёслэн лыдзы | 801 |
| Сайт | «Ижысь пластмасс завод» АО-лэн сайтэз |
«Ижысь пластмасс завод» АО («ИЗП» АО)— совето но росси промышленной предприятие, шукыятэм полиэтиленлэсь вуз поттэ. Интыяськемын Ижкарын.
Историез
Завод СССР-ысь Министръёслэн Кенешсылэн 1972-тӥ арын 31-тӥ куартолэзе кутэм ПП-7738 номеро пуктэтэзъя кылдытэмын. Предприятие Химияя промышленностья министерствое пырылӥз. Завод нырысь-валысь Ижысь машиностроительной заводлы спутник луись завод сямен кылдытэмын вал, валтӥсь цехъёсыз пӧлы пырылӥз. Уно аръёс ӵоже атыкай автопромлэн вузэз Ижысь пластмасс завод понна инъет луылӥз[1].
1974-тӥ арын Hennecke фирмалэн (Германия) комплект тӥрлыкез вылын чурытос но эластичной формаен пенополиуретанъёсты лэсьтыны кутскиз, озьы ик автомобильёслэсь салонзэс чеберъян чурытос но интегральной пенополиуретанъёслэсь арбериос, автомобильёслы пуконъёс пушкы тырон небыт вуз поттыны ӧдъязы.
1980-тӥ арын заводын обороная комплексэ пырись предприятиослы юрттон понна полиуретан эластомеръёсты промышленной амалэн поттыны кутскизы. Бронялэсь танк техникалы но ожгар кужымъёслэсь личной составзэс туала ожъёсын пӧртэм пуштӥсь ожтӥрлыклэсь утён понна полиуретанъёсты поттон радъямын вал. Та уж Афганистанын ожмаськон аръёсы тужгес но азинскиз.
1980-тӥ—1982-тӥ аръёсы термопластъёслэсь кисьтэм тӥрлыкъёсты поттонэз радъязы — удысын таиз огез паськытэз луэ.
1985-тӥ арысен заводын пенополиэтилен листъёсты вурон амалъя лэсьтыны ӧдъязы. Sekisui Chemical, Co. фирмалэсь (Япония) та ужан амал кутэмын, солэсь ик тӥрлык но вуттэмын[2]. Туннэ та материал Россиын но, кунгож сьӧрын но Изолон (Isolon) марка улсын тудмо луэ[3]. Шукыятэм Изолон полиэтилен шунытэз, вуэз, парез, куараез огдыре кутэ. Материалэз вань удысъёсын уже кутыны луэ: лэсьтӥськон, машиностроение, автомобиль лэсьтон, упаковка, сиён-юон поттон промышленность, пыдкутчан поттон но ортопедия промышленность, эмъян, спорт, туризм[4].
1989-тӥ арын Россиысь выль ИЖ-2126 «Орбита» автомобильлы комплект тӥрлык поттон борды басьтӥськизы. Пенополиуретан лэсьтонъя 4 линиос пуктэмын (соос пӧлын Италиысь «Галино» фирмалэн тӥрлыкеныз ужась 3 линия), вакуумен формаос лэсьтонъя 2 линиос (Венгрия) но мукет тӥрлык.
1993-тӥ арын — завод усьтэм акционер огазеяськон луиз. 1997-тӥ арын предприятиын выльдӥськон ортчиз, полиолефинъёсты поттонэз паськытатӥзы. 1999-тӥ арын пенополиэтиленэз вуронъя но пачкатонъя выль участокъёс кылдӥзы, отчы атыкай тӥрлык вуттӥзы.
2000-тӥ арын — вурымтэ пенополиэтиленлэсь Изолон НПЭ маркаен пачкатэм амалъя вуз лэсьтон линия усьтэмын.
2001-тӥ арын — калыккуспо ISO стандартъя сертификация пыр потӥз. Ижысь пластмасс завод калыккуспо сертификациен вырись Buerau Veritas (Великобритания) огазеяськонлэсь сертификатсэ басьтӥз. ISO 9001:2000 сертификат басьясьёслы гарантия сётэ, производствоысь вань ужъёс но, озьыен, поттоно вуз но калыккуспо куронъёслы быдэсак тупало.
2004-тӥ арын 1-тӥ шуркынмонэ Ижысь пластмасс заводлэн директоръёсызлэн кенешсылэсь тӧрозэ Николай Востриковез виизы[5].
2006-тӥ арын предприятиын шукыятэм амал вылын лэсьтэм «Изолонтейп» маркаен лякиськись лентаос поттыны ӧдъязы. Туала тӥрлыклы луыса, пӧртэм зӧкталаё пенополиэтиленлэсь одӥг палаз но кык палаз лякиськись лентаос лэсьтыны луэ[6].
2007-тӥ арын производствоез йылтон но басьясьёслэсь куронъёссэс быдэстон понна предприятиын инъетъёзо амалэн вурем пенополиэтилен лэсьтонъя ватсаса линия лэземын. Данакез тӥрлык уно пумо ИЗОЛОН поттыны юрттэ, кылсярысь, векчи маркаем вуз, тазэ Европаын туж кулэ каро.
2011-тӥ арын кужмысь но химия ласянь вурем Изолон поттонъя выль линия пуктӥзы но производствоез радъязы, Изолонтейп участокын вандонъя выль линиос усьтэмын[7].
2012-тӥ арын «Ижысь пластмасс завод» ОАО Isolon ним улсын пӧяськыса ужась мукет фирмаослэсь материалэз утён выль амал шедьтӥзы[8].
2014-тӥ арын Ижысь пластмасс завод «Россиысь 100 устоез вуз» ӵошатсконын диплом басьтӥз.
2015-тӥ арын «EcoHeat» марка улсын выль вуз поттыны но сое умоятыны ӧдъязы.
2016-тӥ арын «Ижысь пластмасс завод» АО ӟечлыко менеджмент системаысь калыккуспо ISO 9001:2008 стандартъя инспекцияя аудит пыр потӥз.
Вуз поттон
Туннэ завод Россиын но СНГ-ысь кунъёсын шукыятэм полиолефинэз но вурем пенополиэтиленэз поттӥсь огез кужмоез предприятие луэ[9]. Вурем пенополиэтиленэз поттӥсьёс пӧлын рынокын «ИЗП» АО 65 процентсэ лэсьтэ[10]. Поттэм вузэз 3 сюрслэсь ятыр пумо[11].
Ижысь пластмасс завод Россиысь пӧртэм пумо шукыятэм пенополиолефинэз поттӥсь но огез кужмоез предприятие луэ. Удмурт Элькунысь Промышленностья но энергетикая министерстволэн ӵектонэз вылэ пыкиськыса, огазеяськон «Россиысь валтӥсь промышленной предприятиос» йӧскалык реестре пыртэмын[12]. Заводын 801 мурт тырше.
Производство калыккуспо ISO 9001:2008 стандартъя сертификация пыр потӥз[13].
Валэктонъёс
- ↑ Ижевский завод пластмасс. 35 лет большой химии в Удмуртии>[1] Архивная копия от 23 пӧсьтолэзе 2015 на Wayback Machine// Известия Удмуртской республики, № 189(3201, 20 декабря 2007
- ↑ История завода>[2] Архивная копия от 29 куарусёнэ 2013 на Wayback Machine
- ↑ Знаменитые бренды-история появления бренда Изолон>[3] Архивная копия от 15 куартолэзе 2013 на Wayback Machine
- ↑ Описание материала изолон> Архивированная копия Эскеремын 2012-11-15 арын
- ↑ 1 ноября годовщина трагической гибели Николая Вострикова.
- ↑ Описание материала Изолонтейп> Архивированная копия Эскеремын 2012-11-15 арын
- ↑ История ижевских заводов>[4]
- ↑ "Ижевский завод пластмасс" разработал способы защиты материала Isolon от поделлок
- ↑ Предприятие химической промышленности УР>[5] Архивная копия от 5 шуркынмонэ 2012 на Wayback Machine
- ↑ Выручка АО «Ижевский завод пластмасс» по итогам 2011 года выросла на 18 %>[6] Архивная копия от 25 куартолэзе 2012 на Wayback Machine//udm-info.ru
- ↑ Годовой отчёт за 2011 год>[7] Архивная копия от 29 куарусёнэ 2013 на Wayback Machine
- ↑ Национальный Реестр "Ведущие промышленности России>[8] Архивная копия от 4 оштолэзе 2015 на Wayback Machine
- ↑ Сертификат ISO >[9] Архивная копия от 21 оштолэзе 2013 на Wayback Machine