Лыдӟиськы, Иж
| Лыдӟиськы, Иж! книга фестиваль | |
|---|---|
| фестиваль[d] | |
| Радъясьёс | Ижкарысь Некрасов нимо лыдӟиськонни |
| Кутсконэз | 2013 |
| Ортчытон ӵемлыкез | арлы быдэ |
| Кайтаез ортчоз | 2024 арын 13-15 куарусёнэ |
| Ортчытон интыез | |
| Ортчытон интыез | |
| Кар | Ижевск |
| Кун | Россия |
«Лыдӟиськы, Иж!» ӟуч: "Читай, Ижевск!", вакчиятэм нимыз «ЧИЖ!» ― Удмурт Элькунысь книгалы но лыдӟиськонлы сӥзем тужгес бадӟымез улос фестиваль. Ортче арлы быдэ сӥзьыллэн кутсконаз, куарусён толэзе. Кӧня ке нунал ӵоже радъясько: ярмаркаос, адӟытонъёс, концертъёс, лекциос но авторъёсын, книгапоттӥсьёсын, иллюстраторъёсын но книга блогеръёсын тунсыко пумиськонъёс[1]. Татчы пырисько Удмуртиысь сяна, быдэс Россиысь ӧтем тодмо гожъяськисьёс. Ужрад огазея карысь вань лыдӟиськонниосты, книга поттонниосты, книга гожъясьёсты но лыдӟиськыны яратӥсьёсты.
Ужрад сярысь
«Лыдӟиськы, Иж!» фестивальлэн пусэз ― ӵужчечег ӟуч: чиж ― ӟуч нимызлэн нырысь букваосызъя кылдытэмын[2]. Ужрад «Кар фестиваль» шуыса нимаське ке но, та выллем ужрадъёс элькунысь пӧртэм ёросъёсын ортчыло.
Нырысь-валысь та фестиваль радъямын вал карысь лыдӟиськонниосы калыкез кыскон муген, берло вакытэ ужрадлэн ужпумъёсыз паськытазы. Табере та фестивальлы луыса, калык тодматске интыысь гожъяськисьёсын, выль книгаосын но туала литератураен[3].
«ЧИЖ»-лэн темаез арлы быдэ вошъяське, кылсярысь, 2016-тӥ арын фестивальлэн концепциез «кино» темаен герӟаськемын вал[4].