Долбушина но Пугач

Долбушина но Пугач
Огъя тодэтъёс
Жанр	инди-рок, ӟуч рок, блюз-рок, выль тулкым, пост-панк, альтернативной рок, поп-крезьгур
Кун	Россия Россия
Кылдон интыез	Ижкар
Кылыз	ӟуч, англи, удмурт
Лейбл	Geny Records
Составез	Мария Норкина Глеб Санников Юрий Васильев Александр Липатов Марсель Шаяхметов
Медиафайлъёс РувикиМедиа пушкын

«Долбу́шина но Пугáч» (аббревиатура ДоиПу; ӟуч: Долбушина и Пугач) — росси рок-группа, сое 2013-тӥ арын кылдытӥзы Глеб Санников но Илья Баталов. Коллектив «ВекЧеловеКа» нимо иж рок-группалэн инъетэз вылын пӧртэм крезьгуро коллективъёслэсь люкамын.

Историез

Группа «ВекЧеловеКа» нимо иж рок-группалэн инъетэз вылын пӧртэм крезьгуро коллективъёслэсь кылдытэмын. Выль проект бордын ужамзы нырысетӥ араз ик Кружка. ROCKS фестивальын вормон вайиз, «Радиостанции» нимо нырысетӥ синглзэс гожтӥзы.

Валтӥсь проектсы бордын тыршем сяна, «Долбушина но Пугач» экспериментъёс борды басьтӥськыны дӥсьто, асьсэлэсь кырӟанъёссэс удмурт кылын быдэсто.

2015-тӥ арын иж крезьгуро чемпионатын группаез Леонид Бурлаков (Земфиралэн но Мумий Тролльлэн нырысетӥ продюсерез) синйылтӥз, собере ДоиПу Муское Александр Кушнирлэн «Индюшата» фестиваляз мынӥзы. Тани ма вераз Леонид Бурлаков ArteFAQ клубын группалэн кырӟам-шудэмез пумысен: «Индюшата» предвыборной ӵошатсконэз мытӥзы, — аслаз аккаунтаз пусйиз Бурлаков. — Ӝытлы йылпумъянъёсъя мынам быръёнэ: «Долбушина и Пугач» но «Киндzа!!!».

Та сюрес крезьгурчиослы мылкыд сётӥз «Ты не выключаешь!» нимо нырысетӥ пичи альбомзэс гожтыны, солы луыса Долбушина но Пугач быдэс кунын ортчылӥсь фестивальёсы пыриськыны ӧдъязы. 2016-тӥ арын 13-тӥ толшоре группа Старый Новый Рок фестивальын хедлайнеръёслэн сетазы пичи сцена вылын быгатонлыкъёссэ возьматӥз.

2015-тӥ арын 31-тӥ толсуре группалэн «Лучший друг» кырӟанлы клипез потӥз. 2017-тӥ арын солы рецензия гожтӥзы «Сансара» группалэн фронтменэз Александр Гагарин но Владимир Шахрин (группа «Чайф» группа).

2016-тӥ арын тулыс улосъёсысь радиостанциосын группалэсь кырӟанъёссэ мыло-кыдо бергатыны ӧдъязы — Радио Максимум Самара, Экспресс-радио Орёл, Восток России но мукетъёсыз (быдэс кунысь 20-лэсь уно радиостанциос). Быдэс ар ӵоже группа RadioRadioлэн хит-парадаз юн возиськиз.

Группаез «Охота 64» бичетэ пыртон азьын Bomba-Piter inc. компаниез кылдытӥсь Олег Грабко таӵе рецензия сётӥз: «Егитъёс кыстӥсько вазь ритм-блюз борды, солэн американ акцентэныз (Grand Funk Railroad, Ten Years After, etc), гитараен секыт риффъёсыныз, брейкъёсыныз, солягъёсыныз но медитативной блюзэныз (тужгес но „Закрой мои глаза“ кырӟанын). Оглом группа профессионал луэ, лэйкатыса шудэ но юн шӧдэ ритмикая суредлэсь сетказэ. Ритм секцилы респект».

Гужем пумын «Долбушина но Пугач» Экспресс радиолэн «Охота на дичь» конкурсэзлэн финалаз пыриськизы, кылзӥсьёс но экспертъёс умой дунъет сётӥзы, соос пӧлын Алевтина кырӟась но Дмитрий Спирин, СМС куара сётонлэн йылпумъянъёсызъя, 2-тӥ инты басьтӥзы.

2016-тӥ ар пумысен группаен ужа выль менеджер — Елена Вишня (ДДТ группалэн PR-Manager).

2017-тӥ арын 27-тӥ толсуре ДоиПу Своё Радиоысь Семён Чайкалэн «Живые» программаяз пыриськиз. Та передачаын пӧртэм вакытъёсы куноосыз вал Louna, Крематорий но мукет тодмо коллективъёс.

2017-тӥ арлэн нырысетӥ палараз группа Revolution Moscow 2017 фестивальлэн быръён туръёсаз пыриськиз но финалозь вуиз, кытын со 6-тӥ инты басьтӥз но дунъясьёслэсь нимысьтыз приззэс утӥз.

13-тӥ коньывуонэ группаысь вокалистка RADIO IMAGINE-лэн ӝыт шоуаз пыриськиз. 2017-тӥ арын 18-тӥ коньывуонэ ДоиПу нырысьсэ ассэ адӟытӥз кунгож сьӧрысь El Último Agave барселона барын пичигес акустикая сетэн.

2017-тӥ арын 11-тӥ шуркынмонэ «Долбушина но Пугач» «Говорит Москва» радиоысь «МузЛитература» программалэн куноез луиз, нош 22-тӥ но 24-тӥ шуркынмонэ Своё Радиоысь «Живые» программаын но НИКА TV телеканалысь «ПроLIVE» программаын кык «улэп» концерт сётӥз.

2018-тӥ ар группа понна кутскиз «Выставка самокатов» нимо кыкетӥ альбомез гожтон бордысен, озьы ик Наше Радиолэн (Пермь) эфираз «Живая Пятница» передачае пыриськыса. Выль альбомысь «Опять снишься» трек Наше радиолэн НАШЕ 2.0 программаяз сюриз.

2020-тӥ арын I AM STUDIO Records студиын гожтэмын «Я — беларус!» сингл, со Белоруссиын пуромем пумит ӝутсконъёслэн огез гимнэз луиз. Кырӟанлэн премьераез ортчиз Максим Кацлэн Youtube-каналысьтыз «Беларусиcь быръёнъёслэн зэмос емышъёссы» (ӟуч: Реальные результаты выборов в Беларуси) видеояз.

2023-тӥ арысен группалэсь трекъёсыз кутӥсько Максим Кацлэн «Жила-была Россия» шоу-спектакляз.

2024-тӥ арын «Моя планета» нимо сингл потӥз.

Своё Радиоын

Группае пырисьёс

• Глеб Санников — гитара, крезьгур, текстъёс, аранжировка, вокал, бэк-вокал;
• Мария Норкина — вокал, гитара, клавишаос, крезьгур;
• Юрий Васильев — гитара, крезьгур;
• Александр Липатов — бас;
• Марсель Шаяхметов — ударнойёс;

Мукет пыриськисьёс

• Илья Баталов, Александр Воробьев — ударнойёс;
• Юлия Гаврилова — вокал;
• Алексей Морозов — бас;
• Светлана Третьякова — флейта, бэк-вокал;
• Евгений Ястребов — сауд-продюсер;
• Юлия Заводчикова — скрипка.

Дискография

Крезьгур

Бичетъёс

Нимыз	Потэм арез
Кружка. ROCKS («Радиостанции» кырӟан)	2014
Bomba-Piter inc. «ОХОТА-64» («Закрой мои глаза» кырӟан)	2016
Bomba-Piter inc. «ОХОТА-84» («Опять снишься» кырӟан)	2018

Сольной альбомъёс

Нимыз	Потэм арез
Ты не выключаешь!	2015
Пропаганда гомосексуализма (сингл)	2016
Опять снишься (сингл)	2018
Выставка самокатов	2018
Я — беларус!	2020

Видео

• 2015-тӥ арын — Кружка ROCKS;
• 2016-тӥ арын — Live at FM STUDIO, режиссёрез — Глеб Санников;
• 2017-тӥ арын — «Лучший друг» кырӟанлы клип, режиссёрез — Глеб Санников;
• 2017-тӥ арын — Своё радио. «Живые» программа (27.02.17);
• 2017-тӥ арын — Revolution Moscow 2017 финал, режиссёрез — Глеб Санников;
• 2017-тӥ арын — Своё Радио. «Живые» программа (22.11.17);
• 2017-тӥ арын — НИКА TV. ПроLIVE программа;
• 2018-тӥ арын — Наше Радио Пермь. «Живая Пятница» программа (02.03.18).

Валэктонъёс

Литература

Публикациос

• Мария Захарова. «Лапочки» и «Долбуши»: кто играет на «Старом новом роке»? [ӟуч] // етв. — 2016. — 13 января.
• Sputnikmusic Dolbushina and Pugach. Ty Ne Vyklyuchayesh' [ӟуч]. — 2017.

Чӧлсконъёс