Бекмеметьев, Олег Николаевич

Википедиысь материал
Олег Николаевич Бекмеметьев
Флаг
Ижкарлэн йырыз
Флаг
2018-тӥ арын 19-тӥ коньывуонэ — 2023-тӥ арын 5-тӥ куарусёнозь
Вордӥськемын 3-тӥ южтолэзе 1968({{padleft:1968|4|0}}-{{padleft:3|2|0}}-{{padleft:3|2|0}}) (58 лет)
Глазов
Дышетскемез Ижысь механикая институт
Логотип РУВИКИ.Медиа Медиафайлъёс РувикиМедиа пушкын

Олег Николаевич Бекмеметьев (ворд. 3-тӥ южтолэзе 1968, Глаз, Удмурт Автономной Советской Социалистической Республика, СССР) — росси кун ужась, 2018-тӥ арын 19-тӥ коньывуонысен 2023-тӥ арозь Ижкарлэн йырыз. 2023-тӥ арын 5-тӥ куарусёнэ Ижкар Думаысь депутатъёс карлы выль йыр бырйизы. Со Дмитрий Чистяков луиз[1].

Улон сюресэз

Ижысь механикая институтэз «Импуль тепловой машинаос» специальностья, озьы ик Росси Федерациысь Вузкаронъя министерстволэсь Россиысь кунсьӧрын вузкаронъя академиез  [ӟуч] (удм. «Дуннеысь экономика» специальностья йылпумъяз/

1993-тӥ арысен 2015-тӥ арозь Чепца механикая заводын тыршиз, инженер-технологысен, палэнын вузкаронъя группаеныз кивалтӥсьысен директорлэн экономика но коньдон ужпумъёсъя воштӥсез, валтӥсь директорлэн палэнын кусып тупатонъя но инфраструктураез азинтонъя воштӥсез дорозь будӥз

2012-тӥ арысен 2015-тӥ арозь Удмурт Элькунысь Кун Кенешысь депутат вал. 2015-тӥ арын куарусёнэ Глазовлэн йырыз луиз[2].

2018-тӥ арын 18-тӥ коньывуонэ Ижкарлы йыре быръемын. Таӵе пумкыл Ижкар Думаысь депутатъёс азьвыл чакламтэ сессия дыръя юнматӥзы. Бекмеметьевлэн кандидатураез понна 38 депутатъёс пӧлысь 37-ез куаразэ сётӥз[3].

2023-тӥ арын 26-тӥ пӧсьтолэзе Олег Бекмеметьевез Ижысь Индустриальной ёрос суд корказ арест улэ пуктӥз. 2023-тӥ арын 22-тӥ куарусёнэ Удмуртилэн шоркарысьтыз суд сое кык толэзьлы пытсэт сьӧры келяз. Олег Бекмеметьев ужудысаз полномочиосты тӥян кык фактъёс понна янгыше уськытэмын (ч. 2 ст. 285 УК РФ)[4].

2024-тӥ арын 23-тӥ толшоре Ижысь Индустриальной ёросысь суд Олег Бекмеметьевез эшшо кык толэзьлы ӝегатӥз. Адвокатэз дораз лэзьыны но корказ арест улын возьыны куриз вал, Бекмеметьев адӟисьёс вылэ зӥбыны но пеганы уг меды шуыса. Озьы ке но пытсэт сьӧрын пуконзэ 2024-тӥ арын 24-тӥ южтолэзёзь юнматӥзы[5]. Бератаз арестэз нош ик азинтэмын вал, экс-чиновник кечат-вамат корт сьӧры 2024-тӥ арын 25-тӥ пӧсьтолэзёзь кельтэмын[6]. 2025-тӥ арын 19-тӥ инвожое Башкириысь Нефтекамскысь кар суд Ижкарлэн азьвыл йырызлэн ужезъя вещественной доказательствоосты эскериз. Суд дась Олег Бекмеметьевлэн ужезъя адӟисьёслы допрос лэсьтыны[7].

Данъетъёсыз но дано нимъёсыз

Валэктонъёс

  1. ↑ Ижевск открывает нового главу, Коммерсант (5 куарусёнэ 2023). Эскеремын: 14 пӧсьтолэзе 2025 арын.
  2. ↑ Новый глава Ижевска Олег Бекмеметьев: биография [ӟуч], susanin.news. Эскеремын: 14 пӧсьтолэзе 2025 арын.
  3. ↑ Екатерина Остина. Любит хоккей и имеет две «вышки»: 7 фактов о новом главе Ижевска [ӟуч], IZH.KP.RU. Эскеремын: 14 пӧсьтолэзе 2025 арын.
  4. ↑ Экс-мэра Ижевска поместили под стражу из-за нарушения условий домашнего ареста, Коммерсант (22 куарусёнэ 2023). Эскеремын: 14 пӧсьтолэзе 2025 арын.
  5. ↑ Суд продлил меру пресечения экс-главе Ижевска Олегу Бекмеметьеву, https://udm-info.ru (23 толшоре 2024). Эскеремын: 14 пӧсьтолэзе 2025 арын.
  6. ↑ Верховный суд Удмуртии оставил под стражей экс-главу Ижевска Олега Бекмеметьева, udm-info.ru (4 инвожое 2024). Эскеремын: 14 пӧсьтолэзе 2025 арын.
  7. ↑ Суд в Нефтекамске изучил доказательства и готов к допросам по делу Олега Бекмеметьева [ӟуч], Udm-info.ru. Эскеремын: 14 пӧсьтолэзе 2025 арын.
«https://udm.ruwiki.ru/w/index.php?title=Бекмеметьев,_Олег_Николаевич&oldid=507871»-ысь басьтэмын