Калыкъёслэн Эшъяськон юртсы
| Чеберлыко инты | ||
| Калыкъёслэн Эшъяськон юртсы | ||
|---|---|---|
| ӟуч: Дом дружбы народов | ||
 | ||
| 56°50′23″ с. ш. 53°14′37″ в. д.GЯO | ||
| Кун | ||
| Интыяськемез | Ижкар, Орджоникидзе нимо урам, 33а номеро юрт | |
| Архитекторез |
Я. А. Корнфельдт[1] |
|
| Валтӥсь датаос | ||
| Сайтэз | udmddn.ru | |
|
|
||
 Медиафайлъёс РувикиМедиа пушкын | ||
Калыкъёслэн Эшъяськон юртсы (ӟуч: Бюджетное учреждение Удмуртской Республики «Дом дружбы народов») — Удмурт Элькунысь калыккуспо но улоскуспо валчеужанъя этнокультурной, социальной, информационно-методической центр[2]. Интыяськемын Ижкарысь Первомай ёросын Орджоникидзе нимо урамын.
Историез
1961-тӥ арын 1-тӥ Май нимо завод клублэн инъетэз вылын пуктэмын Механикая заводлэн «Октябрь» Культура Дворецез[3][1]. 2003-тӥ арын выльдыса, со юрт Удмуртиысь Йӧскалык порлитикая министерстволы сётэмын[1].
.jpg)
2003-тӥ арын Удмурт Элькунлэн коньдэтэз сярысь катэ ужъюртэз кылдытон сярысь ватсэт пыртэмын вал. 2007-тӥ арын Эшъяськон юртлэн Уставез юнматэмын. Культура юрт кылдытэмын Удмуртилэн Росси кунэ пыремез дырысен 450 ар тырмонлы сӥзем ужрадъёс улсын.
2008-тӥ арын ДК «Октябрьлэн» юртэз К. Ш. Галиханов но И. Н. Казаринова архитекторъёслэн проектсыя выльдэмын. Огъя быдӟалаез 6 сюрс м²[4]. Сӥё-дано усьтон ужрад ортчытэмын 2008-тӥ арын 2-тӥ куарусёнэ[5]. 2011-тӥ арын Удмурт Элькунысь Калыкъёслэн Эшъяськон юртсы нимо кун ужъюртлэн нимыз воштэмын вал. Таберо со Удмурт Элькунысь Калыкъёслэн Эшъяськон юртсы нимо бюджет ужъюрт луиз.
Эшъяськон юртлэн нырысетӥ директорез вал Р. А. Горяинов, 2009-тӥ арысен 2015-тӥ арозь ужъюртэн кивалтӥз А. В. Шуклин[4]. 2015-тӥ арын 1-тӥ куарусёнысен кивалтӥз Т. П. Боталова. 2023-тӥ арын 10-тӥ толшорысен директоре юнматэмын Шахтина Юлия Германовна[6].
Пушкыз
Бӧлетъёс:
- Сӥё-дано ужрадъёс ортчытъян зал (300 инты);
- Крезьгуро салон;
- Конференц-зал;
- Пӧртэм ужрадъёс ортчытъян зал (200 инты);
- Банкетной зал (160 инты);
- Репетициос ортчытъян зал;
- Бракосочетаниос ортчытъян зал[4].
Подразделениос:
- Калык лулчеберетлы сӥзем ёзэт;
- Калыккуспо но финн-угор кусыпъёсъя ёзэт;
- Учебно-методической ёзэт;
- Информационно-издательской ёзэт;
- Социокультурной ужпумъёсъя ёзэт.
Эшъяськон юртын радъяськыло адӟытонъёс, пӧртэм вожвылъяськонъёс, йӧскалык политика удысь конференциос. Татын ас вакытаз ортчиз Удмуртиысь калыкъёслэн III Конгрессы, егитъёслэн этнокультуразылы сӥзем «Палэзян» II финн-угор фестиваль, «Гербер» удмурт йӧскалык шулдыръяськон[7], сямлы пӧрмем калыккуспо Выль ар[8] но мукет бадӟым ужрадъёс.
Валэктонъёс
- ↑ 1 2 3 Загребин, 2012, с. 148.
- ↑ Дом дружбы народов [ӟуч] Городской портал. Эскеремын 23.09.2025 арын
- ↑ Туганаев, 2008, с. 515.
- ↑ 1 2 3 Загребин, 2012, с. 168.
- ↑ Бюджетное учреждение Удмуртской Республики «Дом Дружбы народов» [ӟуч] Министерство Национальной политики УР. Эскеремын 22.09.2025 арын
- ↑ Директором Дома Дружбы народов УР назначена Юлия Шахтина [ӟуч] Министерство Национальной политики УР (10.01.2023). Эскеремын 22.09.2025 арын
- ↑ Наталья Грачёва Дом дружбы народов в Ижевске может стать Центром дружбы всех регионов страны [ӟуч] Аргументы и факты. Удмуртия. Эскеремын 22.09.2025 арын
- ↑ Наталья Грачёва Старую сказку на новый лад сыграли в Ижевске татары, евреи, удмурты, армяне и марийцы [ӟуч] Аргументы и факты. Удмуртия. Эскеремын 22.09.2025 арын
Литература
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — 540 с. — 300 экз. — ISBN 978-5-901304-62-4.
Чӧлсконъёс
- Дом Дружбы Народов [ӟуч] «Дом дружбы народов». Эскеремын 22.09.2025 арын
- Государственное задание БУ УР «Дом Дружбы народов» [ӟуч] Министерство Национальной политики УР. Эскеремын 22.09.2025 арын
- Дом дружбы народов в Удмуртии – один из лучших в России [ӟуч] Finugor.ru. Эскеремын 22.09.2025 арын
- Удмуртия - территория дружбы народов [ӟуч] vk.com. Эскеремын 23.09.2025 арын