Балакин, Виктор Васильевич

Виктор Васильевич Балакин
«Ижкар» муниципал кылдытэтлэн йырыз
2005 — 2010
Азьпалчиез	ачиз ик Ижкарлэн мэрез чотын
Бӧрысьчиез	Ушаков Александр Александрович
Вордӥськемын	26-тӥ оштолэзе 1947({{padleft:1947|4|0}}-{{padleft:4|2|0}}-{{padleft:26|2|0}}) (79 лет) Балаки гурт, Камбарка ёрос, УАССР
Дышетскемез	Ижысь механикая институт
Данъетъёсыз

Ви́ктор Васи́льевич Бала́кин (ворд. 26-тӥ оштолэзе 1947, Балаки, Михайловка гурт поселение) — удмурт политик но калык ужась, мэр, отӥяз Ижкарлэн йырыз сямен (2001—2010) тодмо луэ.

Улон сюресэз

1970-тӥ арын Ижысь механикая институтэз (али — Ижысь М. Т. Калашников нимо техникая кун университет) «Машиностроениысь технологиос, кортэз вандӥсь станокъёс но тӥрлык» ӧнеръя йылпумъяз. Ижысь машиностроительной заводын ужан сюрессэ мытӥз, отын старшой инженерозь будӥз; 1979-тӥ арысен мотоцикл поттонъя партийной организациын тыршиз.

1990-тӥ арын Ижкарысь Калык депутатъёслэн кенешазы быръемын, тӧролэн воштӥсез луиз, 1991-тӥ арысен — тӧро. 1994-тӥ арын Ижкарлы вице-мэре юнматӥзы. 1997-тӥ арын РФ-ысь Президентлэн указэныз Росси Федерациысь Президентлэн Удмурт Элькунын оскем муртэз луиз.

2001-тӥ арын 21-тӥ коньывуонэ Ижкарлы мэре быръемын. 2001-тӥ арын 1-тӥ шуркынмонэ ужудыссэ официально азинтӥз.

Та удысэз ньыль ар ӵоже валтытозяз, элькунлэн шоркараз трос ӟеч воштӥськонъёс ортчизы: кар ёзъёсын рос-прос ужан вылысь умой сӧзнэт кылдытэмын, калыкен кусып тупатэмын но «вазиськон» радъямын, карез экономика ласянь тупен-тупен азинтон борды басьтӥськемын.

2005-тӥ арын коньывуонэ выль уставен валче «Ижкар» муниципал кылдытэтлы йыре быръемын, со дыре ик Ижкар Думалэн тӧроез но вал. Интыосысь аскивалтон ёзъёслэн таӵе структуразы муниципалитет азьын сылӥсь ужпумъёсты котыр ласянь сэрттыны-пертчыны луонлык сётӥз.

Та аръёс ӵоже Ижын калыклы юрттэт сётонъя пӧртэм программаос ӟеч быдэсъяськизы, тужгес но — улон-вылонын утьымтэ муртъёслы. Азьвыл «пытсам» Ижкар инвесторъёс понна оскымон но бордаз кыскись луиз. Ижысь предприятиослэн партнёр луись компаниоссы пӧлы дуннеысь 70 кунъёс пыризы. Ижкар Европаысь Кенешлэн интыысь но улосысь кивалтӥсьёслэн конгрессазы шедиз (1994), таӵе калыккуспо программаосы но проектъёсы пыриськиз: «Тазалыко каръёс» (Тазалыкез утёнъя дуннеысь огазеяськон), «Лулчеберет куспо каръёс» (Европаысь Кенеш но Европаысь Комиссия), «Уралысь каръёс» (Муниципал кылдытэтъёслэн ассоциацизы), Россиысь историысь каръёслэн но улосъёслэн огазеяськонзы, «Ӵыжы-выжы каръёс» калыккуспо ассоциация но мукет.

Виктор Васильевич Удмуртилэсь шоркарезлэсь туссэ ӟеч ласянь выльдон понна трос лэсьтӥз, арлы быдэ ортчылӥсь «Иж — сяськаясь кар» адӟытон-конкурслы ӵектонэн потӥсь луиз.

2010-тӥ арын сӥзьыл, Ижкар Думае быръёнъёс ортчем бере, мэрысь кошкиз. 2011-тӥ ар кутсконын Удмуртиын выль кылдэм Калыкез кышкытлыклэсь утёнъя министерствоез валтыны ӧдъяз. 2014-тӥ арын куартолэзе, Удмуртилэн Тӧроез воштӥськемен валче кадръёсты выльдон огыр-бугыр вакытэ, отставкае кошкон пумысен куриськон гожтӥз, куриськонзэ 12-тӥ куартолэзе. 10-тӥ пӧсьтолэзе Балакинлы Удмурт Элькунысь Кун Кенешысь буш депутат мандат сётӥзы. 2017-тӥ арын Удмуртиысь Кун Кенешлэн выль ӧтчамаз ӧз сюры ни.

Данъетъёсыз но дано нимъёсыз

• Эшъяськонлы сӥзем орден;
• «За трудовую доблесть» медаль;
• Россиысь калыкез лыдъян-чотанэз ортчытонын ӟеч тыршемез понна;
• Удмурт Элькунысь Правительстволэн Данъян грамотаез;
• Удмурт Элькунлэн Данъян грамотаез;
• Удмурт Элькунысь кун но муниципал службаысь дано ужась;
• Удмурт Элькунлэн Кун премиезлэн лауреатэз;
• Ижкарлэн Дано муртэз.

Семьяез

Кузпалъяськемын. Кык пиосыз.

Валэктонъёс

Чӧлсконъёс

• Балакин Виктор Васильевич [рус.], udmgossovet.ru. Эскеремын: 27 пӧсьтолэзе 2025 арын.
• Удмуртская республика: Энциклопедия / гл. ред. В. В. Туганаев. — Ижевск : Удмуртия, 2008. — Т. 2-е изд., испр. и доп. 2200 экз.. — С. С. 197. — 767 с.. — ISBN ISBN 978-5-7659-0486-2.