Россия - луонлыко кун

«Россия – луонлыко кун» - автономной коммерческой луисьтэм огазеяськон
Типез	автономной коммерческой луисьтэм огазеяськон
Кылдытэмын	2018-тӥ арын
Кылдытӥз (ы)	Президентлэн ужёсызъя Управление[d]
Интыяськемын	Россия Россия: 123112, Москва, Станиславский нимо урам, 21с3 номеро юрт, 1-тӥ этаж
Валтӥсь муртъёс	Андрей Бетин (генеральной директорез, ректор), Алексей Комиссаров (правленилэн тӧроез)
Отын ужасьёс	693 (11.01.2024)
Сайтэз	rsv.ru

Россия — луонлыко кун (ӟуч: Россия — страна возможностей (АНО)) — Россиысь автономной коммерческой луисьтэм огазеяськон. Чакламын кадровой, мерлыко но дышетон ужпумъёсын герӟаськем федерал но калыккуспо проектъёсын ужанлы.

«Россия — луонлыко кун» коммерческой луисьтэм огазеяськонъёс пӧлы пыртэмын. Со огазеяськонъёсысь выт тырисьёслэсь конкурсъёсын, вожвылъяськонъёсын, мукет ужрадъёсын басьтэм грантъёс, премиос но кузьымъёс понна выт уг басьтӥськы. «Россия — луонлыко кун» федерал проект «Егитъёс но нылпиос» йӧскалык проектэ пыртэмын.

Огазеяськонлэн кылдэмез

2017-тӥ арын коньывуонэ Егитъёслэн но студентъёслэн XIX дунне фестивальзы улсын Тӧролэн администрациезлэн кивалтӥсезлэн нырысетӥ воштӥсез Сергей Кириенко «Россия — луонлыко кун» огъя площадкаен тодматӥз, со сӥземын кивалтон элитаез выльдонлы но волонтёрстволы юрттонлы.

2018-тӥ арын 13-15-тӥ южтолэзе Москваын «Россия — луонлыко кун» огъя росси форум ортчиз. Отчы пыриськизы Росси Федерацилэн Президентэз Владимир Путин, Росси Федерациысь промышленностья но вузкаронъя министр Денис Мантуров, Россия Федерациысь энергетикая министр Александр Новак, Мусколэн мэрез Сергей Собянин но мукетъёсыз. Ужрадэ шаерысьтымы вань ёросъёсысь 6 сюрслэсь ятыр мылкыд карисьёс пыриськизы.

«Россия — луонлыко кун» автономной коммерческой луисьтэм огазеяськон («РСВ» АНО) кылдытэмын Росси Федерацилэн Президентэзлэн Владимир Путинлэн косэтэзъя 2018-тӥ арын 22-тӥ куартолэзе . РСВ-лэн уставезлэн 11-тӥ пунктаз огазеяськон быгатӥсь егитъёслэсь проектъёссэс азинтыны юрттыны но выль пайдалыко социальной лифтъёс кылдытыны сӥземын, шуыса пусъемын.

2018-тӥ арын «Россия — луонлыко кун» огъя платформаын «Малпанъёсты быдэстӥсь кыз» проектлы кутскон сётэмын вал.

Огазеяськонлэн кивалтон ёзъёсыз

«РСВ» АНО -лэн чаклась кенешез, кудӥныз кивалтэ Россилэн президентэз Владимир Путин, «РСВ» АНО -лэн коллегиальной вылӥ кивалтӥсь ёзэз луэ. РСВ" АНО -лэн генеральной директорез — РСВ" АНО -лэн единоличной быдэсъясь ёзэз луэ.

2019-тӥ арысен 2024-тӥ арын толсурозь огазеяськонлэн генеральной директорез вал Росси Федерацилэн Президентэз улсын кун службая но калык хозяйствоя росси академилэн проректорез, кун кивалтонъя вылӥ школалэн директорез Алексей Комиссаров. 2025-тӥ арысен Алексей Комиссаров, РАНХиГС-лэн ректорез луэ но «РСВ» АНО-лэн правлениеныз кивалтэ.

2024-тӥ арын толсурысен генеральной директоре юнматэмын Андрей Анатольевич Бетин. Со сяна, со «Кивалтонъя „Сенеж“ мастерской» нимазъям подразделенилэн ректорез луэ.

Огазеяськонлэн ужудысэз

Платформа 2018-тӥ арысен ужа ни, та дыр куспын отчы Россиысь 89 улосъёсысь но дуннеысь 150 кунъёсысь адямиос пыриськизы. Платформалэн проектъёсаз, вожвылъяськонъёсаз но олимпиадаосаз пыриськон юрттэ огкадь малпанъёсын адямиосты шедьтыны но пайдаё тодматсконъёс кылдытыны, вузъёсы пырыны яке стажировкаез ортчыны, уж шедьтыны, карьераез азинтыны, грант утыны, быгатонлыкъёсты юнматыны яке кивалтон сямъёсты азинтыны юрттӥсь личной наставник шедьтыны. Площадкаын пӧртэм арлыдъем но пӧртэм тунсыкъяськонъёсын адямиос понна ӵектосъёс но вожвылъяськонъёс дэмламын. Отчы быгато пыриськыны вань мылкыд карисьёс — школаын дышетскисьёс бордысен кутскыса, бадӟым опытэн кивалтӥсьёс дорозь, узкопрофильной но ужась ужудысъёсъя ӧнерчиос, кадровой резервысь муртъёс но отчы шедьыны малпасьёс.

«Сенеж» кивалтонъя мастерской

«Россия — луонлыко кун» АНО улсын ужа кивалтонъя «Сенеж» мастерской — дышетон центр, со интыяськемын Муско улосысь Солнечногорск карын. Отын дышетско площадкалэн проектъёсаз но вожвылъяськонъёсаз пыриськисьёс, егитъёс, озьы ик кивалтӥсьёс но кун уж быдэсъясьёс.

Мастерской пӧртэм дышетон но егитъёслы сӥзем ужрадъёслы площадка луэ. «Сенежын» арлы быдэ ортче «Территория смыслов» нимо форум.

Андрей Бетин 2023-тӥ арын тулыспалэ «Россия — луонлыко кун» АНО-лэн генеральной директорезлы воштӥсе но кивалтонъя «Сенеж» мастерскойлы ректоре юнматэмын.

Росси азьветлӥсьёслэн «Эльбрус» клубзы

2018-тӥ арын куарусёнэ кивалтонын ужасьёс куспын «Россиысь азьветлӥсьёс» вожвылъяськонын вормисьёс пӧлысь кӧняез ке Россилэн тужгес вылӥ интыяз — Эльбрус гурезь йылэ тубазы но кун азьын сылӥсь мерлыко ужпумъёсты сэрттон-пертчон понна сыӵе нимын ик клуб кылдытӥзы. «Эльбрус» клублэн ёзчиосыз — «Россиысь азьветлӥсьёс» вожвылъяськонлэн вормисьёсыз но финалистъёсыз луо, озьы ик кивалтонъя кадровой резерв программаосы пыриськисьёс. Клублэн валтӥсь ужпумез — Россиын шаерез азинтон понна ответственной кивалтон механизмъёс кылдытон.

Компетенциосъя центръёс

Шаерысьтымы азьмынӥсь вузъёслэн инъетсы вылын «Россия — луонлыко кун» платформа Компетенциосъя центръёсты азинтэ, кудъёсаз студентъёс надпрофессиональной компетенциосъя диагностикаосты ортчо но пайдалыко мер но карьера ласянь будыны луонлык басьто. Проектэ ог дасо компаниос пырисько, кудъёсыз кутскись ӧнерчиослы опыт басьтыны луонлыкъёс сёто.

2025-тӥ арлы чаклам проектъёс

1. «„Россия — луонлыко кун“ премия» проект — 2023-тӥ арысен.
2. «Профразвитие» проект — 2022-тӥ арысен.
3. «ТопБЛОГ» огъя росси проект — 2020-тӥ арысен.
4. «Флагманы образования» проект — 2021-тӥ арысен.
5. «СпортТрек» проект — 2024-тӥ арысен.
6. «Мынам шаере — мынам Россие» проектъёсъя огъя росси ӵошатскон— 2019-тӥ арысен.
7. «„Технологиосъя йӧскалык олимпиада“ школаын дышетскисьёслы междисциплинарной огъя росси олимпиада» проект.
8. Урам искусствоосъя «КАРДО» конкурс-премия — 2022-тӥ арысен.
9. «Ӟеч иворъёс» проект (конкурс)— 2025-тӥ арысен.
10. «Студентъёслэн „Мон — профессионал“ огъя росси олимпиадаязы пыриськемъёсты постконкурсной сопровождение#ЯПроКарьеру» проект — 2025-тӥ арысен.
11. «Case-In калыккуспо инженерной чемпионат» проект — 2019-тӥ арысен.
12. «Россиысь азьветлӥсьёс» кивалтонын ужасьёс куспын ӵошатскон — 2018-тӥ арысен.
13. «Со милям семейной» ӵошатскон— 2022-тӥ арысен.
14. «„Другое Дело“ азинсконъя программа» проект — 2021-тӥ арысен.
15. «Россиысь азьветлӥсьёслэн „Эльбрус“ клубзылэн дэменлыкез» проект — 2024-тӥ арысен.
16. «Мынам ужудысэ — ИТ» огъя росси ӵошатскон — 2025-тӥ арысен.
17. «Россиез выль сямен усьтӥськом» ӧнерлыко ӵошатскон— 2022-тӥ арысен.
18. «Россиысь дышетон огазеяськонъёсын кивалтон компетенциосты дунъян но азинтон» проект — 2024-тӥ арысен.
19. «Тынад вамышед» студентъёслэн огъя росси ӵошатсконзы— 2021-тӥ арысен.
20. «Мон — профессионал» студентъёслэн огъя росси олимпиадазы — 2018-тӥ арысен.

Президент платформалэн 2018-2024-тӥ аръёслы чаклам проектъёсыз

• «Гожъяськом вуоноез сярысь» — Россилэн выль улосъёсысьтыз: Донецкой Народной Республикаысь, Луганской Народной Республикаысь, Запорожье но Херсон улосъёсысь 14-18 аресъем школьникъёслы но студентъёслы ӵошатскон.
• «Спасибо, братцы!» проект сӥземын Донецкой но Луганской Народной Республикосысь студентъёслы, кудъёсыз мобилизация улсын 2022-тӥ арын тулыспалэ военной службае басьтэмын но демобилизовать каремын выль улосъёслэн Россилэн пуш пӧлаз пыремзы бере.
• «Экософия» проект.
• Мынам нырысетӥез ужбергатонэ — 18 арес тырмымтэ ужбергатӥсьёс понна калыккуспо ӵошатскон.
• Россиысь доброволец — добровольческой проектъёсъя огъя росси ӵошатскон.
• «РДШ — аскивалтон территория» — школаын дышетскисьёс понна образовательной конкурс.
• Менеджментъя «Управляй!» кубок — кивалтонын ужасьёс понна бизнес-шудон форматэн ӵошатсон.
• «Егит ӧнерчиос союз („Ворлдскиллс Россия“)» — кадръёсты дасян ӟечлыкез ӝутонлы сӥзем проект..
• «Вожатойёслэн лигазы» — вожатойёс куспын ӧнер быгатонлыкъёсъя огъя росси ӵошатскон.
• Бизнес-навигатор МСП — ужбергатӥсьёс понна дунтэк онлайн-ресурс.
• Тау карон акция «Благодарю» — калыккуспо мерлыко ужрад.
• Юрттэт сётонъя «Мечтай со мной» проект — кылдытэмын секыт висись нылпиослы но арлыдоослы юрттэт сётон вылысь.
• Азинлыко челлендж «Россия — луонлыко кун» — мерлыко огъя росси акция (быдэстэмын).
• Case-in —топливно-энергетической ужпумъёсты быдэстонъя калыккуспо чемпионат
• Россиысь студентъёслэн тулыссы — студент творчествоез азинтон понна чакламын.
• «Арлэн тужгес устоез мерлыко проект» ӵошатскон — РФ субъектъёсын пичи но шоро-куспо ужбергатон но коммерческой луисьтэм огазеяськонъёс понна чакламын.
• Арлэн студентэз — вузъёсын но ӧнерлыко дышетон ужъюртъёсын дышетскись студентъёс понна.
• Вуоно дырысь дышетӥсь — дышетӥсьёслэсь командаоссэс азинтонъя но соослы юрттонъя проект.
• Культурной код — суредаськисьёслы чаклам творческой проект- огъя росси ӵошатскон.
• Егитъёслэн кичӧлтонъёссыя грантовой ӵошатскон — дышетон, творческой, мерлыко проектъёсъя.
• Профстажировки.рф — инженерно-технической но ужась удысъёсъя дышетскем студентъёслы чаклам образовательной проект.
• «Абилимпикс» — сӧсыр муртъёс но ляб зтазалыко муртъёс куспын ӧнерлыко быгатонлыкъёсъя йӧскалые чемпионат.
• «Дизайн-марафон» ӵошатскон.
• «Россиез выль сямен усьтӥськом» НИУ ВШЭ-осын уртче радъям ӧнерлыко ӵошатскон.
• «Мечтательлэн индексэз» ӵошатскон.
• ИТ-специалистъёслы, дизайнеръёслы но цифровой экономика удысысь кивалтӥсьёслы «Цифровой прорыв. Сезон: Искусственной интеллект» огъя росси ӵошатскон.
• «Куно пумиттаны усточиос» проект.
• «Кутскы шудыны» огъя росси ӵошатскон.

Кивалтӥсьёс

• Андрей Анатольевич Бетин — генеральной директор, Кивалтонъя «Сенеж» мастерскойлэн ректорез.
• Геннадий Евгеньевич Гурьянов — генеральной директорлэн нырысетӥ воштӥсез.
• Алексей Геннадиевич Комиссаров — Правленилэн тӧроез.
• Оксана Ивановна Ачкасова — генеральной директорлэн воштӥсез.
• Дмитрий Юрьевич Гужеля — генеральной директорлэн воштӥсез.
• Никита Евгеньевич Никитин — генеральной директорлэн воштӥсез.
• Марина Михайловна Ершова — корпоративной директор.
• Татьяна Ивановна Дьяконова — проектъёсъя вормисьёсын ужан удысэн кивалтӥсь (общественной уж).
• Михаил Владимирович Гусев — маркетингъя но аналитикая директор.
• Михаил Фёдорович Соловьев — закупкаосъя но правовой сопровождения директор.
• Александра Васильевна Фролова — ужасьёсын кивалтонъя директор.

Тунсыко зэмослыкъёс

• «Россия — луонлыко кун» президент платформалэн «Цифровой прорыв» ӵектосэзлэн хакатонэз, дуннеысь тужгес бадӟымез хакатон луыса, Гиннеслэн рекордъёсын книгаяз пыртэмын.
• «Россия — луонлыко кун» президент платформалэн «Мастера гостеприимства» ӵектосэз но «Таврида» арт-кластер Сириусын ортчем Всемирном фестивале молодёжи егитъёслэн дунневыл фестивалязы «Йӧскалыкъёслэн тужгес бадӟымез эшъяськон хороводзы» номинациын дуннеысь рекорд пуктӥзы — отчы 150-лэсь трос кунъёсысь 2 сюрс пала егитъёс пыриськизы.
• Президент платформаын ужасьёс Алексей Комиссаров, Андрей Бетин но Никита Киосев 2024-тӥ арын куарусёнэ президент быръёнъёсын Владимир Путинлэн оскем муртъёсыз луизы.
• Владислав Даванков, 2024-тӥ арын ортчем президент быръёнъёсын Россилэн президентэз ужоскетэ регистрировать карем кандидат вал, 2018-тӥ арысен 2021-тӥ арозь «Россия — луонлыко кун» президент платформалэн генеральной директорезлэн воштӥсез луыса ужаз.
• Алексей Агафонов, «Россия — луонлыко кун» АНО-лэн генеральной директорезлэн нырысетӥ воштӥсез, 2025-тӥ арын южтолэзе генеральной директорлы воштӥсе но Ужбергатонъя СберУниверситет школалы кивалтӥсе юнматэмын.

Валэктонъёс