Егитъёс но нылпиос (йӧскалык проект)

Википедиысь материал
«Егитъёс но нылпиос» йӧскалык проект
Нацпроект Молодёжь и дети.jpg
Кутскемын 2024-тӥ арын
Йылпумъямын 2036-тӥ арын
Кулэлыкез «Росси Федерациысь 2030-тӥ арозь но вуоноезлы 2036-тӥ арозь чаклам йӧскалык ужпумъёсты азинтон сярысь» 309 номеро косэт
Проектэ пыриськемъёс 50 млн адями
Пайдалыкез

Нылпиослэн «Движение первых» нимо огазеяськонзы улсын 6942 ужрадъёс ортчытэмын;

Егитъёслэсь дунне фестивальзэс радъянэ 20 сюрс адями кыскемын;
Быдтосъёс йӧскалык проектлэн огъя бюджетэз – 3,7 трлн манет
Радъясьёсыз:

New Emblem of the Ministry of Education and Science of Russia.png Россиысь Просвещениея министерство

Rosmolodez.png Егитъёсын ужанъя федерал агентство

Middle emblem of the Ministry of Defence of the Russian Federation (21.07.2003-present).svg Россиысь Обороная министерство

National Guard of Russia.svg Росгвардия

«Егитъёс но нылпиос» йӧскалык проект Россиысь Президентлэн Владимир Путинлэн 2024-тӥ арын 7-тӥ куартолэзе юнматэм «Росси Федерациысь 2030-тӥ арозь но вуоноезлы 2036-тӥ арозь чаклам йӧскалык ужпумъёсты азинтон сярысь» 309 номеро указэзъя улонэ пыӵа[1]. Ӵектон огъя дышетон федерал программаез, кулэ луись инфраструктураез кылдытон, патриотизм мылкыдэз бугыртон-пыӵатон понна малпамын[2][3]. Сое быдэстон понна Просвещениея министерство  [ӟуч] (удм., Росмолодёжь  [ӟуч] (удм., Обороная министерство но Росгвардия кыл куто[4]. Проектэ 50 миллион муртэ кыскыны чакламын[5]. Огъя бюджетэз — 3,7 трлн манет[6].

Ужпумъёс

Россилэн Президентэз Кивалтэт азе ужпум пуктӥз 2030-тӥ арлы вань пиналъёслэсь, быдэ вуымтэослэсь, егитъёслэсь быгатонлыкъёссэс шараян но азинтон, азьланяз асьсэлы профессия вазь ик бырйыны юрттон ужпумъёсты быдэстыны[3]. Со сяна, ужпумъёс пӧлын: патриотизм мылкыдэз пыӵатон, та улонын асьсэды шедьтыны юрттон, будон программаосы кыскем егитъёслэн лыдзы 75,1 % луыны кулэ; калык уже ас мылкыдзыя кыскемъёслэн лыдзы 45,8 % луыны кулэ; Россилэн азинскон луонлыкъёсызлы оскись егитъёслэсь лыдзэс 85 % вуттыны кулэ; Россиысь дышетонниосын но наукая огазеяськонъёсын визь люкась кунгож сьӧрысь студентъёслэсь лыдзэс 500 сюрсозь вуттоно[3].

Кивалтэтлэн Тӧроезлэн воштӥсез Дмитрий Чернышенко: «Егитъёс но нылпиос» йӧскалык проект бадӟым аудиторилы чакламын. Со 50 миллион адямилэсь ятыр яке кунысь одӥг куиньмос люкетэз улӥсьёс луэ, нош ӵектосэ пыриськисьёсты — анай-атайёсты, дышетӥсьёсты но нодъясьёсты — санэ басьтоно ке, вань кунмуртъёс пӧлысь ӝыныез луэ.

Со дыре ик пусъемын: Россиысь сяме пыӵам йылолъёсты но дунлыкъёсты азинтӥсь но утись лулчеберет, искусство но калык творчество удысысь вань проектъёс пӧлысь 80 % быдэстыны кун коньдон висъя[3]. 2025-тӥ арын йӧскалык проектэз улонэ пыӵатыны чакламын 458 138,3 млн манет, 2026-тӥ арын — 547 375,6 млн манет, 2027-тӥ арын — 550 342,1 млн манет[7].

2025-тӥ арын йӧскалык проектэз быдэстон вылысь кун 458 миллион манет висъяз (2025)

Йӧскалык проект улсын усточи нылпиослы 12 валтӥсь школаос усьтыны, 8 сюрс школаосты выльдыны, экономикаысь валтӥсь удысъёслы ужась профессиосъя 2 миллион егит ӧнерчиосты дасяны, егитъёслы 800 лабораториос усьтыны но 50 азьмынӥсь инженер школаос кылдытыны, 25 университет кампусъёс пуктыны но 800 огъяулонниос лэсьтыны чакламын[8].

Федерал ӵектосъёс

«Егитъёс но нылпиос» йӧскалык проектэ пыртэмын таӵе ӵектосъёс:

  • «Россия – луонлыкъёслэн кунзы»;
  • «Ми ӵош»;
  • «Россия дуннеын»;
  • «Вань умоез – пиналъёслы»;
  • «Валтӥсь школаос»;
  • «Дышетӥсьёс но нодъясьёс»;
  • «Туала кампусъёслэсь герд лэсьтон»;
  • «Азьмынӥсьёслы университетъёс»;
  • «Профессионалитет»[3];
  • «Приоритет-2030»[9].
«Профессионалитет» программая ог 2 миллион ужась ӧнерчиосты дасяны чакламын (2025)

Быдэстон

2025-тӥ арын южтолэзьлы «Егитъёс но нылпиос» йӧскалык проектэн валче таӵе вормонъёс басьтэмын:

  • Нылпиослэн «Движение первых» нимо огазеяськонзы улсын 6942 ужрад ортчытэмын;
  • Егитъёслэсь дунне фестивальзэс ортчытонэ 20 сюрс мурт кыскемын;
  • «Вузэ онлайн амалэн пырон» сервислэн инъетэз вылэ пыкиськыса, кунгож сьӧрысь студентлэн огъя цифровой профилез кылдытэмын;
  • Россиысь улосъёсын 12 усто школаосты огъя герӟетэ юнматэмын;
  • шоро-куспо профессиональной дышетон удысын тодон-валанэз муромытонъя но производствоя центръёс кылдытэмын;
  • егитъёслы 940 лабораториос усьтэмын[6];
  • «Гуртысь дышетӥсь» программа улсын 7 500 дышетӥсьёс огпол сётӥськись выплата басьтӥзы;
  • дышетӥсьёслы классэн кивалтэм понна 800 сюрс выплатаос тыремын[3].
«Егитъёс но нылпиос» йӧскалык проектлэн огъя бюджетэз 3,7 триллион манет (2025)

Ватсам ивор

2025-тӥ арын 5-тӥ инвожое ӟуч кылэз утён но азинтон кун политикаез улонэ пыӵатон Кенешлэн заседанияз Россилэн Президентэз Владимир Путин «Пушкинской карта» выллем ик «Нылпи книжной карта» кылдытыны ӵектӥз[10].

Валэктонъёс

  1. ↑ Национальный проект «Молодежь и дети» [ӟуч]
  2. ↑ Стали известны подробности национального проекта «Молодёжь и дети», skillbox.ru (20.03.2025). Эскеремын: 21 южтолэзе 2025 арын.
  3. ↑ 1 2 3 4 5 6 Национальный проект «Молодёжь и дети» - Правительство России [ӟуч]
  4. ↑ Национальный проект «Молодежь и дети» [ӟуч]
  5. ↑ Дмитрий Чернышенко обсудил с депутатами Государственной Думы национальный проект «Молодёжь и дети» [ӟуч]
  6. ↑ 1 2 Дмитрий Чернышенко обсудил с депутатами Государственной Думы национальный проект «Молодёжь и дети» [ӟуч]
  7. ↑ На нацпроект "Молодежь и дети" в 2025 году планируют выделить 458 млрд рублей, TACC (30.09.2024). Эскеремын: 21 южтолэзе 2025 арын.
  8. ↑ Нацпроект «Молодежь и дети» дополнен инструментами модернизации важнейших сфер жизни нашей страны, Аналитический центр при Правительстве Российской Федерации. Эскеремын: 21 южтолэзе 2025 арын.
  9. ↑ Вузы – участники программы «Приоритет-2030» оптимистично оценивают развитие науки в России
  10. ↑ Заседание Совета по реализации госполитики в сфере поддержки русского языка и языков народов России, Президент России (05.06.2025). Эскеремын: 5 инвожое 2025 арын.
«https://udm.ruwiki.ru/w/index.php?title=Егитъёс_но_нылпиос_(йӧскалык_проект)&oldid=506716»-ысь басьтэмын