Инсьӧр (йӧскалык ӵектос)
| «Инсьӧр» йӧскалык ӵектос | |
|---|---|
 | |
| Кулэлыкез | Россилэн азьмуртэзлэн Владимир Путинлэн распоряжениез |
| Быдтосъёс | 750 млрд манет |
«Инсьӧр» йӧскалык ӵектос Россилэн Президентэзлэн Владимир Путинлэн косэмезъя 2025-тӥ арын кичӧлтэмын[1]. Со Росси Федерацилэсь спутниковой группировкаоссэ но йӧскалык орбитальной станцизэ кылдытон, герӟетъёсъя инсьӧр сервиссэ но ядерной космической энергетиказэ азинтон, кыдёкысь инсьӧрез пыр-поч эскерон но кадръёсты дасян ласянь кема дырлы пуктэм ужпумъёсты пусъе[2].
Историез
Москваысь Бауман нимо техникая кун университетын 2025-тӥ арын 16-тӥ оштолэзе ортчем космической удысэз азинтонъя кенешонын Владимир Путин «Инсьӧр» йӧскалык ӵектос кылдытыны кулэ шуыса ивортӥз:
…Та кулэлыко удысын асьме малпанъёсмы кунмылэн азьмынӥсь космической держава исторической инлыкезлы тупась луыны кулэ[2].
Россилэн Президентэз йӧскалык ӵектос удысэз азинтонъя огдырлы но кема дырлы планъёсты огазеяны кулэ шуыса пусйиз:
- пӧртэм ужпумъёсъя асьмелэсь трос спутникъем группировкаосмес кылдытон;
- йӧскалык орбитальной станциез кылдытон;
- ядерной космической энергетикаез азинтон;
- «инсьӧр буксир» кылдытон;
- кыдёкысь инсьӧрез пыр-поч эскерон;
- «Спектр-РГ» орбитальной обсерваторилэн инлыкез вылын, Вселеннойлэсь рос-прос картазэ лэсьтон[2].
Йӧскалык ӵектослэн технологи ласянь вормонъёсыз экономикаез выльдон но улосчиослэсь улон-вылон ӟечлыксэс ӝутон понна валтӥсь кужым луыны кулэ шуыса пусъемын[2].
Йӧскалык ӵектослы коньдон висъян 2026-тӥ арлы но берло аръёслы федерал коньдэтэз юнматон улсын чакламын[2].
Финансирование
2025-тӥ арын куартолэзе Росси Федерацилэн кивалтэтэз ӵектослы уксёен юрттон вылысь 2028-тӥ арозь коньдэтысь 1 трлн манет чакламын, нош азьланяз 2036-тӥ арозь — 4,5 трлн пала[3].
Федерал проектъёс
«Инсьӧр» йӧскалык ӵектосэ федерал программаос пыртэмын:
- «Инсьӧр иворлыко технологиосты котыр ласянь азинтон»;
- «Азинлыко инсьӧр системаос но сервисъёс»;
- «Россилэсь космической ядерной энергетиказэ азинтон»[4].
Пумкылъянъёс
Йӧскалык ӵектослэн валтӥсь параметръёсыз сярысь вераськыку, таӵе решение кутэмын вал:
- 2030-тӥ арозь орбитальной группировкаослэсь спутникъёссэс 1,2 сюрс единицаозь будэтоно;
- Россиысь космодромъёсысь лэзьянъёслэсь огъя лыдзэс араз 56-озь будэтоно;
- 2027-тӥ арын кун орбитальной станциез уже кутыны кутсконо;
- 2030-тӥ арозь та удысын ужасьёслэсь лыдзэс 40 сюрсозь будэтоно;
- удысужлэсь пайдалыксэ 1,5 поллы будэтоно[4].
Валэктонъёс
- ↑ Путин анонсировал скорое утверждение нового нацпроекта по космосу - Газета.Ru | Новости, Газета.Ru (16.04.2025). Эскеремын: 17 оштолэзе 2025 арын.
- ↑ 1 2 3 4 5 Совещание по вопросам развития космической деятельности, Президент России (16.04.2025). Эскеремын: 17 оштолэзе 2025 арын.
- ↑ Новости. Михаил Мишустин: в доработанный нацпроект по космосу войдут прорывные направления
- ↑ 1 2 Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года» [ӟуч]
