Кадръёс (йӧскалык проект)

Википедиысь материал
«Кадръёс» йӧскалык проект
Рабочие, занимающиеся ремонтом помещения.jpg
Кутскемын 2024-тӥ арын
Кулэлыкез Владимир Путин Президентлэн киӵолэмезъя улонэ пыӵа
Сайтэз национальныепроекты.рф

«Кадръёс» — Россиысь Президентлэн Владимир Путинлэн кичӧлтэмезъя улонэ пыӵась йӧскалык проект[1]. Нырысьсэ шараямын 2024-тӥ арын Федерал Собранилы  [ӟуч] (удм. вазиськон дыръя[2].

Валтӥсь ужпум

Владимир Путин «Кадръёс» йӧскалык проектэз быдэстыны кутскон сярысь ивортӥз (2024)

2024-тӥ арын Россилэн Президентэз Владимир Путин Федерал Собранилы вазиськоназ, демографиысь югдурез чакласа, промышленность, наука но мукет удысъёслы кадръёс дасян пумысен ужпум пуктӥз: 2030-тӥ арлы кунамы 20-ен 24 аресозь егитъёс 8,3 миллион кузя луозы, 2035-тӥ арлы — 9,7 миллион кузя. Кунлэн Азьмуртэз пусйиз, 2023-тӥ арын Россиын ужтэк кылемъёслэн лыдзы тужгес ӧжыт (2,9 %) вал шуыса, та экономикаысь ӟеч югдурлэн, со дыре ик ужасьёслы пумтэм юн кулэяськемлэн тодметэз луэ[3]. Тужгес но ужасьёслы ёрмон промышленностьын шӧдӥське, та удыслы 2028-тӥ арлы 1 миллион пала специалистъёсты дасяно[4]. Та ужпумез ӝог быдэстон вылысь министръёслэн кабинетсылы, ведомствоослы, ужбергатӥсьёслы, ӵош кариськыса, шор ёзо, шоро-куспо но вылӥ дышетонэз йӧскалык проектъёсысь ужпумъёсын, озьы ик зэмос экономикалэн куронъёсызлы тупамон карыны косэмын:

…школаысен вузозь вань дышетонэз огъя гердэ юнматоно. Соос огъя мылкыдын но ӧрын, одӥг ужпумез быдэстон вылысь ужаны кулэ. Конешно, вуоно ужсётӥсьёслэн но та ужпуме пыриськемзы туж кулэ. Туэ дышетскон арысен кунысьтымы вань школаосын профориентацияя сӧзнэт радъямын. Пиналъёс, 6-тӥ классысен кутскыса, пӧртэм удысъёсын тодматскыны быгато[5].

Кадръёслы ёрмон ужпумлы пум понон вылысь кылдытэм кун стратегиен валче йӧскалык проектэз улонэ пыӵатыны кутскон сярысь ялэмын вал, таин валче озьы ик мукет йӧскалык проектъёс но федерал программаос выльдэмын-тупатэмын[6]. «Кадръёс» йӧскалык проектлэн ужпумъёсыз вылэ пыкиськыса, дышетон удысысь инфраструктурая, технологияя но наукая базаез умоятыны чакламын:

  • шоро-куспо профессиональной дышетонниосты тупатъян но туала тӥрлыкен узырмытон (2030-тӥ арозь 120 млрд манет висъямын)[1];
  • вузъёслэсь 800 огъяулонниоссэс рос-прос тупатон (2030-тӥ арозь 124 млрд манет висъямын);
  • 2030-тӥ арозь 25 университет кампусъёсты ӝутон (400 млрд манет висъямын); студентъёслы ог 40 городокъёс пуктон;
  • университетъёслы азинскыны юрттон вылысь «Приоритет-2030» кун программалы ватсаса коньдон висъян (2030-тӥ арозь 190 миллиард манет висъямын).
  • 2030-тӥ арозь вань профессиональной дышетонниосты «Профессионалитет» федерал проектэ пыртон, со колледжъёслы но ужбергатонлы юн кусып тупатыны, отӥяз вань выпускникъёсты уже интыяны юрттоз[2];
  • вузъёсысь но наукая огазеяськонъёсысь тодосъя но техникая библиотекаосты выльдон (ватсаса 9 млрд манет висъямын)[7];
  • дышетӥсьёсты дасянъя вузъёсты выльдон программа (9 млрд манет висъямын)[8];
  • ужбергатонлэсь но кунлэсь тодосъя но технологиосъя выль малпанъёслы но лэсьтосъёслы висъям коньдонзэс кык поллы будэтон (2030-тӥ арозь расход люкетэз ВВП-лэсь 2 % вуттон)[1].

Пайдалыкез дунъян

Йӧскалык ӵектослэсь пайдалыксэ дунъякузы, одно чаклалозы, кызьы улосъёс, вузъёс но ужбергатон дэмен ужасьёсты будэто но соосты интыяны пӧрмыто, выль туала но промышленной проектъёсты быдэсто, озьы ик студентъёслэсь стартапъёссэс инвестициосын юнмато[1]. 2030-тӥ арозь студентъёслэсь технологияя стартапъёссэс арлы быдэ 30 сюрсозь вуттыны ужпум пуктэмын[9]. Россиысь Правительство студент проектъёсты улонэ пыӵатыны юрттон вылысь бадӟым уже пыриськем ужбергатӥсьёслы быдтэм коньдонзылэсь 50 процентсэ берыктон вылысь нимысьтыз программа дасяз (талы 13 млрд манет висъямын).

Валтӥсь статья: Университетлэн технологи ужбергатонъя инъетэз  [ӟуч] (удм.

Технология ласянь азинсконын эрико луон

«Кадръёс» йӧскалык ӵектос Россиысь наука но технология удысъёсты азинтон стратегилэн валтӥсь люкетэз луэ, со «пыр потӥсь» удысъёсын выль амалъёсты дӥсьтыса пыӵатыны но юнманы сётоз, озьыен, быдэс кунысь экономикаез ӝутоз: станокъёс лэсьтон но выль производство усьтон, робототехника, пилоттэк лобась системаос, ивортодэтъя экономика, химия[10]. Стратегиез учконо ке, 2030-тӥ арозь вылӥ технологиосын поттэм вузъёс но услугаос Россиысь рынокын 6 пол йылыны кулэ, нош сырьё луисьтэм вузъёсты мукет кунъёсы вузан кык куиньмос люкетлы будыны кулэ[1]. Таин валче кунгож сьӧрысь Россие пыртоно вузъёс зол кулэсмыны кулэ:1999-тӥ арын импортлэн люкетэз ВВП-лэсь 26 % луылӥз ке, 2023-тӥ арлы со ВВП-лэсь 19 % кулэсмиз, нош 2030-тӥ арлы ВВП-лэсь 17 % кулэстыны чакламын[1]. Озьыен, кунгож сьӧрын кутӥськись технологиослэсь но наука ласянь трос визьмез кулэ карись вузъёслы Россиын сокем зол кулэяськон уз кылды ни, кунгож сьӧрысь компаниос Россиысь кошкем бере буш кылем производство но азинскыны кутскоз.

Валтӥсь статья: Кунгож сьӧрысь компаниослэн Россиысь кошконзы  [ӟуч] (удм.

Ватсам ивор

2024-тӥ арын оштолэзе ужъя министр Антон Котяков ивортӥз, 2021-тӥ арысен егитъёс пӧлын ужтэк кылемъёслэн лыдзы 1,5 поллы кулэсмиз но 5,1 % луиз шуыса[11].

2024-тӥ арын толсуре Россиысь вице-премьер Александр Новак шараяз: Россиын ӟеч но вылӥ квалификациен 1,5 миллион ужасьёс кулэ. Вице-премьерлэн верамезъя, кадръёслы ёрмон лэсьтӥськон, транспорт но ЖКХ удысъёсын шӧдӥське[12].

2025-тӥ арын тулыспалэ Россиысь вице-премьер Татьяна Голикова чаклаз, «Кадръёс» йӧскалык проектэз быдэстон вылысь 116 млрд манет кулэ шуыса[13]. 2025-тӥ арын 21-тӥ тулыспалэ со ивортӥз, ӵектосэз улонэ пыӵатонлы висъяно уксёысь 43,8 % кутӥськиз ни шуыса[14].

Валэктонъёс

  1. ↑ 1 2 3 4 5 6 Послание Президента Федеральному Собранию
  2. ↑ 1 2 Владимир Путин объявил о запуске нового национального проекта «Кадры»
  3. ↑ Путин: безработица в РФ снизилась до 2,9% впервые в истории, TACC. Эскеремын: 7 южтолэзе 2024 арын.
  4. ↑ Путин: до 2028 года нужно подготовить 1 млн специалистов рабочих профессий, AiF. Эскеремын: 7 южтолэзе 2024 арын.
  5. ↑ Послание Президента Федеральному собранию
  6. ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Эскеремын: 4 южтолэзе 2024 арын.
  7. ↑ Путин поручил модернизировать сеть научно-технических библиотек, РИА Новости (29 тулыспалэ 2024). Эскеремын: 29 тулыспалэ 2024 арын.
  8. ↑ В России выделят девять миллиардов рублей на обновление педвузов, РИА Новости (29 тулыспалэ 2024). Эскеремын: 29 тулыспалэ 2024 арын.
  9. ↑ Дмитрий Чернышенко: 69 регионов подключилось к реализации федпроекта «Платформа университетского технологического предпринимательства»
  10. ↑ Необходимо добиться технологического суверенитета, заявил Путин, РИА Новости (29 тулыспалэ 2024). Эскеремын: 7 южтолэзе 2024 арын.
  11. ↑ Путин обсудил молодежную политику с членами правительства - Российская газета, Российская газета (4 оштолэзе 2024). Эскеремын: 9 оштолэзе 2024 арын.
  12. ↑ Александр Новак: России необходимо 1,5 млн высококвалифицированных кадров | Эксперт [ӟуч]
  13. ↑ Татьяна Голикова оценила расходы на нацпроект «Кадры» в 116 млрд рублей
  14. ↑ Голикова: кассовое исполнение нацпроекта "Кадры" составляет уже 43,8%, TACC (21 тулыспалэ 2025). Эскеремын: 21 тулыспалэ 2025 арын.
«https://udm.ruwiki.ru/w/index.php?title=Кадръёс_(йӧскалык_проект)&oldid=506662»-ысь басьтэмын