Семья (йӧскалык проект)

Википедиысь материал
«Семья» йӧскалык проект
Нацпроект Семья, запущенный в Год семьи.jpg
Кутскемын 2024-тӥ арын
Кулэлыкез Владимир Путин Президентлэн киӵолэмезъя улонэ пыӵа
Сайтэз национальныепроекты.рф

«Семья» — Россиысь Президентлэн Владимир Путинлэн кичӧлтэмезъя улонэ пыӵась «Семья» йӧскалык проект[1]. Нырысьсэ шараямын 2024-тӥ арын Федерал Собранилы  [ӟуч] (удм. вазиськон дыръя[2].

Россиысь ужъя но калыкез улон-вылонын утёнъя министр Антон Котяков пусъемъя, йӧскалык проектлэн валтӥсь ӧръёсыз анай-атайёслэн куронъёссы вылэ пыкиськыса дасямын, ӵектонъёсы озьы ик нылпиё семьяосты утёнъя азьвыл кутэм юрттэтъёс но пыризы.

Кунэз азинтонын — семья валтӥсь интыын

2024-тӥ арын Россилэн Президентэз Владимир Путин Федерал Собранилы вазиськоназ 2030-тӥ арлы демографиез умоятон пумысен ужпум пуктӥз:

Нылпиё семьяослы юрттон — асьмелэн улонысь валтӥсь быръёнмы. Трос пинал будэтӥсь бадӟым семья луон — со огъя курон, калыклэн улон философиез, кунэз азинтон стратегилэн валтӥсь инъетэз луыны кулэ[1].

Кунэз азинтон стратегиез кылдытон дыръя выль «Семья» йӧскалык проектэз улонэ пыӵатыны кутскон сярысь ялэмын вал, озьы ик та ӵектосэн герӟаськем мукет йӧскалык проектъёс выльдэмын («Кадръёс», «Ивортодэтъя экономика»)[3].

Владимир Путин кунэз азинтон стратегиын трос нылпиё семьяез валтӥсь интые пуктӥз (2024)

Барышез йылтон

Йӧскалык проектлэн валтӥсь ужпуменыз пусъемын нылпиё семьяослэсь доходзэс йылтон, малы ке шуоно ӵапак таос улон-вылонын тужгес ляб утемъёсыз луо. Озьы 2024-тӥ арын тулыспалэ ивортодэтъёсъя, трос пинал будэтӥсь семьяос пӧлысь 30 процентэз начар уло. Пуктэм ужпумъёсъя ёрмыса улӥсьёслэсь лыдзэс 2030-тӥ арозь кык поллы кулэстыны медо. Та понна чакламын:

  • вуоно анай учётэ султэм дырысеныз но пиналызлы дас сизьым арес тырмытозь, секыт югдуре шедем но ёрмыса улӥсь семьяослы толэзьлы быдэ огъя пособие тырон (2024-тӥ арын тулыспалэ лыдпусъёсъя, сое басьязы 11 миллион муртъёс)[1];
  • соцконтракт басьтонэз капчиятон (со понна 2024-тӥ арын Правительство ватсаса 100 миллиард манет висъяз)[1];
  • 2030-тӥ арлы МРОТ-эз 35 манетозь йылтон, та ачиз ласянь соцвыплатаосты, бюджет удысын ужасьёслэсь уждунзэс будэтыны луонлык кылдытоз[4];
  • кыкетӥ пинал понна уждунысь 2800 манетозь выт кельтон, куинетӥез но со бӧрсьы вордӥськемез понна — 6000 манет; ар ӵоже поттэм барышлэн быдӟалаез, кытысь выт кутӥське, 350 сюрс манетысен 450 сюрс манетозь йылтэмын;
  • анай капитал программаез 2030-тӥ арозь азинтон.

Улон условиосты умоятон

Йӧскалык проект улсын трос нылпиё 350 сюрс семьяослэсь улон условиоссэс арлы быдэ умоятон ужпум пуктэмын[5]. Со понна таӵе ужрадъёс чакламын:

  • семья ипотекая программаез 2030-тӥ арозь азинтон, куать аресозь нылпиен семьяослы ставкалэн быдӟалаез 6 процент кыле (2024-тӥ арын 260 миллиард манет висъямын, 2030-тӥ арозь — 1,5 триллион манет)[6];
  • семья ипотекая программаез улон инты ӧжыт пуктӥсь улосъёсын но городъёсын кутон;
  • 2030-тӥ арозь ипотекалэсь оглюкетсэ кысыны юрттэт сётонэз (450 сюрс манет) азинтон (2024-тӥ арын талы 50 миллиард манет висъямын)[6];
  • куашкан калэ вуэм коркаосысь улӥсьёсты выль юртъёсы выжтон программаез азинтон;
  • калыклы газ кыскон программаез сад-бакча возисьёс чотын паськытатон;
  • ёрмыса улӥсь семьяослы шунтӥськись тӥрлык басьтыны юрттон вылысь субсидиос висъян (ватсаса 32 миллиард манет чакламын).

Нылпи ваён но дышетон

2022-тӥ арын Россиысь 39 улосын, кунысь шоро-куспо лыдпусъёсын ӵошатыса, оглом ӧжытгес пинал вордӥськиз. Кун юрттэт сётонъя программаосты та улосъёсын паськытатон вылысь Правительство 2030-тӥ арозь ватсаса 75 миллиард манет висъяз.

«Семья» йӧскалык 2024-тӥ арысен улонэ пыӵась «Кадръёс» ӵектосэн но меӵак герӟаськемын, таиз вуоно демографиысь югдур вылэ пыкиськыса лэсьтэмын[7]. Озьы чакламъёсъя 2030-тӥ арлы кунамы 20-ен 24 аресозь егитъёс 8,3 миллион кузя луозы, 2035-тӥ арлы — 9,7 миллион кузя (2024-тӥ арынлэсь 2,4 миллион муртлы тросгес)[1]. Школаын дышетскись нылпиослы вазь ик ужудыс бырйыны юрттон федерал программая, озьы ик «Профессионалитет» проектъя 2028-тӥ арозь чакламын 1 миллион пала авиа- но судостроениын, фармацевтикаын, электроникаын, оборонной промышленностьын кулэ луись ужась специалистъёсты дасяны. Та ужпумъёсын сэрен мукет ватсам юрттэтъёс чакламын:

  • шор профессиональной дышетонниосты выльдон но соосты туала тӥрлыкен узырмытон (2030-тӥ арозь 120 миллиард манет висъямын);
  • вылӥ дышетсконниослэсь 800 огъяулонниоссэс тупатон (2030-тӥ арозь 124 миллиард манет висъямын);
  • 2030 арозь 25 университет кампусъёс пуктон (400 миллиард манет висъямын);
  • университетъёслы азинскыны юрттон вылысь «Приоритет-2030» кун программалы ватсаса коньдон висъян (2030-тӥ арозь 190 миллиард манет висъямын).

Йӧскалык проектлы коньдон висъян

«Семья» йӧскалык проект кунэз куать ар ӵоже (2030-тӥ арозь) азинтон программаын валтӥсь инты басьтэ. Программаез дасякузы, Россиысь 2023-тӥ—2024-тӥ аръёсысь экономика ласянь азинскемзэ чаклазы. Озьы ВВП-лэн 2023-тӥ арын будэмез Россиысь Правительствоезлэн гинэ ӧвӧл, МВФ-ысь экспертъёслэн но чакламзылэсь ортчиз, 3,6 процентлы будӥз. 2023-тӥ арын укмыс толэзь ӵоже инвестициослэн быдӟалазы 26,6 процент луиз (чакламын вал 15,1 процент). Кызьы пусйиз Россилэн Президентэз Владимир Путин, доход люкетэз нырысь ик мыноз нылпиосын семьяослэсь улон-вылонзэс умоятыны:

…матысь дыре ик ми азьлане эшшо одӥг вамыш лэсьтыны быгатомы: дуннеысь экономика ласянь тужгес кужмоесь ньыль кунъёс пӧлы пыромы. Таӵе азинскон кунмуртъёсмылэн семьяоссылэн огъя доходазы шӧдскыны кулэ[1].

Быдэстон

2025-тӥ арын 24-тӥ тулыспалэ Россиысь Правительство йӧскалык проектэз 2030-тӥ арлы быдэстонъя валтӥсь ужпумъёсты юнматӥз:

  • вордскись нылпиослэсь лыдзэс йылтон;
  • ёрмыса улӥсьёслэсь лыдзэс кулэстон;
  • куинетӥ но солэсь трос вордскем нылпиослэн огъя коэффициент 0,475 единица луыны кулэ;
  • кема дыр ӵоже утёно-чаклано пересьёслэн но инвалидъёслэн огъя лыдзы 30,3 процент луыны кулэ;
  • кун но муниципал луись лулчеберетъя, искусствоя но калык творчествоя огазеяськонъёслэн ужаменызы 63 процентэз кунмуртъёс шумпотыны мед быгатозы;
  • 50 сюрс адямиозь улоно интыосын кинотеатръёслэсь лыдзэс 900-озь вуттон[8].

Со сяна, йӧскалык проект улсын быдэстоно ужъёслэн валтӥсь ужпумъёссы пусъемын: анайлы но нылпилы чаклам комнатаослэсь, дышетон ужъюртъёсын вакчи дырлы улоно группаослэсь лыдзэс будэтон, анай капитал, семья ипотека, огъя пособие, арлы быдэ семьялы сётӥськись выплата висъян[8]. Ужкагазъёсын озьы ик чакламын: кыдёкысь гуртъёсын 100 нылпи садъёс пуктыны, 2,2 сюрс нылпи садъёсы туала тӥрлык вуттыны, арлы быдэ ичизэ 220 сюрс семьялы соцконтракт висъян, 336 нылкышно консультациос кылдытон, 133 перинатальной центръёсты выль тӥрлыкен узырмытон, 180 нылпи больницаосты озьы ик выльдон, 485 сюрс цикл ЭКО лэсьтон, 1011 искусствоосъя нылпи школаос пуктон[8].

Валэктонъёс

  1. ↑ 1 2 3 4 5 6 Послание Президента Федеральному Собранию
  2. ↑ С заботой о главном. Как государство поддерживает семьи с детьми
  3. ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Эскеремын: 4 южтолэзе 2024 арын.
  4. ↑ Путин поручил отработать новую модель оплаты труда бюджетников, РИА Новости (29 тулыспалэ 2024). Эскеремын: 4 южтолэзе 2024 арын.
  5. ↑ Сбербанк приветствует продление семейной ипотеки до 2030 года, Недвижимость РИА Новости (29 тулыспалэ 2024). Эскеремын: 4 южтолэзе 2024 арын.
  6. ↑ 1 2 В России семейную ипотеку продлят до 2030 года, TACC. Эскеремын: 4 южтолэзе 2024 арын.
  7. ↑ Рабочие в порядке: в чем суть нового нацпроекта «Кадры», Известия (29 тулыспалэ 2024). Эскеремын: 4 южтолэзе 2024 арын.
  8. ↑ 1 2 3 Основные показатели и мероприятия национального проекта «Семья» [ӟуч]
«https://udm.ruwiki.ru/w/index.php?title=Семья_(йӧскалык_проект)&oldid=506674»-ысь басьтэмын