Малпанъёсты быдэстӥсь кыз
| Малпанъёсты быдэстӥсь кыз | |
|---|---|
| ӟуч: «Ёлка желаний» | |
 | |
 | |
| Типез | сюлмысь ӟеч ужъя акция |
| Кылдытэмын | 2018 |
| Кылдытӥз (ы) | «Льӧль малпандэ кенжыты монэн ӵош» (ӟуч: «Мечтай со мной») проект |
| Интыяськемын |
 |
| Валтӥсь муртъёс |
Артур Орлов («Движение первых» огазеяськонлэн правлениезлэн тӧроез) Тимур Сафин («Движения первыхлэн» кивалтӥсезлэн советникез) |
| Представительствоез | «Движение первых» |
| Ужудысэз | ӟеч уж лэсьтон, мерлыко юрттэт |
| Сборъёс | 4 млрд манетлэсь ятыр (вань дыр ӵоже, 2025-тӥ ар понна) |
| Пожертвованиос | 120 сюрслэсь ятыр пыриськисьёслэсь (2025) |
| Ас мылкыдзыя пыриськемъёс | 20 сюрслэсь ятыр (2025) |
| Ёзчиос | 1,5 сюрслэсь ятыр партнёр луись огазеяськонъёс (2025) |
| Слоганэз | «Выль арез пумитан — со малпанэз паймымон амалэн быдэстыны но кинлы ке юрттыны муг» |
| Сайтэз | елкажеланий.рф |
«Малпанъёсты быдэстӥсь кыз» (ӟуч: «Ёлка желаний») — нылпиослэсь, арлыдоослэсь но ӧлексыослэсь выль ар мылкыдъёссэс зэматон вылысь ӟеч уж лэсьтонъя росси акция. 2018-тӥ арысен Росмолодёжи агентство юрттэмен валче сое арлы быдэ радъя «Движение первых» огазеяськон[1].
Проектэ пыриськись котькуд адями («быдэстӥсь») мукет муртлэсь («льӧль мылкыдын улӥсьлэсь») малпанзэ улонэ пыӵатыны быгатэ. Кылдэмез дырысен акция Россиын ӟеч лэсьтон ужъёс пӧлысь одӥгез бадӟымез луиз, быдэс кунысь кӧня ке сюрс пыриськисьёсты но партнёр огазеяськонъёсты герӟаса[2].
Историез
«Малпанъёсты быдэстӥсь кыз» акция 2014-тӥ арын Татарстанын волонтёр кичӧлтонэн улонэ пыӵаны кутскем «Льӧль малпандэ кенжыты монэн ӵош» благотворительной ӵектослэн оглюкетэз луиз. Нырысь-валысь проектлэн ужпумез вал секыт висёнъёсын курадӟись нылпиослэсь но арлыдоослэсь мылкыдъёссэс зэматон — коньдонэн герӟаськем кузьымъёс интые ӵемысь шумпотон но яркыт тодэ ваёнъёс кузьманы. Нырысь ик быдэсмиз самолёт штурвал сьӧрын лобаны уйбыртӥсь нылашлэн малпанэз[3].
2018-тӥ арын проект шедиз «Россия — луонлыко кун» нимо президент платформае. Со аре ик толсуре Мускоын ортчем доброволецъёслэн калыккуспо форумазы Россилэн президентэз Владимир Путин ӵектосэн тодматскиз но отчы пыриськиз, вить пиналлэсь малпанзэ быдэстыса. Ӝоген выль ар акция нимаськыны кутскиз «Малпанъёсты быдэстӥсь кыз»[4].
Нырысетӥ акция радъяськиз 2019-тӥ ар кутсконын. 2018-тӥ арын 27-тӥ толсуре Мускоысь Кремльын Кун Думалэн кенешез улсын выль ар кызъёс пуктэмын вал, соосты нылпиослэн льӧль малпанъёсынызы открыткаосын чеберъязы. Правительстволэн ёзчиосыз, министръёс но губернаторъёс акция борды итӥськизы, кыз вылысь мылкыдъёсын шаръёсты басьтыса но соосты быдэстыса. Дыр ортчемъя, акцие пыриськизы мукет кун ужасьёс но коммерци огазеяськонъёслэн ёзчиоссы, озьы ик нимаз адямиос[4].
2022-тӥ арысен акциез радъясь луэ «Движение первых» огазеяськон[1].
Ужез
Акцилэн валтӥсь ужпумез — выль ар мылкыд но шумпотон кузьман. Отчы пыриськисьёс, «льӧль малпанъёсын улӥсьёс», куриськонъёссэс проектлэн официальной сайтаз гожто. Мылкыдъёссэс партнеръёслэн площадкаосазы интыям виртуальноя я зэмос кызъёсы юнмато[4][5].
Льӧль малпанъёсын пыриськисьёс[4][5]:
- 3-ен 17 аресозь пиналъёс но 60 аресысен арлыдоос;
- сиротаос но анай-атайзы вань вылысь мумы-бубытэк кылем нылпиос;
- ляб тазалыко я ӧлексы нылпиос но бадӟымъёс;
- секыт висись нылпиос;
- начар семьяосысь нылпиос;
- нимысьтыз ожгар операцие (СВО) пыриськисьёслэн семьяысьтызы нылпиос;
- Донецк но Луганск Калык республикаосын, Запорожье но Херсон улосъёсын, озьы ик ыбылӥськон-пуштон учыръёсын сэрен шуге-леке вуэм кунгож котырын улӥсь нылпиос[4][5].
Акцие пыриськисьёслэн шараям мылкыдъёссы материальной луыны быгато (кылсярысь, шудонъёс, гаджетъёс, спорт тӥрлык) яке материальной луисьтэм (мукет каре вуылон, тодмо адямиен пумиськон, ужрадэ ветлон). Кузьым озьы ик шӧдтэк-шорысь луыны быгатэ — чаклам сценарийя «быдэстӥсь» ас кожаз кузьым быръе, «малпасьлэсь» тунсыкъяськонъёссэ санэ басьтыса[4][5].
2025-тӥ арын котькудӥз «быдэстӥсь» кариськыны быгатэ, сайтысь яке партнёр луись центръёсысь льӧль малпанэн открыткаез кутыса. Акцие очно но, дистанционно но пыриськыны луонлык кылдытэмын. Нимаз адямиос сяна, акцие пырисько компаниос, кун учреждениос но мерлыко огазеяськонъёс[6].
Йылпумъянъёс но емышъёс
2018-тӥ арын «Малпанъёсты быдэстӥсь кыз» акция дыръя 450 мылкыд улонэ пыӵатэмын вал. Арысь аре зэматоно малпанъёслэн лыдзы йылэ[4]:
- 2020: быдэстэмын 13,5 сюрслэсь ятыр малпан;
- 2021: быдэстэмын 38 сюрслэсь ятыр малпан;
- 2022—2023: быдэстэмын ог 47 сюрс малпан;
- 2023—2024: быдэстэмын ог 60 сюрс малпан[4].
2025-тӥ ар пумысь ивортонъёсъя, кылдэмез дырысен акция улсын ог 4 млрд манет тыр зэматэмын вал 320 сюрслэсь ятыр малпан. Акцие 120 сюрслэсь трос быдэстӥсьёс но 1,5 сюрслэсь уно партнёр огазеяськонъёс пыриськизы. Акция калыккуспо ӧре потӥз ни: отчы пыриськизы Испаниын, Италиын, Франциын, Кипрын но Сербиын улӥсь россиянъёс[2][4].
Партнёръёсыз
Акцилэн валтӥсь партнёръёсыз луо Росмолодёжь. Акцие пырисько благотворительной фондъёс, мерлыко но коммерци огазеяськонъёс: кылсярысь, «Внуки» фонд юрттэмен оген улӥсь арлыдоослэн малпанъёссы улонэ пыӵало[7].
Выль сямъёс
2025-тӥ арысен акцилэн выль сямъёсыз кылдӥзы:
- «Ӝӧк выл тыр шулдыръяськон» — сиён-юонъя «Русь» фондлэн но X5 Group группалэн валче радъям акцизы, со начар улӥсь семьяослы сиёнэн юрттон вылысь чакламын[8];
- «Нуныкайёс — кузьымен» — «Внуки» фондэн арлыдоослы юрттон вылысь радъяське[7].
Валэктонъёс
- ↑ 1 2 Ёлка желаний 2025 [ӟуч] Эскеремын 09-12-2025 арын
- ↑ 1 2 Всероссийский Дед Мороз из Великого Устюга дал старт акции "Ёлка желаний" [ӟуч] Эскеремын 09-12-2025 арын
- ↑ О проекте [ӟуч] Эскеремын 09-12-2025 арын
- ↑ 1 2 3 4 5 6 7 8 9 Что известно о всероссийской акции "Ёлка желаний" [ӟуч] Эскеремын 01.12.2025 арын
- ↑ 1 2 3 4 Загадать желание [ӟуч] Эскеремын 09-12-2025 арын
- ↑ «Ёлки желаний»: как выбрать площадку, партнеров и не промахнуться с подарком [ӟуч] Эскеремын 09-12-2025 арын
- ↑ 1 2 Акция "Внуки с подарками" [ӟуч] Эскеремын 09-12-2025 арын
- ↑ Фонд X5 «Выручаем» поможет нуждающимся семьям в подготовке новогоднего стола [ӟуч] Эскеремын 09-12-2025 арын