Мынам шаере — мынам Россие

Википедиысь материал
«Мынам шаере — мынам Россие» вожвылъяськон
Эмблема всероссийского конкурса Моя страна — моя Россия.png
Кутскемын 2004-тӥ ар
Пайдалыкез 20 ар куспын ог 1 млн пала мурт пыриськиз
Сайтэз moyastrana.ru

«Мынам шаере — мынам Россие» (ӟуч: «Моя страна — моя Россия») — гуртъёслэн, каръёслэн но мукет улон интыослэн социально-экономической азинсконзылы сӥзем авторской проектъёсъя вожвылъяськон[1]. Нырысьсэ ортчиз 2004-тӥ арын[2]. 2019-тӥ арысен со «Россия – луонлыко кун  [ӟуч] (удм.» АНО улсын радъяське, Росси Федерациысь Наукая но вылӥ тодон-валан сётонъя министерстволэн, Росси Федерациысь Федерал Собранилэн Федераци Кенешезлэн наукая, дышетонъя но культурая комитетэзлэн, Интеллектуальной ваньбуръя федерал службалэн, «Россиысь Дышетонъя академия» федерал кун бюджет ужъюртлэн но Егитъёсын ужанъя федерал агентстволэн юрттэмзыя[3][4].

Вожвылъяськонэ ыстэм ужъёс, авторъёслэсь арлыдзэс чакласа, таӵе категориосъя кутӥсько: 13 аресозь, 14 аресысен 17 аресозь, 18 аресысен 35 аресозь, 35 ареслэсь бадӟым[5].

2025-тӥ арын вожвылъяськон сӥземын 1941-тӥ —1945-тӥ аръёсы Быдӟым Атыкай ожын Вормонлы 80 ар тырмонлы[6].

Историез

Вожвылъяськонэз радъян сярысь малпан кылдӥз 2003-тӥ арын Рязаньын ортчем Егитъёслэсь парламентаризмзэс азинтонъя огъяросси семинарын[4].

Вожвылъяськон нырысьсэ ортчиз 2004-тӥ арын. Экспертной кенеш студентъёслэсь «Тынад каред XXI дауре» темая ужъёссэс дунъяз, со сӥземын вал карен кивалтон системаез умоятонлы, экономикалэсь зэмос удысъёссэ азинтонлы, озьы ик социальной но научно-педагогической удысъёслы[1].

2006-тӥ арын воджвылъяськонлы огъяросси инлык сётэмын; солэн валтӥсь ужпумъёсыз: егитъёсты социальной проектированилэн инъетъёсызлы дышетон, озьы ик кунлэсь кадровой потенциалзэ будэтон[3].

2019-тӥ арысен «Мынам шаере — мынам Россие» вожвылъяськон «Россия — луонлыкъёслэн шаерзы» АНО-лэн кивалтэмез улсын ортче, соин валче, Россилэн Президентэз Владимир Путин сое «Россиысь улосъёслэн социально-экономической азинсконэнызы герӟаськем, лэчыт ужпумъёсты сэрттон-пертчонэ егит калыкез кысконъя авторитетной, кулэ луись платформа» шуыса пусйиз[4].

Вожвылъяськонэ пыриськисьёслэн лыдзы арысь аре будэ: 2018-тӥ арын 7 сюрс уж кутэмын ке вал, 2019-тӥ арын 35 сюрсозь вуиз, нош 2023-тӥ арын — 100 сюрслэсь ятыр люкаськиз[7].

«Мынам шаере — мынам Россие» вожвылъяськонын вормисьёс, 2023-тӥ ар

Вожвылъяськонэ пыриськисьёс

Вожвылъяськонэ вуэм ужъёсты ньыль категориосъя эскеро:

  • 13 аресозь авторъёс;
  • 14 аресысен 17-озь;
  • 18-ысен 35-ёзь;
  • 35 ареслэсь бадӟым.

Вожвылъяськонлэн Положениезъя экспертной кенеш вань вуэм ужъёс пӧлысь 300-зэ быръе но авторъёсын дистанционной амалэн ужа[3]. Котькуд категориын нырысетӥ, кыкетӥ но куинетӥ инты висъяське[3]. Дунъяку нырысь ик ужлэн мерлыко кулэлыкез, Россилэн Президентэзлэн «2030-тӥ арозь но азьланезлы 2036-тӥ арозь Росси Федерацилэн йӧскалык азинскон ужпумъёсыз сярысь» косэтэзлы тупамез чаклаське, озьы ик авторлэн ас эскеронъёсыз но проектэз улонэ пыӵатыны луонлыкъёс лыдэ басьтӥсько[3].

Данъетан ужрад ортче Егитъёслэн нуналзы азьын Санкт-Петербургысь экономикая калыккуспо форум  [ӟуч] (удм. улсын[5].

Вожвылъяськонын вормисьёс коньдон премиос, вузъёсы пырон понна ватсам баллъёс, проектъёслы иворлыко юрттэт басьто[8].

Вормисьёслы дасям медальёс (2025)

Номинациос

2025-тӥ арлы чаклам номинациос
Источник:[3]
Номинациос Валтӥсь аспектъёс
«Мынам шаере. Мынам историе. Мынам Вормонэ»
  • Россиын но кунгож сьӧрын Быдӟым Атыкай ож сярысь исторической тодэ ваёнэз утён, выльдон но вӧлмытон;
  • ожысь но ужысь ветеранъёслы юрттон сётонъя кема кыстӥськись ужрадъёсты радъян;
  • Ожын но ож мышкын тыршемъёслы синпелетъёсты но мемориалъёсты утён;
  • ожъёс ортчем бервылъёсты но Совето армиысь ожгарчиослэсь шайгуоссэс утчанэн герӟаськем ужъёслы но ужрадъёслы юрттон;
  • егитъёслы патриотизм мылкыд пыӵатон но совето калыклэн фашизмез вормонэ дунъяны луонтэм бадӟым ваёсэныз данъяськон мылкыд пыӵатонлы сӥзем ужрадъёс ортчытъян;
  • Быдӟым Атыкай ожысь тодмотэм бамъёсъя эскеронъёс ортчытон .
«Мынам семьяе: выжыосын кусып возён, дунлыкез но кулэлыкез»
  • историез тодэ ваёнъёсты утён, семья кусыпъёсты юнматон, историез утёнъя проектъёс но разработкаос кылдытон;
  • егитъёсты семья кылдытонлы но анай-атайлык понна кылкутонлы дасян (семья выжыослэн индылэмзыя);
  • социально-экономической процессъёсты азинтон (кылсярысь, семья бизнес яке инфраструктураез азинтон);
  • семья кылдытон понна Россиысь каръёсын но гуртъёсын ӟеч инфраструктураез кылдытон но азинтон;
  • Сӧсыр но ляб тазалыко нылпиё семьяослы юрттэт сётон.
«Мынам трос калыкъем Россие» (отчы пыртэмын «Мынам анай кылы», «Асьме кунъёслэн эшлыко луонзы», «Мынам ӧнере» удысъёс)
  • мукет калыкъёсын, культураосын но осконъёсын кусыпъёсты азинтон, Россиен эшъяськись кунъёсын экономика, наука, техника ласянь но гуманитарной юрттэт сётонъя валче ужанэз азинтон;
  • Россиысь калыкъёслэн улон-вылонзылы сӥзем исторической материалъёсты люкан, огъян, систематизировать карон, утён но научной тираже пыртон;
  • нылпиослэсь но егитъёслэсь археологической ужъёссэс азинтыны юрттон;
  • интыосысь историяя но лулчеберетъя тодэтъёсты туризмен герӟан;
  • егитъёс пӧлын югдытон уж нуон, Россиысь каръёслэсь но гуртъёслэсь историзэс, культуразэс, отын улӥсь калыкъёслэсь йылолъёссэс эскеронлы сӥзем ужъёсты азинтон;
  • нылпиосты но егитъёсты духовной но нравственной югдытонын кунпуш туризмлэсь интызэ будэтон, соослы патриотизм но граждан ответственность пыӵатон.
«Мынам данъяськонэ. Мынам вордӥськем интые (мынам каре, мынам гуртэ)» (со пӧлы пыртэмын «Мынам вордӥськем интые (мынам каре, мынам гуртэ)», «Мынам Дальней Востоке. Мынам Арктикае» удысъёс)
  • Россиысь каръёсты но гуртъёсты азинтонэ кунмуртъёслэсь пыриськемзэс возьматӥсь ӟеч примеръёсты калык пӧлын вӧлмытон, асьме вакытысь геройёс сярысь тодэтъёсты вӧлмытон;
  • интыысь улӥсьёсты но дэменлыкъёсты интыез азинтон ужрадъёсы кыскон (со пӧлын дискуссиосы ​​но куара сётонэ пыриськонлэн выль форматъёсыз, корка, ульча, микрорайон куспын решение кутон);
  • каръёслэсь лулчеберетъя но историяя кельтоссэс утён, соос пӧлын пичи каръёс но историен герӟаськем улон интыос;
  • вордскем шаерлэсь историзэ эскерон но вӧлмытон;
  • интывылэз азинтон удысын мылкыд каронэз (волонтёрствоез), кичӧлтонъёсты но проектъёсты азинтон, кар инкуазез умоятонъя проектъёсы волонтёръёслэн пыриськемзы;
  • ӟеч бускель луон йылолъёсты но бускель кусыпъёсты азинтон (бускель квартираосын, подъездъёсын, коркаосын улӥсьёс куспын).
«Мынам педагогикая кичӧлтонэ»
  • дошкольной но огъя дышетон сӧзнэтэз азинтон;
  • дистанционной дышетонэз, электрон дышетон материалъёсты, ивортодэт но мультимедийной технологиосты, мобильной ватсэтъёсты, дышетон онлайн-курсъёсты, электрон библиотекаосты но энциклопедиосты кылдытон но улонэ пыӵатон;
  • интеллектуальной но ас дышетон сӧзнэтъёсты кылдытон но азинтон;
  • нылпиосты но егитъёсты ӵектос ужлэн инъетэзлы дышетон, пайдалыко методикаосты но практикаосты азинтон но тираже поттон, со пӧлын мерлыко проектирование удыс;
  • нылпиосын но егитъёсын ӵектос ужанъя модельёсты улосвыл но муниципал ёзэтъёсын кылдытон но азинтон.
«Мынам тазалыке»
  • шуге-леке вуттӥсь факторъёслэсь (тамак кыскон, курытсэ юон, умойтэм сиськон но мугорез ляб тазатон) адямилэн тазалыкез вылын шӧдӥськемзэ эскерон;
  • ужан интыосын тазалыкез юнматонъя корпоративной программаосты азинтон но улонэ пыӵатон;
  • Россиысь калыкъёслэн йӧскалык сиён-юонэзлэсь адямилэн тазалыкез но улон даурезлэн кузьдалаез вылын шӧдӥськемзэ эскерон;
  • ӧлексы, мерлык ласянь утиськымтэ муртъёслэсь но анай-атайтэк кылем пиналъёслэсь ӧнерлыко но мукет быгатонлыкъёссэс азинтон, озьы ик соослы ас ужбергатон удыссэс азинтыны юрттон;
  • ӧлексы но ляб тазалыко муртъёсын социально ориентированной коммерци луисьтэм огазеяськонъёс кылдытон;
  • ӧлексы муртъёслы, мерлык ласянь утисьтэм кунмуртъёслы но анай-атайтэк кылем пиналъёслы профориентация но уже интыяськыны юрттон.
«Мынам шаерелэн инкуазез»
  • экологической туризмез азинтон;
  • жуг-жагез нимаз люкан но сое перработать карон технологиосты улонэ пыӵатон но вӧлмытон, со сяна, россиысь отходъёсын кивалтон удысэз кылдытон;
  • водородной (озьы ик метано-водородной) технологиосты кылдытон;
  • Россиын газомоторной топливоез но газомоторной станциосын вотэсэз; природной газысь биопротеин поттон технологиосты азинтон;
  • технологиосты азинтон но природной газэз возён но нуон-ваён понна инновационной материалъёс кылдытон.
«Мынам куно пумитаны быгатӥсь Россие»
  • кунмылэсь имиджзэ выльдон;
  • интывылэз туризмъя объектлы пӧрмытон, интывыллэсь брендзэ азинтон;
  • туризмлэсь (инсьӧр, промышленной, тодос, дышетон, спорт, лулчеберет но тодон-валан сётӥсь, гастрономической, этнографической, событийной, нылпи, гурт, приключенческой, агротуризм) пӧртэм удысъёссэ азинтон;
  • историен герӟаськем интыосы но шутэтскон нуналъёсы маршрутъёс кылдытон но азинтон;
  • арлыдо муртъёслы но шуген ветлӥсь муртъёслы туризмъя продуктэз дасян но вӧлмытон;
  • Россиысь калыкъёслэсь сиён-юонъёссэс эскерон но вӧлмытон.
«Мынам шаерелэн интеллектуальной ваньбурез» (озьы ик пӧлаз пыртэмын таӵе удысъёс: «Улосъёсты азинтонъя цифровой среда», «Россиысь улосвылъёсын интеллектуальной ваньбурет удысын дышетонъя сӧзнэтэз кылдытон но азинтон», «Выль цифровой технологиос улсын интеллектуальной ваньбурлыкъя улосвыл сӧзнэтэз кылдытон но азинтон», «Интеллектуальной ваньбурез утён — удыслэн аспӧртэмлыкез»)
  • трослыко тодэтъёсты но искусственной интеллектэз уже кутыса но интеллектуальной патентной аналитика вылэ пыкиськыса, «Визьмо интывыл» улосвыл но муниципал программаослы пайдаё технологиосъя решениос быръён;
  • цифровой технологиос но платформенной решениос улсын, дышетон, регуляторой но инвестиционной механизмъёсты уже кутыса, интеллектуальной собственностья комплексной региональной системаез кылдытон;
  • улосвылъёслэсь научно-технологической азинскемзэс чаклан инструментъёс кылдытон но улонэ пыӵатон;
  • интеллектуальной ваньбурез коммерциализировать карон но Россиысь улосвылъёсын инноваци ужбергатонэз азинтон;
  • улосвыл брендъёсты азинтонъя но соосты утёнъя пайдаё механизмъёс кылдытон.
«Улосъёсын кунмуртъёслэсь улон ӟечлыксэс будэтон понна цифровой среда»
  • цифровой технологиосты азинтонэз ляб тазалыко муртъёслы, нылпиосын семьяослы, арлыдо адямиослы ӟеч мылкыдо среда кылдытонын инструмент чотын кутон;
  • Россиысь улосъёсын улӥсьёслэсь цифровой грамотностьсэс будэтон;
  • цифровой ресурсъёсын тунсыкъяськись муртъёслы юрттон;
  • элькунын улӥсь муртъёслэсь луонлыкъёссэс паськытатон понна нимысьтыз цифровой ресурсъёс кылдытон, со пӧлын мерлыко ужпумъёсты сэрттон-пертчон но выль ужан интыос кылдытон.
«Мынам шаерелэн бадӟым технологической разведкаез» (озьы ик со пӧлы пыртэмын: «Инновациос космосын но авиациын», «Азьмынӥсь производственной технологиос», «Информационной технологиос но робототехника», «Промышленность но энергетика», «Хими технологиос но экология», «„Визьмо городлы“ технологиос но креативной технологиос», «Медицина, биология но гурт возёс удысысь технологиос»)
  • предиктивной аналитикая промышленной предприятиосын промышленной интернетэз уже кутон но бадӟым лыдпусъёсты эскерон инструментъёс но решениос кылдытон но улонэ пыӵатон;
  • выль материалъёсты дасян но соосты промышленностьын кутон;
  • промышленной робототехникая но сенсорикая научно-исследовательской но опытно-конструкторской разработкаосты эскерон, кылдытон но улонэ пыӵатон;
  • кортъёсты переработать карон удысын проектъёс кылдытон но улонэ пыӵатон;
  • музъем узырлыкъёсты шедьтон, поттон но переработать карон технологиос удысын решениос кылдытон но улонэ пыӵатон;
  • энергогенерация удысын решениос кылдытон но улонэ пыӵатон, персональной накопительёсты азинтон;
  • выль хими материалъёсты, неорганической но органической тырметъёсты кылдытон, туала выль хими материалъёс вылэ пыкиськыса, выль продуктъёс кылдытон;
  • музъемез дистанционной амалэн чакланъя технологиос но решениос кылдытон но улонэ пыӵатон;
  • сырьёлы выль источникъёс дасян, «выль сиён», туала селекция кылдытон;
  • выль эмъюмъёс кылдытон;
  • точной диагностической сӧзнэтъёсын, висёнъёсты алон но персональной контроль понна приложениосын научно-исследовательской но опытно-конструкторской проектъёсты эскерон, кылдытон но улонэ пыӵатон.
«Мынам ужбергатон кичӧлтонэ. Улосъёсты азинтон понна креативной индустриос»
  • мерлыко ужбергатонэз азинтон;
  • егитъёслэсь бизнес-кичӧлтонъёссэс азинстон;
  • вашкала калык ӧнеръёсты но сямъёсты улӟытон но азинтон;
  • россиысь калыкъёслэсь историко-культурной кылёсбурзэс утён но сувенир продукциез поттон ласянь тунсыко луись вашкала но шер пумиськылӥсь киужъёсты но технологиосты улӟытон.
«Транспорт. Мынам шаерелэн сюрес герӟетъёсыз»
  • автомобиль сюресъёсты лэсьтон технологиосты азинтон но сюрес но инженер инфраструктурае выль разработкаос пыӵатон;
  • улосвыл но интыысь сюресъёсты проектировать карон но лэсьтон, рентабельностез но экономика ласянь пайдалыксэ лыдэ басьтыса;
  • гуртъёсысь сюресъёсты калыклэн самообложениез чотын лэсьтон;
  • транспортной подсистемаосты кылдытон, кудъёсыз уже куто выль технической но технологической решениосты, со пӧлын Сибирьысь, Дальней Востокысь, Россия Федерациысь Арктической зонаысь ӧжыт азинскем интыослэсь географической но природно-климатической аспӧртэмлыкъёссэс лыдэ басьтыса;
  • транспортной инфраструктураез азинтон чотын Россилэсь огъя транспорт пространствозэ кылдытон.
«Мынам выжыосы»

Кивалтэт

  • Дмитрий Турлаков — «Мынам шаере — мынам Россие» вожвылъяськонлэн исполнительной дирекциезлэн кивалтӥсез[9];
  • Лариса Пастухова — научной руководитель, «Мынам шаере — мынам Россие» вожвылъяськонлэн концепциезлэн авторез[10];
  • Галина Сорокина — «Мынам шаере — мынам Россие» вожвылъяськонлэн экспертной дэменлыкезлэн координаторез[10];
  • Владимир Берестецкий — «Мынам шаере — мынам Россие» вожвылъяськонэ пыриськемъёслэн Ассоциацизылэн координаторез[10].

Валэктонъёс

  1. ↑ 1 2 «Моя страна - моя Россия» - Всероссийский конкурс [ӟуч]
  2. ↑ Проект Всероссийский конкурс "Моя страна - Моя Россия". [ӟуч]
  3. ↑ 1 2 3 4 5 6 Положение о конкурсе "Моя страна - моя Россия"
  4. ↑ 1 2 3 Путин: проекты на конкурсе "Моя страна - моя Россия" показали большой потенциал молодежи, TACC (08.06.2019). Эскеремын: 7 пӧсьтолэзе 2025 арын.
  5. ↑ 1 2 Всероссийский конкурс «Моя страна — моя Россия» открыл прием заявок на новый сезон, Lenta.RU (04.03.2025). Эскеремын: 7 пӧсьтолэзе 2025 арын.
  6. ↑ Российское историческое общество Конкурс проектов по развитию городов и сёл «Моя страна — моя Россия» открыл приём заявок - Российское историческое общество
  7. ↑ Победителей конкурса «Моя страна — моя Россия» объявили на ПМЭФ, Взгляд (17.06.2023). Эскеремын: 7 пӧсьтолэзе 2025 арын.
  8. ↑ Моя страна – моя Россия
  9. ↑ Моя страна – моя Россия
  10. ↑ 1 2 3 «Моя страна - моя Россия» - Команда проекта [ӟуч]
«https://udm.ruwiki.ru/w/index.php?title=Мынам_шаере_—_мынам_Россие&oldid=506797»-ысь басьтэмын